「申請學生成績次第名單」排名

cow

如自行band2中學收了, 就無得大抽獎抽自己中學.

ohnono

nickfather 發表於 12-10-23 23:10
相信老師的,她亦沒必須報假,但由大家在選校上討論分析,
我是抱懷疑陰謀論的心態!!

自己知自己事，既然小朋友的成績是band 2尾3頭，不如索性揀2間band 2中學，搏一間好少少，一間保守d。
還掂自己中學又係band 1，就算老師幫你叩得到，第日都會吃力。

升中因是一生人一次，在有直屬中學的小學裡，我會盡力找多一點資料，例如打聽一下上年同名次的同學派往那裡，或看看上年學校有幾多同學派往直屬中學、平均名次是幾多。再打聽一下級同學的各科分數，如果考前列的同學，各科分數如果是A或者都是90分以上的，算是合理。如果考第一的同學都是C、D等這樣的成績，就要小心學校可能刻意將試卷調深，做成錯覺成績下滑，家長在評估時，可將banding調高一點，例如，band 2尾的可調高至band 2中甚至band 2頭。

如果你採納老師意見的，可以不理。不是有直屬中學的都可以不理，但仍可以找多一點資料作比較。

nickfather

cow 發表於 12-10-23 23:38
如自行band2中學收了, 就無得大抽獎抽自己中學.

這點我明白,
老師都係甘講,說自行可以搏好D,
但佢好矛盾甘叫我唔好搏出面D band1,
又叫我只填自己直屬!!
好明顯是幫自己中學,但我是明白的!!

Jackieson

hong_yau 發表於 12-10-19 15:44
請問大家, 「申請學生成績次第名單」排名 --> 這一個是什麼?
我見有一些學校在中一自行分配學位收生時需要 ...

唔知啱唔啱, 我認為如果在一些中學在"中一自行分配學位"收生時需要提供這一個資料, 是指申請的學生在該小學的排名, 學生填上全班排名/全班人數, 及全級排名/全級人數 (視乎申請中學的要求), 王給小學蓋印作實.

如果指全港排名, 正如前面的家長講, 學生家長係唔會知.

Jackieson

回復 nickfather 的帖子

nickfather, 我有個同事個case同你一樣, 佢阿仔上年讀st. jo, 學校一樣係叫你選直屬中學第一....如果唔係叩門好難幫你... 完全同你一樣. 而我好認同你既睇法&選學校的位置. 如小朋友是b2尾至b3, 叩門時學校點幫到手叩吖. 所以如果係我, 都會只在乙一選直屬中學.自行選自己心儀的b2好學校.

nickfather

ohnono 發表於 12-10-23 23:39
自己知自己事，既然小朋友的成績是band 2尾3頭，不如索性揀2間band 2中學，搏一間好少少，一間保守d。
還掂 ...

你這句:

就算老師幫你叩得到，第日都會吃力。

正是我想到的難題。

仔仔的成績中、英文也是七十分左右,數、常有八十幾,

其他副科都有八十幾。

同老師溝通過,以往他們的派位是各banding各佔三份一,

而在前次逞分試中,大多同學成績也有很顯注的躍進,相對阿仔就…..

至於有否調深試卷,就很難得知,但所見又唔太覺!!

nickfather

Jackieson 發表於 12-10-24 00:34
回復 nickfather 的帖子

nickfather, 我有個同事個case同你一樣, 佢阿仔上年讀st. jo, 學校一樣係叫你選直 ...

最後朋友阿仔點呢??

有時老師的話影響真大!!浯順服佢到時求佢真係唔使旨意!!

ohnono

nickfather 發表於 12-10-24 00:55
最後朋友阿仔點呢??

有時老師的話影響真大!!浯順服佢到時求佢真係唔使旨意!!

你唔聽佢話就要預左唔求佢。但又要諗一諗自己的成績，到叩門時，我諗你地都會有唔少同學會返去叩門，你估band 1學校會唔會收band 2尾3頭的學生！
從實際去諗，你自行填一間沒希望的學校，花了一個自行位，目的就是要叩門時，老師會幫你！

到時，老師都幫唔到你的時候，你又白白浪費了自行的機會。你真的喜歡自己學校的話，就算你確定自己小朋友是band 2，但band 2學生的抽獎還要等待所有band 1學生派完，看看有多少位剩餘才輪到你抽，機會又再少咁一截。
花了第一志願在直屬學校，第二志願你還得退一步，看看有那些學校是適合放第二的才好，否則有機會派到好後的志願。若從好處看，可能一擊即中呢！但我真係好衰，成日諗埋d衰野

又如果以第一身去考慮，一定好想搏，唔搏過會後悔，賭仔心態。所以，搏唔搏得過就見人見智。

Jackieson

其實你阿仔成績幾好吖，唔會b3啩，而你選校都諗得好全面。我同事就無聽老師話，如果無記錯，佢選校同你諗既一樣，只在乙一選直屬中學，最後去咗波記，應該在自行或甲部派去。

cow

要睇band2生升直屬中學的比率, 和是甚麼中學.
例如LS或MSS, 我只會在自行揀它.

ohnono

其實nickfather你左上面提到，小學的banding分配是各佔1/3，如果中學得你地一間小學直屬的話，佢收盡都係得1/3 band 1生，如果學校收8成小學的學生，咁中學有機會不但收band 2生，還要收10%band 3生。

這樣你們的中學可能已是一間band 2中尾，3頭的學校，不是band 1學校了。況且，以這樣的配搭，我相信有大部份band 1生會向外發展，到時若有20%band 1生走的話，餘下的直屬位，將會全數由band 3學生頂上。

如是這樣的話，nickfather你的小朋友又是band 2、3的話，直情唔洗搏喇，返到直屬學校的機會一定高。

看來只是你不甘寂寞，放棄一間十拿九穩的學校，想搏一間比直屬中學更好的學校而矣！

咁就簡單得多，放棄直屬就要承受風險，恐防回頭直屬不要你。不如看看往年多唔多band 1直升中學，第二考好d呈分試，如果可以進佔第二個1/3，即是band 2的時候，到時band 2生一定抽到直屬位，你自行揀出面的更好的學校試下都無妨！

nickfather

Jackieson 發表於 12-10-24 09:27
其實你阿仔成績幾好吖，唔會b3啩，而你選校都諗得好全面。我同事就無聽老師話，如果無記錯，佢選校同你諗既 ...

我初初都感覺唔太差(一定唔係叻),但原來真係甘,
可以甘講,這遊戲的原則是要分上中下三堆人,
誇張D有三十人升中甘計,
十個考一百分,
十個考九十九分,
十個考九十八分,
九十八分果十人會被視為b3,
幾無奈,但又奈何!!

nickfather

ohnono 發表於 12-10-24 10:20
其實nickfather你左上面提到，小學的banding分配是各佔1/3，如果中學得你地一間小學直屬的話，佢收盡都係得 ...

如你所說的話:
學校收8成小學的學生，咁中學有機會不但收band 2生，還要收10%band 3生。

這令我更要問清楚,因所知及之前的概念是就算收直屬小學8成都好,只收b1、b2,
b3係俉收的。
即就是己派了百分之六十六(三份二)的b1、b2,
還有10多%的直屬保留位是回給非保留位與街外生爭的,
而並非派給直屬b3生。
我這概念如你所說的便有出入了(先不理b1有多少位留給b2爭)

看來只是你不甘寂寞，放棄一間十拿九穩的學校，想搏一間比直屬中學更好的學校而矣！
我說過如派到直屬就完美,
事實在見老師時,她問為何自行不選直屬??
我回答如直屬中學現在收小兒的話,我馬上簽承諾書。
所以我心直屬是首選,但也要面對兒子的實際成積,
搏b2頭也很微,何况b1,
如真的b3也得順服面對(希望唔發生吧)

仔仔考好d呈分試就一定係好事!!

ohnono

nickfather 發表於 12-10-24 13:04
如你所說的話:
學校收8成小學的學生，咁中學有機會不但收band 2生，還要收10%band 3生。

直屬或聯繫學校如果中學願意收band 3的學生的話，不一定band 1、2的同學，中學可以自決。
如果你真係鐘意直屬中學的話，我覺得老師今次又幾有道理，程度又對配，點解你唔揀番自己中學！

cow

nickfather 發表於 12-10-24 00:44

同老師溝通過,以往他們的派位是各banding各佔三份一,

Marymount 都話他們的banding各約佔三份一, 但我唔係好信. 我想他們只是希望那些band2尾的同學, 以為自己是　band3，而自動放棄直屬中學.

fion6406

ohnono 發表於 12-10-24 10:20
其實nickfather你左上面提到，小學的banding分配是各佔1/3，如果中學得你地一間小學直屬的話，佢收盡都係得1/3 band 1生，如果學校收8成小學的學生，咁中學有機會不但收band 2生，還要收10%band 3生。

這樣你們的中學可能已是一間band 2中尾，3頭的學校，不是band 1學校了。況且，以這樣的配搭，我相信有大部份band 1生會向外發展，到時若有20%band 1生走的話，餘下的直屬位，將會全數由band 3學生頂上。

如是這樣的話，nickfather你的小朋友又是band 2、3的話，直情唔洗搏喇，返到直屬學校的機會一定高。

看來只是你不甘寂寞，放棄一間十拿九穩的學校，想搏一間比直屬中學更好的學校而矣！

咁就簡單得多，放棄直屬就要承受風險，恐防回頭直屬不要你。不如看看往年多唔多band 1直升中學，第二考好d呈分試，如果可以進佔第二個1/3，即是band 2的時候，到時band 2生一定抽到直屬位，你自行揀出面的更好的學校試下都無妨！

直屬收8成，是除去自行那3成之後給統一的8成，即全部中一學額的56%(70%x80%)。
如果中學部和小學部一級人數相約，即小六生人數的56%會升去中學部，假設其中7% (按你說的20%band 1生: 33%x 20%)的學生會他去求其他英中，即63%的小六生會升中學部。那就只是剛剛好收哂Band 1 and Band 2 的小學部學生。如果是Band 3，機會就微了。當然如果中學部一級的人數較小六多，情況又樂觀一些。

同意nickfather 應打探差不多名次成績的師兄/姐，到底是否派去中學部。感覺老師其實俾緊貼示nickfather，佢仔是boundary case，中學部係有機會收的，可能是自行時也可能是叩門，但先決是自行要揀中學部。

cow

fion6406 發表於 12-10-24 13:58
直屬收8成，是除去自行那3成之後給統一的8成，即全部中一學額的56%(70%x80%)。

數式接近但不正確.

kt2007

ohnono 發表於 12-10-19 16:02
回復 hong_yau 的帖子

意思是在這次自行收生，中學收到的申請表中，

我又唔係好明,通常是1,2月交表去學校,唔知我資料有無錯,那時都未考哂呈分試,教局會有數據分析到排名嘅?

ohnono

kt2007 發表於 12-10-24 16:31
我又唔係好明,通常是1,2月交表去學校,唔知我資料有無錯,那時都未考哂呈分試,教局會有數據分析到排名嘅? ...

教局的次序名單就跟據頭兩次呈分來排。待第三次呈分試後才有banding，但都唔會公佈，只用來電腦派位的先後之用。
反正都未有banding，中學只可以跟據教局的排名和校內成績來作比較，有望成功搏高一點，特別是那些邊緣人。

kt2007

ohnono 發表於 12-10-24 16:42
教局的次序名單就跟據頭兩次呈分來排。待第三次呈分試後才有banding，但都唔會公佈，只用來電腦派位的先後 ...

明白,真係謝謝你分析,我個仔今年6年級啦,其實之前已開始係這板睇吓資料了,但現在都好像唔知點好,原本都想開始整定申請的信函,但想報個啲英文中學,佢地都說明interview是全英,作為家長寫的信是否應該都要用英文呢,好老實我英文又唔係好好,於是又擱置了,所以都唔知做乜好,阿仔係第一次平估(這只是一個測驗,在學校會佔40%分跟下次評估的分一起合計),剛派了數學,想不到竟是由一年級以來的最低分,佢上年又有一次操行得b-,所以整個人都好像好沮喪,都唔知點好!sorry呀!係度申。

其實我個仔都算邊緣人,佢好多時都是欠2-3分個分數就可由B去A,所以好無奈,成績表係b多過a。