我的難題

Swy124

我想起碼有試過，比過機會佢，無後悔，我梗係想佢將來讀更好的學校就出來讀，如果佢考唔到，咪屯門讀，其實sunkids 有人事，應該入到，所以老公覺得唔會出去讀，亦因為以上我post 過的原因，interview 黎都冇謂，佢實唔去，亦可能會強烈反對我帶同仔去

creamb

客觀而言，搬出市區的可能性不太大；而到九龍塘區返學來回也要至少2個小時的。我建議可重點考慮青衣學之園，他們的升小成績及在這裡的口碑很不錯，甚至有家長去學之園而放棄九龍塘的名幼；而青衣的車程來回應可減少半小時或以上，相對上應較容易接受。但如果青衣你老公也不接受，就無謂勉強了，集中看看區內的選擇吧！

csksandy

樓主，你地會唔會打算俾小朋友出市區抽小學或考私小直資？如果不會既話，其實係考返屯門元朗合適幼稚園都足夠應付了。多net 可選sunkids, 萊恩，新一代，另外激活，聖彼得都係有口啤多net幼稚園。

csksandy

樓主，你地會唔會打算俾小朋友出市區抽小學或考私小直資？如果不會既話，其實係考返屯門元朗合適幼稚園都足夠應付了。多net 可選sunkids, 萊恩，新一代，另外激活，聖彼得都係有口啤多net幼稚園。

Swy124

回覆 csksandy 的帖子

我想比佢出去考，但屋企人未傾掂數，都但路程問題

csksandy

想將來有能力出去考小學,路程最好少過一小時,考慮青衣學之園和元朗萊恩(YORK姊妹校)~

hedhed

同你老公講考到先煩。
到考到再講：bb咁叻考到，老師都覺得佢得，應該俾佢試。搭車可瞓覺。完

prisca126

出青衣，荃灣接受到嗎? 咁樣會更多選擇。

Swy124

prisca126 發表於 15-7-3 15:14
出青衣，荃灣接受到嗎? 咁樣會更多選擇。

其實仔今年先報N 班，因為N 班同K1好近，所以我已擔心緊K1老公都唔比，N班老公青衣唔制，K ⋯我真係未諗到點同佢拗。佢又話如果仔病，又要老人家接佢返来，其實99已經話太遠唔制，因為腳痛，工人又話唔放心，又話打風落雨點算，因為青衣學之園都要𨍭車

ensy

原帖由 Swy124 於 15-07-03 發表
其實仔今年先報N 班，因為N 班同K1好近，所以我已擔心緊K1老公都唔比，N班老公青衣唔制，K ⋯我真係未諗到 ...

唔坐校車又的確辛苦大人

貝珠

其實你老公好reasonable, 屯門真係太遠。

Tintin926

咪傻啦，一個中車程對小孩好辛苦的，幼稚園有冇需要呀！

sambbc

N班返下區內先，咁細小朋友，堅唔放心返咁遠搭校車。N班我主要要老師有愛心，培養小朋友自理，學下雙語，區內有就選區內。你老公有點好岩，頭暈身慶要接走，都要一小時先可以，作為媽媽的我，實在不忍心。

creamb

既然屋企人咁樣反對，我諗就無謂堅持了！再者，你有冇諗到將來升小會否留番同區？（同區也可能有好小學。）如果係就無謂爭拗了，因為家人的支持是最重要！

fishchow

一小時的車程，對幼稚園生來說，是太長了。上課才3小時，但用於交通和等車就2.5小時，唔化算呀，而且校車費不平。

Swy124

sambbc 發表於 15-7-4 00:43
N班返下區內先，咁細小朋友，堅唔放心返咁遠搭校車。N班我主要要老師有愛心，培養小朋友自理，學下雙語，區 ...

N 班我接受區內，K 班我想試，真是唔 reasonable 嗎？我見我有同事元朗去大角咀學之園

Swy124

即係除非我中六合彩，仲要係金多寶果隻，先可以考慮搬出市區，車程先可以短d ，而且要邀請99同住，而且99 要肯離開住咗幾十年既區域，overall 係憶萬份之一既機會。咁如果我偷偷地同仔仔考咗先，考到再push 老公，又點呢？

Swy124

creamb 發表於 15-7-4 01:03
既然屋企人咁樣反對，我諗就無謂堅持了！再者，你有冇諗到將來升小會否留番同區？（同區也可能有好小學。） ...

其實我想佢出去讀，當然考唔到就另計

legolas625

唉，睇完我只覺得，無咁大個頭要戴咁大頂帽。

咁遠接送大人、細路係好辛苦，好難為老人家，又唔放心工人，你辭職唔做，唔請工人，自己接送咪得囉，做人要得到一樣野，就係要犧牲。

elaineli1110

我都有同樓主一樣問題｡我個仔9月k1，已經考到一間好想讀的學校。我地住北區，間幼稚園唔近鐵路，要讀要8點去到大埔再搭校巴。雖然好想讀，但要個仔來回要成兩個幾三個鐘，我返工都唔想何況小朋友。係可以係校巴瞓下休息下，但小朋友可能有其他狀況，例如大小便等。自己唔忍心要佢咁辛苦！我個仔到宜家都仲要瞓晏覺，小朋友其實好需要休息，更要快樂童年，如果日日都長途返學放學，幾鍾意間學校都大打折扣，亦影響小朋友學習。最後我地揀左間北區幼稚園，雖然有Ｄ可惜，但我相信小朋友作息會好Ｄ，唔會覺得返学好辛苦。呢個係作為家長需要作出的考慮及平衡，學術名氣作息或為小學舖路邊樣係你認為重要。當然我的選擇只係考慮當下的需要，對將來考小學可能無咁好，所以真係要從小朋友所需去考慮。