聖若瑟英文小學 (彩石里) 一年級加油站

LV77

Hi fling , 軍曹媽咪 & christa ,

其實我囝囝都係剛剛六歲（九月尾生日）！不過三年內既幼稚園訓練令到佢已熟習測験，黙書咁！   以前成績一般咋，其他同學仔一科１００分有一粒星，佢成個K3都係得個５０幾粒星，但其他同學仔個個都成一百粒星呀，咁當然佢就用差個佢既比較，話MUG 水都係得個４０幾粒星喎！ :-x  :cry:

Hi fling,

你囝囝可能係活動式學校出黎，暫時未能適應測驗及黙書既生活，我相信稍後佢一定會有進步，俾些時間佢呀！ :wink: 另外，真係除中文科外，其他課程我都覺得好深,尤其是英文科及GS,好似昨天MATHS習作，其中有個"fairy..." (唔係好寄得個字點串），我都要同囝囝一齊查字典及發聲詞典，但都搵唔到個字點解，而家都未知個題數是否答對　？　 另外上次問過彩虹七色英文，其中”靛”色英文我都唔知呀，　打左個　？　落去咋　！！！ 所以大家都慢慢學啦　！！！繼續努力！！

wincokk

fairest = 公平 :idea:

LV77

Hi wincokk,

Tks ! 不過我應該教錯囝囝！！

fling

軍曹媽咪:

唔, 睇來食蛋係每個小朋友必經階段, 咁算啦.

你都好呀, 有老公同三個妹幫吓手, 我得一個人, 老公返夜班, 我今晚重要返學呀, 學christa話, 明天的中文默書睇佢造化了   
我覺得小朋友每日有進步已經謝天謝地, 問題係咁嚴格的學校, 比唔比我地慢慢來??  

LV77

靛 = indigo  (Yahoo 字典)

1. 【化】靛藍,靛青;靛藍染料[U]
2. 槐藍屬植物[C]
3. 靛藍色,靛色[U]

如果你無串錯, fairy 係小仙女, 妖精之類, 其實Yahoo字典都OK, 有理讀音架, 我個人比較懶, 無查字典好耐囉!!! (我好似有個普通話讀音和拼音的網, 國際拼音都有呀, 等到我無時間教就叫阿仔自己上網學, 嘻嘻)

Anyway, 大家努力學習, 一齊由小一讀起!!!

christa

剛剛班主任打嚟, 好驚呀!  

LV77

Hi christa,

為何　？　

不過，唔駛驚　！　我囝囝同班同學媽咪周不時都會接到班主任電話，可能係忘記交通告咁都唔定　！！

LV77

Hi fling,

我當晚先知青色改做　”靛　”，再致電問其他人，都無個答到我　”靛”既英文，所以寫左個　？　就算　ｏ　另外
”fairest" 查厚身版牛津字典都無此字，所以解錯題，做錯左！！！

唔緊要，同囝囝一齊學都幾得意呀　！　

christa

Hi LV77,

Ms Wu 打嚟話我知我個仔報唔到足球班, 會俾番張票我, 其實係因為我遲交所以報唔到, 咁老師都好有交帶囉! 當然我乘機問吓呀仔係學校嘅情況啦, 佢話男仔係會active D 架嘞, 成日周身旭, 不過而家乖左好多勒, 佢問我呀仔做功課做得夜唔夜, 覺唔覺D 嘢深, dictation 會唔會多得滯, 我話比起kinder 就梗係多咗好多, 但係都manage 到。 佢話呀仔dictation and math quiz 都啱晒, 功課都ok。我先鬆一口氣, 真係嚇死呀!

LV77

Hi christa,

你囝囝班主任係Ms.Wu,咁即係1C呀？我囝係1C，另外同區同校車有兩個小朋友都係同一班1C, 其中一個active另一個乖巧D,其中active既比較粗心大意，時時漏帶野，抄漏家課冊咁，Ms Wu 好多時致電佢媽媽（係佢媽咪講既）,我囝囝就中庸啦,可以照顧到自己,但就唔係特別叻個種 !!

同班可以多D交流喎　！  

christa

Hi LV77,

係呀, 我地兩個仔同班呀, 佢都係坐校車架, 好似係No. 2A bus, 你呢?

wincokk

HI all mom,

請問明天應該穿校服, 定運動服?  我係1C 班

thanks!!

LV77

Hi wincokk,

暫時未提過明天著甚麼，我相信今日既家課冊會寫低，留意下啦！

LV77

Hi christa,

係呀！佢都係搭2A,仲有兩個neighbour都係搭同一架車讀同一班呀　！！！

AAmother

各位媽咪:
我在9月30日(11:45am)交表的,而Interview no.159
10月１４日(10:00am)面試,請問有誰知道今年有多少
人報名呢?希望明年能成為你們的一分子.

LV77 寫道:
Hi IrisCheng,




龍年人多所以超過６００人報讀（我囝囝都５５５號，並加多一天interview），最後０６－０７年收多學生至４０人一班（即４０ｘ３＝１２０人），咁競爭者比例　１：６，唔算大競爭啊！ 因新小拔是　１５０位，申請者是１８xx人，我囝號碼是　１８１６呀，係　１：１２，１２人爭一個位呀,聖保羅男女都差不多 1:9-10呀 o

聖若瑟我又唔覺佢要求好高喎,因我囝囝同班兩位同學都好似一般課外活動:如鋼琴咁咋,游泳都無學呀! 反而我囝囝又
體操,游泳,鋼琴,畫畫,英詩，合唱團等等學齊,當天雖然唔知佢答問題如何，但見到佢一真都好乖巧，無兩頭fing,坐唔定，但都唔係第一round入呀！係到統一派位後學校出信問我如仍有興趣，就去報到ｏ咁報到後，第二日就話學校收我囝囝啦ｏ

所以俾個貼士,若首輪失敗,唔需要放棄,到統一派位後，學校會先聯絡曾申請者（我諗學校已經列左一些為waiting list 卦）！　祝好運！  

fat_hei_ma

Hi,各位，
請問彩石里和窩打老道有什麽分別？小女將要面試，請問是否須見家長？小孩用不用筆試？全個過程須要多時？其實非原幼稚園生和天主教徒是否機會微呢？

fat_hei_ma

sorry, post 錯！

wincokk

HI, All

Tommorrow no school bags, only for play.
著運動服

只蔕家課冊 和手冊...

yw

[size=medium]係呀, 聽日返去玩咋!!!
我同阿仔通左電話, 今日好多功課(有8樣係要做的), 佢乘機想唔做

[size=medium]「今日唔做, 聽日又話中秋, 又係佢生日, 後日好同學生日聚會.....咁即是幾時做呀....唔得今日起碼要做一半」  
結果阿仔死死地氣去做

christa

咁係唔係明天不用交功課呀? if yes, then hip hip hooray!!

不過我個仔明天會留校interview, 我知多數唔得架嘞, 不過即管俾佢試下啦!

LV77,

咁啱同校車呀, 你喺邊道上車呀? 我個仔喺碧華花園上車。

fling

我個仔都係, 我死都要佢今日做完, 唔係無得瞓覺, 家課冊寫咗成兩頁咁多, 竟然話比我知好少功課, 因為只睇第一頁, 唔睇第二頁, 點都要訓練佢今日的事今日做, 不能留待到明天, 如果唔佢, 以後就有排煩

ps....九點啦, 重做緊功課, 死未??

係呀, 聽日返去玩咋!!!我同阿仔通左電話, 今日好多功課(有8樣係要做的), 佢乘機想唔做  

「今日唔做, 聽日又話中秋, 又係佢生日, 後日好同學生日聚會.....咁即是幾時做呀....唔得今日起碼要做一半」  
結果阿仔死死地氣去做