小朋友幾多歲，你哋先俾零用錢

greentea000

little_yolky 發表於 17-3-17 17:59
佢今年個秋季大旅行之前, 同我話：媽咪你記得入多D錢入八達通度喎, 同埋記得俾五蚊我, 如果用晒八達通, 都 ...

佢今次有進步，識得帶定後備車錢。
不過，你上次無話佢，今次可能比上次更好客(已經叫你入多Ｄ錢係八達通)，核心問題無改善仲嚴重左。

ABC-DAD

little_kid 發表於 17-3-17 16:49
我也想用完成任務/達目標的形式俾錢佢儲。 咁你有無限制小朋友什麼情況(什麼節日/限每次花費金額) 下才可 ...

1/早期任務唔同成績掛鉤嘅2/會定期結算
3/正常情況係唔會用
4/早期我亦會不定時增加資金，免得小朋友太專注
5/習慣左要儲蓄，後來有有兩年加入過成績獎勵計劃，亦係入賬，少用

ABC-DAD

本身小朋友有零用錢在八達通嘅，隱約係實報實銷嘅。

sumchanma

小一開始$10一個星期，我想佢學理財，學分配零用錢同儲蓄買東西

little_kid

little_yolky 發表於 17-3-17 17:18
八達通真係..........
我會月頭一次過去晒全個月既車費入八達通, 阿細小一時去秋季大旅行, 佢事前問過我可 ...

又係喎， 俾小朋友用八達通買嘢真係好危險。 咁我都係比實錢好啲。

little_kid

ABC-DAD 發表於 17-3-17 21:08
1/早期任務唔同成績掛鉤嘅2/會定期結算
3/正常情況係唔會用
4/早期我亦會不定時增加資金，免得小朋 ...

謝你分享。
第一點， 唔同成績掛鈎有咩好處？
第四點唔明。 不定時增加資金，免得小朋友太專注什麼？

ABC-DAD

回覆 little_kid 的帖子

1/任務不直接與學業掛鉤，免卻混淆。4/只是個人做法，提供入賬的機會，可以見到賬戶增長的樂趣。

希望鼓勵小朋友感受一下儲蓄、入賬享受一下管理金錢嘅好處，但唔希望太專注揾錢，忽略左學習嘅樂趣。
畢竟在這年齡，只算是一種體驗。


如何運用，家長就自己心意進行程安排…

1998Ruby1998

回覆 little_kid 的帖子

小學呢個年紀一定要畀實錢。因為八達通，畀完錢，唔覺得「少左忽肉」，唔識得肉赤，八達通冇錢咪搵父母再增值（父母好多時因為小朋友搭車要用八達通，所以會同佢增值）
反而畀實錢，小朋友見到張銀紙變左碎銀，比較會識得肉赤。當然，父母要配合，計算好一個禮拜用幾多錢，幾時再增值，講明呢筆錢夠搭車一個月，每個月剩地 ＄2／＄3 咁，你要用八達通去買野冇問題，自己每個月慢慢儲。父母唔會因為你用曬就增值，如果八達通冇錢就要行返屋企。

不過小朋友多搭校車、巴士、小巴、地鐵，少機會用到好大金額，每次增值＄50 都應該夠，煩 d 都要咁做，增 100 同 200 太多，佢地唔係好識得慳啲洗同埋諗將來。

同大人刷卡原理一樣，例如去美食展、書展等等，刷卡就覺得冇咩大問題，洗大左都得。但係用實錢就會三思，荷包出血，會覺得每次一洗錢就唔見左一大忽。

唔放心的話，電話裝個八達通 app，拍一拍卡就可以 check 到幾時、邊度用左幾多，個 app 會顯示到「七仔」「小巴」等等，然後隔離寫住幾點用，用左幾多錢（都估到呢個價錢大概買左咩），一目了然，冇得抵賴，從實招來。

little_kid

1998Ruby1998 發表於 17-3-18 12:59
回覆 little_kid 的帖子

小學呢個年紀一定要畀實錢。因為八達通，畀完錢，唔覺得「少左忽肉」，唔識得肉赤 ...

都唔知有八達通app,  個app幾有用， 可以check埋俾工人姐姐用果張八達通

rainbowyung1

阿仔讀小一，我家的做法是：
如果阿仔今天努力做功課、肯溫習、成績好、或幫手做家務之類，我會按表現比一至三元當獎勵給他，如果表現不好，我會扣他亦一至三元。每天先mark 在月曆上，每星期結算一次，我教他記錄在收支表上，亦送他銀包即是放入銀包中，如果去街，他很開心去shopping，買了什麼，都要記錄，順便學埋加減數。

Yanamami

P1每周$1,P2 每周$2......P5每周$5, P6每個月$25. 中一開始每日$50午飯錢，車錢另計，每個月俾。P1~P3其實買唔到野，要儲一排先夠錢去小食部買野，儲到禁上下佢又唔捨得買野食。中一每月一次過俾$1000都唔會亂洗，從未試過用凸。八達通一早講明只可以用黎搭車用。

lm251099

Yanamami 發表於 17-3-22 00:30
P1每周$1,P2 每周$2......P5每周$5, P6每個月$25. 中一開始每日$50午飯錢，車錢另計，每個月俾。P1~P3其實 ...

嘩，你女同啊女同一年代，果然處理方法都一樣，連銀碼都相同。

greentea000

睇黎暫時未有人小學零用錢多過我

Yanamami

有趣！儲蓄同財務陷阱(信用卡)係两个無抵觸既範疇。有儲蓄但無用錢(尤其係先洗未來錢)既人－样係会死~所以教曉儲蓄亦要教其他概念｡

有次学校旅行我俾左$20个女買零食，佢番黎好兴奮話我知食左ABCDE禁多野……我話奇嘞~点解$20可以買到禁多野？佢諗諗下先記起唔記得分开擺自己儲既零用錢，食鬼哂添……笑死我！幾肉赤呀佢~好吖！用錢先要心裡有数其实自己真正可以afford幾多先嘛~

licpd

i give the kids certain amount of pocket money per week. But I also give them following options
option 1) if they have any pocket money saved, they can deposit them with me and I'll give them interest of 7% per month, ie, they will double their savings in 10 months.
option 2) if they spend all their pocket money, they can borrow money from me, i will lend them money for 10% per month and they will have to pay back with their current pocket money within 3 months.

ABC-DAD

回覆 Yanamami 的帖子

隱約覺得無小朋友嘅，睇法就會同家長唔一樣

LeeCC

我用兩個舊透明水樽，分別寫住savings和donation

每星期俾零用錢，按原先約定的分法分成spending，savings，donation三份，佢自己入水樽，spending放平時帶出街的小銀包

LeeCC

1998Ruby1998 發表於 17-3-17 17:27
回覆 little_yolky 的帖子

呢個情況真係想發火但係發唔落。

仔的八達通只可以搭車搭船用，要佢自己每次拍卡後留意餘額，當餘額接近$10，就要出聲，我地比錢佢自己去增值
這個方法令他知道八達通的錢系每次減少和用現金換成，唔系自動增加