KV vs 民生

gskw

原帖由 Aprilbaby 於 13-12-08 發表
Ms系咪即系小一時，如果揀左民小就無得大抽獎？但opt out就可以？？

據稱係，佢要你sign something to confirm 唔參加大抽獎

gulolo

我家弟弟依家都係ms am vs kv am
我好懶唔想去考小一，因為in k已經覺得勁辛苦

fc926

半條龍MS,到時你未必放心唔考其他私小做backup,最後可能都要玩考小一這遊戲

DCMaMe

我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

1. 雙班主任制，1 NET，1 普或粵，depends on 咩班，不過英粵都有普通話課。有2位 assistant teachers, 1 位嬸嬸在每一班，即最小5位老師，有時候6位會在課室。

2. 以我自己比較過的Lx，Sx，SPx，Gx 的課程，係絕對唔會比下去。K1開始學Phonics，每星期讀書和朗讀。學校可能有足夠的資源，所以都幾多嘢比小孩，教學模式係好活動的。如上課會整嘢食去train 小手指，NET會一齊整Jelly去教小朋友物件冷熱有不同情況變化等。又會要帶牙刷去教刷牙，和老師會教好多自理嘢等。

3. 著重家長的參與，因每星期都有親子嘢要做，家長會清楚知道小孩最近學緊咩，同玩緊咩。學習範疇同評估都好公開，會一早派比家長，等家長會知教咩同考咩。

4. 多大型活動，因幼、小、中一齊，所以時不時會有好多大型活動攪，小朋友從小已經知道自己將來有天都會成為哥哥或姐姐作好榜樣。又會有大型聖誕表演，所有小孩子都會上Stage表演。年中會有大型運動會等。學校不時有校內比賽，小孩可自行參加。

5. 學校星期六有興趣班比小朋友，都係Optional。學術的有Phonics，普通話，數學，當然有些係for考試，如劍橋，普通話試等。亦有好多非學術，如畫畫，劍擊，Dancing，口才Training，抬拳等好多好多。

6. 民幼上小一，朋友小孩上年佢果班無人唔收，不過聽講唔一定係學術差就唔收返。係睇小孩有無行為問題，唔知現在還是不是。不過應該有人去自行，去試考其他神校，所以應該大部分都會直上小一。就算上唔到，眼見課程係有競爭力的，相信小一應該OK。

Summary： 如果父母無時間超忙的話，可能KV會比較適合，因KV無咩要父母參與的嘢，以前連學校旅行都無，唔知現在有沒有。民幼會希望有家長參與其小孩的學校生活的。另外，我自己會考慮有Backup永遠好過無，眼見朋友們小孩由K1開始要train去爭小一，小孩每日上唔同的興趣班，有些還讀兩間，小孩真的要這些嗎？有朋友小孩今年K3, 考小一弄至有情緒問題，見到他我自己也忍不住流下淚水。不全是父母問題，朋輩間的比較，在他們身邊每天也在發生，這是我們帶他們來到這裹想給他們的嗎？

對不起，可能說得太多，只是有感而發！希望各位家長會為自己的小孩找到最合適的學校。

laiyuet

回覆 DCMaMe 的帖子

非常多謝你詳細的回复，這些分享對我很有用。

novelle

回覆 DCMaMe 的帖子

多謝你的分享！兒子有幸有民幼offer,  但對學校認識不深。看過你的資料，相信民幼適合兒子，很高興可在這裏就讀。

happyapple

原帖由 DCMaMe 於 13-12-09 發表
我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

謝謝你的分享。另想請問英粤班是否上民小幼蝕底？是否先選英普班的學生上民小呢？
另想請教民幼同學出去考直資可以嗎？有冇聽過有同學可以考到英華、陳守仁等?

h2013

原帖由 happyapple 於 13-12-09 發表
謝謝你的分享。另想請問英粤班是否上民小幼蝕底？是否先選英普班的學生上民小呢？
另想請教民幼同學出去考 ...

好多野都要配合家庭教育，一定有人考到你講的學校，但如果咩都唔做只交比學校或補習就一定考唔到。

gs2012

原帖由 DCMaMe 於 13-12-09 發表
我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

Many thanks for your sharing! I am still struggling between MS and KV!

Claire007

i just got offer from MS, but when i saw my friend's struggle with the P1, definitely i will choose MS at least you have a backup if your child is not too bad

cchowls

原帖由 DCMaMe 於 13-12-09 發表
我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

Thanks a lot.for your sharing.

MS半龍的確好吸引，但長遠要計埋小學及中學學費。請問下如果想其他直资私小，其實要另外補什麼學術科目？KV我知道要補英文。當然明白家長亦需配合教導。

cathy666

其實我想問半龍即係點？佢地讀完小六，照樣呈分，但想讀番民中其實有冇優勢呢？

armo1184

DCMaMe 發表於 13-12-9 09:50
我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

thanks DCMaMa, very useful information.  

maomaofifi

回覆 DCMaMe 的帖子

多謝你的分享！小女有幸有民幼offer,  但對學校認識不深。看過你的資料，相信民幼適合女兒，很高興可在這裏就讀 X 2

letea

今年民幼K3有學生被拒入小一，但被拒人數絶少。
至於民幼程度，我個人認為比以往深許多，例如要做重組句子、作句等，下學期應該開始要寫周記。平日功課每天一至兩樣，週末就大約三至四樣。另外，每月均要做讀書報告。
民中是津校，民小頭100名學生可以穩入民中，其他只好抽獎或投考其他學校。

DCMaMe

回覆 happyapple 的帖子

因到今年K3都仲係學卷制的學生，未有英普班，所以未有紀錄。不過我個人應為係無分別，因係跟學習範疇去評估，係個人唔係以班評估，加上朋友講唔比上的，可能係因行為問題，而唔係學術，所以英粵、英普一樣。加上有K2家長說，到有英普班上小一時，小學會加多一班普教中，所以學位應該係OK的。不過呢個是未有正式校方証實的消息。


考直資係可以的，不過收左你就要决定 Hold 民小定係直資位，因係會Update學生資料，然後通知學校，所以無得兩邊 Hold，算係公平，唔可以Hold 死D 位。考到的直資，之前都有家長Post過，有SFA，英華，陳守仁等。SFA好似唔小，你可以Check番以前D post。

DCMaMe

回覆 cchowls 的帖子

我見民生中文程度係高的，同好有要求的。如果可以跟足，一定無問題。
英文呢兩年先行雙班主任，但見教得都幾快，不過無中文的要求咁緊，可能NET 鬆手D，同埋個NET曾經同我們班家長講，比D 時間小朋友去習慣全英，唔好太擔心佢地做得好唔好，佢會幫佢地慢慢進步。

數學以朋友們考小一的經驗，係無一間幼稚園可做到考小一果關的題目，跟本係連小學生都未必答到的問題，所以好難講。
其他德育、禮貌、自理、行為等民幼係著重的，所以我個人覺得呢方面都OK。


至於需唔需要出去上堂，好Depends On 家長的要求同小孩的情況。我自己就暫時都無任何呢方邊的打算，所以人人唔同好難講。

lilyrico

DCMaMe 發表於 13-12-9 09:50
我係今年民幼家長，或者可以比些資料大家參考。

民幼無學卷制之後，課程應該比以前有幾大的分別。

多謝分享，好詳細

happyapple

多謝你解釋得好詳細:kissyou

cchowls

原帖由 DCMaMe 於 13-12-09 發表
回覆 cchowls 的帖子

我見民生中文程度係高的，同好有要求的。如果可以跟足，一定無問題。

好多謝你的詳細分享，加強我對民生的信心。

其實我好喜歡民生的環境同校風，民小亦係一間好好的小學。只是擔心如果無工做的話會有經濟壓力，所以希望考入平啲既直資小學e.g. YW or TSL 。而自己又是無抽獎運的人。

而KV係中數强，所以難勉有所比較。

而據聞KV可以train到小朋友自己做功課同有良好的discipline亦好吸引。小學唔駛勞氣。唔知MS在這方面的教導如何?