入了小一媽媽谷

yitaihop

初頭諗住小一唔可以成日打俾老師, 有時LUCK漏都可以問下家長, 問功課, 著校服定運動衫, 學校飯餸等, 無所不談....大家都踴躍答...
我發現一有家長問到溫書或有無補習呢D話題, 就無人覆....講緊係2日都無人應.....

我仔忘了帶默書範圍固家, 星期二就默, 想問谷的家長可否影出來, 好讓可以WEEKEND溫...竟然無人覆?!
她們究竟是咩心態??

b3410

功課，默書紙這些應該好快有人答。補習問題未見過有人group 裏問

1998Ruby1998

係咁架啦，唔係個個媽媽都睇得咁開。我以前問同學去邊讀補數，個同學左推右避，繞路去補習社。結果大家都係去同一間。

倒不如退而求其次，搵仔仔同班 friend，兩個媽媽互相傾仲好。

b3410

可能剛剛小一，爸爸媽媽們自己都未搞清楚學校功課邊處搭邊處
答唔到你

yitaihop

1998Ruby1998 發表於 17-10-6 16:30
係咁架啦，唔係個個媽媽都睇得咁開。我以前問同學去邊讀補數，個同學左推右避，繞路去補習社。結果大家都係 ...

"媽媽都睇得咁開"===>好岩

可能佢地唔俾默書範圍我, 佢地可以少一個對手.....但其實我仔是超普通, 不是叻果種...唔駛咁呀`??

yitaihop

b3410 發表於 17-10-6 16:30
功課，默書紙這些應該好快有人答。補習問題未見過有人group 裏問

咪係, 但佢地唔答你唯有成課默晒....

1998Ruby1998

回覆 yitaihop 的帖子

有殺錯，冇放過。班媽媽冇見過你個仔，點知你係咪黑馬，突然跑贏大市。

yitaihop

1998Ruby1998 發表於 17-10-6 16:42
回覆 yitaihop 的帖子

有殺錯，冇放過。班媽媽冇見過你個仔，點知你係咪黑馬，突然跑贏大市。 ...

想唔到依家既媽媽係咁

bonn1231

一上到小學D媽媽係咁，怕同自己個仔爭分數，其實都幾無奈。

little_yolky

yitaihop 發表於 17-10-6 16:41
"媽媽都睇得咁開"===>好岩

可能佢地唔俾默書範圍我, 佢地可以少一個對手.....但其實我仔是超普通, 不是叻 ...

唔會, 我哋响谷入面有關升中嘢都傾囊相授。默書範圍、手冊呢D, 一般一兩個鐘都即刻有feedback。

可能你曾响谷入面問過有關去咩補習社、測驗開始溫習未等話題, 大家好敏感, 同你小朋友叻唔叻, 係咪對手無關, 就好似問人幾多錢人工一樣, 响谷入面係禁語。我哋谷都有位咁既媽咪, 平時好好傾, 但佢間唔中就彈兩句呢類問題, 即刻靜晒。

wan_sosin

小一剛開學，大家唔識對方，一嚟就問溫習，補習，人哋會覺得你好想谷小朋友，對你提問嘅目的會存疑，個個都唔太想自己答，諗住會有第二個家長會答你，點知個個都唔答。

leafun

我估係睇人。我細女小一時，一班媽咪開咗個群組，傾功課﹑傾老師﹑傾同學仔，而個個知道既都會好快有反應，我哋連有人問補習功課班問題都有人答，所以果時大家放假會約出嚟玩，小朋友同大人都聯繫感情。

但去到二年級，因為學校分班係會將同學仔打散，加咗之前隔離班既家長後，成個群組氣氛唔同咗，有啲家長見到一啲敏感話題(例如家教會)，會好似起角咁不斷defense，自此大家都只答功課/手冊有關問題，其他問題一概已讀不回。

MrBeast

yitaihop 發表於 17-10-6 16:24
初頭諗住小一唔可以成日打俾老師, 有時LUCK漏都可以問下家長, 問功課, 著校服定運動衫, 學校飯餸等, 無所不 ...

範圍不是寫在手冊嗎？u mean 課本內容？

Jane1983

功課、默書，一般都反應好快，但補習或者係邊度學體藝好，就真係一個個人。有d家長真係好熱心，搵到本好的練習都係group度分享，但唔能够希望人人都咁無私。

Lu324

幼稚園已經係咁。
猛問邊位小朋友生水豆，但原來佢兩個仔手足口已經冇返學。之前不斷吹水，後尾先知大抽獎佢放另一間小學乙一。放榜前又送禮比幼稚園校長，搏乜？！心知肚明。
因此，岩傾就傾，唔岩就算

HaYi

我地学校group 反而好好.問咩都好快有人帮，可能大家明白讀書是各自的事，考入的同学大家差吾多能力背景，並不是競分對手，而是合作学習的伙伴

shirley2014

暫時我地小學群0k啦，功課唔識發上來問人，補習社有人話小朋友有去，手冊吾明有人問，幾時默書也有人講，老師罰邊個小朋友也講下，不過識個幼稚園同學仔，同校隔離班距話距地群好少講嘢

kaatt

我多數等小朋友睡了晚上才看group, 所以好多時少出聲。一天都過百個msg, 真的不是每個家長有時間看。

yitaihop

little_yolky 發表於 17-10-6 17:38
唔會, 我哋响谷入面有關升中嘢都傾囊相授。默書範圍、手冊呢D, 一般一兩個鐘都即刻有feedback。

可能你曾 ...

唔係我問補習

yitaihop

kaatt 發表於 17-10-6 22:47
我多數等小朋友睡了晚上才看group, 所以好多時少出聲。一天都過百個msg, 真的不是每個家長有時間看。
...

我地個谷得14人， 其實唔多。我提出的問題只係， 做幾多套冬季==>d人九秒九答， feedback個仔話咩飯唔好食， 叫佢地留意。
今次只是問默書範圍， 叫人影張相都唔覆， 真係好騎呢？! 我呢個問題依家兩日幾， 個個都讀了， 但唔答，我諗緊我是否已被杯葛， 人地已自己起另一谷?

問有無上補習班==>不是我問。