請問各考小一過來人

gogoweb

小兒出年會考小一, 想問吓各位如果想考啲直資名校, 報讀啲興趣班重唔重要? 讀啲乜會有用啲? 啲人又成日話要有乜証書物証書, 但佢哋咁細個, 可以去邊搵啲比賽比佢哋參加呀?

Teresa

睇下你搵邊d直資學校啦.  唔係張張cert都有用架.  用$買既 (即係比$參加個班, 完左有張cert)梗係唔夠比賽既cert好啦.

仲有, 唔好睇少學校既"獎狀", 乜乜比賽既獎都係"爭取"番黎, 都可以交埋比小學.

不過, 話說回來, 最緊要都係面試同小朋友既表現, 其次就睇家長 (可能多多少少都睇背景, 我諗).

我個仔讀緊直資, 不過當年我冇乜cert, 只係校內比賽既cert同一個公開比賽既獎狀.  但係校長講明係睇小朋友既interview表現, 而我個仔都係好talkative既人, 所以我諗呢樣野幫到好多.

doristsang

其實我覺得考運氣都好重要, 一個5歲小朋友就算在家長面前表現幾好都好, 到正式面試時又是另一件事, 如果小朋友心情唔好, 發脾氣, 甘就冇符啦..

ohnono

最好買一些一年班教科書睇下。因為好多學校會考減數，這些都是一年班教的。

Unclejt

借問聲邊間小學面試考減數呢？

Sindy

小一唔可以考學術性既問題架噃

superray66

doristsang 寫道:
其實我覺得考運氣都好重要, 一個5歲小朋友就算在家長面前表現幾好都好, 到正式面試時又是另一件事, 如果小朋友心情唔好, 發脾氣, 甘就冇符啦..

Agree!!

Charlotte_mom

傻啦, 你睇下sfa果d唔嚇死你!

Sindy 寫道:
小一唔可以考學術性既問題架噃

Dennisk

全中

Charlotte_mom 寫道:
傻啦, 你睇下sfa果d唔嚇死你!
[quote]
Sindy 寫道:
小一唔可以考學術性既問題架?

[/quote]

Charlotte_mom

其實d cert真係要睇下咩cert喇, 好似有d, 3,4歲學ballet, o係個考官面前上過堂, 就有張cert, 你估d學校傻架咩! 就算6歲正式考rad, 都係人人都pass架! 不過叫做proof到有上足堂咁解姐!
如果好似劍橋cert果d, 真係要努力至考到返黎, 當然有價值好多啦(我唔係鼓吹揠苗助長呀, 舉個例咋)
至於比賽, 其實好多比賽都有幼稚園組, 好似朗誦, 畫畫, 每個小朋友潛能唔同, 好難迫既! 不過有試過, 起碼俾學校覺得父母都aggressive, 都有心去培養小朋友各方面發展lor, 再講, 唔試過, 點知小朋友唔得呢, 係咪!
有樣野, 算係我自己小小心得啦, 而家好多學校都著重生命教育, 德育教育, 所以我同女女做既portfolio之中, 都有一part講我地點去教女女去服務社會, 如果你都有做類似既公益活動既, 不妨考慮加返呢一part丫!

Sindy

IC,我以為無晒呢d學校添.........果d學生真係慘呀

Charlotte_mom 寫道:
傻啦, 你睇下sfa果d唔嚇死你!
[quote]
Sindy 寫道:
小一唔可以考學術性既問題架噃

[/quote]

ohnono

聖芳濟各小學咪考減數囉

odelia_ho

Hi gogoweb,
有冇聽過 Trinity or Guildhall

odelia_ho

小朋友有冇學開琴或其他樂器?可以考英國皇家音樂學院

odelia_ho

HI, 又係我, 其實每年學屆都有校際朗誦,音樂節, 有分齡賽, 可以自己去報, 不用經學校, 成績好, 又有 cert.
(但係,似乎又趕唔切)校際朗誦今年剛剛過

gogoweb

odelia_ho,
我仔有學開琴, 不過只係初初學, 同埋佢唔多感興趣, 出年就算考, 我諗都係得嗰一級, 人哋話冇乜用, 唔知係咪呢?
至於嗰啲英文考試, 佢哋咁細個都可以報架? 係咪一定要through出面啲補習學校報?

odelia_ho

gogoweb,
其實都唔係話無用架, 人地無,而你有, 咁已經有分別, 而且,如果K.3有一級證書, 都幾唔錯架啦.至於考英文試, 可以自己報,例如
英國文化協會的Starter,適合幼稚園, 而其他的speed & drama, 我想,都是要through 出面的補習社報, 我睇過其中一間, 一個course要大約$5,000,未計考試費.

gogoweb 寫道:
odelia_ho,
我仔有學開琴, 不過只係初初學, 同埋佢唔多感興趣, 出年就算考, 我諗都係得嗰一級, 人哋話冇乜用, 唔知係咪呢?
至於嗰啲英文考試, 佢哋咁細個都可以報架? 係咪一定要through出面啲補習學校報?
[/quote]

YuYuMother

KTS 都有考加減數架, 不過係面試時問, 唔係written test. 個考官問完要即刻答, 要諗佢會當你唔識問下一條.  

YuYuMother

miffy,

其實唔駛咁緊張架, 佢識幾多都唔緊要, 想考邊間學校照比佢考, 你永遠唔知道d學校選學生既criteria架. 咪試下囉, 無損失架~~~

我今年幫囡囡報左4間私校諗住做back-up, 一心想入屋企附近既津校. 真係好好彩第一輪已經入到, 所以第4間私校直情無去in. 你永遠唔知命運既安排, 所以想考邊間就去考, 唔駛諗咁多. 可能你第一輪派位已經中唔駛煩呢, 係咪?!

至於考唔考男拔, 我可以比下意見你.

我今年都有幫囡囡報女拔. 我好似你咁諗, 陪跑多諗住唔考, 但身邊朋友覺得一試無妨, 最終我都幫囡囡報左. 結果如我地所料唔收, 但我又無後悔喎, 咪當見識下囉.

不過咁, 身邊一定有兩派人, 叫你考/叫你唔好考唔好徒時間. 你唔好聽人講, 自己想同囝囝考先考, 祝你好運.