各位好! 在這裡,我希望講吓自己一些唔開心的事.
我BB現在兩歲,在他一歲半時,帶他去playgroup,第一堂,老師己經話懷疑佢係資優兒童,因他成堂都在搗旦,不肯坐定,周圍走,social skills 很差,但叫他做嘢,佢又好快做完,然后攞自己和我的鞋要走;但老師話睇定D先;過了差不多兩個月,情況依舊,每次我就好似儍婆咁追佢,要佢坐定,老師話他有D似自閉,我好驚,因我完全未諗過,而且佢有眼神接觸,又有gestures,又会同人玩,只不過講嘢慢D,同鈡意整古做怪,老師話可以等佢大D去check吓,因為太細個未必check到.
我好驚,就帶他去私家check,那時他一歲十個月;私家那邊話佢唔係好似,但因為佢D behaviour 唔係好consistent (鈡意就聽你講,唔鈡意就唔睬你),所以叫我可當買保儉去政府詳細D check 吓,而且政府排好耐,排得嚟都差唔多.
到了農曆年前一天,去了政府那邊check,嗰衰仔唔知係咪等得耐,定係佢哋用嗰D玩具太沉悶,個医生叫佢坐,佢就跑嚟跑去,攪吓呢樣果樣,完全唔合作,叫佢砌積木,佢砌一粒,就掃晒落地,總之無樣聽話,跟住個医生就指住我話:"你睇吓你個仔,你完全唔識湊仔,佢做每一樣嘢都望吓你,但你完全control唔到佢,大D点算呀,你去上吓堂學教仔啦;你個仔有D自閉特徵,但唔係全部都有,但我唔排除佢係搗旦,佢完全都唔合作,年尾再返嚟一次,再係咁就send佢去兒童精神科."我都唔知点算,只係同佢講唔係呀話,跟住佢比將黃色紙我,話:"你個仔講嘢能力去到一歲,智能去到19個月,其它嘢就跟年齡相若."張紙無寫佢自閉,只係寫社交力弱,專注力弱,跟住就話你去排兼收位或早期訓練啦,而家出去等社工見你,走之前話比我哋知排邊樣啦.
當時我直情覺得係咪攪錯咗呀,佢係曳,唔定,你話佢過度活躍我都仲信D,但你話佢自閉我真係好難信,同埋佢都無做到D test,就話佢自閉和智能去到19個月,点信呀?后來見社工,個社工問我覺得点,我已經喊到豬頭咁,我問番佢,如果係你個仔你覺得点呀,半年之內話懷疑資優,又懷疑自閉,跟住又話唔係,而家又話有自閉特徵,仲話智能去到19個月,你會覺得点呀,真係唔知信邊個好,好lost,唔知点做;然后個社工攞張排兼收位紙,寫住'弱能兒童兼收幼兒中心',另一張早期訓練就寫'殘疾兒童早期訓練',又話咩兒童精神科,喂,大佬呀,作為家長見到會有咩感覺呀,即係話我個仔弱能,殘疾,定係精神病呀,真係好心痛同好難受.
返到屋企真係好難受,係咁喊,都唔知点算好,成個農曆年都係痛苦中渡過,唔知点做;過咗年我再去私家問(因我仔仔在那裡上speech theraphy),佢哋話仔仔應該唔係好似,只係講嘢較慢,但比起最初要有很大進步,佢哋話可以早D比佢讀BB班,或可以上一D training,如我喜歡,可以遲D在那裡同佢做多次assessment.
跟住我又帶佢去李X嚴医生度睇,個衰仔又唔係好合作,但李医生話照我的描述,佢應該係右邊大腦唔協調,可以有D treatment幫佢,我問佢点解會咁,佢話好大机會係我懷孕時太緊張,令賀爾蒙產生變化,而因亞B係男仔,所以夾唔到;我聽到后好唔開心,好自責,其實我生完佢有產後depression,啱啱先唔使睇医生,但係而家直情好似將我打落十ハ層地獄咁,好痛苦.
而家我唯有一邊帶亞仔去上協康會的專注力訓練小組,又去另外一處上speech theraphy,再等李医生那邊可否安排到treatment,希望咁樣可以幫到仔仔,但其實我真係唔係好信政府那邊的result,亦唔係好滿意那個医生的態度.
:cry: |