溫習溫到很激氣!!!

little_yolky

bb鼠 發表於 17-1-3 13:21
咁似我個女嘅⋯⋯
每次衰咗就亞邊個得50幾亞邊個又60幾，我話人地90幾果d你唔講
我都就 ...

真係激到差D暈低咗, 近日教緊時間, 問佢一小時幾多分鐘, 答：60, 一分鐘幾多秒, 答：60。到做功課時, 要減時間, 分鐘要借位, 同小時借一個鐘, 借咗12, 問佢點解, 答：一小時12分鐘。

little_yolky

retriever 發表於 17-1-3 19:34
我講幾句你未必高興，亦幫唔到你手，只為後來者更多思想空間。

大家想想是否細路從小為他們安排太妥當， ...

佢其他事都好妥當, 講一次就記得, 就算係種豆project都識「自己」响月曆mark住邊日要度高度, 就係溫書真係攞咗你條命, 講一百次都唔識, 叫極都唔去做。

retriever

little_yolky 發表於 17-1-5 09:57
佢其他事都好妥當, 講一次就記得, 就算係種豆project都識「自己」响月曆mark住邊日要度高度, 就係溫書真係 ...

姐係佢當讀書温書唔關佢事。。。 "豆" 關佢事。。。



仔係難d上心d.

我都係趁佢細落緊藥，希望佢知道自己為物。

little_yolky

retriever 發表於 17-1-5 10:10
姐係佢當讀書温書唔關佢事。。。 "豆" 關佢事。。。

粒豆去完旅行俾工人姐姐整死咗, 佢張工作紙度高度果欄寫「死」「死」「死」, 然後感想寫：植物需要陽光、空氣及水, 但不可以太多陽光, 因為會枯死。然後畫咗棵嘢未死前個靚樣, 仲用箭咀指住各部份：葉、根、豆(子葉), 葉脈都畫埋出嚟。...............但叫佢做其他功課, 改正都改一半唔改一半.................

200904

其實，真的個個小孩不同。我兩個二年班。整個假期我都沒有要她們溫書，因爲始終二年班，平時又見她們掌握的ok，所以我要做的是，不然她們在漫長的假期太心散，所以keep做學校的網上功課就算。始終放完假，還要過一星期再考試。我怕她們太早溫，除了令壓力期太長之外，也失去了新鮮感。

retriever

little_yolky 發表於 17-1-5 10:15
粒豆去完旅行俾工人姐姐整死咗, 佢張工作紙度高度果欄寫「死」「死」「死」, 然後感想寫：植物需要陽光、空 ...

聽落似乎係幾好既 "生命教育"

功課方面你係習慣跟車太貼❓

改正。。。

我成日同細路講，你任何時間要知道自己做緊物，做既野又為物。

好似"改正",唔係話老師叫你寫三個，你寫完三個就好開心走左去。因為老師叫你只寫三個，係信任同學寫完三個就識，目的係讓你記得。所以你寫完三個要蓋埋書試下自己識唔識寫，仲唔識你十個一百個都要繼續寫，因為改正係為左你識寫，唔係老師叫你寫多三個。

我儘量話佢知，件事為左物，為左邊個。

little_yolky

retriever 發表於 17-1-5 10:28
本帖最後由 retriever 於 17-1-5 10:30 編輯

聽落似乎係幾好既 "生命教育"

我無跟車太貼, 我係突擊抽查, 但次次俾我捉到正。

MrBeast

jessiejy 發表於 17-1-5 09:47
温習中有讚佢做得好、答得好，教佢點樣自己寫main point，但當妹妹回家後(應該係致命點)，又開始啦…… ...

家家有位難搞的B，不過就你所描述，聽落似你是讚個結果而不是個過程和他的努力，可能佢覺得已好努力但你覺得未夠好（事實上可能亦真的是），咁佢做唔到時就易放棄⋯

retriever

MrBeast 發表於 17-1-5 12:02
家家有位難搞的B，不過就你所描述，聽落似你是讚個結果而不是個過程和他的努力，可能佢覺得已好努力但你覺 ...

時間趕，父母係易d更著眼結果多過過程。

除左父母識唔識讚，日常多留白，細路先會感受到過程。

最後都係要細路對過程有engagement,  唔係父母。。。

miujoey

近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有100分, 壓力隨之而來, 昨晚跟囡溫習再做番做過的卷竟然錯了一半, 明明已溫過又錯? 我板起面口, 一團火湧到心頭好惡鬧了幾句, 個囡嚇到大哭, 見到佢好驚係咁叫媽咪,媽咪, 我馬上清醒又內疚抱住佢講 sorry, 個囡好快收聲仲同我講唔緊要, 我地再溫啦媽咪, 果時我已經好想咸.
我問自己我為了什麼, 為了唔想輸? 好驚自己變怪獸   學習是漫長的路, 唔識慢慢學到識, 個個小朋友步伐不同, 我要做的是幫他不是係咁催促他短時間要明白曬所有野
新聞又有小朋友因感冒不幸離世, 好心痛, 有什麼比健康, 比一家人在一起來的更重要, 成績又算是什麼呢   

Jane1983

回覆 miujoey 的帖子

慢慢來，其實好小事，你都睇得通，下次就會冷静d。

MrBeast

miujoey 發表於 17-1-5 12:23
近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有1 ...

雖然我好多理論，但不竟只是人，都會發火，之後也會解釋返係緊張小朋友而唔係真是嬲

MASAYA

miujoey 發表於 17-1-5 12:23
近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有1 ...

小一100分其實冇乜大不了，只要升小前已學緊小一課程，小一100分其實唔少人有。
問題係，返學上課為既係測考100分？定係學習如何學懂學習？如果係前者，外出補習，回校考試，呢個簡單模式已可以。

小一係適應期，呢一年教小朋友自己學習，長遠睇比小一追求100分更實際，升中時冇人會睇你小一成績。

bb鼠

little_yolky 發表於 17-1-5 09:14
真係激到差D暈低咗, 近日教緊時間, 問佢一小時幾多分鐘, 答：60, 一分鐘幾多秒, 答：60。到做功課時, 要減 ...

時間真是好嘔血，我女宜家5年級對呢d時間、米、厘米、公里、重量都仲好唔掂
知道借60過去，但只過60原先有的唔會記得加埋落去
分數-假分數轉帶分數一係張分子分母掉轉，一係化完唔見咗個帶分數尋日小測已經有一題咁樣，改完正到改下一條又係咁！係剛改完而做下一題又係咁！嬲到好想撕爛張紙

MASAYA

IloveJJ 發表於 17-1-5 13:12
我都係咁睇。小學既分數，真係唔好睇得咁重，因為要拿高分數，就難免要操練、猜度標準答案，得到分數，卻 ...

好多人覺得，小一唔高分，越升班就會越低分，最後變成唔合格，可能呢種學習模式係咁，但忽略左小朋友成長其實應該更快

miujoey

回覆 MASAYA 的帖子

我都聽過唔少家長的蔑誤, 說小一要拿100分,因為每升一年級就遇佢趺5分,  唔係正常小朋友邏輯思維,考試技巧應該是越大越有所提升的咩?

YanKanMom

miujoey 發表於 17-1-5 12:23
近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有1 ...

我孩子應與妳囡囡同校，可能是現在的家長比以前緊張，大的至今讀了七年多，沒有見過家長將孩子的分數post出來的喎。學校是一條龍，大多數家長也不算太緊張分數。

miujoey

回覆 YanKanMom 的帖子

不是取100分的家長自己提起, 是別的家長知道佢個小朋友好叻取100分就在群組內說,跟著大家就討論起成績來呢. 我都奇怪諗住讀間不太谷又一條龍學校會好d , 不過學校真係無比壓力學生家長.