本帖最後由 bristol 於 19-4-28 17:12 編輯
samuellor 發表於 19-4-27 22:50
I don't agree to your point. Lovely place to study.
近日網上討論區有一個熱門話題 - "僱主覺得澳洲畢業差過中大科大" , 幾日間有幾百個留言 , 報紙也有報道 , 大家可以google下去睇睇不同意見
https://www.edigest.hk/98564/%E7%86%B1%E8%A9%B1/%E5%83%B1%E4%B8%BB-%E6%BE%B3%E6%B4%B2%E7%95%A2%E6%A5%AD-%E4%B8%AD%E5%A4%A7-%E7%A7%91%E5%A4%A7-%E9%99%B3%E8%B1%AA-%E7%B6%B2%E6%B0%91%E7%86%B1%E8%A9%B1/
僱主覺得澳洲畢業差過中大科大
網民:你睇陳豪D英文就知
熱話 on April 23,2019 at 5:03 pm 【網民熱話・澳洲畢業】去外國讀書都會被人認為「浸過鹹水」,英文好之餘見識廣搏,會容易搵工。有人在討論區卻表示,香港僱主覺得澳洲畢業,差過中大、科大?到底又係點嘅一回事? 不少人覺得,澳洲大學見錢眼開。「如果你係僱主,你會點樣睇澳洲畢業?」澳洲學校俾人嘅感覺只需講錢,但香港你都需要DSE/AL有一定成績先入到。而澳洲大學有大量香港同大陸讀唔成書,屋企俾錢過去讀嘅垃圾學生。仲要去到嗰邊依然唔係讀書嘅。
有網民表示搵工完全係個人問題,排名幾高嘅大學一樣有差嘅學生。 不少人提到外國讀書俾人嘅感覺就係有錢有得讀,被視為香港讀唔掂先會去外國讀,除非間U好出名,例如全球排名 top 20 大學。 亦有人猜測如果成績咁好又有錢,根本就無人會選擇去澳洲讀。相對英國,加拿大,僱主眼中澳洲係差啲。 網民留言:「香港啲雇主大多數都唔識野,而且虛榮心過重,呢個應該係你想要嘅答案。」 有人認為,可能啲師兄師姐以往表現給了僱主印像比不上,任何國家都有差學校。睇你讀邊間。澳洲大學係易入,但難出,例如 usyd(悉尼大學), 勁過香港幾間大學。 網民有表哥6歳澳洲生活,讀Melbourne U(墨爾本大學)。 大學畢業回流,為左女友唔鍾意澳洲生活, 現在結左婚生咗小孩, 表哥現職大企業FC,,太太在家照顧小朋友, 沙田區買咗私樓, 撈得好掂 。 亦有人分析指好多僱主或老闆自己都未出過外國留學,佢地成日以為有錢就可以順利合格攞到學位。 而現實上依家好多top up degree都係澳洲學位,有啲僱主唔識分在港修讀澳洲學位同真係去到澳洲當地讀既學位有咩分別,
因為兩者既證書真係一模一樣。 不過有啲英國或美國嘅三流大學都一樣好廢,佢地純綷都係聽啲行家講澳洲畢業唔好就係覺得唔好,冇真係分析個面試者既能力。 一技干打哂全部澳洲返嚟嘅人? 係澳洲返嚟嘅,有好多勁,又有好多唔勁。最主要睇HR同老細本身見識幾多,識唔識選人。 有經驗者指,好多大企業老細同HR 真係會研究澳洲一流大學:
UNSW, Sydney U, ANU, Monash, Macquarie U, QU
所指嘅大企業,包括HK blue chips Listed co. , MNC, I bank…. 其他唔係太勁嘅大學,有冇人研究,同邊種人研究,就唔清楚。 幾多老細/HR 邊得閒研究你外國2流大學的水準?事實本地人對本地大學較熟識。 有網民認為邊到讀都差唔多,除非你讀世界頂級。否則,大公司都係睇你大學基本名氣,然後你自己成績,之後英文水準,最後interview 表現。 去外國讀書(美國,英國,加拿大,澳州)大部分係香港升唔到大學亦都係事實。喺大公司,ibank, big4 入面,都好多係澳洲返嚟,有高,中層,都係事實。
澳洲返嚟,有好多勁人,也有好多差嘅人。但外國到處都是。最緊要睇你自己讀成點。 有自稱上市公司工作嘅網民表示得知從HR選人方向,HR screen 人從來唔會睇小澳洲返嚟嘅candidate, 但成績差就一定 bye bye。 睇大學基本名氣,然後成績,之後英文水準,最後interview 表現。香港大企業僱主,唔會覺得澳洲畢業差過中大,科大,只要candidate本身大學成績好,interview表現sharp。大企業,包括listed co., ibank, HK Gov, Big4…等等。
|