英國升學困惑

monicacjx

宜家讀緊中五，想去英國讀書係讀完中五之後去，定係考埋dse先? 大學想讀York University，未考ielts，dse中英數成績估計係443, 選修科係中史同經濟估計係44。應該點樣揀?

brother4

路過，中五去AL/foundation ?非聯招報本地大學?另英國想入那科?大家會清楚D。。

1998Ruby1998

中史就有機會大學唔當係一科（因為係中文考）。
你打算咩途徑上 York？Sixth Form 上？Foundation？直接用 DSE 考？
還有是讀什麼科目？有沒有其他心儀大學選擇？如果該學科／大學情況唔容許，會有冇其他選擇？

monicacjx

1998Ruby1998 發表於 17-5-18 23:00
中史就有機會大學唔當係一科（因為係中文考）。
你打算咩途徑上 York？Sixth Form 上？Foundation？直接用  ...

我修埋m1既，除了York，我prefer Leeds，諗住大學讀心理學。不過就係唔知用咩途徑去比較合適。

monicacjx

brother4 發表於 17-5-18 22:51
路過，中五去AL/foundation ?非聯招報本地大學?另英國想入那科?大家會清楚D。。
...

我係想讀心理學既，我揀York就係因為佢黎方面好似比較專業。

1998Ruby1998

回覆 monicacjx 的帖子

York、Leeds 大概係 Top 10-20 呢個位，offer 冇 AAA 都會要求 AAB（555 in three electives OR 55 in two electives and a 5 in English or Maths），我地因為 DSE 冇心理學，比較難求大學低一個 grade 嘅門檻（即 544 ）畀你入，你有冇信心攞到至少 544？如果下游少少嘅大學有 Royal Holloway 同 Swansea，我同學有報呢兩間，544 in any 3 subjects excluding Chinese and LS。大部份都會要求 ABB 或以上，我地香港人過去讀二三線大學好唔值得。
會否考慮 AL？好多大學 Foundation 都唔提供上 Year 1 Psychology 呢個選項，至少 York、Leeds 都好似冇，得 BSc Social Science。其他 Top 20 嘅大學都應該冇呢個選擇。

AL 你可以選擇修 Psychology，算係預先畀自己認識下 Psychology，或許你會一拍即合，或許你唔太鍾意，你都可以發掘自己真正鍾意嘅科目。同埋如果你唔鍾意自己呢個選修科組合，都可以透過 AL 呢個機會去「重新做人」。

如果選擇讀 AL，要一家人一齊商量，做定資料蒐集，有咩 Sixth Form 可以讀，價錢適中，摘 A* 和 A 率相對高。

monicacjx

1998Ruby1998 發表於 17-5-19 06:18
回覆 monicacjx 的帖子

York、Leeds 大概係 Top 10-20 呢個位，offer 冇 AAA 都會要求 AAB（555 in three  ...

其實我不太瞭解AL，突然轉會唔會很有難度? 因為好似整個學習形式會唔同。

1998Ruby1998

回覆 monicacjx 的帖子

小學、中學、大學階段都唔同學習模式，唔通我地都唔讀？
其實換學習形式未嘗係一件壞事，話唔定會變好呢。我去左英國讀書先意識到原來自己一直都生存係一個唔適合我個教育制度，我 18 年來都畀老師話讀書唔得，唔係讀大學嘅材料，都因為興趣愛好問題係香港認識朋友好難。依家起碼我學業生活搵返平行點，同父母爭執少左。回想返，如果當初阿爸阿媽小學決定送我過黎英國的話，也許我條路唔會行得咁辛苦，我都唔會畀老師日日投訴我行為，都唔會次次家長日同我阿媽講我冇將來，父母就唔會日日都搵野鬧我黎發洩壓力。


我見到呢度好多家長都係話去外國係值得，可以換到一個玩得讀得嘅仔女，相信你都有機會成為一份子。

AL 當然程度深過 DSE，但係考少 4 科。好多英國學校都重視老師教學質素，小班教學，所以你有唔明都多機會去發問。你都係香港 local 學校讀書，應該知道我地嘅老師有一批係自己讀書得但係教唔得，一批係有心無力，處理好多學校行政野都唔得閒畀 100% 心機攞學生到，仲一批係為飯碗而教書，而比較少老師有心有力，擺足 100% 落去支援學生。英國班老師比較少係上面頭 3 種老師（咩學校都有呢 d 老師，不過英國大機會少 呢幾類）。

仲有，如果間 Sixth Form 有中文讀，你可以額外修呢一科，至少肯定有 A。我朋友話佢地讀書有唔少法國德國人讀返自己語言。有個學生更加係瑞士人，AL 考法語德語同另外一科，佢可以完全唔需要溫書都攞到至少兩個 A。

monicacjx

1998Ruby1998 發表於 17-5-19 06:57
回覆 monicacjx 的帖子

小學、中學、大學階段都唔同學習模式，唔通我地都唔讀？

甘其實interview看不看其他能力，比如鋼琴個d? 唉，我好驚驚(emoji)(emoji)。對於dse，本身底唔算差。我係覺得我全部都係拎4，如果宜家努力d，英文可能都有可能5既。所以我就幾迷茫到底讀埋個dse定點Ծ‸Ծ

1998Ruby1998

回覆 monicacjx 的帖子

我就唔知 Interview 點啦，不過之前面試求大學代表降低門檻收我，我扮到好積極好有熱誠，只會讀佢大學，其他唔考慮。
香港心理學要求都好高下，全 4 機會都頗渺茫，可能要全 5 或以上。不過英文 4 變 5 唔難，肯去補習背果堆騎呢怪嘅筆記，攞 5 唔難，不過其他科又點呢？

monicacjx

1998Ruby1998 發表於 17-5-19 07:22
回覆 monicacjx 的帖子

我就唔知 Interview 點啦，不過之前面試求大學代表降低門檻收我，我扮到好積極好有 ...

哈哈哈，扮積極就一定要咖啦(emoji)其實我讀既選修科係中史同Econ，對於黎兩科我覺得係保4拿5既。不過你知，意外总会发生，話唔定拎個3返黎( ｰ̀εｰ́ )。不過我比較好彩既係，黎兩科都係我自己要讀既(emoji)自己本身學校係band2尾，所以老師要求不高，沒咩壓力(emoji)。不過自己要求高，自己比自己壓力(emoji)

CML2006

1998Ruby1998 發表於 17-5-19 06:57
回覆 monicacjx 的帖子

小學、中學、大學階段都唔同學習模式，唔通我地都唔讀？

Hi Ruby,
想請教一下，如果中國語文差（say DSE 3 以下）而其他科目唔錯 ( say DSE average 5 )， 會唔會影響考入 UK 比較好嘅大學？

P.S. 理科人。

Thanks.

1998Ruby1998

回覆 CML2006 的帖子

如果係理科人而且係選修科強，只係中文做拖累，入 UK 大學有絕大優勢。英國大學一般唔睇中文和LS，如果一早決定去英國的話，可以直接放棄中文 LS，全心投入 5 科。當然，要盡力令中文達 3 和 LS 達 2，令張成績表冇咁樣衰。

CML2006

1998Ruby1998 發表於 17-5-19 14:16
回覆 CML2006 的帖子

如果係理科人而且係選修科強，只係中文做拖累，入 UK 大學有絕大優勢。英國大學一般 ...

謝謝回覆。

目前只係 S2， 但佢（女）唔鍾意讀書, 份人好 hea， 小學/中學都被老師投訴上堂魂遊, 擔心佢去外國讀書會 hea 上加 hea，所以都唔敢搏，DSE點都會考埋中文同 LS。


呢兩年先做 d research 先。

1998Ruby1998

回覆 CML2006 的帖子

我中學都係咁，小學已經開始畀人投訴，不過我中六為左可以擺脫父母嘅制肘，所以好好睇睇考到過 offer 就得。依家讀書比以前認真左好多，起碼考試我唔會覺得難受／放棄。

monicacjx

Applemannn 發表於 17-5-19 10:21
我會建議你今年過去讀 A Level, 以UCAS方式入York, 始終心理學系專科，如果讀foundation我怕你Year 1會追得 ...

即係中五讀完，去英國讀佢地既中六?

monicacjx

Applemannn 發表於 17-5-19 17:00
回覆 monicacjx 的帖子

Yes, 即是應該泥緊9月走，其實都有Foundation收Form 5,不過我自己建議讀A Level好d ...

好哇 多謝你(๑•̀ㅂ•́)و✧