小一就請補習是否太早?

素兒

唔使客氣
妳可以睇下邊個時段啱妳小朋友
第1個時段係後學5:30-7:00做埋功課都係7:00左右
返到黎摸下又夠鐘訓覺.不過中間又係睇電視既時間啦.
第2個時段係7:30-9:00 食完飯又無咩人上,靜d.返到屋企要即刻訓lu!
可能仲有4:00-5:30, 不過我諗小朋友會攰d,返完學又要返補習,無得休息之餘仲肚仔餓tim.
以上時段只供參考!
妳去搵下先啦!

[ 本文章最後由 素兒 於 08-5-8 16:53 編輯 ]

謙仔媽咪

你住邊區呀, 睇下我幫唔幫到你啦!
我地1對4, 99%有進步
1.5小時 $1k
如有意, 可pm我.

藍莓

素兒,

我會周圍去睇下.真係好多謝你的資料呀.
我個仔星期一至五都冇得睇電視喇,佢學校好多功課做,有時每日8-9樣,佢又做得慢,都唔知點算.

謙仔媽咪,

麻煩你收pm.

kimberleych

其實,我覺得都無話早定遲, 最緊要係小朋友受邊一套, 正如有人唔閙得, 有人要閙先得.

我個女都係小二, 都無人補習, 一樣小一考第五, 小二考第六; 我都有同佢講, 如果你成績唔好, 就去補習, 佢唔想, 咪自動自覺, 雖然好多時都好求奇, 好懶, 開著電視做巧課, 我都好"敏", 總係覺得, 佢有能力, 可以考得更好.

但我諗過, 佢而家咁細, 下下踩油去到盡, 都未必係好事, 至於話教既時候會扯火, 講真, 人人都會, 幾鍚都係咁話, 總之嗰一刻, 就係比佢激到爆; 但呢個未嘗唔係訓練自己EQ既機會，我都係之前其他post都講過，閙完個心仲痛過未閙，所以我選擇唔閙，每次好激氣，行開下，又或者，用笑代替，即係笑住嚟閙，例如：你好拽拽喎，睇咗２個鐘頭電視都仲唔做功課．

總之，不斷去摸索，乜野方法佢受，整下整下，我發現獎嘗積分法佢好受落，譬如一味話呢樣唔準，嗰樣唔準，唔得，佢只會覺得我好罷道；家下，我會話，好，如果你能夠放咗學，３０分鐘內自動自覺做功課，我獎勵你睇６０分鐘既卡通片時間，又或者，黙書有９字頭任揀一樣文具．．．．．．．

欠而久之，佢完全明白”沒有免費午餐”．

素兒

八掛問下
你囝囝邊間學校架?咁多功課既..
8-9樣係咪每樣都係要用好多時間做架?
因為我囡囡有時都係9樣,+明天默書,不過佢都好快做完,因為有d係改正,佢唔使點改,有d就要用多d時間做,不過都ok喎!
都係果句每個小朋友都係唔同既...
咪用唔用方式去教佢囉!
俾心機啦! 佢都仲細個

原文章由 藍莓 於 08-5-9 09:42 發表
素兒,

我會周圍去睇下.真係好多謝你的資料呀.
我個仔星期一至五都冇得睇電視喇,佢學校好多功課做,有時每日8-9樣,佢又做得慢,都唔知點算.

謙仔媽咪,

麻煩你收pm. ...

素兒

可能我之前係睇妳既post 啦,我依家都係用呢d方法教我囡,多謝晒妳既分享!

原文章由 kimberleych 於 08-5-9 09:53 發表
其實,我覺得都無話早定遲, 最緊要係小朋友受邊一套, 正如有人唔閙得, 有人要閙先得.

我個女都係小二, 都無人補習, 一樣小一考第五, 小二考第六; 我都有同佢講, 如果你成績唔好, 就去補習, 佢唔想, 咪自動自覺, 雖然 ...

kimberleych

倚，我好少上嚟，都係睇多，你都記得我？多謝您．

唔好客氣喇，我都係不斷摸索，總之邊樣啱用就用，最緊要小朋友唔好係好大壓力之下成長，我地最人阿媽又可以好好享受揍佢既樂趣．

其實，孩子係上天賜既禮物，我地要好好愛錫他們，感恩．

講真，有時係街到，見到有些父母，同（就算年幼）仔女好似仇人咁，又閙又丙，望都唔望下佢地；又有些父母，揍仔揍到個樣，好似身心疲累咁，我都覺得好可惜！

藍莓

素兒 & kimberleych,

好開心係到得到你們各位的意見,我這星期放鬆d同用另一種方法教亞仔,佢開心左,希望佢同我都繼續保持住呢個態度啦.

素兒,
其實亞仔學校都唔係日日咁多功課,有時5-6樣,不過佢好多時都係唔小心,好似抄課文抄漏字,又要擦過重新做,我已提佢每抄完一句就對一次先抄下一句,可惜有時都會唔小心,所以浪費費好多時間啊.

kimberleych

素兒/籃莓

好高興認識你們!

我真係好樂意分享自己的經驗!

我曾經都係一個沒有經驗的媽媽, 只知道自己好錫呢個女, 每每只係知點樣去錫佢, 卻不知道怎樣去教佢, 當佢一日一日長大, 越來越發現自己既不足! 沒有條理, 沒有耐性, 沒有前膽性..... 一齊都很混亂!

有時, 我見到好多人, 唔錫小朋友, 過馬路又唔拖手, 一副愛理不理的樣子, 我就好"敏", 點解呢d人咁唔珍惜, 小朋友係天賜既緣份同福氣, 我無論幾辛苦, 我都會另大家過得幸福; 我有一個心願, 就係個女會好幸福咁生活, 唔洗好叻, 最好由父家, 跟住過夫家, 一路一路生幾個小孩, 開開心心地生活已可以.

至於讀書, 真係為了讓她可以有自信心同唔好學壞, 要同佢揀朋友, 第一步就一定係同佢揀好的學校, 所以讀書我都會花d 力幫佢, 但, 我很貪心, 真的希望可以輕輕鬆鬆考得好成績(目標); 如果話日讀夜讀先做得到, 我又覺去得太盡喇, 生活仲有好多野, 讀書只係其中一樣.

藍莓

kimberleych,

冇錯,讀書只係其中一樣,女仔都好d,將來嫁得就得,男仔將來要養家,如果讀書唔好都唔知點算.

我覺得亞仔好冇自信,成日都驚自己寫錯或做錯,唔知係唔係之前我鬧得犀利攪成咁,我真係好唔開心,覺得自己害左佢,而家唔知點建立番佢d信心?

Sherryko9

絕對贊成 .

原文章由 kimberleych 於 08-5-9 09:53 發表
其實,我覺得都無話早定遲, 最緊要係小朋友受邊一套, 正如有人唔閙得, 有人要閙先得.

我個女都係小二, 都無人補習, 一樣小一考第五, 小二考第六; 我都有同佢講, 如果你成績唔好, 就去補習, 佢唔想, 咪自動自覺, 雖然 ...

kimberleych

唔好擔心喇；唔係話咩老套，讀到書梗係好喇，但有好多人，佢地既材華，好可能係另一方面；好似電視帶去北海道飲飲食食既男主持，咪又係學整壽司出身，家下幾叻呀，投咗條全日本最貴既吞拿魚呀．雖然老套，但真係行行出狀元架．

至於小朋友，真係唔好閙，好”敏”就行開行；我次次比個人吹到啤一聲，我都係去做下家務先．

要建立小朋友自信其實唔難架，閙係無用，你諗下，有無邊次測驗考試係閙完會識架？多數都無喇，相反，要激勵佢既閙心，自信．

我最近用咗一個方法，對於我個女都幾有用，因為我個女係超懶既人，成日都話：識架喇，知架喇．（實情係，識，不過係唔熟，所以溫下會好d)．所以我就用一個獎勵既方法，以前，佢好鐘意睇電視，衫都未換，就去開電視，唔比佢睇，佢就搏我話：我都係學校成日，你都比我睇下電視輕鬆下呀！

結果係，唔比佢睇，佢會覺得我好罷道，比又唔得，一睇就睇到做”大長金”．

最近，我話：好，你可以睇，但，你要賺睇電視積分，例如話：放咗學，１５分鐘內做工課，我獎你睇２套卡通；自動自覺做課外練習，每個練習獎１５分鐘，每日串生字，每個５分鐘；英文造句，有問有答，每組１５分鐘．

佢而家每日都拿拿聲做功課，當然要做得好，做得唔好，扣分．仲好多時係廣告時間拿住本簿英文造句，整下整下，呢排英下成績好咗好多，上次小測全班最高，每日既速黙都啱哂．

最緊要既係，佢越來越投入，自動自覺，同埋有自信；有次，我問佢，囡囡，你以前時時都話唔洗做全班最高分都好滿意，家下，你時時都攞到全班最高分，你有乜野感覺？佢答：當老師讀佢個名嗰陣，真係想即刻飛返屋企話我知．（呢個就係我想佢有既閙心，終於達到喇）

藍莓

kimberleych,

你囡囡好叻呀.

真係十分多謝你分亨你的經驗.

我都想試你的電視積分,但係賺到的積分會幾時比你囡囡用呀?

請問你囡囡是全日定半日班?我個仔是全日班,回來後都好像沒有時間用啊.

kimberleych

佢係全日班架，放３：１０，約３：３０返到屋企．

詳情係咁既，嗱，你留意下佢，好似我個女，買野，帶佢去玩既獎勵對佢都無作用，佢寧願唔要，佢依然好鐘意睇電視，所以我就揀睇電視做積分獎勵．

佢平時放咗學，一定即刻開電視睇第一套卡通，我試過唔比，佢無哂心機，結果都係唔得，比佢睇，又睇哂先做野；後來，我用好罷道既方法，就係熄電視，錄底比佢睇；但佢唔開心，佢覺得我好煩，態度也不好；我就反思，而家只係小二，如果要我用呢個態度去對佢，唔好話佢頂唔順，我都頂唔順．

後來，我就話，好喇，如果你能夠”自動自覺”放學後１５分鐘內做完２樣功課，而無錯，我就比你先睇一套卡通片．當然，我會幫佢錄底．結果，佢越做越快，仲無錯，我就再放手，好似今日，我就話：你可以一路睇電視一路做．（當然，要一路交貨，表現一差就熄電視．）講到而家（５：５５），佢已經全部功課做完，我睇過，仲無錯添，今日功課都唔小架，每科都有幾樣．

佢試過有一次，覺得那樣功課比較難，佢自己熄電視添（因為唔想錯）；同以前好唔同，佢一味望住電視唔做，結果好似同佢角力咁．

做完功課後，積分計劃就開始計分喇．如果佢做到我前述講既野，我會比分佢，好似佢尋日賺到１２０分鐘，佢就會食完飯，睇佢心愛既影碟；睇完佢就會再想有分，我就會話，做野咪有分囉，久而久之，佢好似草錢咁，上咗癮，時時想做多d野，儲定積分，除時睇佢心愛既電視同影碟．

wttcly

kimberleych,

好中意你的分享, 次次睇到都令我學到嘢.

你好叻呀, 我依家都唸緊邊種奬勵方法對我囡囡最有效呢?

kimberleych

好多謝你認同!

正如我之前都講過,我以前真的不是一個好母親, 只懂鍚, 不懂照顧(時時整親佢或發高燒唔識照顧), 開啟佢既能力就更加講唔上; 個心一直都很內疚, 後來, 痛定思痛, 先改自己既方向.

好似佢容易病, 我以前只懂不斷比藥佢食, 或者樣樣都唔比佢點, 驚有菌, 而家,我就從根本入手, 要佢做運動, 食水果(初初唔肯, 就由蕉開始, 跟住一路改變, 直至最近連佢最怕既橙都肯食), 情況明顯改善; 以前(可能細), 好易病, 2野就咳, 咳得2日就發燒, 燒得2日就肺炎, 真係話都無敢易; 家下好好多了, 一年先一次發下低燒, 就算遇著流感高峰, 有病都快好咗.

其實, 做人阿媽, 個個都係一樣, 想自己仔女好, 開心, 最好就係輕輕鬆鬆過日子, 我一向唔主張迫, 迫得一次, 迫得幾多次呀? 仲有, 大家既壓力都會好大, 真係唔好, 人生, 每個人都唔知幾時到盡頭, 要珍惜自己, 同與小朋友過的每一天, 千其唔好將學業或任何一樣野睇成係人生的全部.

kimberleych

wttcly, 籃莓

仲有呀，講漏咗，就係記得多d讚下你地既小朋友呀，我地中國人有一樣唔好，就係唔鐘意讚人，同好含蓄；其實，人係要讚架．

每次，如果個女個次測驗得既分數唔高，我個心雖然唔多高興，心諗有無攪錯呀，咁都錯得嘅．．．但口都會同佢講：倚，幾好喎（指住啱個題），呢題咁難你都識嘅，你梗係好比心機去答架喇，呀，呢題（指住錯嗰題，（笑笑口同佢講）係咪諗唔到呢？（初初佢以為我會丙佢，個樣好驚，點知我不特止唔係閙，仲鼓勵佢）嗱，唔緊要架，媽媽都時時遇到難題架，我地一齊面對佢，同攪點佢，好無？佢就即刻放鬆哂，同笑，跟住真係會好比心機去解決．

好似今次數學小測，有幾題係咁既模式出，佢全部錯哂．例：（　　　　）－　１２３＝６８８．

佢最近同我講，佢話：媽媽，我好多同學，如果測驗成績唔好，返屋企會比阿媽打架．佢地（指同學）知道我成績唔好，都唔會比阿媽打，佢地話好羨慕我喎．

我就話：咁，佢地比阿媽打完，成績有無好返呀？

阿女就答：都係咁差．

IRON

sorry, 我想問下.......

一路做功課一路睇電視, 會唔會只係快脆應付做晒功課, 而根本無入腦呢??

kimberleych

對於我個女,佢唔會, 我覺得好睇人,情況好似有人睇書一定要靜, 反之, 有人係好靜既環境都唔等於會專心一樣.

仲有, 乜野都係假, 家下既功課係無乜抄寫, 如果係無用腦嚟做, 一定會錯, 而佢係無錯嘅,無論計數,中英文作句, 英文文法, 尋日我對過都無錯; 仲有, 就係睇成績, 佢成績係無問題, 最近2次小測都攞到全班最高分, 黙書又攞到110分,因有加分字, 即証明, 鬥心係好緊要.

kimberleych

補充:

仲有, 一定要睇你自己既小朋友係受邊一套; 正如我前述, 我都唔係一開始就比佢一路睇一路做, 係我發現佢越做越好, 越做越快, 以前都時時要我呢樣個樣, 整下整下, 自己攪點哂, 你見佢得, 就一路一路放鬆, 總之就係, 講明, 一唔得(唔比錯), 即刻熄電視.

小朋友讀書入唔入腦係無得握架.