大家認為＂重學術＂還是＂重品德＂既幼稚園較好？

Parisienne

布希亞 發表於 13-2-10 13:00
我相信教曉小孩以批判眼光看世界，去獨立思索，並不等於就會批判自己的父母
父母給予愛，給於思考方法，才 ...

獨立思維都要講不同年紀。在幼稚園時期，我相信習慣成自然；到了小學，在習已為常的基礎上再加上批判思維的訓練。至於品德是否真假，發達社會一向偏多偽裝，鄉村就多顯真情純樸。
有時應該多用個心來感受世界，唔需要下下都講批判嘅⋯。

cheung_chit

我認為品德是內在修養，不是做給人看，若有自覺有品德，但同時又只視之為人際包裝術，對不起在我的眼中他有的只是包裝，並非真正有品德。換過來，我亦不會介意對方認為我沒有他口中所說的品德，因為大家所指的東西是相反的。

每個人當然都可以對品德有自己的定義，正如我們的最高領導人，被指大話冚大話隱瞞僭建，被人踢爆爆到證據確鑿，就說自己封了僭建的地方，處理了所以即是沒有僭建。外界有外界批評，他繼續自我感覺良好，覺得自己沒有問題。你覺得他誠信品德破產，他依然自覺高尚。

香港的道德塔利班，不理因由及表達目的，一露點便說不雅，要人刪片又要投訴；反歧視同性戀者，不要說立法，連諮詢傾一下都說不可以。我在這裡只是表達一下反對意思及原因，請對方解釋一下邏輯問題，又沒有叫版主禁言，沒有請對方收聲，便被打成塔利班，真是太抬舉了。

我沒有想過亦沒有本事「強加」自己的想法在別人身上，只是想理性討論一些問題，但似乎找錯對象。我至今也不明白，為何品德一定要透過閱讀才可以學到，為何文盲不可以有品德？懂得看書可以幫助汲取知識，但看得書多就等於懂分辨是非？書寫的就對嗎？寫出「共產黨是進步無私執政團隊」這類教材的，都是在大學教書的。認為文盲不可以有品德更令人費解，很多人祖祖祖父母一輩，尤其是女人都是不識字的，品德教育都是一代一代身教傳下去的，為何他們用這種方法學做人，安身立命，都會被視為沒有品德？有些長者盲字也不識多個，幾十年來只知道為人要正直，要真心為人，我認為他們的品格較部分為求上位不擇手段的中環精英好了。我不知道說「文盲有品德是邏輯混亂」的人如何可以邏輯地解構這些現象。

Critical thinking任何時候都需要，討論時我只會針對一些人家說過的論點提出我的意見及問題，既然對方要講邏輯，我便與他講邏輯問題。我不會用「自吹自擂」這類情緒化的詞語罵人，又或是無中生有的加一些別人沒有說過的話／想法在人家口中來批評。誰在討論，誰在謾罵有眼看的人其實也很清楚，不用自己說。

dragonmother

「品德不過是一個人際包裝術」和「空談道德只是一種包裝術」是絕對兩個完全相同的意思，不是偷換概念。而且按推論，和「品字有三個口相同」也和「母親是女人」相同。正確無誤
品德=character education, 再推論是品德=character education strawberry apple orange airplane cannon。一般凡夫俗子（正常人）若不懂邏輯推論是不會明白的。

smile2hala

回復 布希亞 的帖子

路過...多咀講句.....品德不在書中求..明辨是非也不一定在書中求....更怪異的是...明辨是非的人也不一定是有品德的人, 專業人仕入行前都好明白自己的專業守則, 但又會有虧空公款, 洗黑錢清況發生..所以說學術引領品德修為這有點過左火位吧?...你說的品德是空泛的只是因為品德的確是撐握不到的東西, 由心之修養...清楚而又自發性的表現於行為內. 這就要由小朋友身邊接觸的人如學校家長所表現出來的行為來做樣本...就如小朋友看見家裡有人去洗手間唔洗手, 佢地大了知道這是不對的, 但身邊的人已經是這樣了就會認為沒有什麼大不了的, 照樣去做並無不妥...如是這學校老師也是一種引導角色, 小孩由零開始, 他們以模枋為學習模式, 就算學abc, 家長老師不講他就不會知道是ABC...由模枋引導上學術上, 相對地品德也是由模枋引導上行為好或壞....根深蒂固的, 俗語說三歲定八十, 有些人就是由小時學壞了, 到了長大了受到重挫後才會轉好...這不關學術, 而有些人一世也不會學好...可能遇不上重挫位或者怹們的價值觀太根深蒂固.

所以感覺上如果說由學術引領上品德這個概念.不太認同, 只能說學術是品德的輔助品...而好的學術卻不能保證有好的品德, 所以說品德和學術的確可以拆開來的, 以前的人有些教育水平低也一樣有好品德, 那幼稚園嘛...最好兩方面都兼顧到, 否則也只能偏重了.....(這純粹個人意見, 多口插咀, 不喜勿插....)

Mickey10

啱啱花咗D時間睇晒呢個討論，其實我冇乜意見，講真樓主問既題目好簡單直接，實在唔駛太多理論。當然人人對品德定義並不完全相同，但大概都相差唔遠，當然發自內心而行善先叫品德喇，我唔太明白點解會拉到「空談道德」呢樣野到？至於「品德不過是一個人際包裝術」和「空談道德只是一個人際包裝術」係相同概念？字面上句子既下半部相同，但前半部意思幾乎相反，恕我冇乜文采，簡單講「空談道德」係咪齋講偽君子呀？咁點解會同「品德不過是一個人際包裝術」一樣呢？好端端有「品德」點解會等同「空談道德」呢？愈睇愈抓頭！我反對「品德不過是一個人際包裝術」；但舉腳贊成「空談道德只是一個人際包裝術」。「品德」定義愈辯愈複雜，咁「學術」又會唔會唔係我地諗得咁簡單呢？哈哈！

Mickey10

同埋點解冇學術基礎就冇品德，而文盲就冇品德既？「學術」當然或會（但唔一定會）幫人明辦事非，但冇「學術」基礎既人點解會冇品德呢？好簡單講，我住喺薄扶林區，喺我大肚又或抱住BB坐巴士，車上總擠住好多大學生、或由貝沙灣出黎既所謂「地盤佬」，但好多時大學生對我視若無睹，但「地盤佬」好幾次都讓坐比我，咁又說明D咩呢？我無心同無必要計對，或者「張兄」第一句出言較重，但我都好抗拒「品德只不過係一個人際包裝術」呢句話，亦都覺得 同「空談道德只是一個人際包裝術」既意思南轅北轍。

cheung_chit

品字是有三個口，母親是女人。只不過品字的意思並不是女人。
另外煲水會產生水蒸氣，水氣升上大氣層冷卻水點集結成雲，但煲水產生的並不是雲。

dragonmother

回復 cheung_chit 的帖子

討論是要知己知彼，你若不以布希亞的邏輯思維來理解她的話語，只會把自己困在死角。討論，有人求真理，有人求勝。何必花時間打咁多字和「愛推論者」辨是非，他們永遠是對的。P.S.沒學術的人無法生仔，他們只是將一堆肉和骨排出體外
美德是天生，品德是後加。
絕筆

snicky

集廣思益街坊，出得來係討論區行，有時先放低自己諗法，了解下唔同人想法，百利而無一害。世間上沒有兩個我，除非你是我，要個個人同自己諗法一樣，最好對鏡說話。人地講野認唔認同都好，懂得尊重他人都係有品一種。如果依度下下比人挑釁，以後無人發表另類思維，咁會唔會dry 左d呢!

snicky

唔記得講，不喜勿插!

Mickey10

唉，總覺得學術基礎應將道理化深為淺，並非將顯淺易明既野複雜化，令人不明所以。

小洪寶

我會選學術，因為我相信品德每間學校都唔會差得去邊，而我覺得小朋友既品德教育應該係父母既責任，唔應該覺得只由學校去教。
但學術呢，我會覺得家長雖然識，但未必識教，愈簡單既野愈唔識表達俾一個小朋友明白，但老師知道箇中技巧。

Parisienne

snicky 發表於 13-2-11 12:11
集廣思益街坊，出得來係討論區行，有時先放低自己諗法，了解下唔同人想法，百利而無一害。世間上沒有兩個我 ...

Good !同意！一樣米養百樣人，你覺得別人荒謬的同時可能對方一樣咁諗自己。
以前父母死後要守孝三年，守寡都講緊係成世⋯⋯其實多角度思維，唔怕有新論述，到最後誰是誰非人人心中自有把尺。
好多人話現今社會道德淪亡，近年好多鼓吹從小背誦經文、幼稚園背弟子規呀咁，識背就叫品德好嗎？其實學校如何評價一個學生為品德好呢？中國人喜歡學生乖，那麼聽教聽話便是品德好嗎？
有無d包頂頸、經常唱反調的麻煩學生攞品德奬呢？佢地好多都係絕頂聰明的孩子，而且都帶有批判思維喎！所以先會覺得老師未必一定啱，亦未必受學校歡迎喎。


其實品德可以好簡單，只要同理心強，多為別人著想，唔去計較怕自己蝕低，基本上品德都唔差得去邊。

evil

我選學術。品德雖然重要，但我覺得家庭教更重要。而且，有學術的學校亦不見得不著重品德。

gatochat

當然是品德！！！！
一個人如果德行差，讀書有幾好有什麼用！！！！

RBaBa

見到咁多唔同嘅睇法,真係大開眼界,真係一樣米養百樣人。
對於獨立思考,雖然重要,但係我覺得只係思考方法或方式,一部超級電腦都識。
一個賊佬都識獨立思考,冧下點樣可以成功打劫。

而價值觀就比較主觀,我唔會強加於人,不過對於我自己個囡,我會令佢明白我嘅價值觀,即身教。

至於品德,我越睇呢個 post越唔明。不過我會教我個囡乜係同理心同愛,希望佢感受到愛,用同理心去明白他人。

最後,講到禮貌禮儀,我自己都做得唔好,希望佢除咗係我身上學,都可以係其他人(如學校裏)學下領會下。

Chirley

我好記得一句：修身，齊家，治國，平天下
個人品德其實係小朋友出世後已慢慢教，一步步上，
好似飲奶要自已拿奶樽，未識著鞋都要識拎自已對鞋俾人幫佢著， 即係自已的事自已做…要有呢d概念先，之後要發展出去對人，呢d我相信好多父母都有做，唔駛開始有學識先做…學校只係輔助，主要都係教知識，俾小朋友同其他唔同嘅人相處等， 態度係好重要。
揀學校雖然係揀學術行先，但都要間學校嘅員工正常先得。
何謂正常？！ 舉一個真實例子：
樓下乜師奶個囝讀一間所謂嘅名校（但未到DPS level）
前兩星期傾開計，先發現阿囝原來係小息時無人陪佢玩，佢只係自已不停圍柱跑，但點解無人陪佢玩？原來有個miss話過：如果小息時你地周圍跑，整傷左嘅話miss會好唔開心囉
就係咁講左幾次，班上就無人敢係小息玩，只係拿書睇…
呢d咁嘅學校，我諗我囝應該讀唔到啦咁呢d係咪有學術先有品德呢?!