band 2頭的中中要轉為 " 英中"是否好難呀 ?

homme

所謂開英文班.
有些中中是有英文班. 兩班.
但是英文班都不是全部科目用英文書英文教.
(例如, 只是數學用英文書英文教,) 那麼都叫英文班咩.
其他歷史,科學都是中文書中文教. 但是中學就話個班是英文班.
那麼是這樣的嗎 ??

ohnono

ydoris 發表於 12-11-8 13:45
如果係咁,可吾可以將學校開幾多班英文班來定是BAND2頭,中,同尾呢?精英班是否=英文班?英語延展有無成效?英書 ...

用英文班來分2頭、中、尾只是其中一個辦法，況且頭還容易分，中和尾就比較難分，好多時那些中學跟本都已經開不了英文班。
除了升中時的成績，有學校出現負增長的話，到最後的公開試成績可能表現極差都未定。以往有用公開試成績，包括會考和高考，現在就要用文憑試成績和入U率(如果有的話)。

精英班未必等同英文班，有學校有三班英文班，但可以得兩班精英班，亦可一班精英文、一班精數學。

英語延展只是對同學提供一些最基本和簡單的專科英語的認識，例如數學科較易推行，一些專有的名詞，專有的學術用語，讓同學不論在日後衡接新高中時或出來社會工作時都用得著。

至於英書英教，英書中教都是視乎同學的學習能力，英書中教只會拖慢學習進度，咁佢地考試又用返英文，但人家用相同英書，但用英教，用來英考，第一年可能分別不大，但三兩年後，效果截然不同。如果太勉強的話對學生和學校都沒好處。又如果同學不喜英書的，你用中教都沒用，佢跟本未能掌握到英語模式的表達技巧和方式，好容易弄考反拙，除了低分，還會做成抗拒學習！

onepiece

我發現份文件好tricky 喎，講一大堆嘢做到好似只係徵調，但其實精結就是以下一句及其附註：

＂根據上述的框架,學校將不會再分為「中中」和「英中」6。＂

＂6. 隨著微調中學教學語言安排的推行,在高中階段,所有學校可因應學生能力和 需要,以及校本情況(包括教師具備以英語授課的能力以及支援措施),運用 專業判斷,決定非語文科目包括通識教育科的教學語言。＂

就是這一句及附註，EMI 就變成只是for初中，高中就可以好似我地舊時噤＂英書中教＂，唔知我有無理解錯呢？

我發現有中學雖然轉咗做EMI，但高中仍然全部用中文，唔知又係乜原因呢?唔知會唔會怕轉咗英文就要科科同band1學校一齊拉curve，令成績變差呢？haha..只是陰謀論。

ohnono

homme 發表於 12-11-8 15:15
所謂開英文班.
有些中中是有英文班. 兩班.
但是英文班都不是全部科目用英文書英文教.

就算英中學校都有些是體育、音樂、視藝都採用中文上課的。
就算學校合資格開英文班，學校有權選擇個別科目用中文授課，以配合學生的程度和老師的訓練。你沒可能今年叫今年用中文教歷史的老師，明年抄左佢，換一個合資格用英語授課的老師。除此之外，我們作為家長就唔知姐，但作為學校，你估佢知唔知佢地收d乜野學生回來？有些同學，中文和數學超勁，但英文差，所以只能以band 2成績進入升中派位程序，若學校所收的同學中，佔一兩班是這樣的，你估學校夠唔夠膽全開英書英授！唔信？你可以到學校的周年報告，看看幾多所謂band 1、band 2學校的PreS1成績，你就明白！

ohnono

onepiece 發表於 12-11-8 15:48
我發現份文件好tricky 喎，講一大堆嘢做到好似只係徵調，但其實精結就是以下一句及其附註：

＂根據上述的 ...

新高中已變成自選，除了授課語言，學校亦可自選應文憑試的中文卷考核還是英文卷考核，所以又要攪個微調方案，好讓你在初中時提供簡單的基本訓練。但大多中學只選擇在某些理科的項目中進行微調。因為初中的科目以文科為主，物理、化學、生物、等要待高中時才展開。所以多集中在數學和組合科學裡進行微調，以便可衡接到新高中的課程時全英的課程。
相反文科較困難，因為文科若頭三年是以中文學習、中文書寫、中文考核的話，到中四才開始轉英文較困難。但個別學科的選擇改為英書英授還可以，但全部改為英書英授，學生會覺得吃力。

ydoris

香港地,英文好係好緊要.英書英教我覺得係要既,但一定要學生能力達標LOR~英文程度差,但其實學習能力好既同學,結果英文可以拖跨整個成績..心有不甘.我覺得呢類同學正正是BAND2頭那堆英文班學生..佢地吾係差,但又要係中文中學讀英文班,吾上吾落咁..剛過去既統測,我都深深睇會到利害...英文程度不足卻英書英教,結果一敗塗地,合格率奇低..學生還埋怨上堂吾知老師講咩...英文-吾係我地既主要語言,卻使用率奇高...教育局....下一部要點??仲要係小班處拉鋸而吾提升學生既程度....後果不堪...

onepiece

好多人好執著英書英教，但英教唔等於會令英文進步，大家諗真D，例如講英文教Maths, 講來講去個老師咪又係用D好simple的英文，中學生聽了英文真係會進步嗎？反而你叫個學生用英文問Maths 問題，你估佢有幾大motivation問?結果唔識就只有返去搵補習。
我重視英書，因為中學學習詞彙會帶到大學用，網上資料亦大部分係英文，所以覺得英書重要。但我唔認同英教是必須，大家睇吓聖家是中文小學，但英文Pre-s1 成績咪又係有資料裏的全港三甲。諗深一層，會唔會係當局當年無辦法提高學生英文水平，先諗計話一定要英書英教，但家長又唔理解對大部分學生來講可能會壞處多過好處。我地常常講民主，但如果叫18歲以上學生（中學或大學）一人一票，估吓會多人讚成中學英書英教定英書中教呢？家長好多時都會將自己覺得好的加於孩子身上（我都會），但有時想返轉頭，自己覺得好唔等同真係好，亦未必係孩子最需要的。
（haha，不是主流的看法，通常都會引來好多傳統思想的人的評擊，不過主流看法是否等同正確呢？有些人知道不正確，但只係怕被人插所以唔講啫。我講得直接，又無修飾用字，只係有果句講果句，唔係想嘈交。）

杰杰媽媽

onepiece 發表於 12-11-10 11:57
好多人好執著英書英教，但英教唔等於會令英文進步，大家諗真D，例如講英文教Maths, 講來講去個老師咪又係用 ...

我覺得你講得岩，我地以前個年代英書中教咪又係咁考大學，一樣好多人考去外國讀書，只係如果個時加多 d oral 時間就 最好啦！