中二學生不懂讀小學的生字

ChiChiPaPa

原文章由 awah112 於 08-1-14 17:22 發表


ChiChiPaPa

我希望用one parent one language，但用起上黎好困難，因為我太太唔識廣東話，所以在溝通上，同一件事經常要翻譯一次。
有朋友(社工，教師)話應該先學好一種語言，又有朋友話應該同時教多種語言。之前冇諗過閱讀方 ...

Bilingual kid到上小學應該可以追過其他孩子。我個人的意見就覺得唔應該放棄。

Bilingual kid的問題應該係講野、思考和(語言)反應方面在學前時期不及其他小孩。閱讀就應該冇問題。你覺得他有問題嗎？

csy_ma

原文章由 wunma 於 08-1-7 17:06 發表
好多人都話多閱讀對寫作有用, 我倒覺得不盡對. 女兒從小便喜歡看書, 亦看了不少, 但只看小說和故事書, 不見得她的語文及寫作好到那裹.  所以我相信都要看閱讀些甚麼書才有用, 或許散文會好點.
至於英文書, 她極少看, 成績卻比中文好, 其一原因自然是英文比中文容易, 其二我相信是英文功課及練習比中文多, 亦即是日子有功的關係. 所以, 誰說操練不好? 只要是適量就可以了. 正如有人說抄寫不好, 我發覺小孩經過抄寫後的詞語或vocab, 真的有七成已記了入腦, 未經抄寫過的字就要花多些時間去記, 我情願給他們每組詞抄三五次後不用溫習便入了腦來得更有效率. (抄課文就好無謂)

wunma：

因為冇bookmark到呢個topic，每次搵返入黎，唔知點解都去咗之前既回應度，今日見到您以上個post，諗起之前同您既交流其實唔能夠切入核心，所以回應這個"久遠"既post．

語文考試成績，同真正既語文水平其實唔成正比－－之前我響另一個topic度，貪方便引用咗個類似成績＝水平既例子，就即被wisekid2007釘死 ，我諗慧黠如wunma您，唔會唔明白呢個道理 ．

長遠而言，靠閱讀學vocab較靠抄寫或做習題有效好多，亦係事實．好似我咁，好多經常運用既中文字或者成語，根本唔識讀，就係因為果d字唔係響課堂上學返黎既，而係睇得多，認得，進而嘗試運用既（英文靠拼，可能此現象會少一點？）．不過，呢個要較長時間既積累，唔係好適合應付太心急見功既課程制度／太憂心既家長．

做練習，我都有俾女兒做（雖然深知出雞精書既出版社，以前因為銷書主要靠同學校既關係，所以出手低，寫手通常都係d fresh或者係搵外快既老師，水準參差），但只係做閱讀理解練習，旨在讓佢熟習答題形式．且近年由於市場改變，雞精書既質素亦有改善，佢既閱讀理解，因為內容幾貼近果一年級學生遇到既生活同智力水平，有時都幾吸引．我囡囡，就真係試過我同佢做呢一篇，佢做做吓揭咗去做第二篇練習黎睇故事既情況

－－太長氣了，本來係想同您繼續探討點樣幫小朋友改善寫作技巧，但寫咗咁多"開場白"，真係遊晒花園 ，唔怪得個女做野都係咁唔專心．不過佢響鄰居屋企玩完返黎啦，暫時要收筆了

[ 本文章最後由 csy_ma 於 08-1-15 00:08 編輯 ]

muimui靚媽媽

看完這段新聞後,立即問我中二的仔仔,他說:"這些生字係英文科或IS科都常常出現"。
不是所有事都倚賴學校,老師,教育制度......小朋友自己的學習態度也非常重要。:)

囝囝爸

原文章由 eviepa 於 08-1-13 03:25 發表


囝囝爸：

過獎了。

採用任何的教育工具，若果有好家長配合，總會事半功倍。你囝囝學了公文英數年，達到該機構頂級的成績，聽說這叫做「超三年」吧。也許你沒有親自參與教導，但你和囝囝的親子關係、對他的鼓勵、對他的intell ...

Eviepa:

不想阻礙家長們對閱讀學習的交流.
對你的看法回響, 因篇幅較長, 我在"教育政策"下另開新題講講我的想法..

eviepa

原文章由 wisekid2007 於 08-1-13 21:21 發表
Hi eviepa

As your daughter is already 11 yrs old (correct me if I were wrong), it is not so easy to develop her real interest in English reading if she has not yet developed.  Besides, she is now too ...

wisekid2007

Thank you very much.

eviepa

eviepa

原文章由 囝囝爸 於 08-1-14 21:36 發表



Eviepa:

不想阻礙家長們對閱讀學習的交流.
對你的看法回響, 因篇幅較長, 我在"教育政策"下另開新題講講我的想法..

囝囝爸：

哈哈！和你討論真的有欲罷不能的感覺，這星期每晚都會和我家公主練習乒乓球，時間不多。不過好在"教育政策"的人流較少，可以慢慢來。

粗略看過你的第一篇發表，同意你的主要觀點。但我想，討論過癮之處就是在大致相同之中找出不同之處，互相切磋，把問題越辯越明。

"教育政策"見！

eviepa

csy_ma

原文章由 muimui靚媽媽 於 08-1-14 21:35 發表
不是所有事都倚賴學校,老師,教育制度......小朋友自己的學習態度也非常重要。:) ...

不過，校風、有冇佢鍾意既老師，其實都幾影響一個小朋友既學習態度－－假如冇一個有智慧／智慧唔足以抗拒向分數看大潮既家長的話．

csy_ma

原文章由 wunma 於 08-1-11 15:46 發表
妳女兒學校的做法, 有點像我女兒的學校.

我的兩名, 大果個聽話勤力, 受傳統學校的影響, 對自己要求愈來愈高, 嚇怕了我. 現在輪到細果個, 在教導上我放鬆了許多. 她天生好逸惡勞, 學校水平不高, 輕輕鬆鬆的便能考到 ...

wunma：

您個囡既能”輕輕鬆鬆的便能考到滿意成績”，仲想點？ 又話唔要求子女考得好top既？

以下既分享，係個人既經歷同體驗，我可能近似您細囡多d，但果方法，又可能俾您大仔實行會work d

近排，我煲緊ChiChiPaPa個blog，成日留下盗版宣言俾佢，既然呢個講題都係佢開既，不如就由佢既分享講起？

佢話：

根據一些專家的說法，如果要孩子的語文好，應該集中看同一位作家的著作。孩子在不斷重覆看同一樣的寫作風格時，就會吸收到部份的寫作風格和詞句。看得太雜，太多不同的作家，反而較難吸收。

（摘自http://www.baby-kingdom.com/?uid-35057-action-viewspace-itemid-10515）

幾認同佢既講法．假如你欣賞一個作者講某樣，假如條件許可，都會好自然搵佢其他野黎睇．呢樣野，假如有家長指引，自不然最好．但青少年好多時都係狗仔，又當自己父母係阿崩，只會愈叫愈走 ．假如佢迷上既作者你唔係好欣賞，咁點算呢？

我之前既分享，都表達過類似既憂心．諗深一層，自己或者身邊朋友都試過，鍾意一個作者，由佢寫字既節奏、句式，抄到思考方法，虔誠度足比追星族．後來隨住年紀或者識見漸長，就會揮慧劍，破偶像．之後，可能又會搵過另一粒星黎追（咁至好，成長期唔能夠踩住前人既膊頭上，蝕底好多）．在破同立之間，年輕人就好似蛻皮既蛇一樣，心胸同眼界既容量，都會大咗．

不過，就個人經驗，呢個唔係最有效既辦法，本人之最係乜？待續．．．

csy_ma

續：

又諗起d話題外：海明威被人問到，佢認為自己有乜重要因素令佢可以寫得咁好，佢答曰：不快樂既童年 （對比起眾多諾獎得獎者，海明威唔算寫得太好，不過佢既文字真係唔錯，淺到連我都識睇  ）

之前都同Eviepa分享過，我成長期係父母放牛牧草，幾乎冇家長指導（雖然老爸都寫字，大個咗有機會搵返黎睇，發現就算係放牧，原來真有隱性遺傳呢家野！行文節奏同風格都真係幾似－－類似既事例，寫《東京塔》既洋名日本作者都講過，我諗囝囝爸都唔駛咁擔心不愛閱讀既囝囝  ）．讀中學既時候，閱讀量可能係其他同學仔既倍數，但中文作文成績唔見得好:loveliness: ．

好彩，有位同學寫文成日貼堂，仲曾經響學校既作文比賽中，贏過早十年八年曾經幾紅吓既才女添 ．
（當時我懵懵吓，呢件事，都係畢業好多年後同學講返出黎先知．據同學憶述，才女果時已好有而家既處事風格：佢唔知響邊度搵到同學個屋企電話，打去俾佢，然後逐段文章玩對質，話邊邊邊度我寫得好過你，你憑乜贏咗我－－假如我個囡將來好唔好彩戀上咗佢既文字，我諗我會偷偷地  ）（又響度偷偷地唱人添 ），

佢咁啱同我ok熟，所以我成日借佢d文黎睇，仲會借埋其他同學既比較吓，睇吓寫同一個題目，大家會有乜唔同，點解我個開朗兼擅於表達既同學，寫文效果會好我咁多？多睇，用自己個腦諗，自然可以吸收到d野．

同類既例子，亦可見諸於我另一個經歷：

剛出黎做工匠學徒時，我曾經走去上平面設計既夜間課程．通常，d老師由第二堂起，就唔花時間講咁多理論，剩係會將全班同學既功課擺晒出黑板前面，然後逐張評，逐張俾分．

老師好openmind，佢會鬧我地仲乜唔去多睇電影："垃圾電影都要去睇，你梗會搵到一兩場係值得參考既，我近排......"，所以，評功課都用咗好多唔同既角度．

夜校既野，不問資才來歷，有教無類．雖然話老師根本唔會記住你交唔交功課，不過我因為受唔住勁多既功課壓力（每門每次交5-10張作品，一個禮拜又唔止一門課），又只為同工作有關先想學，冇天分，冇滿足感下，好快就放棄咗．但係我曾經讀果間學校，後來都出咗幾多名設計師，可見間學校既教法，都幾有實效 ．

[ 本文章最後由 csy_ma 於 08-1-15 05:46 編輯 ]

csy_ma

再續：

不過最睇到效果既，都係到大學時同同系同學搞練筆會，每兩個到四個星期左右，互傳文章，並互相俾回應．縱然果陣時我地其實需要做幾多評名家名作既功課，但係自由題既交流同互評，學到既野似乎仲更多

當然，我響內地讀大學，近乎封閉式既環境，唔會好似香港d大學生有咁多錢要去搵，咁多k要唱，咁多劇集要煲．果時年代淵遠，互聯網仲唔係咁發達，校園生活，除咗聚埋一齊煮野食外，就係睇書，傾偈．同學來自各地，背景亦好有差異，咁樣激起既火花，自然就會大少少．
但係，響而家呢個年輕人玩blog玩到好耍家既年代，上述方法可謂本小利大，因為：

1. 學名家，或者如鸚鵡般評名家，你睇佢既角度，多半係仰視．你對佢地既感覺，可能已經俾你以往睇到有關佢地既評論呃咗，諗出黎既野，其實唔係出自自己內心既感受，咁，只係間接學習．
（請參考ChiChiPaPa個blog既http://www.baby-kingdom.com/?uid-35057-action-viewspace-itemid-10455）．

2. 評同輩，好處係佢地唔係死人或者遙遠的他，你講得唔啱，或者唔全面，佢即刻會生蹺蹺咁出黎駁你，情況就一如上bk個討論區一樣．
因此，當你咁玩法時，要多留心，多觀察，自行分析，仲要"時出時入"，有客觀抽離亦有主觀代入－－呢d練習，都係佢地日後寫下"獨家料"既不可或缺既訓練．

寫互評仲有一個好處，就係唔會知道劇情會點發展，會游到邊度．就好似囝囝爸同Eviepa既大戰咁欲罷不能咁 ．寫時，既充滿警戒心，亦載滿期待同猜測 ．咁樣，就好易有投入感繼續寫落去 ．

3. 另外，雖然係自由題．但隔一兩個禮拜至交一次貨，件貨，其實係總結緊你響果段時候吸收d乜野野既report．假如你囝囝有少少競爭心，都可能幾有心理壓力 ，進而就會好積極咁開動腦筋．

4. 最後一個好處，唔好意思，都係要套用其實我都唔係好識既文學理論：期待讀者（因為唔係好記得係出自邊個既，所以亦查唔到英文原文既字同定義）．就中文字面來理解，期待讀者，就係指你寫字既時候，預設既對象係邊個．
同傾計一樣，你心目中對話既對象唔同，講說話既語氣同角度都好有分別．一般黎講，期待讀者既水準愈高，寫出黎既野水準都可以高d．假如寫字者睇唔起期待讀者（俯視角度），寫出黎既野，水準亦唔會高得去邊．

不過對於正處成長既年輕人，期待讀者如係需要尊敬既長輩，寫野要仰視，伸唔直條腰，未必能種出自信．平視既角度，或者望高少少，可能會引出寫字者最好既意念．
就好似你同相識已久既熟朋友一樣，彼此都熟知，冇必要戴假髮、化好妝至相見一樣－－對己真誠，係寫好文章幾必要既條件，但青少年未必識得呢樣咁累人既照鏡動作，靠同輩既瞳孔照出自己，搵出路向，係佢地既需要同必經階段，亦係點解呢個時期咁看重朋友既原因．

其實，成長期多與同輩交流，縱只係用言語，亦大助磨利腦部觸角．而思維角度，又正正係寫好文章既最重要板斧，單單係呢樣野，我諗wunma都要諗諗，盡快搞個blog黎俾囝囝玩吓

[ 本文章最後由 csy_ma 於 08-1-15 03:33 編輯 ]

eviepa

原文章由 wunma 於 08-1-15 10:15 發表

囡囡學校水平一般, 佢唔使點盡力, 便考到前十名, 這樣我怕佢懶惰成性, 上到中學, 要靠自己成績就一落千丈, 我情願佢態度積極點, 勤力點, 成績反而達標就得.  

wunma,

放心啦，我個女都好似妳個女一樣咁懶惰成性，不過，在青春期前開竅的小孩只佔很少部分，其他的都只會主動做「喜歡做的事」，而不是「重要的事」。有妳這個媽媽，到了青春期，我擔保佢自動會開竅。

其實，在兩個小朋友中，有一個在少時已開竅的已是遠超平均值了。

eviepa

csy_ma

原文章由 wunma 於 08-1-15 10:15 發表
都知自己表達得差, 驚人以為我哂命.

囡囡學校水平一般, 佢唔使點盡力, 便考到前十名, 這樣我怕佢懶惰成性, 上到中學, 要靠自己成績就一落千丈, 我情願佢態度積極點, 勤力點, 成績反而達標就得. 最諷刺既係, 個仔係 ...

wunma：

因上次我對跟您討論可如何改善小朋友中文寫作水平的答覆頗有遺憾（那時所介紹的施叔清與阿城對談，和至今仍未把書找回的海明威談創作所述的寫作規條，是以前向相熟的有需要同事介紹的文章．施文講的是文字更是境界，可能不適合中學生，具體易明的刪和添規條，我卻至今未找到 ），所以把個人認為最有效的同輩刺激講詳細一點．

可能真是太長了吧？長得，把最想表達的訊息也淹了．給您的三個回應，套用ChiChiPaPa的多看同一位作者，是第一步，我想，高小已可實行．看同輩的文章，是第二步，初中大概會有所穫．但個人的經驗，在探求知識階段，確實是從認真看、認真感受和審慎作出評語的互動中最受益，以現在網誌的流行度，高中生實行應毫無難度，所以積極推薦．

希望您不因我寫得太長、太散，兼有點虛，突略了我想說的．假如您囝囝聯同同學開blog，請告訴我那網址，挺有興趣看看現在的年輕人怎樣看事．

另外，也要謝謝您，和各在bk中引發我思考的人．假如沒有您的問題為楔子，我想不會認真地整理思維．這段引發我在網上東拉西捉寫大一段的日子，讓我好像重回校園一樣，急不及待地看人出招，這位說得有理，那位所言不差，大學時相互討論，相互吸收的有趣時光，竟在這裡重溫 ，怪不得虛擬網海竟可令人沉迷．

兩爸大戰又過招了，還是趕快溜了吧．

補充：ChiChiPaPa那兒，還有對小朋友由擴句轉到縮句練習的感受，深表認同．您囝囝會每隔一段時間，就把以前的文章翻出來看的習慣嗎？如沒有，請誘導．學曉觀察，對象應由自己開始，理解了自己，應可以跟自己更平和友善地相處吧？到時可能會減一點加諸己身的無謂壓力

youma