大家發唔發覺EK已變質!

Ryan_baba

說實話，近年啲問題質素真係差左，見到真係一啲滾。

例如：想入LS讀邊間幼稚園好？

作為家長連最基本嘅資料遊戲規則都唔去了解，只係問，唔通佢地想其他人幫佢小朋友報埋名、帶埋去interview同交埋學費咩。

我承認我係一名串咀嘅daddy。

kirstyau

回覆 hkpapa852 的帖子

我成日見到你回覆, 知你有心幫好多JM解答問題, 唔係攪事的一群, 冇可否認有部分完全唔做功課!

little_yolky

MrBeast 發表於 14-12-1 12:49
可能我年g淺，不嬲都係咁ga wor . 不過仲有一兩樣你冇提：1）其他人會揀a or b, 跟著就如題
2）d唔爬文就問 ...

你咁都話年G淺, 分明玩嘢兼晒命, 同你駁火架

little_yolky

Ryan_baba 發表於 14-12-1 15:28
說實話，近年啲問題質素真係差左，見到真係一啲滾。

例如：想入LS讀邊間幼稚園好？

你條問題都無嘢了, 有人問自行想報培正, 宗教+校友分, 係咪有25分。係我見到最經典既。 (相關帖主請當自己時運高, 唔好回應)

mcl203

經常出現....聽番黎既料 或 估估下既料....用上真正用家身份...超有信心既語調去分享....有乜辦法討論唔越來越精釆吖 ~~~

minikoala

其實大家萍水相逢，有緣在此互相交流，雖不至於係朋友，但總不是仇人吧﹗何必上嚟搵交嗌? 好得閒咩? 得閒不如留返多 d 時間作親子活動更好吧﹗

雖然有時問題質素參差不齊，不喜歡大可以不回答，可必答得嚟句句有骨? 叻而串咀，其他人只有無奈地把文爬下去；叻而有品，讓其他人心存感恩地把文爬下去，豈不是更好嗎?

我同有 d 媽媽一樣，因為氣氛變了，已少左入來留言。但自問每次答人也是盡心盡力提供資料，因為我也在此得過幫助，希望自己幫到人就好了﹗

sunnygirl

原帖由 BabyKD 於 14-12-01 發表
Agree ...

用詞仲好冠冕堂皇 tim.

有d人可能見某知名教育顧問都係EK「出身」，就諗住有樣學樣，但係料不但不夠，而且態度奇差，真係嚇壞人

little_yolky

baby_jkk 發表於 14-12-1 14:35
有啲人的語氣不止串，重好似好懶勁咁，教精你。

如果對方串, 仲好似懶勁咁, 不過又真係有料到, 咁我會顯得好謙卑咁繼續發問, 通常對方都唔會串咀, 仲會好詳細咁解答我既問題的, 係我上EK既經驗之談。

無辦法, 鬼叫自己唔識咩, 要學嘢係要謙卑啲架啦, 為咗兩個囡有咩所謂。

小小山

BK C9 真英明 !  近來係多左打手, 放流料同哂命.

little_yolky

Charlotte_mom 發表於 14-12-1 15:15
作為EK用家(呢一刻我用用家身份黎答), 我都在EK唔短日子
以前和諧D呀...都係嘅, 大家都無咁緊張, 好多志不 ...

版主大人英明。

但係XX vs YY, 似乎係大部份(我唔敢話全部)第一個升小朋友家長既必經階段。我當年都係咁, 好彩無開帖, 唔係又俾人插, 剩係同朋友講, 朋友又係果句：收咗先諗啦。其實對方係好心, 希望你唔好為咗啲唔存在既煩惱花精神, 但聽者又覺得你係咪咒緊我細路一定入唔到先? 今年第二個, 乜都熟晒, 幾咁輕鬆, 有種超然既感覺。

kirstyau

VS 唔一定要分高下，轉個角度分析利弊，家長自行再思考 當然唔係奉止的態度，虛心請教，你都幫左好多JM!

IRK

minikoala 發表於 14-12-1 15:58
其實大家萍水相逢，有緣在此互相交流，雖不至於係朋友，但總不是仇人吧﹗何必上嚟搵交嗌? 好得閒咩? 得閒不 ...

非常同意，我也留意那些「培正計分法的POST」，好心的家長便改正一下他們，覺得TOO SILLY咪唔答囉，唔洗串人嘛。其實留言只為幫人，真係冇預俾人串，雖然暫時未遇過，但見別人遭此慘況，自問有時想分享也襟聲，講講吓，我都開始想轉留低調

小小山

Charlotte_mom 發表於 14-12-1 15:15
作為EK用家(呢一刻我用用家身份黎答), 我都在EK唔短日子
以前和諧D呀...都係嘅, 大家都無咁緊張, 好多志不 ...

明白因為小朋友多左, 競爭係大在, 同埋D家長好 agreesive (好聽D叫進取).
問嘅多做一D功課, 多比一D資料, 就容易得到有用嘅回應.

都係因為名校. 未入過名校就神化名校, 讀過就唔覺是什麼.

siden

原帖由 little_yolky 於 14-12-01 發表
如果對方串, 仲好似懶勁咁, 不過又真係有料到, 咁我會顯得好謙卑咁繼續發問, 通常對方都唔會串咀, 仲會好詳 ...

Agree

little_yolky

jumphigh 發表於 14-12-1 16:32
記得好似有位家長eviapa(唔知有冇串錯)都咁講過

Eviepa形容緊果個應該係我..................係呀, 我認呀, 我唔識既時候就會謙虛啲發問, 有咩所謂, 對方串咀係對方既事, 而且, 我客氣既時候佢哋都會好詳細咁指導我, 我又無俾錢人哋交學費, 我從來唔介意有料既人串咀喎

你哋介意人哋串咀, 同人哋鬥串, 就鬥鬧完一論大家消失咗, 係雙輸, 我低聲下氣謙卑咁發問, 對方仔細咁回應, 最後成功既一定係我

littlefaith

我總覺得，大家咁大個人，EQ應該有咁上下高啩，人哋窒兩句，濕濕碎。而人哋post啲trivial問題，識咪幫手答囉。

記得早前有家長問TSL即係邊間，立刻有好大反應，甚至有家長答謝瑞麟，彷彿唔識TSL係無知，嘩，大佬，咁多術語，新手點會明？

不瞞大家，我到呢一刻都唔知JM點解。(唔好笑我)

niclicma

原帖由 littlefaith 於 14-12-01 發表
本帖最後由 littlefaith 於 14-12-1 17:36 編輯

我總覺得，大家咁大個人，EQ應該有咁上下高啩，人哋窒兩 ...

Jm以我理解應該係姊妹