- 在線時間
- 24 小時
- 最後登錄
- 22-6-7
- 國民生產力
- 1
- 附加生產力
- 954
- 貢獻生產力
- 0
- 註冊時間
- 08-4-22
- 閱讀權限
- 10
- 帖子
- 130
- 主題
- 18
- 精華
- 0
- 積分
- 1083
- UID
- 189782
|
仲記得心情緊張到不得了,擔心第二日放榜嘅結果。個個家長都話要準備叩門嘅資料,我只係影印曬需要嘅文件,準備咗相片,郵票,信封,文具,列印曬各學校叩門申請表。不過仲未準備親手撰寫嘅叩門信。當晩不斷update EK嘅資料,瀏覽各學校嘅網頁,點都係瞓唔着,仲計劃定叩門嘅先後次序。
星期六早上,我哋兩公婆決定晏啲先去睇結果,希望唔使排隊。九點左右,同學家長便開始在WhatsApp群組報告各區嘅排隊情況,好多區都要打蛇餅去攞放榜結果。
我哋就同小朋友安安樂樂食個早餐,跟住送埋小朋友去畫畫班。我哋決定唔帶小朋友去接受這個恐怖經驗,兩公婆自己面對可能嘅失敗,調整好心情先去接小朋友放學。
陸陸續續好多家長公布佢哋嘅結果,好多同學都派唔到第一志願,即刻返幼稚園搵校長寫信。
11點幾,真係懷着戰戰兢兢嘅心情走入去派位中心。嘩!竟然一個人都冇,唔使排隊不特止,職員仲好誠懇咁指導我地喺邊度攞結果。職員俾張小一註冊證我嘅時候,我都唔知係邊度睇派咗邊間學校,當佢講比我聽派到第一志願嘅時候,仲要為自己聽錯。今晚,我同小朋友回憶返當日嘅時侯,佢仲記得媽咪接佢放畫班嘅時候,好開心話比佢知派左一間好的學校。
今年嘅家長們,仲有幾個鐘頭,祝願你哋個個都派到心儀嘅學校。希望你哋同小朋友都有一個開心嘅回憶。
每年都會聽到有啲家長係派位中心責怪自己個小朋友唔叻,所以派唔到好嘅學校。其實派位真係同佢地冇關係,唔好將呢啲負面嘅情緒轉嫁落小朋友身上。BTW,同學的家長大部份都可以叩番入心儀嘅學校,叩門過程係好漫長,要有耐心及毅力。加油。
|
|