請指教: 多閱讀仍未能寫出好句子, 文章 - 小學雜談 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 請指教: 多閱讀仍未能寫出好句子, 文章

發新帖

查看: 5936\|回覆: 53	go 請指教: 多閱讀仍未能寫出好句子, 文章 [複製鏈接]

Rank: 5 Rank: 5


	2600

1^#

發表於 17-7-6 13:46 |只看該作者 |倒序瀏覽 |打印

曾看過一些文章, 說可利用抄寫好文章來改善文筆, 有人試過嗎? 有效嗎?
我家小朋友喜歡看書, 不過我發覺平時佢寫句子都未能寫得正確文法, 我無强迫佢做咩練習, 不過我諗緊可以點幫到佢呢?

如果抄寫好文章, 可以令佢加深印象嗎? 因為睇完可能轉眼已忘記, 如果寫一次, 會唔會有呢?

多謝指教!!

Rank: 12


	64163

2^#

發表於 17-7-6 14:15 |只看該作者

PeggieLam 發表於 17-7-6 13:46
曾看過一些文章, 說可利用抄寫好文章來改善文筆, 有人試過嗎? 有效嗎?
我家小朋友喜歡看書, 不過我發覺平時 ...

幾大個? 我阿女由BB睇/聽書到小四, D句子至叫似番個樣。

我唔建議抄文章, 因為小朋友會反枱, 不過, 有佳句就背一下無妨。我會建議有時間(好似依家暑假)叫佢每日寫一兩句句子, 當寫日記。文字一定要多寫, 枝筆至會順。不過, 小朋友經歷少, 有時叫佢寫又可能作唔出, 咁你要引導下, 或睇下平時學校有咩作文題目, 加埋生活經驗, 俾個題目佢寫句子都得。好既作文要先由好句子開始, 作到好句, 就再處理文章結構問題。一步步嚟。

Rank: 9 Rank: 9 Rank: 9


	22831

3^#

發表於 17-7-6 14:30 |只看該作者

請問小朋友幾大？

抄寫文章未必文筆進步，因為小朋友抄果陣，其實未必係「用緊腦」，抄完畀父母就算。同埋有幾多個小朋友真係肯坐係度同你日日抄，畀我都唔制。

都係果句，想寫作好，要多練筆，寫下日記、週記。有時候小朋友寫得唔好／唔夠豐富，都可能係經歷少，例如寫行山郊遊，未去過真係有 d 難寫。今個暑假帶下佢去海灘、郊野公園、鬧市，叫佢望下身邊有咩人、做緊咩。例如行商場咁，行完一層，問下「呢層有幾多間餐廳，食中餐定西餐？」「淨話同你講耶果個姐姐件衫咩色，有冇花紋吖？」「你見唔見到淨話果邊有個小朋友跌親？」呢 d 都可以等小朋友多練習觀察。然後翻屋企叫佢寫下日記，唔好淨係睇佢文法，要睇下內容。文法唔夠，可以慢慢練，就好似做編輯咁，執多幾次文章就通順。內容唔夠，就算有好文法都未必寫到任何文章。

Rank: 5 Rank: 5


	2600

4^#

發表於 17-7-6 15:00 |只看該作者

多謝回覆!!

小朋友來年升小三。

我都明要有好文章先要有好句子, 我都有試過叫佢寫日記, 不過佢似乎無乜興趣寫, 佢有時間情願玩下睇下書, 可能唔想寫字, 或者都唔知寫乜, 講中咗既係可能經歷少, 無乜內容.... 學校唔多作文, 通常長假期先有, 每次作文佢就好辛苦, 唔知寫乜好。

如果我要搵題材俾佢作文, 好似要佢做多份功課咁, 會有反效果嗎? 同埋我怕我都唔識執佢啲文筆, 所以我先諗到抄好文章/佳句, 起碼一定正確先。

如果寫日記, 咁即係我要睇佢日記, 再幫執下? 係咪咁? 但又好似同寫日記違背咗...

Rank: 5 Rank: 5


	2600

5^#

發表於 17-7-6 15:03 |只看該作者

另外, 如果搵佳句, 佢自己睇圖書又唔會識邊啲為之佳句, 或者係我都唔知, 我又無可能睇完先俾佢睇, 咁有咩方法呢? 謝謝指教!!

Rank: 9 Rank: 9 Rank: 9


	22515

6^#

發表於 17-7-6 15:30 |只看該作者

PeggieLam 發表於 17-7-6 15:03
另外, 如果搵佳句, 佢自己睇圖書又唔會識邊啲為之佳句, 或者係我都唔知, 我又無可能睇完先俾佢睇, 咁有咩方 ...

小三, 年紀尚幼, 保持良好閱讀習慣已很好

男定女? 女仔比較願意寫, 男仔較難

如果孩子願意配合, 媽媽可以多鼓勵佢寫, 日記/周記/短文, 形式不拘

樓主本身喜歡寫作嗎?

暑假有好多活動, 例如去完博物館, 睇咗木乃伊, 可以親子一齊寫遊記嗎?

提醒吓佢, 有甚麼形容詞可用? 文章結構?

初期, 可以只寫一、二段

如果孩子抗拒, 我覺得不用心急, 寫作不是人人喜歡

一個人如果喜歡文字, 會好自然地自己記下佳句, 甚至背咗佢, 將來融入自己文章中, 我自己當年係咁, 但講緊初中階段

Rank: 5 Rank: 5


	1458

7^#

發表於 17-7-6 16:14 |只看該作者

little_yolky 發表於 17-7-6 14:15
幾大個? 我阿女由BB睇/聽書到小四, D句子至叫似番個樣。

我唔建議抄文章, 因為小朋友會反枱, 不過, 有佳句 ...

每天寫1-2句佳句，有無例子？我仔小二，叫佢自己諗，只會寫我今天吃左乜乜乜，今天很開心 etc 應點引導他呢？其實佢都睇好多書，但都係寫唔出，用唔返

Rank: 5 Rank: 5


	2600

8^#

發表於 17-7-6 16:31 |只看該作者

MC1128 發表於 17-7-6 15:30
小三, 年紀尚幼, 保持良好閱讀習慣已很好

男定女? 女仔比較願意寫, 男仔較難

女仔
哈哈, 我都無寫作習慣, 所以....

Rank: 5 Rank: 5


	2600

9^#

發表於 17-7-6 16:32 |只看該作者

cowboybaby 發表於 17-7-6 16:14
每天寫1-2句佳句，有無例子？我仔小二，叫佢自己諗，只會寫我今天吃左乜乜乜，今天很開心 etc 應點引導 ...

同我女很相似

Rank: 12


	64163

10^#

發表於 17-7-6 16:37 |只看該作者

PeggieLam 發表於 17-7-6 15:00
多謝回覆!!

小朋友來年升小三。

寫日記係陪養佢寫嘢既習慣而已, 唔駛執。

我之前係咁做：同阿女一齊揀咗一本好靚既日記簿, 我又一本。叫阿女寫日記, 長短都可以, 我又寫工作上既嘢, 然後交換, 大家响對方日記下寫footnote感想/回應/畫畫, 可能係女仔, 佢好開心, 好受喎, 因為係佢同媽媽既特別秘密嚟。

Rank: 9 Rank: 9 Rank: 9


	22515

11^#

發表於 17-7-6 16:39 |只看該作者

本帖最後由 MC1128 於 17-7-6 16:41 編輯

PeggieLam 發表於 17-7-6 16:31
女仔
哈哈, 我都無寫作習慣, 所以....

可以俾啲時間女女自己發揮

我細女升小六, 一向少看書, 作句作文都只是按學校功課量, 沒有額外寫作, 但考試佢又應付到

佢喜歡睇福爾摩斯, 早前有篇作文功課學寫偵探故事,佢自自然然又識得將看過的句子用於文章中

而家多閱讀, 好似練功咁, 日積月累, 一朝爆發出來的寫作功力可能好爆

Rank: 12


	64163

12^#

發表於 17-7-6 16:41 |只看該作者

cowboybaby 發表於 17-7-6 16:14
每天寫1-2句佳句，有無例子？我仔小二，叫佢自己諗，只會寫我今天吃左乜乜乜，今天很開心 etc 應點引導 ...

緊係你同佢一齊睇文章, 然後你揀出嚟, 佢咁細個, 識條鐵咩。佳句唔駛多, 係好既, 一星期一兩句都可以, 佳句係寫嚟參考學習, 唔係用嚟改寫句子。最好日日keep住寫下日記, 每日一兩句就得。返學就改為寫週記, 長D。

可以一人寫一次, 你寫完, 佢睇咗你寫乜, 佢就會大概模仿個內容, 甚至响你寫既內容度, 問個問題, 引導佢寫既內容都得。

點評

發表於 17-7-6 16:44

Rank: 5 Rank: 5


	2600

13^#

發表於 17-7-6 16:42 |只看該作者

little_yolky 發表於 17-7-6 16:37
寫日記係陪養佢寫嘢既習慣而已, 唔駛執。

我之前係咁做：同阿女一齊揀咗一本好靚既日記簿, 我又一本。叫阿 ...

呢個idea幾好, 我都要的起自己心肝寫下先得!!
多謝你 little_yolky!!

點評

發表於 17-7-6 16:44

Rank: 12


	64163

14^#

發表於 17-7-6 16:44 |只看該作者

MC1128 發表於 17-7-6 16:39
可以俾啲時間女女自己發揮

我細女升小六, 一向少看書, 作句作文都只是按學校功課量, 沒有額外寫作, 但考 ...

對呀, 多睇, 然後習慣寫, 咁就無落筆困難症候群, 自然寫作如行雲流水。不過, 肚內墨水要儲, 手上枝筆要練, 家長不能心急。時機到, 就好似食飯咁自然。

Rank: 9 Rank: 9 Rank: 9


	22831

15^#

發表於 17-7-6 16:45 |只看該作者

本帖最後由 1998Ruby1998 於 17-7-6 16:46 編輯

回覆 PeggieLam 的帖子

佳句就唔需要勉強記／背，記得就記，覺得冇用就略過。
睇日記嘅原因唔係幫佢執錯處／句子，係畀你同小朋友一個機會去了解對方點樣睇呢個世界，比如大人見到一個有好多小朋友嘅公園同埋好多老人家做運動，其實個小朋友可能係見到個地下有隻蝴蝶同埋草叢堆有隻貓。好多時候我見到父母帶小朋友行街，個小朋友會係咁搖父母話：「爸爸／媽媽，你睇下果度有個XXXXX」，而好少父母會話：「女女／仔仔你睇下，果邊有個 XXXXX」

透過日記你可以慢慢積累經驗同心得，睇下點樣可以培育到小朋友嘅觀察能力，又或者你發現，其實你小朋友觀察能力好強，但係就唔識得變做文字／唔知道可以寫落文章到。

比如我幾日前教一個升小二嘅小妹妹同一個升小四嘅細佬作文。

妹妹作 “My Birthday”，細佬作 “One Day I turned into an animal”，佢地兩個都係平日學校作文機會唔算好多。教 “My Birthday” 我會用 d 問題誘導下「同邊個一齊慶祝？」「去左迪士尼玩左 d 咩遊戲？可唔可以講畀我聽 XXX 機動遊戲係點架，快唔快架？爸爸媽媽有冇陪你玩？」「個生日蛋糕點樣架？咩味道？你食左幾多？」「煙花係咩顏色？有冇米奇老鼠樣？定係一朵朵花？有冇騎係爸爸膊頭上睇？」

寫 “One Day I turned into an animal”，我問下「你起身有冇覺得個身體好重／好輕？」「屋企傢俬有冇睇落大左／細左？」「照鏡見到自己多左／少左咩？」「有冇出街買野／玩？」「有冇警察出黎想捉你？」「d 人有咩反應？」「有冇一個 Scene 係你利用個動物嘅長處去救人／動物？」

結果妹妹寫到 130 字，細佬寫到過 200 字，好開心見到佢地可以一口氣寫到咁多。其實用 d 問題誘導下，佢地就寫到好多野出黎。同埋起稿果陣佢講我寫 point form。不過要自己諗呢 d 誘導問題的話，則需要比較長時間同埋恆常練筆。呢 d 野急唔黎，唔係話日日背句子、作文就可以寫到。
所以唔緊要，好好利用呢個暑假，帶小朋友四周認識。

點評

發表於 17-7-6 16:53

Rank: 5 Rank: 5


	2600

16^#

發表於 17-7-6 16:52 |只看該作者

1998Ruby1998 發表於 17-7-6 16:45
回覆 PeggieLam 的帖子

佳句就唔需要勉強記／背，記得就記，覺得冇用就略過。

多謝你咁用心既分享, 指教!!
我諗要問問題, 我自己都要去思考下, 不過為咗可以令佢有改善, 我都要落啲苦功先得 !!

就係想襯暑假, 有多啲時間, 試多啲, 睇多啲!!

點評

發表於 17-7-6 16:54

發表於 17-7-6 16:54

Rank: 5 Rank: 5


	2600

17^#

發表於 17-7-6 16:57 |只看該作者

另外, 其實睇啲作文書有無用? 我覺得好似好死皮教人點寫咁...

Rank: 9 Rank: 9 Rank: 9


	22831

18^#

發表於 17-7-6 17:17 |只看該作者

回覆 PeggieLam 的帖子

正如班 DSE 考生考試前夕睇 Last Minute／名師筆記，你覺得有用嗎？真係見仁見智，睇左未必記到入腦，但係都有可能因為睇左果頁而執到幾分。
坊間應該有一 d 小學生範文佳作，可以買黎先叫小朋友計劃一下呢個題目的話，佢會點寫／點發展故事內容（未必要動筆住），然後睇下其他小朋友係點寫，然後話：「試下做小編輯，有咩地方你覺得可以寫得好 d？呢個故事 ending 好似唔係咁好，如果係你寫你會點寫？」先欣賞下小朋友寫作內容，然後先慢慢改文法。就好似專欄作家咁，畀左個內容先，然後慢慢再執，睇下有咩位可以寫得更好。下下開波搵文法錯處，係人都反感啦

想仔女勤思考，作為父母都要以身作則，你肯做第一步，相信不久會有成果。

Rank: 5 Rank: 5


	2600

19^#

發表於 17-7-6 17:20 |只看該作者

1998Ruby1998 發表於 17-7-6 17:17
回覆 PeggieLam 的帖子

正如班 DSE 考生考試前夕睇 Last Minute／名師筆記，你覺得有用嗎？真係見仁見智， ...

講得啱! 以身作則!! thanks!!

Rank: 11


	43230

20^#

發表於 17-7-6 18:40 |只看該作者

PeggieLam 發表於 17-7-6 15:00
多謝回覆!!

小朋友來年升小三。

初初寫日記提一提無問題，短短地跟番學校時地人事感就得，有錯唔好改。小二三小朋友開始有自己主見，可能要tum，又或make it fun n easy，在平板電腦寫，有predictive text唔使記+寫咁多字，間中攞返來看回味一下，不過有risk變打機，ur risk to take.
至於抄文，我就唔會，但可退一步朗讀，金句有些人會抄底，我自己冇，因為從未攞返來睇過。

點評

發表於 17-7-7 09:55

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢