超級怕事

littleape0129

我囡而家22個月，佢對好多嘢都好驚。elmo 公仔超怕，連係電視卡通睇都怕。去Disney 又超怕人扮嗰Dmickey. 波波池同D坐嗰D車仔都怕。同佢去買鞋一定唔比試鞋，會喊。縂知D嘢唔係佢平時見開嘅，佢都唔會接受。請問有冇人係咁？我需唔需要擔心？

迷你大人

我個女成3歲去到迪士尼見到D人扮的公仔都吾想，避遠D先得

S.TANG

littleape0129 發表於 12-4-5 00:24
我囡而家22個月，佢對好多嘢都好驚。elmo 公仔超怕，連係電視卡通睇都怕。去Disney 又超怕人扮嗰Dmickey.  ...

我個囝而家2 1/2 YR, 佢1YR時我帶佢去迪迪尼時, 佢都好怕果D公仔人, 死都唔很靠過去, 果次仲係佢生日, 果2隻老鼠想同佢影相切蛋糕, 佢即刻喊. 之後大D, 係街見到D人扮公仔, 佢都驚, (好似賣魚干油果個大頭仔, 佢怕到唔敢過去攞糖食).
到早几個月, 我同佢去OCEAN PARK, 佢一見到果D人扮公仔, 即刻要我抱往, 唔很落地. 又怕去兒童天地入面果個彈彈床玩,

但佢就唔怕同人溝通, 見到小朋友佢會好熱情同小朋友玩, 熱情到成日抱往D小朋友, 又KISS KISS, 攪到好多小朋友都怕咗佢. 尤其係女仔, 佢真係特別鐘意, 成日跟往D女仔, 眼金金咁. 同大人溝通都冇問題. 成日係條街到同D三唔識七既人講嘢同SHOWOFF.

ttrrmm

我的儿子都是超级胆小，胆小到看到小朋友走近都要绕开，读了一年的PN都不敢和小朋友交流。忍无可忍，上周去看了心理医生，医生说他绝对不是自闭症，因为他有很好的眼神接触及懂得SHARE。但是医生说超级胆小，引起社交困难，都需要及早介入。这种孩子往往天生敏感，后天教养上又因家里保护得太好，导致独立性差，不能适应陌生的环境。医生叫我自己先要转变教养的模式，再让孩子去尝试不同的环境，让他多碰点挫折，不要不舍得让他哭闹，这样慢慢就可以克服。如果自身做不到，那就要出外治疗。我也参观了一些治疗机构，不过大多都是自闭症孩子治疗机构，不是很合适。昨天报了朗研社开始为期一周的密集型训练班，然后还想给他做一点音乐治疗，因为我都怀疑他有点选择性缄默症，不过和好几个儿科医生和心理医生提起，他们都很不赞成这样的LABEL。

我儿子还是个左撇子，刚才看了左脑右脑的说法，觉得是否左撇子用右脑思维，真的会和我们大部分人不太一样。

ANNAFRIEND

細膽唔駛驚, 大大下就咩都唔會怕.. 只要唔係有特殊問題就OKAY. 我女女細時超細膽, 對咩都係驚餐死. 係我在家連去TOILET都要跟住我. 我去到邊佢地又跟到我去邊. 在婆婆屋企無數次, 次次去到都一樣驚. 有人黎又驚, 日日都在驚驚驚. 所以咩COURSE我都冇同佢地報. 最初我媽咪都以為佢地有甚麼問題, 我亦曾懷疑她們有特殊問題. 直至到K3我自己湊返, 佢地又大個左. 突然變得大膽好多, 我先開始敢同佢地報COURSE. 今年升小二啦, 冇咩問題呀.  

bugsmummy

回復 littleape0129 的帖子

我小兒年幼時亦好＂麻煩＂。新衫的招牌一定要剪去才肯著；未嚐過的食物不肯食；對紅或克色的食物甚抗拒；唔好話陌生人，見到相熟的親戚在他情緒低落時連叫人一聲也不肯，點樣責罵佢，小兒都唔肯開口，但當佢情緒穩定後佢知道自己唔啱又會補叫人一聲。上他喜歡的興趣班如LEGO或英文班時，佢又會變成另一個小孩，玩得好開心好投入。我唔識左右䐉教法，只能給他多些機會比佢接觸佢喜歡的事物，慢慢讓佢改變。不用太擔心吧！

littleape0129

回復 bubucatcat 的帖子

多謝你嘅意見！其實我都不太明白左右腦嘅發展分別，請指教！你有冇評估地方介紹呢？據你嘅意見，佢只係太 sensitive?! 甘其實會有咩影響？
Sorry, 我問題太多，請見諒。

bugsmummy

可試下比佢參加LEGO班（中文或英文），慢慢讓你小朋友螎入羣體也有幫助。

littleape0129

回復 bugsmummy 的帖子

仲有，佢喜歡玩 flash cards. 最鐘意叫我排好 （not in order), 我問，佢抽番張咭出嚟

littleape0129

回復 bugsmummy 的帖子

Lego 有玩，佢通常喜歡切高佢，或叫我切隻馬比佢睇。佢都鐘意 coloring, drawing, and read books.

littleape0129

回復 bubucatcat 的帖子

咁應該去邊度做？佢都有同小朋友玩，但唔係一齊玩嗰隻玩，我諗呢個年紀未係太識，但佢好鐘意去表姐屋企玩，亦好喜歡去會所。見到人都會同人揮手打招呼 （如我叫佢）。我唔知佢算唔算聰見，但佢已識晒 a-z，數英文 1-30. 記性幾好，字卡D圖畫記得晒，識講自己名，父母名，公婆爺嫲名，等等。我只係唔知點解佢甘怕事，唔知喺邊度做評估好呢。

bugsmummy

請問有冇試下比佢玩啲靚態又要動腦筋的遊戲，如LEGO,看看她反應？

littleape0129

佢而家25 個月，叫做好少少，冇甘怕生。但依然驚 Elmo and barnie 卡通，一見到就叫關電視。佢都係唔鐘意著新衫，新鞋。新嘅嘢都係驚。今日同佢剪頭髮，喊到死甘。游水游過一次就唔敢再去。上 playgroup 成幾個月，都唔太投入，人哋一大班人跳舞，佢都冇跟。miss 拖手又唔比。
我睇到自閉症嘅其中一個 symptom 係唔接受新事物，佢呢個情況，我需唔需要擔心？言語方面，佢絶對冇問題，從 14 個月開始已講單字，而家可講到句子。我有少少擔心，唔知應唔應該帶佢去 check 下。

littleape0129

回復 Glucks 的帖子

有架, 嗰次去波波池, 我直頭入埋去 (冇人嗰時), 但佢都係唔敢入...
去Disney 我都有同 Mickey and Daisy 影相, 特登做比佢睇...
嗰次仲攪笑, 我哋同佢表姐 (4 歲) 一齊去 Disney, 表姐當然唔驚, 仲走埋去 Mickey 度, 佢見 Mickey 抱住表姐, 就好大聲而又驚恐地叫表姐, 好似叫佢快D走咁...

Glucks

littleape0129: 請問佢做你講個D野時,你有無同佢一齊做?