直資小學陳守仁 電子書介紹學校

JWKun

直資小學陳守仁　電子書介紹學校
2014-08-14
[星島日報-家長八達通]


        最近多所直資小學開始或即將接受一五學年的小一申請，當中包括聖保羅書院小學、保良局陳守仁小學、基督教香港信義會宏信書院、漢華中學（小學部）、福建中學附屬學校、播道書院等。至於拔萃男書院附屬小學和聖保羅男女中學附屬小學，也在學校網頁上載了報名日期和家長簡介會的舉行時間，前者的簡介會在八月三十日舉行，共有兩場，後者則在九月二日，詳情可到兩校的網頁瀏覽。要注意的是，兩校收報名表的時間均只得數天，家長不妨早作準備。
        

        現時很多直資學校，在招生前都會舉辦入學簡介會，不過Elsie近日就跟保良局陳守仁小學校長楊永明傾開，他說該校今年不會辦簡介會，卻首次以電子書形式介紹學校，家長可以隨時隨地了解學校資料。「今年開始不做admission talk（入學簡介會），因為家長要的只是資訊，所以特別炮製了電子書，讓家長可以隨時翻看。」
        

        近年出生率上升，受歡迎的直資或私立小學，動輒都有上千人報名，而不想營造學額競爭太劇烈的氣氛，也是他今年不辦簡介會的原因之一。「只是簡介會報名，已經使網絡線路中斷，所以希望可以讓家長冷靜些，不想使競爭氣氛變得太劇烈。」
        

        聽楊校長講，今次上載的電子書是全新編製，家長最想知的資料都會包括在內，例如學校願景和特色、語言政策、課外活動等，電子書都會詳細列明。Elsie知道，有的家長參加簡介會，除了是了解學校的課程和特色外，其中一個重要原因，就是希望可以參觀學校，如取消簡介會，家長豈不是少了個參觀學校的機會？
        

        他表示，「學校的線上報名日期為八月十一至二十二日，而提交補充文件的日期則為八月十八至二十三日，家長可以趁這時間到學校參觀。」
        

        講到現時升小情況報名激烈，楊校長就認為如報讀保良局陳守仁小學，他就特別提出三個面試貼士，包括希望小朋友自然不做作、重視英語能力外，今年還會留意小朋友的應變能力。「會設計不同場景，了解小朋友的反應，例如在街上迷路了，或遇上意外時會怎麼做呢？」楊校長補充，面試的問題都是小朋友在日常生活中會接觸到的層面，所以家長不用太擔心。
        

        Elsie亦問過香港輔導教師協會榮譽顧問趙榮德，他說近年直資和私小吸引不少家長替子女報名，除了因為出生率上升外，還因為家長對子女獲派心儀的津貼和官立小學感到沒把握，遂報讀直資或私立小學，增加多個讓子女考入心儀小學的機會。
        

        趙Sir說，如子女想在逾千的報名者中突圍而出，習慣不同的面試模式會較有利。「面試中會有玩遊戲、拼圖、砌積木、考中英文生字、IQ題、聆聽故事答問題、形容圖畫中的內容等；我聽過有些小學會請小朋友拍乒乓球、投籃、跳彈床等等。」
        

        趙Sir認為，家長替子女準備面試，其實可從日常生活中入手。「跟子女多聊天、玩些簡單的IQ題、多讀書給他們聽，也可以請他們答問題；此外，跟他們逛街時，教他們認識不同的事物和名稱，很多面試的問題，其實都只是常識。」
        

        提到不少家長都會同時為子女報讀多所直資和私小，趙Sir直言有些家長報「十所八所」是太多了，報讀三至四所會比較合理。「報十所學校，單是應付面試已是不容易了。」
        

        他分析，小朋友到學校面試，也需要適應，第一、二所面試學校可能屬熱身，到第四所面試的學校，應習慣了面試模式，但如果子女要應付太多面試，相信身心會很疲累，所以家長應了解子女的性格特質，再報讀相關的學校，應該會事半功倍。
       
        
        

Charlotte_mom

原帖由 JWKun 於 14-08-14 發表
直資小學陳守仁　電子書介紹學校
2014-08-14
[星島日報-家長八達通]

我唔會建議報3-4間lor

2009choichoison

原帖由 Charlotte_mom 於 14-08-14 發表
我唔會建議報3-4間lor

三至四間？？ 全軍覆沒點算……… 點可以咁有把握………

HaYi

我仔個時(3年前) 我都己10多間, 有去不到有不中有waiting, 成功率都是6-7成, 而家仲多左好多人同好多是細佬妹, 冇10間就真係不夠.

silvia_ng

Charlotte_mom 發表於 14-8-14 08:25
我唔會建議報3-4間lor

呢個趙SIR不嬲都係時光倒流30年 D 料黎架! 我由呀仔升小學果陣(6年前!!!) 已經唔BUY佢, 但唔知點解D報紙雜誌仲會搵佢答問題囉。

Charlotte_mom

如果3,4間撞埋期, 到時真係笑唔出

hobby

回覆 HaYi 的帖子

如果我有心儀官津的25分, 或者只報最心儀那3,4間直資私小都可以嘅, 可惜最多得20分 .... 不過都只會報最多12間 (有人話多, 又有人話少)

noellechu

我贊成揀3、4 間！
不過係最心儀報3、4間，第二心儀報3、4間、第三心儀報3、4間...

如果吾係根本同大抽獎無分別！

MrBeast

3x4 間

LL222

Charlotte_mom 發表於 14-8-14 08:25
我唔會建議報3-4間lor

現今連二，三線小學都有二，三千人報去爭嗰百鬆D學位, 報「十所八所」是基本要求吧。起碼全軍覆沒都有十所八所門比你去慢慢R呀。

Jane1983

回覆 MrBeast 的帖子

哈哈，真系3x4就差吾多。

maggiejane

嘩, 作為一個亞媽, 我真的有驚無險! 而家覺得自己好唔負責任!
亞哥嗰時報三間, 之後亞妹今年四間
好彩都收咗~

MyAshley

3-4間真的太少, 競爭一年比一年激烈, 今早陳守仁第4日申請已過4千人了

hobby

回覆 MyAshley 的帖子

如果有心儀學校25分, 我自己只會報最想讀那幾間

我識人有25分循道, 又有人有25分沙呂, 佢哋一樣大包圍考直資私校, 佢哋巳經有OFFERS, 但又話唔會俾留位費 (呢樣我就唔係好信), 而跟其他人交流, 現在真係好多呢啲人 .... 難為我連waiting都冇一個, 我只希望佢哋唔好集郵

ac917

原帖由 silvia_ng 於 14-08-14 發表
呢個趙SIR不嬲都係時光倒流30年 D 料黎架! 我由呀仔升小學果陣(6年前!!!) 已經唔BUY佢, 但唔知點解D報紙雜 ...

同意！我5、6年前準備小朋友考試KG，聽佢講野已經覺得佢好out，d料唔掂，估不到今時今日仲有人訪問佢登佢d所謂意見出來

rainbowcov

無錯，趙sir d料又舊又錯，都唔知點解仲有人搵佢做訪問的。

HaYi

因為佢是以前是官校 (LS) 的校長, 同近十年新興的直資私校風冇咩接軌, 所以好難updated.

MrBeast

其實趙sir 都不是無道理，in hind sight, 以我個的資質，神校一定唔得，popular 的直g又唔夠人fight, 只是陪跑，太遠的收左都唔知讀唔讀好，如之前有做足功課我估9-11月個round真是4間ok ga (再加summer 前一兩間warm up).

noellechu

原帖由 MrBeast 於 14-08-16 發表
其實趙sir 都不是無道理，in hind sight, 以我個的資質，神校一定唔得，popular 的直g又唔夠人fight, 只是 ...

其實我勸家長吾好咁諗，原因：

1. 無人知考時小朋友狀態如何，如撞正發燒，連面試機會都冇埋，就算比你in, 狀態都差！又或者報4間有2間撞期要做決擇，果時就真係4-1 得3，3-1 得2！得2間有大d機會，但而家普通學校都2000人報，2間真係危！

2. 雖然好多父母都了解子女能力，但有時低估/高估小朋友都吾定！我覺得吾好有個心態某d叻學校我個細路實吾得於是吾報，你永遠吾知你嘅小朋友潛能如何，可能佢去到因為好中意間學校而出盡力interview 呢！除非你吾buy 果間學校，如果你覺得間學校係好既，做乜吾試呢！

上面只是小小個人去年經驗分享！