贏在起跑線......咁終點係邊?

little_yolky

maomaochoi 發表於 14-10-17 13:11
Agree! 我由阿仔4個月大就同佢睇書，而家5歲幾，最鍾意睇百科全書。成日有朋友問我點樣培養小朋友睇閱讀的 ...

哈哈, 英雄所「做」略同。全部都係呢3點。我一直都用好鐘意既Nokia單色芒電話, 收得好清又唔壞, 係我家姐頂我唔住, 換新機時送咗部舊iPhone俾我, 屋企部電視因為太少開, 春天時潮濕壞咗。其實, 成日聽到有人話自己小朋友點叫都唔睇書, 個個小朋友根本就係copy cat, 父母成日揸住本書, 佢哋咪照學囉。

我細囡鐘意恐龍書, 恐龍英文名太難讀, 所以無辦法只好買中文書俾佢。(自我辯解ing)

maomaochoi

原帖由 little_yolky 於 14-10-17 發表
哈哈, 英雄所「做」略同。全部都係呢3點。我一直都用好鐘意既Nokia單色芒電話, 收得好清又唔壞, 係我家姐頂 ...

哈哈，咁我部電視又未壞，不過阿仔以為係畫板，已經畫到花哂😭

我阿仔呢排喜歡宇宙，啲英文深到唔識，我就叫佢自己學用phonic拼出黎，當學英文啦

其實我都由佢睇，就算佢唔溫書都冇所謂啦。次次默書測驗100分又點喎。如果咁計，我都唔知佢係輸定贏lu

MASAYA

little_yolky 發表於 14-10-17 13:01
啊, 原來都係伴讀。我囡囡都係咁, 依家小二, 話攞妹妹本ORT level 4睇, 佢話好好睇, 你話死唔死, 人哋妹妹 ...

點解會死？ORT lv4呀5呀我都覺得好好睇喎

ckh311

原帖由 little_yolky 於 14-10-17 發表
哈哈, 英雄所「做」略同。全部都係呢3點。我一直都用好鐘意既Nokia單色芒電話, 收得好清又唔壞, 係我家姐頂 ...

我囡同你囡一樣，好鍾意睇恐龍書，但d昆蟲呀，車呀d書佢都好like，一d都唔女仔我屋企部電視都係得個擺，因為個囡唔俾開，除咗俾我睇新聞之外。因為我老公成日電話不離手，所以個囡都有睇ipad，但我都要佢有節制，唔係無時無刻都睇，所以個囡都ok，唔會掛住睇ipad，都會話要睇書，有時佢Daddy問佢睇唔睇ipad，佢都say no，所以我諗教識佢道理同唔好過份睇電子產品，佢地應該明白。

longlokma

原帖由 little_yolky 於 14-10-17 發表
啊, 原來都係伴讀。我囡囡都係咁, 依家小二, 話攞妹妹本ORT level 4睇, 佢話好好睇, 你話死唔死, 人哋妹妹 ...

最紧要阿女有興趣肯睇，开始時浅d唔紧要我地一齊努力、加油！

little_yolky

MASAYA 發表於 14-10-17 13:32
點解會死？ORT lv4呀5呀我都覺得好好睇喎

係呀, 真係好好睇, 不過, 我見其他JM人哋幼稚園小朋友已經睇到level 9, 佢小二至睇level 4, 你話羞唔羞家?

起跑遲咗, 唯有發力追。

MASAYA

little_yolky 發表於 14-10-17 13:37
係呀, 真係好好睇, 不過, 我見其他JM人哋幼稚園小朋友已經睇到level 9, 佢小二至睇level 4, 你話羞唔羞家?  ...

唔羞家，唔駛同人比，小學階段我要求佢地睇住自己個態度去行就夠

jumbojet

the journey is the destination

MrBeast

little_yolky 發表於 14-10-17 13:37
係呀, 真係好好睇, 不過, 我見其他JM人哋幼稚園小朋友已經睇到level 9, 佢小二至睇level 4, 你話羞唔羞家?  ...

唔緊要ga, 達者為先ar ma.  況且for local 小學，讀得咁高lev又如何，又幫唔到test exams.  Lev 9 d 句子都幾復雜ga, 其實我真有些側疑咁細係咪真是會睇得明，不過可能只是我未見過大蛇疴蛋姐。
既然佢中意ort，不如順手推舟，就放幾本stage 5在家，睇下自己會不會攞來睇

sugarbun

做父母既憂心, 相信真係無休止, 但去到某個程度, 呢份憂心只可以放在心裡, 點憂心都要放手. 我心目中既終點, 係最終孩子成為一個有責任心, 誠實, 認真, 有獨立思考分析能力既人, 擁有呢D特質既時間, 可以放手比佢行自己既路, 只需從旁協助. 其實無論佢係個點既人都係要放手, 只係安心咁放, 定係一路腳震咁放, 始終孩子是獨立個體, 有佢地自己既路要行.

題外話, 小女既中文確係嚇人唔洗本, 誘導佢睇中文仍然唔成功, 我都唔知點

maomaochoi

嗯，大家一定要放棄越深越好這個迷思。睇書是尋樂趣不是尋知識，你一定要明白呢點，到佢大個，佢有唔明的地方，佢自然會從書本中找答案。書本，從來都是讓我阿仔"抖氣"的方法。

阿仔好細個開始，我就同佢睇OST, 所以佢認識好多字，但這個不是我當初的目的。只是我懶，OST有系統令我唔駛諗。

而家大左，我反而鍾意繪本。成本書幾十頁，都係得少過10隻字。但引發的思考討論，效果係可以好大！由其現在大是大非的時候，我都係用繪本引發佢思考，灌輸應有的睇法。

我發現不喜愛閱讀的小朋友，他們的家長都係有一個迷思，以為閱讀是要識多幾多生字。

記得有一次，阿仔問我"寂寞"點解，我話一個人感覺好悶冇人陪，阿仔話「我唔會呀！悶我可以睇書呀！我唔會寂寞！」

我明白閱讀係佢建立了什麼地位！

大家努力！

sugarbun

回覆 maomaochoi 的帖子

唔係呀, 小女小二, 佢連妹妹3歲果D繪本都唔肯睇我先頭痛

maomaochoi

原帖由 sugarbun 於 14-10-17 發表
回覆 maomaochoi 的帖子

唔係呀, 小女小二, 佢連妹妹3歲果D繪本都唔肯睇我先頭痛 ...

重點有冇伴讀？

Gooblovebb

冇野係絕對的，我覺得愛閱讀固然好，但真是不愛又如何呢?每人興趣唔同，我識有人一睇書就想瞓，但佢都事業好。另有個以前同學仔英文好差，記得同佢練A level oral 時真係..，但宜家佢已係博士，在外國大學做，英文好掂，所以將來如何，真是冇人知。

maomaochoi

原帖由 Gooblovebb 於 14-10-17 發表
冇野係絕對的，我覺得愛閱讀固然好，但真是不愛又如何呢?每人興趣唔同，我識有人一睇書就想瞓，但佢都事業 ...

所以正如我所講，閱讀不是求知識。唔鍾意閱讀當然可以事業有成搵大錢等等，但人格修養心靈滿足是另一樣東西。我只想培養阿仔有問題可以從書本找答案。你諗下，有人用幾十年的經驗，才能夠寫一本書，然後你用一百幾十蚊就可以吸收人地的經驗，幾抵！人，一定有諗唔通的時候，如果可以係書本找到慰藉，多美好。當然，你可以用其他方法達到，但重申，真的不要以為愛閱讀，就能令你學業進步，事業有成。

（另外，培養小朋友愛閱讀真的比較容易教導，坊間大把說道理的故事書，攞住本書同佢講，好過𠲖𠲖哦哦）

maomaochoi

deleted

maomaochoi

有趣，又引發大家討論「贏」「輸」的定義

little_yolky

Gooblovebb 發表於 14-10-17 14:26
冇野係絕對的，我覺得愛閱讀固然好，但真是不愛又如何呢?每人興趣唔同，我識有人一睇書就想瞓，但佢都事業 ...

因為書可以帶給我們很多不同的體會及知識, 所以, 唔鐘恴讀書, 成績差唔緊要, 但最好要喜歡閱讀, 閱讀唔關乎改善生活, 只是一種涵養的培育。家父只讀過小學, 媽媽沒有讀過書, 但家父天天看報紙(以前報紙中文真係好啲的), 媽媽就請家父教識字, 只看報紙大標題。不過, 那個年代, 父母當然不會懂得培養什麼閱讀興趣啦。我只想講, 喜歡閱讀既人, 唔會無文化, 事業好, 搵錢多也可以無文化, 大陸人成日話：無文化, 最可怕。

bobbob

點解個topic講講吓好似離咗題

我覺得18歲都太遲，希望佢高小已經唔洗我理，揀中學有自己理想，作為父母頂多從旁輔助（類似mentoring），唔會左右佢嘅決定，因為我自己都係咁。

MrBeast

乜你地諗到咁復雜，古語有云：書中自有黃金屋⋯