想問下有冇資優小朋友試過幼稚園跳班?

小貓貓兔

回覆 s.andp 的帖子

雖然我個女冇讀n班，但n班唔係應該唔會點教野架咩？學術上應該滿足唔到佢架喎香港真係好難轉校，好似一揀左，唔啱都冇得走咁...

小貓貓兔

回覆 s.andp 的帖子

我個女3歲前都係唔同小朋友玩架，3歲後慢慢好d，而家會同同學仔打下招呼，我已經覺得好大進步

chowqv

點跳，都係要足歲數先可以讀小一。

wan_sosin

原帖由 chowqv 於 14-11-10 發表
點跳，都係要足歲數先可以讀小一。

對！唔足歲唔收！
不過如入國際學校都可以5歲入小一！

小貓貓兔

其實唔介意佢可唔可以早入小一，如果跳班真係適合佢既，到時唔夠歲數冇學校收，寧願俾佢玩一年。
因自己唔係怪獸家長，我覺得最重要係佢返學返得開心，因為小朋友呢個年紀係應該要覺得學習係一樣愉快既野。我地揀學校既標準都係要切合佢性格同能力，等佢返得開心。
好彩佢而家又肯返返學 (如果一直唔肯返，我諗我會同佢停學同轉校... 而家就可以觀望下，睇下有冇更好既選擇)

Angelafyfy

原帖由 小貓貓兔 於 14-11-10 發表
其實唔介意佢可唔可以早入小一，如果跳班真係適合佢既，到時唔夠歲數冇學校收，寧願俾佢玩一年。
因自己唔 ...

你囡囡已做了test 是資優嗎?

我覺得我囡既情況同你囡好似。但佢社交上，和人眼神接觸上冇問題。今年，同佢報幼稚園，我都係普通村校，冇諗過會冇朋友，同埋上堂會冇心機尼D問題

小貓貓兔

冇呀... 佢3歲半應該未做得test住?

唉 我覺得得我「賴」左野既原因係 因為舊年報幼稚園既時候冇預到佢會識英文, 所以冇諗過國際學校 (事實上佢interview果時只識英文單字, 就算in左都入唔到)
而佢發展又比我地想像中快, 佢間學校口碑都唔係差, 當時諗住俾佢開開心心咁玩3年, 估唔到會出現依家既情況

不久之前去左佢學校觀課, 我好留意其他小朋友上堂既樣, 有D 冇咩表情, 有D好投入, 好開心, 有D坐唔定周身郁。
但係唔知點解我覺得佢個樣同其他小朋友係唔同的 (唔知係咪主觀)... 佢上堂時個樣係好認真, 好嚴肅既... 佢睇/聽到D有興趣既野既時候, 佢會碌大隻眼, 豎起晒耳仔, 佢個樣令我覺得佢唔係好似K1既小朋友, 好似更似小學生

睇完之後我更想同佢轉校, 因為feel到其實佢既學習意欲真係好強, 但學校課程滿足唔到佢既求知慾。

(後加) 仲有另一個想轉既原因係 其實呢間學校既教學模式 又唔係好幫到佢地社交發展多數都係老師講野, 同學仔聽, 冇咩小組活動或者討論, 小朋友又唔係好多機會發言


依家同佢搵緊學校, 要寫信去插班, 又報定幾間國際學校。

繼續頭痕中...

bearwhat

原帖由 小貓貓兔 於 14-11-14 發表
本帖最後由 小貓貓兔 於 14-11-14 19:46 編輯

冇呀... 佢3歲半應該未做得test住?

我仔間kg國際班係k1,k2mix埋1班玩，分開上堂，但永遠學到高1級野...或者有時帶左去聽高1班野教...佢間國際班超特別，你應該讀學術重kg..玩比較輕...

小貓貓兔

回覆 bearwhat 的帖子

好似好好玩咁! 咁K2 咪會去K3班房度聽野?

Radiomama

你的想法其實是嫌現在的幼稚園不是心中理想吧。會安排覌課的學校其實已不俗，你囗中所講的理想幼稚園可能存在，但不代表就適合你的孩子。

父母總覺得自己的子女是特別的，放鬆一點吧，K1才開始不夠半年，不斷盤算轉校只會令你miss咗培育重點。

Rachelmummy2008

我曾經幫囡囡轉幼稚園。
N班二月開始讀，老師說她比同齡成熟。
K1十二月開始早上不願意返學，持續幾個月，有少動作令我不得已一定要轉校，她學習能力不錯，我選了一間教學術好但不太死板和另一間愛心學術淺但有活動的幼稚園插K2。
前者rejected 後者收了她。

Rachelmummy2008

如果時光倒流我會再選多幾間考插班。
沒法子唯有讀住先，然後選合適的小學。
幸運是老師真的很留意她，心理上她得到照顧，當然學習上她悶透了，不斷重覆。K2家長會老師只叫我自己教多D，唉！我都知啦。
唯一可以做的是自己教，找出面D興趣班，私人老師教下keep 住她的學習興趣。

Rachelmummy2008

她不知是否太悶了，還好認真主動提出好多次要學第四種語言。

小貓貓兔

你囡囡現在k2? 其實佢既情況，可能比我女更適合跳班，而且老師應該已清楚佢情況。
有冇認真考慮過?

Rachelmummy2008

囡囡已經小一，她是細囡，c6反對跳班和IQ test 。
教導囡囡方面，我喜歡全人教育，好細個就已經自己訓練她的大小肌肉，學術上我中英文雙方面同時期伴讀，數學我用生活的材料教她，所以我並不驚訝她覺得幼稚園太淺。
我懷疑她的智力是有一次剛四歲時，親戚送一盒katamino 給她，我從來没有和她玩過類似的遊戲，第二天我拆出來給她砌，她不消兩分鐘將所有形狀砌回長方形裡，我自己去嘗試下，在無說明書幅圖，我根本砌不進去的。
你提過迷你lego ，我囡囡也是看說明書，很快便完成，我没有幫她，她又無砌錯。
其實我培育她的目的是想她做一個勤力的學生而已，我自己也是一個好普通的媽媽。

小貓貓兔

回覆 Rachelmummy2008 的帖子

可能你c6不想催谷個女，但如果資優兒童勉強和一班能力不相稱既同學一齊，可能佢學習上反而有挫敗感，提不起興趣，而且會學識將自己既能力收埋以免招來同學嫉妒...
咁佢依家間學校適合佢嘛？

細咩咩

請問樓主最後有冇做到資優test呢? 我囡囡應該同閣下嘅小朋友一樣大，情況類似，其實十二個大已肯定認得晒A-Z大細楷同數字，基本圖形同顏色，兩歲前講嘢方面英普同廣東話都可以以完整句子溝通，小肌肉都發展不錯，歲半時已懂畫線畫圓圈，而家幾筆已經畫到好多物件同動物，好多老師同自己朋友都會問佢係咪屬於資優，本來只係覺得每個小朋友發展有啲快慢，但問嘅朋友越多越認真，令我都真係開始認真考慮呢個問題，但唔知有邊度可以做test

小貓貓兔

回覆 細咩咩 的帖子

我都識人係心理學方面專長，據我所以咁細未必一定可以做test, 但如果你覺得有需要我都可以幫你問下既。
不過好奇，如果佢超前咁多，學習上佢有冇問題?

Angelafyfy

原帖由 小貓貓兔 於 14-11-17 發表
回覆 細咩咩 的帖子

我都識人係心理學方面專長，據我所以咁細未必一定可以做test, 但如果你覺得有需要我都 ...

睇完各jm 講D特徴，令我同囡囡選幼稚園更認真，因為我囡D學習情況，同你地好似。

咁其實讀村校，真的會減低學習興趣嗎？之前偶然情況下，囡囡上了八堂日文playgroup. 佢上了四堂已經識，日文既顏色，兔子，熊，數字，其他四五個動物，三角形，正方形。老師都覚讚佢學得快。我自已更out 左我預期，我冇諗過，佢學日文都咁容易。因為中，英一早已經識。跟住我試埋法文既1-10. 佢無端上樓梯，可以由1數到七。法文都冇混亂。

我開頭冇為意，偶然見到資優尼個版面，先入來看看。睇來我要認真研究下選擇幼稚園既問題了。