大家會否讓初小小朋友看漫畫嗎?

Charlotte_mom

會呀, 同樓上一樣, 我仔至愛, 就係喜羊羊, 三采文化既尋寶記, 仲有xx大冒險等
我仔好多字都係睇漫畫學返黎, 所以佢o係學校做閱讀理解, 或者數學解題, 我完全唔駛擔心, 因為佢睇中文都幾唔錯
我知我個仔程度, 可以睇老鼠記者咁多字既中文書, 佢都會睇, 不過興趣唔及漫畫, 有時我都會"整古"佢, 出街特登只帶一本老鼠記者, 等佢無得揀

至於簡體, 我同樣有俾, 因為平! 一本繁體既漫畫, 差唔多一百蚊, 如果簡體, 30蚊左右咋! 我仔因為鐘意, 照殺! 連簡體字都學埋(放心佢同我一樣, 只識睇, 一隻都唔識寫, 所以唔會有混亂呢個問題), 我仲唸緊, 好唔好襯小童免費搭港鐵, 帶佢地去少年宮走一次, 肯定佢地雙眼發光呀 (我自己去過一次, 經落馬洲係好企理的, 一出關已經連住深圳地鐵, 去到少年宮站又係出口連住書城, 唔駛o係深圳周街遊, 都可以放心帶小朋友去)

SnowWhite.hebe

我覺得無問題, 從中可以學習到好多中文生字, 我囡囡P.1開始有習慣睇漫畫, 貪佢小字又多圖畫, 易於明白, 對中文和常識科好有幫助! OK架!

miriam

原帖由 Charlotte_mom 於 12-08-07 發表
會呀, 同樓上一樣, 我仔至愛, 就係喜羊羊, 三采文化既尋寶記, 仲有xx大冒險等
我仔好多字都係睇漫畫學返黎, ...

因為睇左尋寶記，跟住睇埋其他既歷史書.

睇科學就係學校借相關既書，就係咁睇多左好多課外書.

Charlotte_mom

我仔一日學埋果d科學道理, 陣間叫我吊個水樽蒸d水黎飲, 陣間又叫我劈開碌竹入面有水飲wor, 佢而家既人生目標就係去睇火山

我女仲攪笑, 上次書展, 買左本白貓黑貓既中國歷史書(因為有馬老師即場簽名啊!), 睇完竟然話好鐘意中史(我最憎!), 尋晚同佢備課, 拎住本中一中史, 由石器時代講到黃帝, 堯舜"與"夏商周, 佢竟然叫我講多d! 真係始料不及 (我而家中史好叻呀我話你知)

SCKnight

三采文化啲書都幾好同有趣！
我小朋友鍾意睇雨林冒險王同恐龍世界歷險記！

miriam

囡囡珍藏

12-8-8 00:10 上傳

下載附件 (98.07 KB)

chumamma

Siu-dor 發表於 12-8-6 12:45
大家會否讓初小小朋友看漫畫嗎? 因為小囡升小二, 識字又不多, 坊間很多中文書都太多字, 她難以入手, 此階段 ...

我不讚成小朋友看漫書,

道理很簡單, 習慣了睇圖書去理解, 就不想閱讀繁複的中文字。

我經常同自己小朋友講, 將來要幫老闆出信寫字給客人, 難道你去畫漫畫給客人去睇 ????  如何組織句子文法用詞 ...... ????

而事實, 我已睇到很多例子個案。

有朋友就是說由漫畫慢慢開始, 點知佢個囡而家小六, 都只是停留看喜洋洋, 但相反, 朋友自小比簡單English故事給佢囡囡, 現在小六, 能寫一手好英文章, 甚至寫英文故事書及印書送給老師, 程度達中四、五左右。

miriam

Charlotte_mom 發表於 12-8-7 14:43
我仔一日學埋果d科學道理, 陣間叫我吊個水樽蒸d水黎飲, 陣間又叫我劈開碌竹入面有水飲wor, 佢而家既 ...

我位仲搞笑, 睇完折射個本, 走黎問我咩叫折射.............跟住我講咪係 "Light of reflection" 囉.............分入射角同反射角...........死........捉蟲入米缸.........畀佢捉住我係咁問問問.............

kelvincheng

回復 chumamma 的帖子

Hi chumamma,

認同你的顧慮, 就是不能令小朋友只看或只懂看漫畫.

我認為看漫畫是要令小朋友不怕閱讀, 跟著就要引導他們看文字書才行, 細仔都是由喜羊羊->三采->小兵->老鼠記者.

其實三采大部分都是知識性漫畫, 有不少文字補充, 當小朋友看完漫畫的部分, 都會跟著再看補充的文字, 是一套很有教育意義的書, 我自己都從中學會了不少知識.

另外大女今年升小五, 雖然她已看完整套金庸小說, 但到現在仍然會追看數碼西遊,尋寶記等漫畫書, 所以我覺得兩者並存是沒有問題的.

唔係化

好多謝大家既分享!!

想問下你地講果幾套書, 例如, 三采文化科學系列, 尋寶記, 雨林冒險王, 恐龍世界歷險記, 白貓黑貓, 圖書館有得借嗎?? 如係三采訂寄黎香港, 運費會否好貴呢? 謝謝!

Charlotte_mom

一般書店都有架喇

longandhong

唔係化 發表於 12-8-8 15:24
好多謝大家既分享!!

想問下你地講果幾套書, 例如, 三采文化科學系列, 尋寶記, 雨林冒 ...

這系列的書售價絕不便宜，且重看價值不高，我建議你往公共圖書館借。由於這些書都很熱門，特別在暑假期間，最好先在網上預訂。

唔係化

多謝各位快速的回覆! 感動中.....

我都想係圖書館借多D, 細個時D書多數買, 但發覺睇完重睇機會好少, 屋企搵位擺都係一個大問題, 所以我會試試圖書館BOOK先~

miriam

唔係化 發表於 12-8-8 15:24
好多謝大家既分享!!

想問下你地講果幾套書, 例如, 三采文化科學系列, 尋寶記, 雨林冒 ...

三采系列書局賣 $93 本, 未必會有 discount.

圖書館好難借到, 試過去搵...........唔好意思係畀人借晒.............

我因為囡囡好鍾意所以買.............我係買到間書局自動畀 discount 我咋.......

Siu-dor

其實我係有chumamma 所提及的疑惑. 因為我驚開錯頭.

英文因為有很多有系統而有趣的故事書, 所以英文方面問題不大. 我擔心的反而是中文, 因為現今香港對中文越來越有要求. 我驚她睇慣漫畫, 對多字的中文書無興趣. 她很喜歡看喜羊羊漫畫(因為身邊同學有睇). 我見佢喜歡喜羊羊, 未跟她一起看多字版的chaper book, 但有時用詞太深, 未能投入於故事情節, 所以興趣不大.

但看見大家有很多正面的分享, 又好似看漫畫問題不是太大, 係未有過度期的呢?

杰杰媽媽

我仔細個時我都買左好多ort/ ladybird,但就算我同佢一齊睇都好,佢都係冇咩興趣.

反而中文書越大越睇大人書,原來佢like真實感,佢唔多like 故事形式既書.

所以宜家都係我自己去開書局幫佢揀書,因為我買中佢鐘意既書.次次佢都好開心咁即時拎黎睇,但佢睇得太快啦!  (俾3/4hr佢已經睇晒一本金庸個d書)

但我真係搵唔到一本佢岩心水既英文書.呢個係宜家最大既問題.



我仔係進化型:  白貓黑貓/三采漫畫>冒險小虎隊>兒童戰略/歷史書>大人歷史/秘聞書  (宜家係繁體簡體全部通殺)  歷時7年

miriam

Siu-dor 發表於 12-8-9 13:21
但看見大家有很多正面的分享, 又好似看漫畫問題不是太大, 係未有過度期的呢?

我開頭都唔接受睇漫畫, 係囡囡 P.1 時學校書展我上去睇書, 咁岩有位主任都係度揀書, 係佢推介三采既書畀我, 主任話佢囝囝好鍾意睇, 睇完好多野發問, 之後我係書局買左幾本, 囡囡睇完之後真係好鍾意.

囡囡並唔係單向地睇漫畫, 屋企有好多故事書, 佢會睇一輪漫畫就轉睇故事書, 剩係呢個暑假 (七月中) 岩岩放個星期, 囡囡已經不停咁睇書, 老鼠記者, 迪士尼故事, 兒童的科學, 木棉樹, 總之係睇到成張床都係書..........可以壓住 D 書訓添.

揀漫畫我係揀會令到佢去搵其他資料既書, 屋企無時會係學校圖書館借, 借完返黎真係睇晒架.

噚日囡囡又問左個問題, 咩叫 "慣性定律", 我同佢講真係唔記得兼唔會亂答, 叫囡囡見到大舅父時可以問佢, 再唔係上網搵資料.

漫畫揀得好會有延伸閱讀, 揀得唔好時就會放棄睇故事書, 所以買之前最好係家長睇左內容先買.

miriam

杰杰媽媽 發表於 12-8-9 13:32
我仔細個時我都買左好多ort/ ladybird,但就算我同佢一齊睇都好,佢都係冇咩興趣.

反而中文書越大越睇大人書 ...

我囡囡都唔鍾意睇英文書, 屋企既英文書我會留返上 EPL 時等老師同佢睇.

中文書真係睇多多都得囉.

唔係化

Siu-dor 發表於 12-8-9 13:21
其實我係有chumamma 所提及的疑惑. 因為我驚開錯頭.

英文因為有很多有系統而有趣的故事書, 所以英文方面 ...

請問英文書, 可以推介下有那些 "有系統而有趣的故事書" 呢