這個小女孩太厲害了，她父母到底怎樣教的呢？

小時了了

回覆 MNIF 的帖子

嗯! 我又無所謂您嘅動機係咩野, 但經您提議, 我呢個暑假會俾阿女背老子道德經, 我未必要阿女背晒, 權宜之計我 shortlist 一啲常見及阿女比較易明嘅來背. 尋晚阿女開始背道德經 第8章. 哈! 阿女可能真係睇書多, 對 "上善若水" 呢 4個字話睇過.

道德經 第8章: 上善若水。水善利萬物而不爭，處衆人之所惡，故幾於道。居善地，心善淵，與善仁，言善信，正善治，事善能，動善時。夫唯不爭，故無尤。

道德經 第78章: 天下莫柔弱於水，而攻堅強者莫之能勝，其無以易之。弱之勝強，柔之勝剛，天下莫不知，莫能行。是以聖人云：受國之垢，是謂社稷主；受國不祥，是謂天下王。正言若反。

道德經 第76章: 人之生也柔弱，其死也堅強。萬物草木之生也柔脆，其死也枯槁。故堅強者死之徒，柔弱者生之徒。是以兵強則不勝，木強則共。強大處下，柔弱處上。

道德經 第81章: 信言不美，美言不信。善者不辯，辯者不善。知者不博，博者不知。聖人不積，既以為人己愈有，既以與人己愈多。天之道，利而不害；聖人之道，為而不爭。

道德經 第12章: 五色令人目盲；五音令人耳聾；五味令人口爽；馳騁田獵，令人心發狂；難得之貨，令人行妨。是以聖人為腹不為目，故去彼取此。

道德經 第45章:大成若缺，其用不弊。大盈若沖，其用不窮。大直若屈，大巧若拙，大辯若訥。躁勝寒靜勝熱。清靜為天下正。

小時了了

MNIF 發表於 16-7-12 14:49
論語雍也篇第六，子曰：中人以上，可以語上也.，中人以下，不可以語上也。
道德經四十一章，上士聞道，勤而行之；中士聞道，若存若亡；下士聞道，大笑之。不笑不足以為道。
這兩本書内容大致都是解釋「易經」嘅道理，一本係簡易版，一本係進階版。
書都有層次分，何況人....
易經云，天行建，君子自強不息咪就係論語學而篇第一「學而時習之」囉。
西游記三個徒弟叫悟空，悟淨，悟能.相同之處係有一個「悟」字
最後只有悟空同唐三藏能成佛，一個悟字何等重要。覺悟啦，朋友。

shadeslayer 發表於 16-7-12 17:20
我亦無質疑過樓主衛道之心。其實要衛道, 收埋唔上Ek就可以。但公開孩子如何了得（不要誤會, 孩子了不起是可喜之事), 但不能詳细講, 講你都唔明, 又上中下人, 真的費解


嘻!嘻! 純個人意見, 真係不喜勿插, 不喜勿插, 我份人面皮好薄.

如果背經嘅其中一個比人優勝地方係當同人"舌劍唇槍""口舌之爭"時, 可以好似MNIF咁引經據典, 確實令人感到有 "文氣", 有"氣質" 嘅.

令我諗起中國領導人及外長好多時公開演講都會夾雜一兩句古文或詩詞, 如果唔識古文或詩詞, 都真係未必知世情, 唔知中國領導人及外長表達緊啲咩野國情及國策啊!

shadeslayer

原帖由 MNIF 於 16-07-13 發表
我都好多謝你將此文推到咁高，帶俾大家輕鬆一吓和知道讀經典的好處。又有機會作show,再補充一吓，我最欣賞 ...

咦, 又左閃右避, 唔講得孩子如何思维不同咁巴閉, 又唔講得家長如何見識過人。即信你無死, 不要問, 問左不會答, 答左不會明。欲得神功, 唯有PM大師, 使點錢, 攪定。手快有, 手慢無。

shadeslayer

原帖由 小時了了 於 16-07-13 發表
本帖最後由 小時了了 於 16-7-13 10:23 編輯

MNIF 發表於 16-7-12 14:49

引经據典都要切合內容, 意思最重要。

little_yolky

IloveJJ 發表於 16-7-13 10:43
你好!
我贊同你呀！
「我提倡的辦法與你一樣，首先要大量閲讀、廣汎閲讀；其次要讀經典，而且要精讀，最好 ...

任何版本都無所謂, 因為只係背原文, 唔係背改編既白話。時間唔夠又想背, 幼稚園就背三字經/弟子規, 大咗, 即小學, 就背論語。因為論語有教做人態度、修身, 但又無老子咁難做, 叫做比較貼地。態度好, 其他事自然事半功倍。再大D如果小朋友仲肯聽你枝笛, 即中學, 就背文心雕龍及典論論文。不過, 如果唔鐘意文學就唔駛咁煩了。



當然, 有時間係背越多越好, 唔同既體裁同種類, 亦多讀有益。

MASAYA

little_yolky 發表於 16-7-13 12:59
任何版本都無所謂, 因為只係背原文, 唔係背改編既白話。時間唔夠又想背, 幼稚園就背三字經/弟子規, 大咗,  ...

但我覺得現代人就係重儒輕道，變晒質...

小時了了

little_yolky 發表於 16-7-13 12:59

little_yolky  有次朱總引"輕舟已過萬重山"首詩,見個翻譯先生譯完擰晒頭,真係唔知意譯好定直譯好,亂譯真係殺頭都有份。  

little_yolky  但係中國領導人D引經據典,真係譯死D即時傳譯。

嗯! 諗諗下, 我最近有念頭阿女如有機會及實力, 我都幾想佢去內地讀大學 (夢想唔怕大, 我心目中內地三大係北大, 清華及復旦) 了解國情, 點都要背下識下啲古文嘅

內地大學升學資助計劃,香港中學生可以如何申請內地大學
http://www.edu-kingdom.com/forum.php?mod=viewthread&tid=3292716&extra=page%3D2

little_yolky

小時了了 發表於 16-7-13 13:18
little_yolky  有次朱總引"輕舟已過萬重山"首詩,見個翻譯先生譯完擰晒頭,真係唔知意譯好定直譯好,亂譯真係 ...

拿, 你去到真係要做牛後了, 唔好話大家咁老友唔事先通知你, 大陸D學生個學習模式自小同我哋唔一樣, 而大陸既大學係銜接人哋既中學教育, 我哋香港仔香港女入到去, 真係死路一條。再加上個生活文化都唔一樣, 咁細個要上去自己面對, 佢唔一定適應到。

仲有, 你去大陸讀咩科先? 有D科目唔駛一定下下話去三大的, 而且依家三大唔係北清旦, 係北大、清華同浙江大學。其實南方都有好好既大學, 不過要睇你讀乜科。

小時了了

little_yolky 發表於 16-7-13 13:29
拿, 你去到真係要做牛後了, 唔好話大家咁老友唔事先通知你, 大陸D學生個學習模式自小同我哋唔一樣, 而大陸既大學係銜接人哋既中學教育, 我哋香港仔香港女入到去, 真係死路一條。再加上個生活文化都唔一樣, 咁細個要上去自己面對, 佢唔一定適應到。
仲有, 你去大陸讀咩科先? 有D科目唔駛一定下下話去三大的, 而且依家三大唔係北清旦, 係北大、清華同浙江大學。其實南方都有好好既大學, 不過要睇你讀乜科。

有無文科介紹嘅好內地大學, 如中國歷史, 中文之類呢?

我知內地我心目中嘅三大要求都好高, DSE 好似最少要有4以上, 陳 SIr 分享佢身邊例子成績要好標青我心目中嘅三大先至收嘅.

仍然嗰句, 夢想唔怕大呀麻, 想下先, 唔想邊有機會呢!

little_yolky

IloveJJ 發表於 16-7-13 13:43
謝解答。因為我見通常佢係有一句:「學而不思則罔，思而不學則殆」，然後就有故事同解釋咁。咁其實係咪睇呢 ...

唓, 大人版咪又係果幾句, 總之背既係原文果段就得。


不過, 三國、水滸果D, 我哋小朋友一般睇既, 係白話改篇版, 原著雖然已經好淺白, 但小學生未必一定睇得明。有一次C6上網買書唔睇入面試閱, 買咗本漢宮秋原著, 俾我鬧到佢, 嘥晒D郵費。佢仲駁嘴駁舌話我都有買長生殿, 但我即刻俾佢睇, 本長生殿係白話嚟, 咁佢就無聲出喇。

little_yolky

小時了了 發表於 16-7-13 13:42
有無文科介紹嘅好內地大學, 如中國歷史, 中文之類呢?

我知內地我心目中嘅三大要求都好高, DSE 好似最少要 ...

唓, 你想讀中國歷史, 去中山大學咪得囉, 周圍又講廣東話, 探佢都近D。如果係明清史, 去遠D既廈門大學都得, 都係好專既。另外, 文史勁既仲有北京既人民大學, 只論文史排名係三甲內, 入面既國學院, 就專係精英添。清華就唔好啦, 正如你唔會入科大讀文科係咪?

不過, 上述幾間大學唔知本科有無收港澳台生喎, 你自己查下。

MASAYA

little_yolky 發表於 16-7-13 14:23
唓, 你想讀中國歷史, 去中山大學咪得囉, 周圍又講廣東話, 探佢都近D。如果係明清史, 去遠D既廈門大學都得,  ...

民國史呢？

little_yolky

MASAYA 發表於 16-7-13 14:25
民國史呢？

吓, 咁現代, 我讀新石器喎, 等我打聽完再話你知。

MASAYA

little_yolky 發表於 16-7-13 14:27
吓, 咁現代, 我讀新石器喎, 等我打聽完再話你知。

我想知咁忌諱既年代，佢地會教d乜啫

小時了了

little_yolky 發表於 16-7-13 14:23
唓, 你想讀中國歷史, 去中山大學咪得囉, 周圍又講廣東話, 探佢都近D。如果係明清史, 去遠D既廈門大學都得, 都係好專既。另外, 文史勁既仲有北京既人民大學, 只論文史排名係三甲內, 入面既國學院, 就專係精英添。清華就唔好啦, 正如你唔會入科大讀文科係咪?
不過, 上述幾間大學唔知本科有無收港澳台生喎, 你自己查下。

其實, 我可以係邊度搵到分析內地大學資料呢? 妳點解可以知道咁多資料嘅? 我真係一頭霧水呀!

little_yolky

小時了了 發表於 16-7-13 14:38
其實, 我可以係邊度搵到分析內地大學資料呢? 妳點解可以知道咁多資料嘅? 我真係一頭霧水呀!

...

咪因為我讀歷史, 又响呢個範圍做嘢囉。所以見到有人話用大學規格研究過明清史幾年, 好熟悉, 真係............算了, 做人要厚度, 曾經响人哋身上學過嘢, 要知恩銘記。

小時了了

回覆 little_yolky 的帖子

其實, 我真係想知 2016/17「 內地大學升學資助計劃」以下指定的內地大學邊間OK 囉

內地大學升學資助計劃 http://www.edb.gov.hk/tc/edu-sys ... eme_2016/MUSSS.html

2016/17「 內地大學升學資助計劃」下指定的內地院校名單 http://www.edb.gov.hk/attachment/tc/edu-system/postsecondary/policy-doc/pilot-scheme/Pilot_scheme_2016/list.pdf