中四比學校踢出校點算?

wi-wi

我好擔心個女, 如果中四成績太差比學校踢走, 仲有咩學校可以捱埋中五或其他出路, 麻煩各位.

wi-wi

thx again & again!^^

virgokaren

祝你地順利啦！
叫囡囡都要俾心機考試，華岡要睇五個學期的成績。
如果真係過去考試，參觀下學校，對課程瞭解多些才決定也未遲。(台灣機票吾算貴，吾中意咪當暑假去旅行囉！)
校內試考好d，可以原校升班，咁咪有兩個選擇囉！
到時報個好消息俾我知，祝成功！

wi-wi

virgokaren,
頭先同囡囡坐低再傾, 佢真係好有興趣, 唔想會考, 自己知自己事, 佢話除音樂自己真係冇咩其他興趣, 我會星期一試下打去學校用我唔咸唔淡既"刨冬瓜"問下, 可唔可以試些考試, 你講得好岩, 再浪費一年真係唔多化算, 好多謝你既意見, thx so much!

virgokaren

原文章由 wi-wi 於 08-6-7 09:43 發表
virgokaren,
呢幾日麻煩晒您幫我搵到咁多資料!^^ 大家唔相識都肯花時間幫忙, 真係好多謝您! 因為你, 我才知道阿囡有台灣呢個出路, 呢兩天我都打電話問香港agent, 佢話年招會係出年二至三月開始, 但可惜藝岡就冇列在 ...

吾駛客氣！
我見你話囡囡成績差，驚升吾到中五至介紹你去這間高中。
我也不知道他們剛好招生。

因華岡是高中，再等一年至去那邊讀三年豈不要花更多時間？
與其在香港捱中五，到時會考張cert又吾靚，不如去讀個高中藝校畢業。(只是我個人見解，華岡在台灣出名的是明星多，並不是什麼超級名校。 )

現時決定是有點急，你們慢慢瞭解過再作決定吧！

你去問的聯招是中五之後讀的，我記得最少要中五畢業後一年才可報考，因為他們招收大學生，最低是入讀僑大先修班，即讀一年先修班以校內成績報各台灣大學，是非常傳統的教學法，一味靠背，雖然入大學不難，但要入top的大學和系，競爭都好激烈。

叫囡囡俾心機考試先，祝佢順利原校升讀中五，咁就吾駛頭痕。

wi-wi

virgokaren,
呢幾日麻煩晒您幫我搵到咁多資料!^^ 大家唔相識都肯花時間幫忙, 真係好多謝您! 因為你, 我才知道阿囡有台灣呢個出路, 呢兩天我都打電話問香港agent, 佢話年招會係出年二至三月開始, 但可惜藝岡就冇列在名單以內 (可能佢唔算大學大專卦我估), 就算中五完左都唔洗咁徬徨, 但係如要在這幾天內作出決定我同先生都覺有些草率, 唯有睇下佢學校點先喇, 我都有問創意收唔收中五, 佢地未覆, 其他學校又唔多知, 最美滿既結局係在香港讀完中五 , 一來話晒都係香港中學畢業, (可能係我兩公婆傻想法者), 二來佢既亞氏保加症令我地好唔放心, 好想有足夠準備先, (驚佢讀讀下兩個月話唔讀走番呢香港, 到時兩頭唔到岸都唔知點算!) 出年考慮去藝岡, 之後返香港希望教琴搵兩餐, 我地就願la!

[ 本文章最後由 wi-wi 於 08-6-7 09:48 編輯 ]

virgokaren

原文章由 wi-wi 於 08-6-6 23:20 發表
virgokaren,
THX.  我今日都send 左email過去學校查詢該日之後會否再招生, 不過就冇提囡囡鋼琴程度, (佢出年先考八級), 希望佢比到答覆我喇! 想問下我睇唔到課程有咩科目同讀幾耐? 仲有一個學期係咪一年or半年?唔知 ...

你入學校個網頁和招生簡章內慢慢睇下，
我之前看過，應該要讀中英數的，或者還有其他科，詳情你問下學校，因為網頁上他沒細列。

另台灣學制應該係分上下學期，即一年係兩個學期。(詳情都係問番學校最準)

乜深圳音樂學校只收十六歲以下咩？
李雲迪得獎時好似吾只十六歲，嘻！唔知啊！無計啦！

如果吾去台灣，可能只有等中學畢業，再專心學琴囉！
識彈琴，教下小朋友，都搵到駛用啦！
或者專攻演奏、作曲，另有一番天地。

wi-wi

virgokaren,
THX.  我今日都send 左email過去學校查詢該日之後會否再招生, 不過就冇提囡囡鋼琴程度, (佢出年先考八級), 希望佢比到答覆我喇! 想問下我睇唔到課程有咩科目同讀幾耐? 仲有一個學期係咪一年or半年?唔知知唔知呢?thx again^^
頭先上深圳音樂學院web site, 原來收16以下讀中學, 冇得諗.

virgokaren

原文章由 wi-wi 於 08-6-6 12:25 發表
唔該晒你呀! 唔講我真係唔知國中畢業即係中三, 尋晚同阿囡提過, 佢當然想喇, 但要21/6過去考試 (如果我冇睇錯), 佢學校23/6期考, 雖然明知佢冇心機考, 但要係21/6親身過台灣, 我心情好亂呀! 想請教21/6之後仲會唔會 ...

wi-wi,

你 / 囡囡識講國語嗎？
不如打個電話去華岡查詢下，
西樂科 (02)28612354轉分機19、38

試下同佢地講你囡囡好想讀，因香港無這類高中。
先寄申請表、成績表和鋼琴八級(最好還有其他證書/獎狀)，
如學校OK，考完試再去台北應考入學試。

試下用誠意打動學校囉！
台灣人都好有人情味，最緊要係去試下，試左吾得都係努力過！

香港果兩間好似兼讀課程咁囉！
係香港，好似只有演藝學院是全日制，但收生成績要求高好多，因是學位課程。

深圳音樂學校(李雲迪果間)，你或者又可以去問下。

wi-wi

唔該晒你呀! 唔講我真係唔知國中畢業即係中三, 尋晚同阿囡提過, 佢當然想喇, 但要21/6過去考試 (如果我冇睇錯), 佢學校23/6期考, 雖然明知佢冇心機考, 但要係21/6親身過台灣, 我心情好亂呀! 想請教21/6之後仲會唔會招生架? 唔該very much...
你比既香港資料我之前都有留意, 麻煩在佢係夜間課程..

virgokaren

原文章由 wi-wi 於 08-6-5 21:22 發表
virgokaren,
唔該晒你的資料, 今日在網上都嘗試找呢間學校資料, 謝謝~都係哥句, 成績太差唔知人收唔收..

自古成功在嘗試呀！
如果你囡囡有這項專長，就吾好晒左佢啦！
華岡雖然和美國julia或國內好多音專無得比，但起碼他是一間歷史悠久，正正經經的學校，仲有得寄宿，學費又吾算貴，你囡囡都十八歲了，近近地去台灣留學都吾錯！
讀完呢間學校都起碼係高中畢業，還可以繼續深造。


香港都有兩間音樂學校，有文憑課程，你都可以考慮下：
香港國際音樂學校: http://www.hkiim.edu.hk/
香港音樂專科學校: http://www.hkmi.net/

[ 本文章最後由 virgokaren 於 08-6-5 23:37 編輯 ]

virgokaren

原文章由 wi-wi 於 08-6-5 22:23 發表
virgokaren,
我有些唔明白, 到底我囡囡入學資格是否完成中五, 因為選科係咪已經是專上課程呢? 似乎佢唔係招高中喎, 可否指教指教, thx..

台灣的國中是中一至中三，即完成中三便可以考了。而且非應屆畢業生都得，學校講明重視學生術科表現，即係成績只要不太離譜，術科出色便合資格。

華岡藝術學校獨立招生訊息
特別注意事項：
2.本校重視學生術科表現，故學科成績僅參酌國中國文、英文前五學期百分制成績，不採計基測成績。


術科考試內容：1.主修60%
副修20%
視唱10%
聽寫10%
2.主、副修項目分鋼琴、聲樂、弦樂(包括古典吉他,不含豎琴)、管樂(含直笛)、敲擊樂、電子琴、理論作曲7組，除理論作曲組外其餘皆由學生各準備自選曲1首。理論作曲考和聲學與即興作曲，當日並附已完成之重要作品至少1首。敲擊組任選木琴選曲1段或小鼓自選曲1首，且當日需自備3份樂譜，供評審老師參考。(報考管樂、弦樂、鋼琴組者，現場加抽考3升3降以內之大小關係調1組上下行音階、琶音，不反覆)。

3.各項考試樂器除鋼琴、木琴、小鼓、電子琴之外，其餘皆由考生自備。

wi-wi

virgokaren,

我有些唔明白, 到底我囡囡入學資格是否完成中五, 因為選科係咪已經是專上課程呢? 似乎佢唔係招高中喎, 可否指教指教, thx..

bikkibikki512

你好利害, 台瀛d料都知道

原文章由 virgokaren 於 08-6-5 02:48 發表


位於台北的私立華岡藝術學校 可能會適合你囡囡。

她可以選讀西樂科
http://www.hka.edu.tw/west.htm#02

以我所知華岡藝校以藝術專科為主，即不是以中英數學科為收生條件，但他是高中，如你囡囡有意，這個暑假前該著手申 ...

wi-wi

virgokaren,
唔該晒你的資料, 今日在網上都嘗試找呢間學校資料, 謝謝~都係哥句, 成績太差唔知人收唔收..

virgokaren

趕快報名~~~~
(click下列)
第二次獨立招生
報名方式
(一)通訊報名(掛號郵寄)：97年5月1日(四)～6月16日(一)(以郵戳為憑)。(註：97年=2008年)

download
簡章下載
報名表下載

※新生入學管道：獨立招生
1.報考資格：國中畢業或同等學力 (應屆及非應屆均可)
2.外國籍考生須具經教育主管機關認可之同等學力。
3.皆無年齡限制
4.全國皆可報名
5.要考術科考試 (請向本校報名，可至本校現場報名或郵寄通訊報名，不接受網路報名)
6.簡章及報名表請至本校網站下載列印
7.成績採計方式為採計國中國文、英文前五學期百分制成績(20%)+術科考試(80%)=總成績，未設任何門檻，擇優錄取

※本校各項費用明細
一、各科學雜費：每學期共約三萬多元左右
二、服裝費約8000元，多退少補
三、修道院住宿費一學期約23000元左右，限女生住宿 (男生部分則必須到一般民宿尋找，由於本校鄰近中國文化大學所以尋找住宿的地方蠻容易的不用擔心，另學務處有部分房東資料可供索取)
四、學生專車一學期約3800元，早上7點於台北車站集合發車。

[ 本文章最後由 virgokaren 於 08-6-5 04:08 編輯 ]

virgokaren

原文章由 wi-wi 於 08-6-3 23:47 發表
多謝咁多位...
virgokaren, 留級唔喇, 阿囡今年18了, 況且佢真係唔仲意讀書..
反而你提及既藝專我稔佢會勁仲意, 因為佢好仲意彈琴, 佢係教會做詩琴的, 但藝專會唔會收生睇成績都好緊架?從哪裡可獲得呢方面既資料呢, 唔該先^^

位於台北的私立華岡藝術學校 可能會適合你囡囡。

她可以選讀西樂科
http://www.hka.edu.tw/west.htm#02

以我所知華岡藝校以藝術專科為主，即不是以中英數學科為收生條件，但他是高中，如你囡囡有意，這個暑假前該著手申請了。

讀得好還可以繼續升讀藝大(台藝大在關渡.靠淡水)
，以前有好多學生銜接入讀文化大學。

大陸也有這類學校，但我不清楚，或者你可以搜索一下。

[ 本文章最後由 virgokaren 於 08-6-5 23:30 編輯 ]

motherlau

我知創意唔太考慮成績,興趣最重要.

原文章由 wi-wi 於 08-6-3 23:47 發表
多謝咁多位...
emmyfok, 地利亞一年前我都問過, 佢而家upgrade中, 學位好緊...
motherlau, 創意我都會考慮, 只怕人家嫌亞囡成績太差唔收.
virgokaren, 留級唔喇, 阿囡今年18了, 況且佢真係唔仲意讀書..
反而你提及既 ...

wi-wi

多謝咁多位...
emmyfok, 地利亞一年前我都問過, 佢而家upgrade中, 學位好緊...
motherlau, 創意我都會考慮, 只怕人家嫌亞囡成績太差唔收.
virgokaren, 留級唔喇, 阿囡今年18了, 況且佢真係唔仲意讀書..
反而你提及既藝專我稔佢會勁仲意, 因為佢好仲意彈琴, 佢係教會做詩琴的, 但藝專會唔會收生睇成績都好緊架?從哪裡可獲得呢方面既資料呢, 唔該先^^

virgokaren

原文章由 wi-wi 於 08-6-2 21:42 發表
我好擔心個女, 如果中四成績太差比學校踢走, 仲有咩學校可以捱埋中五或其他出路, 麻煩各位.

中四踢人出校，真係好無情喎！
同學校傾下，最多留級得吾得？

長遠計，你個女如果對音樂有興趣，捱埋個中五之後，返大陸或者去台灣搵間藝專讀下，或者可以創出新天地哩！