傳統私校 vs 英文直資

fatchoibaby

bobo_2014 發表於 16-11-19 10:45
唔好意思我講得唔清楚，係一來一回起碼2小時， 車程長都唔緊要而家問題係6：15上車真係太早，都擔心小朋友 ...

我係咁諗，每年要上200日課，每日兩小時車程(其實唔止，你知屯門公路，一塞就...)，而且坐既係十六坐，即係一年最少400小時响車上面。400小時加五萬蚊(當學費四萬、校車一萬)，我拎去柏麗同佢補習好過！始終最後都係以成績考本區B1中學啫。

再講，樓主唔好忘記小學有大量課後活動，如果課後活動趕唔上校車，邊個去接？

最後，我屋企人係响外國讀 selected school, 根本而家外國都好谷，因為太多香港大陸移民，連外國人都興補習(我講top既中學)要考入好 ranking既大學，讀師級學科，冇可能唔谷。

我睇左外國既敎科書，同香港程度冇咩分別(當然覆蓋面大過香港既教科書)，亦睇過本區B1津貼小學既課程，認識某d你心儀直資既學生，睇過佢地既讀物，唔覺得程度分別太大，最大唔同係英文係好小小，但絶對唔係I B拋離果種。

我自己絕對唔會比佢讀私校，因為我諗唔到目的為何，直資會考，但係考到任何一間，都必定孟母三遷，唔使佢坐校車，至於一線官津，入去讀亦無問題，用返一年四百小時加幾萬蚊，惡補中、英。

babemi

點解大家講搬屋好似咁輕易咁嘅？

applewatch

babemi 發表於 16-11-19 11:32
點解大家講搬屋好似咁輕易咁嘅？

如果本身租樓，大部分一年死約就可以搬，有時你想唔搬業主都唔續要你走

fatchoibaby

babemi 發表於 16-11-19 11:32
點解大家講搬屋好似咁輕易咁嘅？

如果入到心儀神校，冇理由遠而放棄，但坐兩個鐘車人都散，我見過兩個case係讀到三年班，頂唔順，最終返本區插班。

mcl203

babemi 發表於 16-11-19 11:32
點解大家講搬屋好似咁輕易咁嘅？

講吓既真係唔難既.....

bobo_2014

fatchoibaby 發表於 16-11-19 11:44
如果入到心儀神校，冇理由遠而放棄，但坐兩個鐘車人都散，我見過兩個case係讀到三年班，頂唔順，最終返本 ...

只可惜考到嘅私小都唔係神/龍校，係神校我一定搬呀
我層樓係早年買，供得好輕鬆，搬出九龍住嘅洗費多左一大畢，加上私校學費個投資都好大，所以我都會想一想值唔值得咁做，間私校又未必比屯門一線小學好好多。
不過今年好難玩，屯門一線小學冇分係好難入，直資個間係， 所以講到尾都係睇運氣

babemi

咩住層樓不值為呢間搬，政府剛出左政策換樓都受影響，三思。如果屋企近少少，仍可外補加興趣班，再自行培養小孩思維學習意識，路有很多條。識一家庭小孩入哂名校龍校國際學校狂谷狂補最終全部考唔到大學

fatchoibaby

bobo_2014 發表於 16-11-19 12:23
只可惜考到嘅私小都唔係神/龍校，係神校我一定搬呀
我層樓係早年買，供得好輕鬆，搬出九龍住嘅 ...

可以呢個方向諗，寧入本區一線或二線頭官津，入到津小其後仲會分拔尖班，如果小朋友將來有能力入到官津拔尖班，你支出既補習同培養小朋友既心機唔會小得過响神級直資中規中舉既成績。

直私好處係，整班同學連家長，都係同一程度；但係如果你有自信係持續培養小朋友，即是入到官津你都會推動佢入拔尖，咁其實個大環境(除左語境外)唔差得好遠。

而且計返，70、71、73至小有十幾間一線官津，叩門位百幾個，如果咁到叩唔到，跌落三寶，其實機會都唔太大。

bobo_2014

fatchoibaby 發表於 16-11-19 13:19
可以呢個方向諗，寧入本區一線或二線頭官津，入到津小其後仲會分拔尖班，如果小朋友將來有能力入到官津拔 ...

多謝意見
我見你之前嘅post係好想入圓玄或直資
可否分享點解你會放直資係你嘅首選次選先係津校呢？

fatchoibaby

bobo_2014 發表於 16-11-19 13:22
多謝意見
我見你之前嘅post係好想入圓玄或直資
可否分享點解你會放直資係你嘅首選次選先係津校呢？

語境。因為自己預左小朋友過海外升中，我希望佢去到讀 General English  而唔係 ESL, 因為ESL對佢升大學選科有阻礙。

Mchacha

fatchoibaby 發表於 16-11-19 13:30
語境。因為自己預左小朋友過海外升中，我希望佢去到讀 General English  而唔係 ESL, 因為ESL對佢升大學選 ...

如果唔打算海外升學，是否讀一線津校比直資小好？

bobo_2014

Mchacha 發表於 16-11-19 14:54
如果唔打算海外升學，是否讀一線津校比直資小好？

屯門區一線小學都是操練式，當初我諗住讀直資係除了語境好，活動教學及較小功課重思考嘅模式都係吸引我之處
我深信英文能力仍然是最重要的，直資才有這種語境， 當然中文也不能忽視，讀直資中文要自己加強下，而讀津校就要加強英文

eg123

原帖由 bobo_2014 於 16-11-15 發表
回覆 mcdonn 的帖子

唔係IB, 是跟林文燦相似的保記直資小學學校在新界區，只是在地區出名

係咪圓玄？圓玄跟傳統教學不是有太大分別，只是英文教學而已，至於是否跟世界接軋真難答，現在學校大教學目的講求跟Band 1中學接軋。要國際性的只有某些直資神校，國際學校及IB school

bobo_2014

eg123 發表於 16-11-19 21:32
係咪圓玄？圓玄跟傳統教學不是有太大分別，只是英文教學而已，至於是否跟世界接軋真難答，現在學校大教學目 ...

係圓玄，之前已聽取不同家長意見，明白直資課程都是跟津校差不多，只係語境資源好d,課程教法靈活d
請問你知唔知圓玄係咪都要死讀書？ 還是真係如校長所講比較注重思考，課堂較活動多討論？

SMom

如果aim英文好 又有揸車/唔介意去遠啲
超級推薦上環天主教總堂區學校
都唔少同學新界出嚟讀

QQmamimi

回覆 bobo_2014 的帖子

係，講得無錯，圓玄課程確實跟循教育署大網，所以跟一般官津校相若。課程內容較活動，重思考。

QQmamimi

老實說，考圓玄唔會比考九龍的直私易，可以講句，甚至更難。

bobo_2014

回覆 QQmamimi 的帖子

不過以考生人數計圓玄只係九龍學校既1/3, 少D人報唔係易考D咩?

QQmamimi

你都要睇返人口比例同學校比例。新界西有幾多間直私可考？

gigayan

以過來人經驗分享，新界出九龍返學，小朋友和家庭支援好緊要
1）小孩要超自律
2）小孩要超快手
3）車接唔到時有足夠人手
4）屋企有爸/媽照顧佢學業
5）最好獨子/女

小女6:30上車，6:20起身，每晚9:30上床。
你問我值唔值得，我會話值得！圓玄只係sell語境，中文呢？升中每年有幾多人入到出名中學？得幾個！如只睇屯門四大，當然無問題！