(真人真事)...哪裏來這樣的媽媽??

kookooloo

                   (真人真事)...哪裏來這樣的媽媽??

我認識一位媽媽﹐在暑假時撞到﹐閒談一會(請大家耐心看) ﹕ 背境﹕佢女女讀港島區某名女校(X心)﹐在P1時﹐老師話佢女女D分數唔掂﹐佢立刻找人補習。

呢幾年來分數也日見改善﹐ 我也替她高興。 我問佢個補習老師點教導佢個女女﹐佢話每日佢自己負責check 功課& 默書(咁可以節省時間)﹐個女女就日日放學後響個補習老師到做練習﹐日日如是。。。佢話每年都購買大約 $700 - $800 額外的練習比個女女做﹐咁仲未足夠﹐個補習老師話做一次唔夠﹐起碼要做3次先夠。所以每本練習佢要再複印幾次﹐個度又大約$400大元。

如果考試﹐佢就會每日分 2-3場﹐每次3個鐘。。。。。        因為個補習老師話佢個女女唔掂﹗﹗可憐的小女孩  -_-

於是我又問佢個補習老師收多少$$一個鐘? 佢話 $200/h

我﹕佢係教師嗎?
佢﹕不﹐是我妹妹的舊同學﹐在學校做書記的。
我﹕嘩﹗佢都好昂貴喎﹗ 我地教師價都係$200/h 喎。。。
佢﹕嘿﹐(佢改變話題)。。。省去...

後來得知佢每個月僅僅補習已經用了$8000 至 $10﹐000
鋼琴又搵個補習老師個女教﹐PTH 又搵個補習老師個老公教(呢個補習老師都好識做生意﹐ 真係好想舉報佢)

未計算學公文數﹐近來仲報了學林數。。。瘋了﹗﹗﹗

Oh....my.....見佢個女女已經毫無童真可言﹐死咕咕咁。。。
    So sososooso poor ....little girl......

大家可以教我點樣點醒佢呢 ? 佢好像中了呢個補習老師既毒一樣------謝謝

cameo

其實你同你的朋友熟嗎???因好似有d唔合理...
返學返全日定半日???就算考試放早,都好難抽到時間係"每日2-3場每次3個鐘"咁溫習啊~~~
個小朋友做練習好快??定學校無乜功課俾佢做??買咁多校外的習作重要重覆做幾次?其實想做都要夠時間啊~~~因為個老師講到個小朋友咁唔掂,咁無理由可以"快靚正"咁完成到所有習作....真係好似唔夠時間去完成佢所講o既事呢~~重未計佢學埋綱琴(學要時間,練更要時間),公文數學林數???
會唔會係你朋友作大左呀???因為我覺得有得人會以"自己付出幾多金錢在仔女身上"嚟炫耀~

wlk168win

Kookooloo:
佢好似有d走火入魔, 一般家長唔會去到禁盡, 係咪想無埋個女, 個女頂得到今日, 都未必頂到聽日, 報紙新聞主角的 “故事” 都經常睇到啦!!
個媽咪好崇拜呢間學校, 好驚個女讀唔到 (又可能驚面子問題), 因此, 就唔理3x7=21, 由得個食水深既書記 (好搵過做書記啦!!) 為所欲為, 捉到媽咪既心理….其實, 可能個媽咪心裡面有問題, 有鬱結, 過度驚恐症, 有無辦法同佢老公傾? 佢老公有無power話事? 應該從媽咪入手, 因為, 個女就算講咩佢都唔會多理架啦, 佢宜家只係信哂個 “富貴總書記”….我估得中唔中?
個細路真係慘, 大人為左滿足自己, 攪到應該最開心既童年…
   

dickeywei33

邪教~~

gogochurch

If your friend handles the girl's homework and dictation to save money/time, she can also supervise her doing 'supplementary exercise' which is provided with answers.  I cannot see the value added in doing exercise with the teacher at all.  The teacher must have her charm or 'spell'.  

Tell your friend that language does not improve by supplementary exercise.  It's only improve when the girl likes language, and spend a lot of time pondering the world of language in different books, and learn the use of language there.  Story books are more enjoyable than 'exercise'.   I always feel exercise (補充練習) is 惡性循環 - you start that because your language is bad without sufficient reading and writing; then the more time you spend on supplementary exercise, the less time you have for reading and writing, and your language never improve enough to compete with your peers.

potung

真的嗎??? 好驚呀!!!!

麟媽媽

唁好啩.....     
相比原來我個仔係咁疏乎！     

viewer

用 $200/h 請一個 學校書記 做補習老師?

      

-------------------------
kookooloo 寫道:
                   (真人真事)...哪裏來這樣的媽媽??

於是我又問佢個補習老師收多少$$一個鐘? 佢話 $200/h

我﹕佢係教師嗎?
佢﹕不﹐是我妹妹的舊同學﹐在學校做書記的。
我﹕嘩﹗佢都好昂貴喎﹗ 我地教師價都係$200/h 喎。。。
佢﹕嘿﹐(佢改變話題)。。。省去...

後來得知佢每個月僅僅補習已經用了$8000 至 $10﹐000

鋼琴又搵個補習老師個女教﹐PTH 又搵個補習老師個老公教...

hviy

我唸應該要揾社工做吓心理輔導.....我係話同媽咪做,佢係唔係走火入魔呀,個囡咁讀法會攪到個腦缺氧,點谷都係嘥$啫,不如分d時間去學d好玩嘅興趣班,跳舞,唱歌等,又可幫助學琴聽拍子,又可以俾佢活動吓,其實除咗成績外,仲有健康都好緊要,尤其是個腦   
其實我個囡K3每個月都用成$6-7000俾佢學嘢,不過會平均d,有芭蕾舞,小小魔術師,畫畫,粵劇,英文,兒童舞,鋼琴,珠心算同溜冰....佢都好enjory咁多姿多釆嘅生活,明白要自己完成學校功課先有得玩,自律係好緊要嘅,呢幾日仲見佢晚晚自己温完習至訓覺,有時仲要我教佢讀未教嘅生字,就算電視裡聽唔明d野都識問點解....e+新嘅教學法係要教學生自我追尋知識的方法,多閱讀課外書,鄺濶視野,填鴨式教育己经out啦,為何要幫魔鬼書記打工??    我估佢可能係x心書記,以為可以有考試貼士.....     

kae

嘩!! 咁樣迫法會癲架喎。

我諗呢位小女孩第時長大可能會好憎狠呢間學校。

Lyn

我亦曾聽人說, 練習要copy一份, 考試前又做一次為求記憶.我不認同, 小朋友因而成考試機器, 題目稍為轉轉就錯晒 .

yuanli

純粹亞媽個人的問題，走火入魔。或是補習老師向她施了降頭。
佢個女去邊間讀，結果都一樣。
我諗你唯一幫到的，是介紹心理醫生給言個亞媽。

raccoon_dog

聽聞X心,一讀唔掂就被人踢出局,唔怪得個阿媽,望子成龍,望到儍,小女孩真可憐,咁樣補習法上高年級或中學時未又係唔掂.
我都識有個朋友,又係咁操個女,唔係名校,成績還越來越差,攪到個女一話去玩就痴線,成日被學校投訴百厭.
囡囡班今年也來了個X心轉來的插班生,隨了英文特別好外,其他就...,但非常非常靜.

River2004

這樣的媽媽，我見識過，手段甚至更狠！

她一直想個女讀女拔，小一考唔到未死心，年年谷成績去考插班，一日未成功仲要加料。kookooloo位朋友都係上門補習，細路都唔洗舟車勞頓，我講呢位媽咪就要工人同細路放左學踩勻九龍新界去上courses，譬如去九龍灣操完水(每週4次)就返旺角上公文(學足3科)，太子道學完畫又入沙田學普通話，另外仲有奧數同兩樣樂器，搞到個個工人都頂唔順做唔長，但工人仲話可以辭工，可憐個細路女就唔知捱到幾時，每日返學放學再返學放學，仲有做唔完

raccoon_dog

不如叫嗰些只識"谷"囝囡的爸媽去上返囝囡嗰些courses,補習啦,跟返個時間表!睇吓頂唔頂得住,痴痴地!

HuiTung

嘿, 你地有冇聽過佢間幼稚園d學生好多要補習呀?  係一個呢間幼稚園K2媽咪話我知ga!

830mama

這個mami 有無問題呀     , "鄧"個小朋友可憐   

[quote]
River2004 寫道:
這樣的媽媽，我見識過，手段甚至更狠！

她一直想個女讀女拔，小一考唔到未死心，年年谷成績去考插班，一日未成功仲要加料。kookooloo位朋友都係上門補習，細路都唔洗舟車勞頓，我講呢位媽咪就要工人同細路放左學踩勻九龍新界去上courses，譬如去九龍灣操完水(每週4次)就返旺角上公文(學足3科)，太子道學完畫又入沙田學普通話，另外仲有奧數同兩樣樂器，搞到個個工人都頂唔順做唔長，但工人仲話可以辭工，可憐個細路女就唔知捱到幾時，每日返學放學再返學放學，仲有做唔完

830mama

raccoon_dog ,

你講得(arm)呀, 等佢地自已試下辛唔辛苦   

raccoon_dog 寫道:
不如叫嗰些只識"谷"囝囡的爸媽去上返囝囡嗰些courses,補習啦,跟返個時間表!睇吓頂唔頂得住,痴痴地!