接近1歲但還未識說話, 只識講BB話, 是否正常?

wan_sosin

未夠一歲想佢識講咁多嘢?

我想問你的擔心係...........

怕你個BB唔係神童

sorry!我好似太直接!

origins

真係唔洗擔心，今年三月我仔兩歲，都只係講到好少單字，車車奶奶街街，好少叫媽媽，去健康院見姑娘話發展好似遲左所以要見埋醫生，醫生比玩具問佢野，佢只顧玩手上的車仔，其他野無理無講野當醫生透明，醫生話語言和理解能力delay了半年，排期去大口環兒童醫院做詳細評估，醫生話排四個月左右，叫我等醫院聯絡，但自己心急，揾左機構的語言評估，$800做完評估，言語治療師都話有delay, 咁我自己都覺得有，因為見到同月份的小朋友都講到句子，所以六月開始上個人語言治療班上左四堂，又唔覺有進步，停左，點知停左之後，佢開始講多左野，我又未揾到其實言語治療師上堂，所以我又想觀察下佢先，其實五月時(26個月大)，已經揾左pn比佢插班，返左兩個，七月頭好似突然發力，講多左好多野，我估係學校教佢，和係同學仔溝通時學習的，點知老師話佢係學校唔講野，可以朝九晚四只講一兩句(返全日pn), 老師又話我個仔特別，但又講唔出係咩事，但老師又話唔似自閉，嚇死我。好彩係七月突然發力，一個月已經進步好大，八月頭醫院話有位做評估，個評估好詳細，結果係各方面發展正常，只是小肌肉發展delay左兩個月，無須跟進，宜家十一月，已經講到好多野，句子，對答都ok, 你想佢講少d都難，(轉左校)老師都話佢講野無問題，都主動發達。
所以唔好咁快就擔心，but如果健康院可以refer做詳細評估就更好，政府醫院做得好pro.

brrbaby2007

我想話我囡囡13-14個月已懂得講好多生字，又會a-z，1-10等，但之后幾年下來，而家同期小朋友的說話能力已差不多。

所以我信每個小朋友初段發展有快有慢，最終都是差不多的，所以請relax

kissed_by_angel

My Child started call me 'ma ma' when my chlid get to 2 years old. so don't worry, every kids are different!