伍季明上午(07-08)

iq

早晨

acandf

cc0524

yes ah,, last year are seldom parents to show up ah..

acandf

iq

課後既活動是有的. 但大部份是在Sat afternoon.

iq

又請問課後活動係老師安排, 定係小朋友自己選擇

唔好意思初來報到好多問題

上伍上網址, 知道一年有四次考試, 係唔係次次都計分

一星期係唔係一定有英/中黙各一次

佢地一天會有幾多個小息

買校服/運動服, 你會建議我買幾多套?

每一堂有幾多分鐘

一天有幾多堂

好感謝你既幫忙

hehe22

四次考試, 係唔係次次都計分: 係
一星期係唔係一定有英/中黙各一次: 係每個循環週都要, DAY1, 2, 3, 4, 5!
佢地一天會有幾多個小息: 兩個, 9:35-9:50, 11:00-11:15
每一堂有幾多分鐘: 頭三堂每堂30分鐘, 第四至第七堂35分鐘,
一天有幾多堂: 共七堂, 第一堂課前有一班主任課15分鐘,
早會由7:40-7:50.
買校服/運動服, 你會建議我買幾多套?: 學校有義賣校服, 每件10元. 不過開左學先有得買!

PINKAVA

hehe22 寫道:
學校有義賣校服, 每件10元. 不過開左學先有得買!

咁平既? 唔知伍下有無呢?

hkrainbow

hehe22,
有d問題想請教! 你是working mum 嗎? 因我每天下班到家約8:00pm, 家中只有印印, 你認為小朋友的家課可自行完成嗎?  你是怎樣安排小朋友的時間, 可給我一點意見嗎?

hehe22

hkrainbow,

以我所知他們的部分家課都會在堂上舉手作答後才回家做! 大概45分鐘會完成當日的功課. 話就話有6-7樣功課, 但每樣都只是少許吧了! 除左要寫中文生字.

我孩子小一至小三時, 我都是全日工作的, 回到家時給他對功課, 要他將已教的課文讀一次, 便讓他十時上床睡覺!

iq

hehe22
多謝你既回答

有少少唔明:
一星期係唔係一定有英/中黙各一次: 係每個循環週都要, DAY1, 2, 3, 4, 5!

即係唔係上完 5 days就要黙

iq

acandf
又想再問一下, 課後活動係老師挑選, 定小朋友自己選擇家, 其實小朋友想參加童軍, 唔該

acandf 寫道:
iq

課後既活動是有的. 但大部份是在Sat afternoon.

hehe22

iq,

每個循環週都有一堂中默堂及英默堂, 每教完一課就要默!

通常課外活動係自己揀, 不過, 如果太多人就要抽簽!

cnc

Hi各位,

今天見校長(叩門位)好開心收左我個女,唔駛再徬徨.

她被編入"仁"班,你地各位呢?

mrsanthony

各位, 你們好! 我小朋友&我都很喜歡伍季明學校(上&下午校) (校風實在好好, 老師盡責有心), 但是學校係天主教, 而我們是基督徒, 請問你們可否講下伍季明學校會不會很重視天主教徒 或 宗教科? 上午校校長是修女, 基督徒入讀, 修女會不會不喜歡?   

jk67jk

mrsanthony,

你本人想佢重視還是不重視先？

全校的天主教徒不會很多, 也不會敵視基督徒 (除非你搞事啦 --- 講下笑！)

點解你有基督教的5分, 不揀浸聯或基慧呢？

mrsanthony

謝謝您回應,  jk67jk , 因為:

!/ 我們還沒有受浸, 應冇5分.

(我不想在小朋友仍沒有成年前受浸)

2/ 我們住綠楊. (所以不想浸聯或基慧, 我不想坐校車 ), 而且
有間好學校在綠楊, 當然想揀.

3/ 我本人想佢不重視宗教因為我本人有童年陰影

那我是過慮? 過擔心?     

揀定伍季明la!

jk67jk

mrsanthony,

我本身天主教, 所以唔打算將基督教小學擺首選; 我估大家都係有些少擔心。

我自己覺得天主教教區小學的宗教氣氛其實不太濃, 但係佢d 佈置就俾你覺得好濃。 不過, 你都要準備自己, 當孩子問你, 點解學校老師講的一套不同教會牧師的時候, 如何好好的作答。 我本月29日回校買教科書, 到時收到《幸福的道路》(宗教科書), 再與你分享 — 我可能 pm 你啦！

哩本書《幸福的道路》我廿幾年前都係用緊佢.... 真係對天主教的傳教事業... 無奈！
    

iq

cnc
恭喜你   

hehe22
多謝你既回答

acandf, cc0524, hehe22
你地小朋友應該考緊試, 幫下佢地加油先

cc0524

iq,

多謝!! 我而家日日放工就即刻九秒九趕返屋企同佢死過, 不過好似我緊佢唔緊咁!!  

cc0524

mrsanthony,

我真係唔知校長會否介意, 但係我覺得不同既宗教都應該對其他宗教互相包容!! 或者舉個例, 今年學校既家教會旅行, 其中一個目的地是 "志蓮靜苑", 我當時都有覺得奇怪, 點解天主教學校會去參觀佛寺既?? 咁校長會唔會入去呢?? 結果係校長都有入去, 仲到處去參觀添!! 我又覺得呢個感覺幾好和!!  (我本人係無宗教既!!)

反而是你本身是否接受到小朋友係一間唔同宗教既小學讀書, 因為佢地都有宗教堂, 考試亦要背金句! (其實我唔知兩個宗教既金句係唔係一樣!!)  

acandf

mrsanthony,

我都認為你本身是否接受到小朋友係一間唔同宗教既小學讀多過校長會否介意. 我覺得學校很重視"愛". 不知天主教和基督教是有什麼不同?(我本人係無宗教既!!)

請問你是老師嗎?But I may 記錯.. haha.. 我覺得現在做老師很辛苦, 我好"Respect" 老師的.