幼師天地~~

koie

Puddingsharon, 其實我好少玩icq啦依家!所以比左icq你可能都好少機會傾呀...你唔介意係到傾著先..or pm我囉..
我唔係tuen mun做架...我唸可能大家年齡差唔多...所以岩傾d啦~~
法子, 你仲有個4歲既女, 真係仲辛苦r~其實我已經唸緊自己造個版出黎架啦...不過其實係得留言板傾既..點都唔太方便!
其實你地係咪驚講到自己學校d野比人知呀?不過另一方面, 我點解會係到開呢個topic, 係因為我知道好多家長同埋校長會係呢到睇野....我心唸佢地最好睇下我地寫咩...等佢地內疚下慚愧下囉....咪以為我地d做員工係好似賣左身比佢甘!!
不過我都會照做一個網頁出黎既...好耐冇做過都唔知仲識唔識...hehe...仲知係到keep下contact囉~~

K.T

我都教左4年lu....其實做到都幾灰..
我唸大家鍾意小朋友的話，多唔多o既做都無所謂，不過幼師經常被人覺得係一份好易、湊仔工作，依家連家長對幼師o既尊重都唔高。其實好多老師真係好有愛心，係課後做左好多準備，如果唔係都唔駛日日咁遲走la。
我都係半職老師，但就日日都要起碼7-8點走......我有d同行朋友，耐不耐就要扎營，根本休息時間都唔夠...係咪真係咁多野做？各位，你話呢？！

肥寶寶

我有個地方可以用，果度一定講野方便過呢度。 ( 因為係自己地方)
想知就pm我。

肥寶寶

就依家的趨勢，間間園都會越來越多野做。唔單止係名校的！只係各做法不同而已，名校的做得名d，屋村的做得合街坊要求。一句話講晒『你睇我好，我睇你好。』

VanessaMeMe

各位老師!

我不是幼師, 我只是有一個4歲女兒的在職媽咪。我都大概知道妳們的苦況, 因為我女兒學校的老師, 很多時都晚上在學校O.T., 回家後仍要打電話給家長, 有時和她們閒談學校時, 也覺得她們很多事都好為難, 也不能盡言。
但無論如何, 希望妳們不要放棄, 小朋友在等妳們細心的教導。 妳們開了這個TOPIC也可讓更多媽咪了解妳們多些, 我們是支持妳們的。

Almaz

唔講真係唔知道原來做幼師咁辛苦,話明教半日,都要做到夜晚7-8點.人工又唔係高.

candytl

我是一位家長, 亦有同感.
以前我也認為幼師是一份很輕松的工作. 但自從囡囡返幼稚園后, 經常接触到老師, 眼見老師們真係有好多嘢做, 龙其是囡囡間學校是活動教學, 學校由通道, 禮堂, 課室墙上的壁報, 上堂用的道具, 都是老師一手一脚做的. 逢親學校搞開放日, 老師仲辛苦, 晚晚做到10點幾至走. 朝八晚八幾乎是指定嘅動作. 有d老師仲要keep住進修, 真係鄧佢哋辛苦.
做為家長, 我當然希望見到老師為自己個女多做嘢同埋不斷提升自已. 同時亦希望社會提高幼師的待遇和地位, 認同佢哋嘅努力和辛勤.   

koie

嘩有甘多家長支持...簡直想喊~~我地會好好做落去!
:
記得係第一間學校做時...d家長又係非常有人情味...我真係好難忘!有時做得辛苦都值得!唔值得既係比校方成日渣乾渣淨...到頭黎花係小朋友身上既時間反而唔多!

koie

係呀甘多位幼師...你地可唔可以講下你地有咩職業病呀?
雖然我得個廿零歲...但係已經有腰骨痛啦!尤其係開學既時候照顧d b仔就仲痛tim..有時係堂上趕起上黎...成日彎腰做野都唔理得甘多....同埋我d手指既骨都會痛架...可能成日剪野同埋摺野啦...你地呢?

QQyan

其實我都知做半日係掛名，以前我o個間幼稚園都係咁，
晚晚又做到三更半夜...唉!!!
宜家我轉到另一間學校，不過好好多囉....
其實所謂名校都唔係好難入o既，人工都ok啦....一間間啦!
我宜家呢間都係名校，但工作量同人工都可以o既...
至於職業病呀，我廿歲都已經有晒啦....腰骨痛就成日都係啦!當我o係以前o個間做時，仲成日頭痛、胃痛...可能又唔夠休息，又壓力大喎....唉!

甜夢

各位老師:
             大家好 , 嘩~~~原來大家都係咁辛苦 , 真係日日做到冇停手 , d 亞頭又成日唔明 , 成日係度鬧鬧鬧.............
有時真係做到冇咩心機 , 最近 , 唔知點解成日胃酸倒流 , 都0知點算好 ..............     

pigpig

我初初入行時，係一間所謂名校教，除左人工好之外，無咩可以值得一提！簡直係一個惡夢...
每日朝早6點幾要返工，放工就成8、9點，仲試過12點
不過，果時仲後生，覺得無咩問題，只係比較累，依家諗番起都覺得自己好勁
後來，去過幾間唔出名的學校教，都係無得準時放工，不過，就比較多D野學...
至於職業病？有呀！咪成日手痛﹙因為要剪好多勞作﹚、腰骨痛﹙分組時長期彎低身﹚
甜夢，
你可能係壓力大，所以成日胃酸倒流，快D去睇醫生，放鬆D！
我遇過幾個出晒名變態的老細，所以，我好明白你的苦況

甜夢

pig pig :
            多謝妳呀 ,  真係講都冇人信架 , 個 d 亞頭好似當我地係超人咁架 , 想要咩就要咩 , 但又唔諗下我地做唔做到嫁喎 , 唉~~~~~~不過點都好啦 , 我地都係專業既老師 , 我地一定會更努力 , 另外 , 我會盡量放鬆 d同會去睇醫生架喇 , 其實我地個個壓力都咁大 , 大家都要放鬆 d 呀 ^^

pigpig

甜夢，
係呀！佢地有時真係好變態；後來我就練到，佢地話我咩，我都笑笑口，激到佢地死死下呀！嘻~~~嘻~~諗番起都好笑呀！
記得有一年畢業禮，校長一句話D野做唔岩，成夜晚7點幾又要重新開始做過﹙仲要聽日就係畢業禮﹚，你話幾變態呀！
不過，無論如何點都好，這些日子都已經過去，依家只係一段段的回憶~~~因為我諗我都唔會再重出江湖囉~~
希望各位同行的朋友，盡自己最大的努力，做到最好，無愧於心。

kikiLeung

我係天水圍既家長，都知道你地的苦況。

特別是天水圍，d家長又troublesome，又keen competition，校長要求又高。

有次放學，在學校門口排隊接仔仔，掛晒長龍，有個大肚家長尖隊，老師已好有禮貌請佢排隊，果個家長就話「咩呀，排緊law」，可見幾無修養

MYOB

絕對敬佩！我兒幼兒中心有project搞時不單早更老師8:00直踩至22~23:00點,晚更睇延展的19:00後也不能倖免，明早一樣返早更。搞足一星期，老師做到虛脫，難得對住家長小朋友仍擠出笑容沒吐苦水，日間重要"清醒"地睇住"細路"對住"老頂"聽實家長吩咐(eg XX有鼻水呀唔該睇緊D呀)聽家長告解(e.g.XX尋晚點扭計法、我又點反擊...)，無得鬧情緒玩黑臉。相對做寫字樓OL,做shop sales 工作也不弱吧。平時無project時也多嘢搞，多時捉去總會培訓、開會、要增值(大勢如是無得退)。好灰吧?
哈，她們又不是唷，笑着吐苦水。其中一個原因是我們家長的支持吧 ，她們自己又很團結吧，主任又了解吧、重要是小朋友又開心吧！加油呀 ！幼師們。

肥寶寶

koie 寫道:
嘩有甘多家長支持...簡直想喊~~我地會好好做落去!
:
記得係第一間學校做時...d家長又係非常有人情味...我真係好難忘!有時做得辛苦都值得!唔值得既係比校方成日渣乾渣淨...到頭黎花係小朋友身上既時間反而唔多!

我第一間的幼稚園的家長都好好架，好尊重老師。可能係舊區，d家長的學歷唔係咁高，但佢地好有人情味。一知我病就成日俾野我食，真係好好架！！ 其中的一個學生都仲有聯絡，依家中二啦！不過之後的家長有d係有錢人、大學生、總經理、大學講師、醫生等等，就冇以前咁好了。可能佢地覺得佢地的學歷高過我地，所以就睇幼師唔起卦。
之後幾間的校長都唔係幾好，第二間園的第一年係半日的，同大家的情況一樣，半日人工，全日工作。第二年就好d轉左全日教師，不過因為有同事需要請一段時間的假，校長唔肯請代課，要我教埋，但自己已經有一班要教，同時點可以教兩班！！所以最後我辭左，去左幼兒園代課，直到新學期開始搵第三間。
第三間的校長好錫小朋友，係一個好老師。不過佢唔係一個好的管理者，因為有次需要佢決定一件事的時候，佢決定唔到，仲叫齊全校老師一齊諗，諗到晚上十一點半都仲未有結果。最後大家先放工第二日再諗過。其實老師們已經俾左幾個佢揀，佢揀唔到邊個(佢話個個都好)。最後花了一個月去做呢件事，但實際落手做的只係一個多星期。不過呢間園收生唔好倒閉左lu。
好彩跟住個暑假搵到現在呢間，工作穩定，暫時不用加班。上年加班最耐都只係七-八點。今年唔知呢？ 希望唔好咁夜啦！坐車返屋企都要成個鐘。

cwl

我都係幼師,做咗十多年,睇住呢行的改變,以前幼師多嘢做家長不會明白和理解以為我們祇是奏仔,每天玩樂便一日.
現在就有d家長會開始知道我們每天有很多準備工作,是有計劃和目的讓幼兒學習的.
但隨着時代的需求,現今的幼師主要並非教學而是 計劃.評估.檢討.寫報告  來回不断重覆,日日如是,真有點心灰

甜夢

pigpig :
           哈哈~~~~~~我會好似妳咁對付佢地架喇 , 我都好想退休呀~~~~~~~~~~~~~^^

meiki

各位幼稚園老師
係到