- 在線時間
- 796 小時
- 最後登錄
- 24-5-22
- 國民生產力
- 28497
- 附加生產力
- 19151
- 貢獻生產力
- 100
- 註冊時間
- 14-5-23
- 閱讀權限
- 10
- 帖子
- 8368
- 主題
- 277
- 精華
- 7
- 積分
- 56116
- UID
- 1539350
|
本帖最後由 小時了了 於 15-1-2 15:45 編輯
是咁的,今年年初時, 有網友談及小孩學三字經的好多好處. 我份人有好野一定會試吓實踐, 我即刻係網上print三字經文言文, 農曆新年及復活節2個期假間俾小三嘅囡背誦少少 (由 “人之初 性本善… 融四歲 能讓梨 弟於長 宜先知”為止).哈!阿囡由“三字經”開始接觸中國典故, 竟然自己係學校借“廿四孝”漫畫回家睇, 剛巧今年文憑試中文口試其中考試題目考 “卧冰求鯉”及 “黃香溫蓆”, 我同阿囡講今年中學中文口試公開試題目, 妳都識喎!阿囡聽到考呢啲, 佢表現得好有興趣,又話我都識啦!
我見佢咁有興致, 於是投其所好,係連鎖書店買咗幾本漫畫版 “三字經”,“論語”,“孟子”. 再之後我陸陸續續又買咗一堆漫畫版嘅“史記”,“東周列志”, “夏商周”, “春秋”,“戰國”,“西漢”,“東漢”, “古代世界史”,“科學”等書. 真係唔好睇少呢啲漫畫知識書,係母親節同外婆及其他讀中學表哥表姐食晚飯時, 阿囡嘅中國典故及中史都可以同表哥表姐搭到口.更重要的是阿囡依家成日話鍾意中文(白話文及文言文),中史及世史
我係另一帖提及我今年暑假計劃俾阿囡睇巴金,杏林子,朱自清散文.
而我亦有實踐eviepa 網友分享的英文學習方法, 每晚俾阿囡聽,睇及讀Black Cat 系列Audio 英文書,每晚不斷洗腦式聽,睇及讀英文, 英文大有進步. 正如eviepa 曾提及的效果, 小囡的英文口音學足 Audio 書的配音員, 都幾好聽架.
討論區: 高中教育--中文成績帖: http://www.edu-kingdom.com/forum.php?mod=viewthread&tid=2834019&extra=page%3D1
討論區: 升中派位 ----- 其實中小升英中係咪真係會好辛苦?帖 http://www.edu-kingdom.com/forum.php?mod=viewthread&tid=2969717&extra=page%3D6
#12 中學中文係唔同晒,好深層次.....我小朋友小學中文係TOP5,但上到中學就出晒事,雖則合格高DD,但已經同小學兩碼子事,佢已經叫好喇,其他同學成績慘不忍睹....
#13 我果個都係英文好過中文喎;升到中學後,中文同中史係成日扣寫錯字分(少一點一劃咁)反而用英文作答的科目,無乜扣串錯字分,佢覺得中文字仲難寫。
#17 .......一提到中文,通常係最難學好嘅科目,我大囝到而家高中都仲係衰呢科,所以經驗話我知中文絕對不能忽視。所以我細囝好早已經頗重視呢科。
#28 已經中三了,小學英文程度低, 小學時英文成績只是一般,但上了中學後,中文科或中文教的科一直全炒,反而英文教的科目無問題,甚至可以在前幾個 .....
#29 香港普遍比較重視英語,很多中學都會刻意製造很多英語環境,所以只要英文唔太差,升上中學通常都會慢慢進步,達標,但中文就唔同,閱讀理解,詞彙運用,文章,文言文等等都增加了中文難度,亦連帶中史,通識等都會受影響,尤其男孩子一般語文冇數理感咁強,好容易會衰響呢d科。
|
|