為家人擔心 - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 為家人擔心

1 234 下一頁

發新帖

樓主: Joanwatson	go 為家人擔心 [複製鏈接]

Rank: 6 Rank: 6


	7004

41^#

發表於 14-3-3 13:38 |只看該作者

我都建議你叫弟弟夫婦帶阿B去參加playgroup，要揀同班差唔多年紀大細既，咪話當係玩囉，帶佢見多d人都係好事，因為佢要知道要同人溝通，唔係困在自己世界，一家有好無壞。

我都是因為參加後，覺得阿仔好多方面比其他小朋友差(我絕不係怪獸家長)，唔到我唔認，因為無理由差太遠、慢太多。我地兩公婆都有返工，為個仔撲黎撲去都辛苦架，我有時好累會喊，但學我老公話齋:"辛苦都要做架。"，好彩佢好支持捱過。就算阿仔其實係唔係a仔，我地一定係幫緊佢，幫佢接觸、適應呢個世界，同人溝通。

呢度好多媽媽都好戥你個姪心急，加油呀

Rank: 5 Rank: 5


	4461

42^#

發表於 14-3-3 14:19 |只看該作者

樓主你真係一個好人, 只是佢地暫時感受不到.

想當年, 亞仔評估有問題時, 我也有幾個月不能面對自己囝囝, 那種自責, 傍徨, 無助, 有時係好難去面對.

回想我都係有家人支持先可走出這困局, 希望, 你都可以幫助佢地一家人走出去, 努力面對

Rank: 3 Rank: 3


	157

43^#

發表於 14-3-3 15:27 |只看該作者

引用：Quote:原帖由+pokey+於+14-03-03+發表從來

原帖由 Joanwatson 於 14-03-03 發表
全對基本上講過一次，見面氣氛已有不同，如果不是怕婆媳爆發我媽都不會要我開口吧，playgroup也是好提議， ...

老師唔會明顯講，但係當一班年齡差不多的小孩在一起玩時，就會好明顯見到分別。

Rank: 2


	40

44^#

發表於 14-3-7 22:15 |只看該作者

回覆：為家人擔心

不好意思浪費了大家的關心結局是壞消息，事情發展到今天家庭聚會，我趁父母揍孫時拉細佬兩公婆談自閉傾向的詳情，兩公婆沒有動氣，弟婦話找過做幼教之類的朋友問過，佢朋友話無擔心需要，因為自閉兒必定會玩車輪，轉轉物體而姪兒沒有，繼而話溝通方面，話姪兒六七個月大前都懂得與人眼神接觸發出bb話與人溝通，而家同人無eyecontact無語言手指指發展慢係家傭造成，我想插咀也不行，最後他們話，月底到健康院檢查就算姪兒發展未達標也不會擔心，因為指標泛指一般小朋友，不能概全，而且佢地話姪兒懂行懂走爬上爬落玩具識玩，沒有智力問題，反叫我們唔好想太多杞人憂天，聽到此心有點痛不知他們天真還是鴕鳥，看著姪兒整晚三小時的家中來回同一路線跑動，自笑自玩皮球（不也是圓，會轉的嗎）真希望是大伯伯娘看錯。

Rank: 4


	669

45^#

發表於 14-3-7 22:43 |只看該作者

勸親人真係好唔易。我都試過。要堅持，同埋同佢哋講，當買個保險，評咗無事咪得個安心，好過第日後悔自己無早些幫個仔，因為排服務都要一兩年！

當年我咁勸親人，佢哋都唔肯即時去貴嘅評估，先去咗協康做幼師評估(當年600)，係知無得排服務嘅。評出嚟係知有問題，我再勸佢哋，花多少少錢排住隊先，到時排到無用咪唔要，好過誤咗個仔。因評咗第一次都接受多咗，就去另一間有得排嘅做評估。最後，都係自閉，都排年多有服務，但好在當時有排到，否則仲耐。

排到之前佢哋都開始接受到，轉到個思想係點盡早幫個仔，所以未排前有密集。現在相比佢當初，孩子好大進步嘞！

我當時無兩公婆一齊傾的，我選擇同至親那個單獨傾，始終面子問題。所以我建議你同細佬再私下傾多次，再鼓勵佢哋去評估呀！

其實當初我都好怕親人覺得我多事，但我同我親人講，你怨我多事我都要堅持勸你，因為訐咗一場虛驚，最多咪俾你話我大驚小怪？我出發點都係當孩子係親人想幫佢。但萬一我唔提出，遲咗先去評而又真係有事，誤咗孩子黃金期，我真係好唔安樂㗎！

到今日，我無後悔過我堅持，仲覺得好彩我堅持，孩子進步我都有功勞㗎！

Rank: 6 Rank: 6


	7004

46^#

發表於 14-3-8 12:06 |只看該作者

雖然我未見過你的姪仔，但你姪仔的情況似乎比我阿仔差，我阿仔大肌肉無問題，得bb話，俾人評為有自閉症狀、整體發展慢，但無沉迷轉車輪、亦無同一路線來回跑。自閉有好多症狀，要綜合黎睇，問題行為亦要睇程度，我覺得叫名唔應、無眼神仲嚴重過玩車轆，因為這樣係唔理人。

如果以前有眼神，而家無左，即係倒退，亦更加要留意，小朋友應該而家大左應該識同人溝通交流、表達自己，醫生話A仔的症狀會慢慢浮現，愈大愈明顯。無錯，發展指標指標是根據統計所訂，小朋友有快有慢，但誤差是6個月，而家好明顯係慢過誤差期。

如果你弟弟夫婦抱住咁的心態，聽唔入耳，去健康院都咁堅持，加上遇上d求其的姑娘、醫生，話觀察下，又會拖到2歲再去健康院，又遲左，排cac又遲左，排服務又遲左。

咁如果佢地認為個仔係咁，係因為工人照顧造成，佢地有咩有打算?　點樣教番好佢? 無人教佢唔會識架，小朋友如果繼續習慣咁既行為模式，會好難改變，2歲無書讀又算，咪繼續自我世界。

Rank: 6 Rank: 6


	7004

47^#

發表於 14-3-8 12:09 |只看該作者

你弟弟夫婦已經無動氣，可能開始接受，大伯繼續努力~~

Rank: 2


	40

48^#

發表於 14-3-8 15:57 |只看該作者

引用：我好明白你弟婦的心情，以我為例，我嫂個仔

原帖由琪寶於 14-03-03 發表
我好明白你弟婦的心情，以我為例，我嫂個仔係典型a仔，在我女還是bb時已經常提點我要留意什麼什麼，我當時 ...

謝謝您的回覆事到如今我都希望對佢地有正面影響潛移默化他們去接受去評估看到私人評估的價錢我想他們不會捨得

Rank: 5 Rank: 5


	1107

49^#

發表於 14-3-8 23:30 |只看該作者

引用：Quote:原帖由+琪寶+於+14-03-03+發表我好明

原帖由 Joanwatson 於 14-03-08 發表
謝謝您的回覆事到如今我都希望對佢地有正面影響潛移默化他們去接受去評估看到私人評估的價錢我想他們 ...

可以排住政府先，有排排啊。

Rank: 5 Rank: 5


	1356

50^#

發表於 14-4-28 09:46 |只看該作者

引用：我好明白你弟婦的心情，以我為例，我嫂個仔

原帖由琪寶於 14-03-03 發表
我好明白你弟婦的心情，以我為例，我嫂個仔係典型a仔，在我女還是bb時已經常提點我要留意什麼什麼，我當時 ...

你嫂個仔即你哥哥個仔，遺傳的機會很大，所以佢果時提醒你好正常

Rank: 5 Rank: 5


	3065

51^#

發表於 14-4-28 10:05 |只看該作者

回覆 Vichang 的帖子

e d 保險都包? 包d 物? 訓練?

新人進場

Rank: 3 Rank: 3


	298

52^#

發表於 14-4-28 12:53 |只看該作者

只要你姪兒返幼稚園, 老師就一定睇得出.
你話冇學校肯收已係警號.
相信佢地其實心中有數, 只係唔想咁快接受.
你已經做晒你可以做既事了.
比D空間佢地, 慢慢接受, 過程真係好痛苦.

Rank: 5 Rank: 5


	1107

53^#

發表於 14-4-28 15:14 |只看該作者

引用：回覆+Vichang+的帖子 e+d+保險都包?++包d+

原帖由 kennyrita 於 14-04-28 發表
回覆 Vichang 的帖子

e d 保險都包? 包d 物? 訓練?

如果有買危疾，患了自閉的小朋友可能有得賠，因為自閉症係危疾一種。

Rank: 3 Rank: 3


	212

54^#

發表於 14-4-30 13:41 |只看該作者

沒有眼神接觸、語言遲緩、沒有溝通動機，這些都是自閉症徵狀，建議早日進行評估及訓練。父母的確較難接受，但也要明白早日接受治療/訓練方能解決問題

Rank: 4


	757

55^#

發表於 14-4-30 14:59 |只看該作者

回覆：為家人擔心

「從未試過拎住奶樽自己飲，不會拎匙食野」...

我細仔依家8個月都識啦！
你姪仔未必係自閉，但可能係發展遲緩，都係唔ok，要正視

Rank: 10


	25913

56^#

發表於 14-4-30 22:20 |只看該作者

chowqv 發表於 14-3-1 03:58
得18個月，又真係好難知。
有自閉症既，就連阿媽都唔會有眼神接觸。
不過快2歲，你不如鼓勵弟婦俾阿b讀下b ...

我个仔9个月大時，有幼稚園老師親戚話阿仔除了父母外，其他人冇眼神接觸，叫我留意
5歲評估輕微asd

Rank: 4


	505

57^#

發表於 14-5-13 11:08 |只看該作者

睇樓主一路以來講嘅野，我都同樣有感受。
我自己有可愛a君一隻，見到弟婦大兒子出生，一路成長，我地都會在whatsapp中談論。因我在外國，她在香港，我冇時刻跟佢兒子程況。
十八個月時姪兒去健康院已是唔合格，姑娘話兩歲再睇。
剛兩歲了，再回健康院，姑娘說認知唔合格。
這些都是在whatsapp講。我知姪兒說話都有迉緩，所以幾為佢擔心。
我同弟婦感情好，我本身三姐妹加弟婦係whatsapp常有吹水，所以我常說我家a君嘅情況。
但friend還friend, 弟弟跟弟婦教仔自有一套，自成一角。我地明白教仔方法五花八門，冇咩錯同對，咁所以就算佢仔家下兩歲有這些迉緩，我都係勸唔郁佢去正視。
我都似樓主一樣，愛莫能助。
我唔知弟婦你有否在這區看，有的話，別生氣我在此說你，你知我千萬個唔願姪兒也是a君，只想你同弟弟正視情況，姪兒現在只係迉緩，就要做點教育功夫。

Rank: 2


	40

58^#

發表於 14-6-20 09:25 |只看該作者

回覆：為家人擔心

謝謝各位的關心這件事我們已不多過問了同弟弟兩公婆之間多了層隔膜幾次都是從母親處得知姪兒情況歲半檢查不及格要見醫生最終排了半年至九個月做評估而且這段日子更安排聽力及腦波檢查我母親不解什麼腦波我上網也找不到資料請問有有經驗的媽媽嗎？

Rank: 5 Rank: 5


	1399

59^#

發表於 14-6-20 10:46 |只看該作者

引用：謝謝各位的關心+這件事我們已不多過問了+同

原帖由 Joanwatson 於 14-06-20 發表
謝謝各位的關心這件事我們已不多過問了同弟弟兩公婆之間多了層隔膜幾次都是從母親處得知姪兒情況歲半檢 ...

其實你都唔洗唔開心，如我所知有得做聽力測試，檢查腦波（可能係照磁力共振），我個女果時係CAC做評估後做的，有兒科醫生跟緊，如你真係想幫佢地，可以上去協康或楊震之類地方，摞d訓練手册比新手家長，有書好過你慢慢揾資料！

Rank: 4


	812

60^#

發表於 14-6-20 12:24 |只看該作者

都極大機會是自閉, 不過父母都唔急, 唔好厚多士, 廢事俾人爆你啦

‹ 上一主題|下一主題 ›

1 234 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢