樂萃面試班

taiyeung

HK-CR7 發表於 22-5-22 10:53
其實面試班只係提點下你小朋友有咩不足 家長一定要跟同要溫習 唔係交晒俾老師 上面試班另一個原因係知己知 ...

除此之外貼題都好中
可能咁啱係我囡考嗰幾間學校
而且佢地係識某幾間小學既現職老師

jbbmom

回覆 HK-CR7 的帖子

we also tried this one but quitted after a few lessons, too tough for my kid..

rchan1

路過，我小朋友以前讀樂萃，由一個怕醜仔變得積極，而最終意想不到地穫得很多正取offers, 包括最心儀果一間。

我唔敢講面試班的影響有幾大，因為一星期只有一堂，背後家庭付出也很多，但樂萃比到很多方向我，知道應該點樣去準備。雖然老師們要求是高，最初幾堂的評價也讓我嚇一嚇，但作為家長，除了欣賞自己小朋友的優點之外，也希望盡量正視他的弱點，想辦法幫佢改善。

樂萃最大的優點是題目cover得很廣很貼市，而我接觸過的老師也很樂意在電話細心解答小朋友上課的情況，行政也做得非常好。我對一切都好滿意的。

kpc2015

咁好? 可惜, 佢當我仔透明, 上左2堂唔讀了.

taiyeung

rchan1 發表於 22-5-26 09:48
路過，我小朋友以前讀樂萃，由一個怕醜仔變得積極，而最終意想不到地穫得很多正取offers, 包括最心儀果一間 ...

我自己本身都好少上EK，但一見到樂萃咁多負評都嚇一嚇，忍唔住留言。
我覺得面試班係有幫助，但有幾大幫助就因人而異。可以講如果無上，我地考一線直私我都有把握，但要攻頂就要有技巧同有經驗既老師琢磨，尤其是N無。
老師要求係好高，而家長要非常配合，我唔敢講100%滿意，但都真係幫到手，連當初超反對上面試班既c6都話好彩有上。

ferrymama

我仔幾年前上堂, 我都抽時間上去了解佢情況, 咁老師同我講解其間, 我仔就係RECEPTION area 跳起想睇下枱面有乜, 當時個老師勁厭煩咁同我講:你睇佢幾曳! 咁我叫我仔唔好咁做, 然後個RECEPTIONIST再加入, 勁大聲話"佢最曳!" 我即時已經想走。之後幾堂。再係電話談話中, 都係好尖酸既comment。
當然啦, 一定有叻仔叻女上左, 攞到OFFER 既, 不過佢地既愛心限定左係天生可愛聽話小朋友身上。

之後我再上其他面試班, 感覺老師比較有教無類，當然都會comment佢有時唔聽話, 但唔會講到唔想教佢咁。

個人經驗,都幾年前, 可能間中心變得再有愛心左, 我真係無再update。

純分享。其實我仔到後來都攞到不錯的英小offer

hfnyd

我係前用家，小朋友跟Miss chan.
我認為面試班真係要人夾人，我小朋友學術同行為沒問題，但慢熱不主動，所以希望面試班讓佢早啲熟習面試模式好助佢臨場發揮得好啲。
稍為玻璃心的家長我建議繞路，因為佢嘅評價某程度上係幾mean, 教學內容有時過深，有些用家的確抵不住壓力而quit咗，但老師又講得出小朋友有咩問題並有實際建議提供，等你可以明確啲去跟進，至於對於佢嘅mean, 就看你咩心態去消化，始終佢提醒你，總好過客客套套唔同你講真話。
老師亦對客人很上心，間中在whatsapp請教佢問題亦有問必答，每間直私學校面試前夕，佢都會提供詳細貼士等你拉定筋，我也驚訝佢都tip 中唔少題目。
個人而言，面試班係幫到我小朋友，最後我哋都有心儀學校嘅offer.
如果有人話我係打手，請直接介紹入行途徑。

ambertiptory

回覆 evayi21 的帖子

你好我小朋友上過呢一間當時搵Miss Wong! 我想講我當時就淨係上一個面試班，比較唔到其他，但係我好記得老師一路以嚟都係好如實咁樣講返俾我聽我小朋友一啲要改進嘅地方，我自問都係一個好勤力嘅媽媽，一路都有跟進小朋友嘅問題，老師嘅comment 對我嚟講係真實，不過有啲媽媽爸爸覺得好picky呢個就見仁見智啦，我俾咁多錢放佢響面試班就希望有多個人幫我睇吓呢個小朋友，有乜嘢嘢係可以更進一步，其實除咗個小朋友之外，我覺得老師對我個輔導亦都好緊要，我試過夜晚11點幾鐘因為有啲portfolio 問題問老師，老師係夜晚11點幾鐘都答我問題，回想考小期間，有時候等第二次面試,中間嘅時候都會有好多不安情緒，老師都從中輔導左我好多！我小朋友最後係可以考到最心儀的offer! 我覺得歸功於小朋友嘅努力、自己嘅付出、家人配合、亦都不可以忘記Miss wong! 不過都係果句，搵到一個夾嘅老師，家長都要勤力,唔好諗住有個面試班老師，就代表一切！ 考小呢條路絕對唔容易行，加油！

pwhr

回覆 ferrymama 的帖子

現實學校, 工作也是如此吧, 如你是老師, 相信也會有偏好, 有教無類不易見, 何況商業機構

HK-CR7

咁名幼名小咪又係揀學生收 都係揀叻人收架啦 跟唔上咪勸退囉 咁又唔去投訴佢地？現實就係咁殘忍 呢間唔適合咪搵個第二間happy school囉 揀面試班又好 名小又好 最緊要搵間夾自己小朋友既 咁就家長同小朋友都開心

Gud567567

咁勁! 原來佢地係識某幾間小學既現職老師, 有哂題目,貼題實中了. 啲名校學位實比佢地的學生攞哂啦! 唔報就苯囉

poplolli

我個女今年升中，好想搵返Ms Chan幫佢執下，路過見到呢個post忍唔住要發表下，當年我女係名幼學生，但係因為佢非常安靜慢熱又唔主動，仲要係細B諗住死緊，再加上Ms Chan嘅負評確實幾大壓力，但我覺得佢哋俾你睇清楚小朋友嘅不足同埋呢個遊戲嘅殘酷，可以令到你努力不懈都唔係一件壞事，我嗰陣時係大壓力到每次放學都係傾到最尾啲人走晒都唔願走但係老師都好有耐性逐樣續約解釋俾我聽同埋俾咗好多意見我，結果係我意想不到，一個性格咁內斂細女幾乎全正取Offer，只有一間神校2Nd in止步,簡直係唔敢想像，一路睇住自己小朋友越戰越勇感覺老師係真係同你一路並肩作戰，我真心係好感謝佢，咁當然我自己都付出左唔少嘅，如果你淨係靠面試班又唔夠嘅，佢一路同自己小朋友溝通同埋賽後檢討，當然鼓勵都唔少得啦，不過如果係唔受增壓嘅家長就可能真係唔啱。

peachc

回應某些jm所說，其實未必係家長玻璃心，佢話俾我哋知小朋友有咩問題梗係好喇，大家都可以知道小朋友弱喺邊度。一齊諗方法改善。

我當時排唔到出名嗰位老師，可能我嗰個老師冇愛心啦，係真係感覺到係當我哋棄將。我有同身邊幾位都報過呢間嘅家長傾過計，都係覺得呢間野唔係個個老師都咁好，呢個係事實。有一個甚至轉老師，或者咁講，「同小朋友唔夾」。

我哋當年想繼續報之後的堂，但係佢話俾我哋聽full 左冇位。同時間，佢同另一位小朋友家人講，安排小朋友繼續上，因為嗰位小朋友係乖乖牌，有信心做好業績。

我都明佢哋係想賺口碑，其實佢直接講唔好意思，因為行精英制，唔達標，所以冇得繼續上堂，明買明賣，仲好。

但係佢講大話話full 左，呢樣野係好反感，咁細個小朋友覺得點解老師要講大話，呢下真係無言。

最後，想試就試，唔試過又點知時運高低可能俾咗個好老師你，小朋友上得開心就夠。

suzuki12

回頭諗返我嘅經驗：

我覺得佢係要求個小朋友和家長上面試班之前都要well prepared 先 :

1. 小朋友：要打定一定程度的底，唔係只係講學術，係整個小朋友嘅禮貌談吐。小朋友開始上面試班都k2(4歲)，佢地都應該有一定程度的家庭訓練

2. 家長：要識怎樣教好小朋友，唔係要做虎媽，而係要熟悉小朋友的一切，懂有效的方法和有心機去教導仔女

簡單嚟講，佢地係要教「好學生」，佢地會在小朋友既有的基礎上add on, 個人認為商業機構，佢呢個理念都可以接受

如無添加嘅小朋友上佢地面試班，確實係痛苦的經歷

事情無對錯，只係最好要知道佢哋係點樣運作才好報名

PS : 我覺得佢嘅 add on 係有方法和有效果，唔係講佢貼中什麼試題，係佢會訓練小朋友出來嘅total presentation

HK-CR7

今年佢地都貼中唔少題

sumi15

Miss Cheung係好負責任的老師，我個女初初上堂時，老師見到有好多要修正的地方，例如唔夠自信、聲音細、周身郁、坐不定等等，張老師係會一步一步幫佢，一路都很鼓勵佢其實很多東西係識做的，唔好怕錯，要大膽講出來。同埋好多坐站姿、儀態等等，都係直私小學注重的。我覺得我女嘅進步係好明顯，尤其係表達方面，自信佐好多，有幾場interview我同佢一起，係睇住佢同老師講好多野，同埋表達係更流暢有邏輯。當然都可以話係因為小朋友長大佐，作為用家我覺得老師教學有針對性，效果都幾明顯。
但係家長一定要有心理準備，因為老師會同家長講好多小朋友嘅不足之處，我覺得未必個個都接受到，雖然大家對自己小朋友肯定心理有數。但係張老師對我個女係不斷鼓勵，唔會去打擊佢。所以要知道，同家長和小朋友講嘅野，係兩樣唔同嘅野來嘅。不過我都希望以後盡量唔好同家長講嘅時候，小朋友係身邊，因為佢地會知道係講緊佢唔好嘅野。


至於學術方面，唔好太依賴面試班，家長跟得緊唔緊先係關鍵。面試班嘅主要作用係，train小朋友去迎合直私小學面試，即是入到學校要點樣，見到老師要點樣，同老師傾計要點樣，坐係度要點樣，同其他小朋友玩要點樣等等。小朋友和家長都需要時間去適應面試嘅環境，好嘅面試班係會讓大家做更好準備。

大家最緊要擺正心態，就算上最好嘅面試班，都唔等於一定會有名校錄取。學校招生有自己嘅一套標準，最重要睇雙方是否適合。

icygirl2014

很久沒上EK, 路過見到, 又譗句訕(emoji)

我囡由K1暑假開始join樂萃的, 是跟最多人排嘅老師, 當初被揀中係好開心, 但上到K2下學期差唔多開始正式考小學, 就沒有上了。我那時是很大掙扎, 因為quit時開始有得上專班, 即係專為考某些top schools而設的操題班, 效益是非常大的。但為何quit, 就是因為我小朋友開始頂唔順那份壓力, mock interview喊、返學又好緊張, 啲家長朋友勸我要臨崖勒馬, 俾小朋友建立番「面試可以輕鬆面對」的心態, 老公又”highly recommend”我要quit⋯ 就忍痛與這裡say goodbye。

現在事過幾年, 我回想返份壓力是 — 這裡嘅老師俾家長、然後家長如我呢類人 — 事事都太認真去push小朋友、對每星期的comments都太緊張。

回顧自己經驗, 又睇到其他人經驗, 我覺如要㨂這間面試班, 似乎以下嘅情況是適合:

1. 小朋友本身係乖和聽話type、好識收放自如, 咁就perfect, 錦上添花!
2. 家長每星期聽咗comments後, 能夠keep calm唔心急有耐性, 處之泰然, 好有辦法慢慢引導小朋友去改善, 唔會將壓力轉到去小朋友身上的。

我小朋友係會反搏、唔同意/唔明白會打爛沙盤問到篤嘅人，所以都幾得個老師憎和不耐煩的; 我記得最後一次面見我, 老師係投訴我小朋友包拗頸, 那次咩事包拗頸呢？就係題目說要攞張紫色嘅紙, 但available嘅紙係較近灰藍色, 我小朋友好puzzled, 問咗老師兩次, 老師就教訓佢, 我來接放學時就向我投訴。

這次之後、加埋見到小朋友出晒啲壓力signs, 我都係決定quit。其實我係幾後悔我太認真太緊張去根據老師comments就push自己小朋友, 因為都有d反效果和後遺症的, 上到小學才漸漸好起來, 而我小朋友就好記得個老師, 話佢係佢最唔鍾意嘅老師(emoji)

所以我同意係人夾人, 唔只夾小朋友, 仲要夾埋家長, 最緊要發現唔妥就quit。我記得後來有套韓劇叫《天空城堡》, 我睇呢套劇時, 係有啲心寒feel。

講番我小朋友, 除了城中top school係2nd in後waiting wait唔到, 其他受歡迎嘅直資/私小, 佢係考到嘅, 現在成績品行都幾好, 幸好有聽過來人家長勸告：「小朋友太大stress、太perceived面試係件好難嘅事, 佢唔會考得好, 你不如俾佢輕鬆啲、盡力考可能更好。」

這件事也令自己知自己事, 有啲家長遇強愈強, 在虎媽堆可以獲益良多; 但自己是緊張大師型, 相對和諧輕鬆嘅環境, 自己就唔會亂陣腳, 又唔洗搞到個囡, 等個囡可以正常發揮。

總結, 面試班係有用的, 但唔一定要揀間咁精英嘅, 或見唔妥唔夾快啲閃, take it easy。

Zoezone

evayi21 發表於 22-4-26 11:45
大家有冇上過樂萃面試班覺得呢間面試學校怎樣?
Miss Ngan同Miss Cheung?
呢2位老師好嗎？

Miss Ngan 辭職唔做，教埋四月

piglover

ferrymama 發表於 22-5-27 16:15
我仔幾年前上堂, 我都抽時間上去了解佢情況, 咁老師同我講解其間, 我仔就係RECEPTION area 跳起想睇下枱面 ...

朋友都有相同經驗，呢間嘢真係差到爆。貼錢買難受。