幼師天地~~

penguin1214

各位好，我第一次報到，很高興有人開了個講幼師的題目。終於可以吐吐苦水...不如我先介紹自己
我剛在去年在IVE畢業，第一年在私園工作，可謂辛苦非常,而且人工$7000做全日，但是學校資源不足，想教好D，就要自己掏荷包了，而且每日都做到三更半夜，每月都病，看醫生都花了一筆，真的無錢淨之餘而又要蝕錢，估不到幼教一行原來並不是想像中那麼理想，而令自己堅持下去的理由----幼兒學得好，什麼都好。這樣我就堅持了在那間私園的工作，不過，原本我在今個新學期會繼續在那間私園工作，不過，那間私園的校長經常好似「天氣突變」會突然間破口大罵老師，甚至在家長面前都照罵，做老師真的一點面子都無，好的時候可以同你有說有笑，但心情一不好時好像「黑雨」來臨，做錯了小小事就破口大罵，真的頂唔順，而且又收好多巴基斯坦籍的學生 (香港的學生很少)，做什麼都要翻譯，如評估、功課、通告等都要老師翻譯成英文，所以就決定離開....要教間「正常點」的幼稚園...
不過，我現在有幸去了間比較近屋企的幼兒園，而人工比以前的高，現在工作量都OK啦！最重要的是全部學生都是香港人...同家長溝通都易點。
今晚就講住哄多先啦，因為我都講了許多，總之，希望可以在這裡和大家分享在幼教的點滴。


  

pigpig

甜夢，
我唔係退休呀！我只係轉職，做左家庭主婦，呢份工仲辛苦過教書呀！無休息無人工
各位幼師們，努力呀！

甜夢

pigpig :
           哈哈~~~~~~我都好想做家庭主婦呀 ^^

5354

Dear all,
I m also a kindergarten teacher b4. Welcome ma??

I love this job but i dont like the kindergarten is too commercial! Since i never study teaching dip.....i change to do another job ~~and now...i m a full time mummy~~

I taught in a 走鬼kindergaten...sigh~~~i have K2am and K3pm class are also 走鬼..total 60 students....its so so unhappy to do this job(走鬼)~~..but I love my students...even my salary is no good....the pricipal is so 变態...the teachers are so 是非~~~

I bought and made a lot of things for my teaching...when i stop this job...i packed 4 big boxes and 2 cupboards back home~~even this school is a brand name school but they will not support teacher. The pricipal want me to be an actor more than i m a teacher~~She cares what we wear...What we say to parents...even the students very naughty...we cant say the truth to the parents....and also...the results of the students...we also need to change if the parents are very trouble.

dad999

Hi! 5354,

走鬼kindergaten? Which kindergarten? (Yxxx in Kowloon Tong?)

Dad999

dad999

How much is the salary of  native English teacher?

Dad999

Eunise

hi all,
   我叫Eunise,24歲...呢個月就做mami喇....
   我18歲就開始教書喇~~諗返以前真係好正...果時我都未受訓...人工都有$8650-~ 仲要好free架(私校)...19歲...學校就供我讀書(一年)...拎左QKT/CCW...之後轉左做英文專科老師...教左4年私校..我都好開心...因為同校長/主任都好FRIEND..仲會一齊去街/上大陸玩..私校家長又好又玩得...成日同我地吹水....所以一D壓力都冇~就算視學既時候,D家長都好識做,,,我結婚既時候,佢地仲有黎飲添~~
    之後03年,我去左政府祊教..因為政府比足POINT我..
但係就冇以前咁開心咯...我3月知道有左BB就quit左份工..
而家安心咁等BB出世~

pigpig

係會有走鬼學校，我初初入行時，間學校咪係囉！有教署D人黎時，就會叫多收的學生到地庫 而且仲會整定2本點名簿，1本就收埋，另1本就俾教署D人睇！仲將小朋友的書包收到櫃中.....
不過，近2年，出世率低，呢D事已經應該無再發生，因為好多時都要縮班，仲點會有多學生呢？

koie

嘩估唔到我開呢個topic既回響都唔少!真係開心!而且唔只係幼師會睇!聽到大家既一d分享, 我自己都無甘心灰意冷!雖然大家唔同校...唔同要求...但至少我地既處境差唔多!有種團結既感覺呀!
eunise, 你係大家既idol呀好學校好老細好同工好人工,仲甘快做埋媽咪!其實我揀得教幼稚園..都同你一樣好鐘意小朋友好想快d結婚同有bb... hehe....不過結婚姅好多錢架..依家仲要做半日....成日為錢煩..其實我都成日叫自己睇開d, 不過錢呢d野真係好實際架....雖則係夠駛..但唔夠儲囉..其實甘多位幼師(結左婚個d), 你地當時係咪好似我甘,死慳儲錢買樓架?我真係覺得幾tire呀~

我同大家一樣都成日買野比學生架!!我個間係掛名名校! d野唉..又舊又cheap..d資源可以用少到爆黎形容(佢地以為自己比好多野你!井底之蛙)有時因為好想小朋友係好d既環境到學得好d...要自己去花時間花金錢買番黎囉!例如我就成日買泥膠比小朋友玩!有好多圖工既工具呢到都無...我要買呀!
pig pig,比老細鬧呢d野...大家一樣多!我以前果個老細仲衰..我離開就係因為佢管理差同埋佢蠢啦!其實以前果到人工同同事都好好...不過雖則我甘貪錢都會因為要係d甘無系統既地方做野而唔開心!日日做日日鬧(係我日日鬧老細...hehe)，講真我唔驚佢地...我唔係賣身比你...東家唔打打西家囉!不過甘...老細緊係鐘意鬧人架...我都唔介意...同你一樣笑笑口...係係係甘囉!好似我以前個校長成日擺起個款....上緊堂時行入黎我課室講"嘩乜個冷氣甘熱架?開大d啦!"，好啦甘我開大d，點知佢三分鐘後入黎又話啦"嘩點解你個課室會甘凍架!依家駛咩開冷氣甘晒錢呀?熄左佢啦!" 唉...話說有次有個佢既寶貝巴仔學生click到張地氈跌左係地到，佢就係鬧我無好好睇住....鬧到人地呀媽黎接仲係人地面前係甘鬧我!又話係我唔睇住...仲叫我同佢去醫院(但係只係塊面刮損左少少咋)，張地氈又唔係我話放係到既...咩都賴
仲要係家長面前話係我錯!成日同佢講既野都唔明，對住d甘蠢既人，有QAI既教署人黎我照樣投訴番晒佢!!!!
有時唔可以樣樣認錯!唔可以低聲下氣,要樂觀同謙虛接受建議同批評..不過大話同老屈我會即時同佢係D同事面前ARGUE番....免得佢蝦人太甚!
至於依家個老細係笑面虎....下次有機會先講!

carollam310

走鬼kindergaten????係咪講緊以前既約克呀? :wink:

BabayMarrie

　　各位師姐，我都是幼稚園老師，有個問題想問大家，Ｃ．Ｅ是不是好難報？我學校上年有兩個同事報（二年日間制），一個１０年經驗，學校剔她第一志願，一個剛ＱＫＴ畢業，學校剔她第二志願，結果收了第二個，何解呢？
　　　
　　其實我真的好想讀，因為政府遲些好似要收錢，好貴，有沒有方法可知道收生準則？

Eunise

koie,
    其實我上年先結婚...我都好想有個屬於自己既小朋友,但係上年年初...我同老公講:都唔知幾時先儲到$結婚,朋友講結婚要好多$,最後,唔知點解,同老公既dad&mum講話想結婚,佢地都覺得好,所以我地都唔洗點樣比$(我地比左既係:結婚相,旅行,請人影相,租婚紗/禮服)用左$80,000-左右,其他既全都係老爺奶奶出,仲要既係,佢比左層樓比我地住(本來要黎收租架)...連埋天台有1,400呎...所以好多好多野係我自己都估唔到架...一直都羨慕人地咁快可以結婚/生仔...估唔到咁快輪到我....結完婚...我地好努力咁做人...用左2個月...就有左喇...阿b都就快出世...所以--世事難料...
    我都係貼$打工架...乜都係自己買...私校都好d...乜都新,乜都有情講....津所就唔得喇...要張紙都要申請...PVC都係我地自己買...又大把野做...又唔比'料'我地喎...
      

koie

eunise,

woow......羨慕到爆!琴日同男友傾儲錢買樓既問題!好心灰下...唉!你老爺仲有冇樓出租呀??hehe....我依家個間未係私校囉...反而樣樣野無...樣樣野舊...樣樣野申請...仲要係一個星期前申請, even係一張畫紙....hehe...反而以前d津校又唔駛wo...咩都可以拎..咩都新...差唔多日日番新野用!

babymarrie,
我都想報ce呀!其實我都唔知咩準則,不過我有個fd都係岩岩畢業qkt咋, 就收左啦!不過佢係後備既....有人話係抽籤..(不過我唔多信囉)，好可能係睇你會考既成績同埋本身既學歷!當然經驗都緊要!不過我估佢地prefer呢d野多d!如果你知收生條件都講埋比我地知呀!我都想報黎緊既ce呀!!殺到埋身..唔報唔得啦...再唔係要比錢...今年hkied 好似黎緊last year 係免費咋!!!!!!!!!!!!!到時學費進修貴過人工...我就會去上街抗議(唔係講笑)

BabayMarrie

     Koie，如果可以的話，你學校會不會比你報(二年)?因為我聽人講，其實有好多校長，主任都未讀，她們會報(三年)晚間，所以(二年)可能小人報，機會率大些。
      我朋友間學校好鬼cheap，如果你讀完不做要你賠番3個月的人工，(如果你讀3年制的話)。 真是不抵，我朋友說只是用自己晚間時間，又不是返工果時候返學，真是沒有天理。　

5354

hehhe....not only one kindergarten 走鬼ga~~ I know that just in Kln tong at least 3-4 need to 走鬼(few yrs ago ar ha~~).....Yxxk??....... exact nos of  走鬼 students more than the news post on newspaper....more ho dor ho dor law~~....i think now will not 走鬼 la~~

5354

pigpig,
yes...my kindergarten use one點名簿 with one 點名paper...when 教署come..they will call secret sign on mic....take away all 點名paper and we need to move away my students to another part of school...or lock the door(if 教署dont know have this classroom)...or keep silent and turn off the light....sigh~~

koie

Babymarrie,
你講果個情況係我讀partime qkt時都聽過好多同學仔甘講!我簡直係聽到眼突突!!!痴左線呀??直情想幫佢打電話去鬧佢個校長!我如果依家呢間唔比我去讀書...我唔會即刻唔做!我會去平機會告佢!一定會甘做!我用自己既工作時間駛咩你批准呀?我第一年報qkt時都係自己報....報完先同學校講架wo..我個校長都唔知幾開心, 因為佢鐘意人學多d野!如果佢阻我, 我實同佢嘈架!痴線....簡直係無道理..我知好多學校以前都係請d人番黎, 起埋做左兩三年先比佢去讀qkt....我心唸咩叫"你比我讀呀"?依家又唔係學校幫我比錢!更何況我係以放工時間去既!甘都要管...不如去廁所又話唔準去呀!
幼稚園就係甘啦...樣樣野都無系統..樣樣野都無權無利!我真係好想hold 個會可以幫幼稚園同工爭相福利!幼稚園女人多...唔會好似男人甘去同人嘈..唔公平既野好多時都係啞忍!校長講幾句大話又信以為真!唉....心灰!!呢行都唔知幾時先有得救!!!

BabayMarrie

         所以我好感恩，我讀果間幼稚園的校長不會這樣做，有時都真係好不開心，聽到有些幼稚園同工遇到一些那麼不平等的待遇，唯有借這個機會訴下苦。

         今日我都幾不開心，有個小朋友被另一個小朋友咬到隻手指，我同個家長講，點知她扯晒火，又話要見校長，驗傷，唉!我明白，個仔比人咬，做呀媽的一定心痛，不過 真係紅了一點，沒有流血，沒有甩皮，各位家長，有時侯請高台貴手，小朋友有時侯口快過隻手，老師叫都叫不住，小朋友比人咬到我們都好不開心，但小小事就要見校長，主任，我們都好慘.....   

法子

我記得初初入行剪紙,剪到隻手起水泡.人地覺得我份工好自在,玩玩下就有人工........唉~確實有苦自已知la...番到屋企仲要湊囡..本來24;個樣殘到34.........   

近來真的很累很累呀,莫講話進修,d野做到三更半夜都未攪掂,第日番去亞頭實催..........當我地鐵人!

    

肥寶寶

BabayMarrie 寫道:
     Koie，如果可以的話，你學校會不會比你報(二年)?因為我聽人講，其實有好多校長，主任都未讀，她們會報(三年)晚間，所以(二年)可能小人報，機會率大些。
      我朋友間學校好鬼cheap，如果你讀完不做要你賠番3個月的人工，(如果你讀3年制的話)。 真是不抵，我朋友說只是用自己晚間時間，又不是返工果時候返學，真是沒有天理。　

我依家做緊的排隊都有排未輪到我去讀ce。因為最少要係呢度做6年先可以報教院的ce課程，所以最快完成ce的方法就係自己俾$$去讀。我依家係浸會讀緊，學費都幾貴。(我覺得，因為人工不多，所以覺得學費貴)