剛１歲證實發展遲緩（6歲放棄主流，入讀體障） - 特殊教育

Rank: 5 Rank: 5


	1022

361^#

發表於 13-5-13 01:28 |只看該作者

知道佢有進步真好，你最好的母親節禮物！

WinryRockbell

洋房

Rank: 2


	33

362^#

發表於 13-5-30 21:58 |只看該作者

回覆：剛１歲證實發展遲緩(3歲3丁一聲又進步左)

Methy，你好，岩岩今日開始睇到你呢個post，真係越睇我就越灰，因為我對孖女都係發展遲緩，佢地接近6個月條頸先開始有d力，跟住9個月大証實斜頸轉介要做物理治療，d醫生話物理治療師會跟埋佢地未識坐未識轉身果d問題，但結果個物理治療師話轉介信淨係講條頸，所以只可以睇條頸，晒左好多時間，番健康院補番封信，順手轉介去睇體智評估，14個月大去左睇就話大孖得3至4個月程度，細孖有7至8個月程度，跟住社工幫佢地排早期訓練。大孖已經抽過月同照過腦超聲波無問題，細孖就孖孖抽左血話鉀含量偏高，跟住8月至照腦。而家只係keep住一星期去一次醫院既物理治療，每次都係坐波，企，跳彈彈，跟住就走人，完全見唔到成效。而家既情況係兩個都坐到，唔係自已由瞓變坐，係要你整佢坐底佢就坐到，大孖成隻軟腳蟹咁企唔到，細孖要人扶住就企到，但佢自己唔會用手扶野。仲有就係佢地兩個都要瞓好多，幾乎每餐之間都要瞓1至2個鐘，如果唔瞓既話下餐就食唔好，所以無乜時間可以幫佢地晌屋企訓練，更加唔好講帶出街，就算去物理治療都係做到打晒喊露，走既時候一上bb車就即刻瞓晒。仲有第二個難題就係玩具係吸引唔到佢地，你引佢地係會望住你玩，但都唔會伸手拎，只會望住，只係佢地瞓晌床果陣放玩具晌旁邊先會拎。我真係好無助，日日對仙佢地，完全幫唔到佢地，佢地係講野都慢，而家16個埥月，未識叫爸爸媽媽，淨係識“丫”da同ga音...最鍾意就係灘晌度，唔駛郁就最好，到底我而家可以點

aquarius721

別墅

Rank: 4


	548

363^#

發表於 13-6-1 01:34 |只看該作者

阿女15個月做評估，整體慢半年至9個月，個頭超大，所以差唔多11個月先識坐，跟住開始一系列既測試，OT丶PT，私人訓練，開頭太細真係進步好慢，對玩具完全冇興趣，好多野都做唔到。到而家3歲幾，進步左好多，又中意同家姐玩、爭玩具。呢一年講野叻左，我覺得返左S位有好大進步，又慳返唔少，係小肌弱d，冇乜力。老師話佢大肌都未得，起碼佢都可以跑到幾下，我已經好開心。可能你bb仲細,大d會好d。不過一定要Keep住去訓練，可以既話搵埋私人果d。唔好灰心，6歲前都仲有機會追。

歡迎光臨澄澄部落

cowmama22

民房

Rank: 1


	27

364^#

發表於 13-6-2 10:46 |只看該作者

回覆：剛１歲證實發展遲緩(3歲3丁一聲又進步左)

大家好，我剛剛睇到依個post, 仔仔剛1歲，去私人中心評估話佢有感統同低張問題，整體發展都有d慢，我剛做左1個月職業治療。留個言係度，仲努力追緊你地d post, 聽到阿仔有問題真係接受唔倒，但希望有你地一齊同路既家長，互相鼓勵。

Rank: 5 Rank: 5


	2885

365^#

發表於 13-6-7 11:32 |只看該作者

回復 WinryRockbell 的帖子

唔好灰心,小朋友仲好細個。

我阿仔1歲發現有問題,到現在3歲半,歲半先識坐,2歲半放手行，係慢,但係一路進步。

阿仔既情況令我明白到，發展幾時追到，無人知，訓練可以幫下手既,阿仔低張,一歲時訓練佢對腳,好似要佢"死"咁，又喊又尖叫，諗返轉頭,佢未發展到就係未發展到，點迫都無用,但又唔能夠唔做訓練，我相信訓練係可以刺激進步,但唔係3幾個星期就睇到成績的，唔好急。

我阿仔歲半前都唔多郁對手.咪我捉多d佢對手.照input野比佢．唔好以為佢無反應就放棄．佢一直接收緊，不過大小肌差．比唔到反應。我阿仔３歲講野叻左好多，一句句黎，會講返哂我１歲開始教佢既野，原來佢有聽，亦聽到明。

你同時間要照顧兩個發展慢既小朋友，真係好辛苦，不過唔好放棄．每日小小既訓練，可能突然一日出現大進步架。

WinryRockbell

洋房

Rank: 2


	33

366^#

發表於 13-6-7 11:52 |只看該作者

引用：回復+WinryRockbell+的帖子唔好灰心,小朋

原帖由 methy 於 13-06-07 發表
回復 WinryRockbell 的帖子

唔好灰心,小朋友仲好細個。

我而家都有日日晌屋企同佢做訓練，趁佢地食完野未眼瞓既時候做，我問d醫生佢地係咪低張，d醫生話肌肉無得check，只可以抽血驗下，但2個抽完都係正常。我都知無得急，同佢地訓練果陣係一要佢地用力就喊，初頭一見佢地喊我就停手，但而家都會迫佢地練一陣至停，五分鐘又好十分鐘都好，希望剌激到佢地。我都知最緊要係等佢地自己開竅，個個醫生都話佢地乜事都冇，唔會唔識行，但可能要遲少少。其實真係想佢地開開心心咁長大，迫佢地做訓練真係好慘，但唔做又唔得，真係每日都好難過

Rank: 5 Rank: 5


	2885

367^#

發表於 13-6-7 11:54 |只看該作者

好耐無ｕｐｄａｔｅ，要照顧阿女，都幾忙，阿女發展正常，原來都湊得好辛苦，不過係開心既辛苦。多謝大家既關心。

阿仔上星期覆診了兒科，睇腦磁力共震結果，報告正常。佢ｄｅｌａｙ既原因係無原因。

阿仔幼兒園＋E位剛退學了，因S位突然有位插班，阿仔返左一星期，好適應，ｓ位真係ｓ位，老師幫我執阿仔好多野，第一日放學，同我講阿仔搾匙姿態怪，可能因為小肌差，會幫手執下，第一日要阿仔爬上彈床，雖然未協調得好好，阿仔都好盡力爬，亦郁到小小腹肌，彈起自己。等放學時，物理治療師同阿仔企下平衡板。老師會問下阿仔屋企食野情況點，配合返。戒片方面，之前幼兒園其實已經開始左大半年，每日都會濕褲幾條，ｓ位返左幾日，暫時每日只濕一條。

好欣賞ｓ位，除左有個別訓練外，老師配合治療師，將治療訓練融入課堂上，黎緊會有個別言語治療堂＆小組，我就到時間會出席。

阿仔放學係開心既，可能新環境（其實之前暫托左９個月）．新既上堂程序．返全日，又多左大肌訓練．放學好疲倦．回家途中都無咩，但一入屋，就勁喊，好慘咁。不過可能係未適應既關係。

點評

kennyrita oh, 原來你已退學, 之前我囡應同你仔讀埋同一班發表於 13-7-5 14:59

Rank: 5 Rank: 5


	2885

368^#

發表於 13-6-7 12:31 |只看該作者

WinryRockbell 發表於 13-6-7 11:52
我而家都有日日晌屋企同佢做訓練，趁佢地食完野未眼瞓既時候做，我問d醫生佢地係咪低張，d醫生話肌肉無得ch ...

其實物理治療既方法同環境好影響小朋友心理，但如果太細個，唔識聽指令，可以訓練既方式唔多。

醫院物理治療：　治療師按住阿仔係運動球上，練佢腰力．阿仔死命反抗，１５分鐘時間全部係抗爭，大叫。行跑步機，行１分鐘就要走，要不停叫／捉佢行。

私人物理治療師A：同醫院類似，不過以玩具引阿仔去玩，叫做合作。

E位物理治療師：　仔大了、識聽指令。如練腰力．叫阿仔瞓地，係佢左邊比玩具佢，叫佢”吉”高ｐａｔ　ｐａｔ，將玩具係ｐａｔ　ｐａｔ底下，由左手交去右手，再放入公仔箱內，阿仔笑住練。行跑步機有卡通睇，乖乖行足１５分鐘。

雖然話訓練要做，但可以既話，用玩既形式，唔得，要轉其他方法，如果唔係會
攪到抗拒訓練，我仔２歲前，以推拿當全身被動運動；親子泳班．幫佢郁手郁腳，開心有效過日日同佢好ｄｒｙ咁做運動。希望你都搵到合適你同小朋友既方法。

pocoyo123

Rank: 5 Rank: 5


	4461

369^#

發表於 13-6-7 13:14 |只看該作者

回復 methy 的帖子

加油, 當年亞仔返左S位之後, 進步快到我都唔信, 希望你同小朋友一起努力

Hopesforlife

Rank: 5 Rank: 5


	1022

370^#

發表於 13-6-7 19:56 |只看該作者

見到你地小朋友都有進步，我會努力！Methy，知道你囝囝無事都替你開心！乂

新手蝦米

別墅

Rank: 4


	502

371^#

發表於 13-6-13 17:19 |只看該作者

回復 methy 的帖子

我小朋友已3歲幾有發展遲緩問題, 而家仲等緊醫院排期做評估, 一條好慢長的路...

見到你小朋友大有進步, 真係開心, 加油加油

波蘿包1

Rank: 3 Rank: 3


	364

372^#

發表於 13-6-13 23:04 |只看該作者

引用：回復+methy+的帖子我小朋友已3歲幾有發展

原帖由 新手蝦米 於 13-06-13 發表
回復 methy 的帖子

我小朋友已3歲幾有發展遲緩問題, 而家仲等緊醫院排期做評估, 一條好慢長的路...

咁耐先排期？？3歲幾喇喎？？反學未

kennyrita

Rank: 5 Rank: 5


	3065

373^#

發表於 13-7-5 14:33 |只看該作者

回復 methy 的帖子

其實我同你一樣, d功課係我口頭問完佢 (通常都唔識答), 我講過答案佢聽, 要佢跟我講一次, 一係續個答案問佢係唔係, 跟住足佢隻手圈出來。
讀書報告就我要佢坐定定, 聽我講故事 (通常都周圍望), 我講完, 問佢鍾唔鍾意, 佢都唔識答, 份report是我幫佢填, 及捉住佢手油果5格公仔

我問呀囡有無家課，佢都好似唔知咩黎, 亂咁答, 問佢學校食咩早餐, 午餐, 荼點, 玩左d咩野, 有無訓覺, 物都答唔出

佢大小肌都弱, 上年12月尾先學識原地跳, 行路都成日趺, 跑都好似bb仔咁跑, 有時真係唔知點幫佢, cac 都仲排緊評估

(pp. 我囡好似同你仔同一班, 不過我囡讀全日n, 同埋是1月出世, 大女)

新人進場

Rank: 5 Rank: 5


	2885

374^#

發表於 13-7-9 10:40 |只看該作者

引用：回復+methy+的帖子其實我同你一樣,+d功課

原帖由 kennyrita 於 13-07-05 發表
回復 methy 的帖子

其實我同你一樣, d功課係我口頭問完佢 (通常都唔識答), 我講過答案佢聽, 要佢跟我講一 ...

有無打算搵私人做評估+直接排政府服務？等政府CAC,見完姑娘後要再等起碼半年先再見醫生，之後排服務又等。

你講既阿女情況，完全同我阿仔完全一樣。

返左特殊學校一個月，真係變左兩個人，回家話我知：媽媽有家課要交比老師呀。跟住就坐低做，佢好合作，因為份功課係佢能力範圍，係老師用手畫&寫架，唔係電腦印出黎，應該係for我阿仔一個而整，因為佢同學都大過佢，學緊認字（醫生，護士等），阿仔照跟一齊學。反正係認下字，未使寫，佢無壓力。

返普通幼兒園上堂阿仔係on居居咁，但S位就主動舉手答問題，主動要呢樣果樣，佢講野叻左好多，雖然問佢學校野仍然10問9不答，但會突然講：今日老師話咩咩咩。佢情緒好左，無咁大脾氣呀。

S位好多細節位普通幼兒園唔會識留意，例如叫我買件有拉鍊既外套，書包要拉鍊既，等日常多機會比佢用小手肌，等佢覺得唔似訓練，無咁抗拒。

ptu

Rank: 3 Rank: 3


	312

375^#

發表於 13-7-22 16:07 |只看該作者

回覆：methy 的帖子

各位，我一路都有keep 住睇呢版的，知道methy 仔仔一路有進步，真係令我注入唔小正能量，講返自己囡囡，佢都係肌肉張力低，成歲多d先自己座到，接近2歲先放手行，到佢識行，又發現肌肉唔夠力令條腰骨曲左幾十度，政府叫我去大口環跟，做左個腰封俾佢，又硬又厚又唔岩size, 仲要有待跟進，我信唔晒政府，所以都有睇私家脊醫，佢既治療方法西方一點，自然一點，暫時我都偏向脊醫的做法，多行唔，多游水，多train up 返bb 既肌肉，唔係一味24小時靠個腰封cool 實個人，cool 住好似會直左，但反而令bb 更lazy 更唔用力，現在快兩歲半了，叫做行得ok, 係比人易跌，但起碼識安全地座底咁跌，有日無意發現識自己夫住上樓梯，落就未得，識多左指令，例如執返起d野，俾papa, mama, 婆婆，家姐等，但小肌肉都係差，唔識手指指， bye bye , 到現在未有句子，只係得bb 音， papa mama 家家等，現時無n1 收佢(其實有兩間收左但我唔敢俾佢讀), 排緊s 位，見第一志願派到俾12年9月的申請人，我bb 12年11月入表申請，希望明年可以入讀啦！

向度想同各位mama 講聲，我地真係唔好放棄，小朋友要我地支持佢哋，佢哋先會有進步的，大家如果有咩分享，不防多d上來bk 啦！加油呀

chloe_karina

Rank: 3 Rank: 3


	305

376^#

發表於 13-7-23 17:09 |只看該作者

回覆：ptu 的帖子

我囝都係因肌肉低張脊柱側彎，又係戴架，可否介紹你個脊醫比我

ptu

Rank: 3 Rank: 3


	312

377^#

發表於 13-7-23 22:54 |只看該作者

回覆：chloe_karina 的帖子

chloe, 我pm 你好嗎？你仔仔在政府骨科follow 嗎？帶架後現在情況有改善嗎？帶了多久

kennyrita

Rank: 5 Rank: 5


	3065

378^#

發表於 13-7-24 14:11 |只看該作者

回復 methy 的帖子

2013/1 係step 做左評估, 再去cac 排, 但到現在都未有, 話要最少等9個月, 社工幫我排左e位 (我自己揀), 我無諗過選s位喎, 係我心目中s位我覺得是比較嚴重果d讀, 其實我觀念是否錯左呢????

新人進場

ptu

Rank: 3 Rank: 3


	312

379^#

發表於 13-7-24 15:57 |只看該作者

回覆：kennyrita 的帖子

我起初都接受唔到s 位，但當時cac 醫生認為有需要便同時排s 及e 位，排了8個月了 ,呢8 個月bb 進步左好多(當然唔及同年小朋友啦) ，其實到有s 位時我唔知cac 會唔會評估多阿b一次

Rank: 5 Rank: 5


	2885

380^#

發表於 13-7-24 19:25 |只看該作者

引用：回復+methy+的帖子 2013/1+係step+做左評

原帖由 kennyrita 於 13-07-24 發表
回復 methy 的帖子

2013/1 係step 做左評估, 再去cac 排, 但到現在都未有, 話要最少等9個月, 社工幫我排左 ...

我參觀過多間S位，間間cases好唔同，有間整體的比較弱（完全不能吞嚥，坐唔到），另一間大部分能力高（課程比主流仲要深），當初選S位係因為佢最難排，排最耐，其間阿仔入了E 位，加埋上午返幼兒園，一度以為阿仔ok,但幼兒園老師好好，叫我唔好輕易放棄個S位，事實返了9個月幼兒園+E位，進步不少，阿仔由要老師扶入課室到自己行入課室，可惜大部分大肌活動佢都參與唔到，佢開始發呆，呆到我覺得佢咩都唔學，由最初開心返學到後期過唔想返學，我知道學校老師已經盡左力，E位訓練少得似雞肋。

上個月再派到S位，已經返左個半月，阿仔好開心，同班學緊深既字（醫生，消防員），佢能力未到，但都盡力試，最重要佢大肌進步有突破，日日物理治療師同佢拉根，班主任配合治療師，佢日日既運動量係幼兒園既N倍，日日回家都好攰，但係開心既攰。

日程同普通幼兒園差不多，但有治療師參與，一老師對7個學生，阿仔想發呆唔郁都幾難