有冇人去咗喇沙面試?

maglam1985

原帖由 cowboymama 於 10-1-21 23:06 發表
Hi maglam1985,

看來你囝囝現在是讀喇沙中一吧。可否分享一下校園生活？老師教得好嗎？同學相處如何，尤其對外校生？學習壓力大嗎？數好的F1學生在學校有否機會得到更多培訓？對不起，這麼多問題，謝謝解答。

cowboymama ...

亞仔話老師的質素幾好,最悶係上design & technology個老師, 因為老師講嘢個tone好平, 上佢堂有啲想瞓, religious educaton科同中史老師最叻。上咗中學覺得學生會好權威。初時我都有啲擔心, 開學時佢聽到喇小嘅同學話做project要自己喇小嘅同學一齊, 但好快已經冇呢個問題, 佢同同學相處冇問題,短短幾個月已經都可以融入當中, 覺得自己係其中一份子, 我都有問過老師, 老師都話冇問題, 我覺得如果係外來生, 只要開放自己, 踏出去就唔會有問題。雖然功課冇小學時咁多, 但有時做功課都做到好夜, 佢話而家唔同小學, 要重質, 例如做book report, 以前好簡單, 而家要寫好多嘢, 我諗壓力梗有, 不過睇吓個人嘅承受能力, 亞仔話雖然有時做功課都辛苦, 但讀得好開心。唔知係咪亞仔都幾樂觀, 以前佢喺小學係5名之內,數學校隊, 而家覺得自己係無名小卒, 但係佢又接受倒, 所以家長考名校前, 要有心理準備個仔升中後會冇以前咁叻, 其實可能唔係你唔叻, 只係因為有人叻過你。

沒有特別優待數學好的學生, 只有一個數學培訓班, 人數30人, 開學時, 有興趣嘅可以去做test, 頭30名可以入培訓班, 中二會減到20人, 中三同中四篩剩10人。

[ 本帖最後由 maglam1985 於 10-1-23 13:17 編輯 ]

maglam1985

原帖由 csk家長jj 於 10-1-21 23:21 發表
maglam1985
請問喇沙在自行時重視音樂和體育成績嗎？
我仔仔成績ok但「百無」-無音樂、無體育和數學的獎項,只有中文獎項（學界）和校內操行獎,在自行的機會是否很渺茫呢？mouth:" />mouth:" />
謝謝 ...

我諗佢會網羅各種精英, 我個仔話佢嗰班差不多個個都有一項個人擅長的項目(有三幾個冇), 例如成績不太突出, 就有其它體育或音樂。但係佢舊年有個同學考10幾名, 冇乜特異功能都收咗, 平時都冇乜見佢攞獎, 佢都好似"百無",我哋小學又係中文小學, 可能係interview出色, 或者識人, 又或者佢收埋咗秘密武器連小學老師都唔知。
所以你都可以試試, 因為可能冇中文科人材, 但你要考慮英文科成績, 因為科目以大部份以英語為主, 英文唔好係好蝕底, 況且英文科佔300分, 中文科佔200分, 數學及其餘科佔100分, 而體育, 音樂,視藝, 設計與科技(d&t)係唔計分嘅。

[ 本帖最後由 maglam1985 於 10-1-22 00:42 編輯 ]

csk家長jj

原帖由 maglam1985 於 10-1-22 00:38 發表


我諗佢會網羅各種精英, 我個仔話佢嗰班差不多個個都有一項個人擅長的項目(有三幾個冇), 例如成績不太突出, 就有其它體育或音樂。但係佢舊年有個同學考10幾名, 冇乜特異功能都收咗, 我哋小學又係中文小學, 可能係in ...

謝謝你非常詳盡的解答
現在小兒就讀P.5,我會盡力督促他練好英文,希望能在自行爭到一席位。
再次衷心感謝你的意見

maglam1985

原帖由 csk家長jj 於 10-1-22 00:47 發表

謝謝你非常詳盡的解答
現在小兒就讀P.5,我會盡力督促他練好英文,希望能在自行爭到一席位。
再次衷心感謝你的意見

不用客氣!
努力吧!

oscarmama

maglam1985

您好！據閒喇沙分精英班，到高年班時，所有教學資原都集中响精英班，成績吾好嘅學生就棄之不顧。吾知你而家响學校有無聽閒？亦有人話雖然吾駛俾學費，但其他好多費用，吾係負擔得起就吾好讀。可否如實相告？因我好想小兒入讀，但又恐發生以上提及的事。謝謝！

peelychu

我朋友個仔仔讀緊中五，佢話咁多年都只係比過堂費，沒有其他雜費的，捐款就自願，唔會有壓力!

oscarmama

peelychu

多謝你回答。咁，請問你知吾知，係咪真係吾多理d成績差嘅學生，令到個學生好吾開心，謝謝

原帖由 peelychu 於 10-1-22 17:23 發表
我朋友個仔仔讀緊中五，佢話咁多年都只係比過堂費，沒有其他雜費的，捐款就自願，唔會有壓力!

maglam1985

原帖由 oscarmama 於 10-1-22 15:10 發表
maglam1985

您好！據閒喇沙分精英班，到高年班時，所有教學資原都集中响精英班，成績吾好嘅學生就棄之不顧。吾知你而家响學校有無聽閒？亦有人話雖然吾駛俾學費，但其他好多費用，吾係負擔得起就吾好讀。可否如實相告？因我好想小兒 ...

冇分精英班, 分班以pre-s1成績再打散, 除咗有十個八個讀"法文"嘅一定喺a班外。聽講冇留班, 但唔肯定,等我問吓先。從來冇聽過學校會將所有資源集中一班, 應該唔會, 因為我哋學校有學生會, 權力都幾大, 學期初為咗條校呔顏色嘅問題, 學校都要回應,立即同學生會開會, 所以應該唔會有咁嘅情況。另外, 喇沙大部份都係比較叻嘅學生, 當然有部份差少少, 精英多過唔係精英, 咁又點分精英班呢?

至於學費方面, 每個月要俾$190堂費(聽講今年已經貴咗, 以前仲平), 其它你參加先俾錢, 例如參加學校的club, 每個年費$10以下, 每人最多參加5個, 而學生會有紀念品出售, 例如風褸, 呔針($20), 可買可不買, 悉隨尊便, 唔會有人話你, 完全冇壓力, 因為喇沙唔同男拔, 喇沙比較平民化。

如果你齋讀書, 你只須每個月俾$190堂費(包埋冷氣, 維修費,保安費等), 總之叫堂費, 另外只需每年買書簿費, 就係咁多喇。 當然如果想學樂器, 游水或其他活動要另外俾錢, 我記得"射箭會"都係俾$80有4堂, 我覺得都好抵, 間間中小學都係要俾錢學課外活動(除非教育局或賽馬會或其他機構資助)同捐款籌務經費, 如果包埋學樂器或其它課外活動嘅中學, 學費就會好貴。

因此喇沙算係所謂名校中嘅平價學校, 同一般津校冇乜分別。

補充: 啱啱問亞仔, 佢話到目前為止, 老師對佢哋都係一視同仁, 無偏袒/偏私情況, 其他班就唔知。

[ 本帖最後由 maglam1985 於 10-1-23 13:01 編輯 ]

maglam1985

原帖由 oscarmama 於 10-1-22 15:10 發表
maglam1985

您好！據閒喇沙分精英班，到高年班時，所有教學資原都集中响精英班，成績吾好嘅學生就棄之不顧。吾知你而家响學校有無聽閒？亦有人話雖然吾駛俾學費，但其他好多費用，吾係負擔得起就吾好讀。可否如實相告？因我好想小兒 ...

温馨提示: "據閒"應是"據聞", 資原應為"資源", "吾"應為"唔"

[ 本帖最後由 maglam1985 於 10-1-22 21:32 編輯 ]

cowboymama

Hi maglam1985,

謝謝你熱心詳細的解答，明白多了。祝你囝仔在LS如魚得水，更上一層樓！

cowboymama

原帖由 maglam1985 於 10-1-22 00:19 發表


亞仔話老師的質素幾好,最悶係上design & technology個老師, 因為老師講嘢個tone好平, 上佢堂有啲想瞓, religious educaton科同中史老師最叻。上咗中學覺得學生會好權威。初時我都有啲擔心, 開學時佢聽到喇小嘅同學 ...

oscarmama

maglam

好多謝你奈心同詳盡解答。因為有人同我講，佢囝囝讀緊中五，吾知係佢囝囝追吾上，定係學校政策吾付合家長期望，所以佢只係睇到負面嘅東西。如果吾太打擾，希望閣下 可以多分享响學校所見所聞。
另真希望小兒能有幸做你囝囝學弟。

原帖由 maglam1985 於 10-1-22 21:17 發表


冇分精英班, 分班以pre-s1成績再打散, 除咗有十個八個讀"法文"嘅一定喺a班外。聽講冇留班, 但唔肯定,等我問吓先。從來冇聽過學校會將所有資源集中一班, 應該唔會, 因為我哋學校有學生會, 權力都幾大, 學期初為咗條 ...

oscarmama

小女子學識淺薄，多謝賜教 ，希望maglam日後多多提點............

原帖由 maglam1985 於 10-1-22 21:25 發表


温馨提示: "據閒"應是"據聞", 資原應為"資源", "吾"應為"唔"

maglam1985

原帖由 oscarmama 於 10-1-23 11:14 發表
maglam

好多謝你奈心同詳盡解答。因為有人同我講，佢囝囝讀緊中五，吾知係佢囝囝追吾上，定係學校政策吾付合家長期望，所以佢只係睇到負面嘅東西。如果吾太打擾，希望閣下 可以多分享响學校所見所聞。
另真希望小兒能有幸做你 ...

我的兒子只是中一學生, 他暫時對學校的看法感覺良好, 我覺得如果自己努力, 去一間校風良好, 讀書氣氛濃的學校便可, 也不一定要強求名校。 我也希望你的兒子能入到喇沙這大家庭, 努力吧!

温馨提示:
"奈心"的"奈"應是"耐心" ,倉頡碼: 一月木戈 。這是"無奈"的奈。
"吾"應是"唔", 倉頡碼: 口一一口 , 兩者字義分別很大, "吾"是"我"的意思, 而"唔"是口語字, 有"不"的意思 。
"付合"的"付"應是"符", 倉頡碼: 竹人木戈 , 這是"付出, 付款"的"付"。
"分响"的"响"應是"享", 倉頡碼: 卜口弓木

maglam1985

原帖由 liklikma 於 10-1-21 23:30 發表


佢成績全級第二，但喺百無得中樂！喺唔喺好緲亡啊？

温馨提示:
"緲亡"的寫法應是"渺茫", 你寫呢個係虛無縹緲嘅緲。

[ 本帖最後由 maglam1985 於 10-1-23 22:45 編輯 ]

maglam1985

原帖由 oscarmama 於 10-1-23 11:14 發表
maglam

好多謝你奈心同詳盡解答。因為有人同我講，佢囝囝讀緊中五，吾知係佢囝囝追吾上，定係學校政策吾付合家長期望，所以佢只係睇到負面嘅東西。如果吾太打擾，希望閣下 可以多分享响學校所見所聞。
另真希望小兒能有幸做你 ...

講嚟聽有乜負面嘅事?

oscarmama

正如我之前話，上到高中，最叻嗰d放响同一班，吾掂嗰d由得佢哋翻學過日神，吾會有補底，當事人個囝囝成績吾係咁理想，而家中五又唔想轉校............聽就咁聽，我都知每間學校總會有人讚，有人彈...............

原帖由 maglam1985 於 10-1-23 22:47 發表


講嚟聽有乜負面嘅事?

[ 本帖最後由 oscarmama 於 10-1-24 21:19 編輯 ]

hinviv

Pls tell me the content of the interview.
Thanks a lot !

原帖由 洋洋 於 10-1-19 14:16 發表
呀仔星期四會去面試, 我search咗好耐都冇咩人提及實質面試形式和內容, 去咗果d家長可唔可以比d資料我, 唔該!

maglam1985

原帖由 oscarmama 於 10-1-24 21:16 發表
正如我之前話，上到高中，最叻嗰d放响同一班，吾掂嗰d由得佢哋翻學過日神，吾會有補底，當事人個囝囝成績吾係咁理想，而家中五又唔想轉校............聽就咁聽，我都知每間學校總會有人讚，有人彈...............


...

原來係咁!
不過去到中五追唔上先轉校就難啲, 我覺得老師都係咁教, 受唔受同受幾多, 由自己決定。

正如有人話有精英班, 但老師一早講係冇精英班, 亞仔都覺得佢嗰班有叻有中中哋。

DKmum

Thank you Maglam 1985 for your sharing.  Do you still remember what language will use during the interiew?

We submitted form on last Fri & got the call on Sat morning for an interview on coming Friday evening (Jan 29) too.

Hope those have interviewed on last week can share the interview format, thanks a lot.

happyjess

請問打電話來的人是說廣東話 or 英文?
因打電話給我約interview時間的人是 "外籍人士" 講英文的, 收call 時嚇一跳!!