小手術

jcml001

我仔仔剛睇醫生，醫生話要做割包皮，大家知唔知道如果排政府醫院要幾耐，又或者如果睇私家醫院大概幾錢。我有同囝囝買保險，但個agent話唔包，冇得 claim 。

Ocean419

小朋友多大和包皮有冇發炎？保險通常有發炎先會包。政府我估要排超過一年，私家做住大房一晚約2萬左右

jcml001

Thank you.  仔仔6歲，agent
都係話要多次發炎先有得保。

Hoho_baby

其實可以叫個醫生幫你寫到可以claim 到保險嘛

小曳人

個私家醫玍想做生意的話，自然會幫你解決問題！

Charlotte_mom

原帖由 小曳人 於 16-08-15 發表
個私家醫玍想做生意的話，自然會幫你解決問題！

同意！當有醫生文件証明有需要就無問題

little_yolky

原帖由 小曳人 於 16-08-15 發表
個私家醫玍想做生意的話，自然會幫你解決問題！

但係，保險公司都有醫生把關，所以我都好擔心。上次阿女惹咗豬感，醫生話要入醫院，我都暗示佢係咪要吊鹽水，點知佢話唔駛。因為保險經紀講過，如果醫療程序只係化驗+食藥，唔一定要住院，咁保險公司可以不賠。但係我又唔係醫生，醫生話入咪入囉，搞到我驚咗幾耐，好彩最後有得賠。

小曳人

回覆 little_yolky 的帖子

我自己做medical嘅，朋友响醫療保險公司做claim，佢地惡到去眼科醫生驗眼，但個醫生寫到紙佢claim錢！
總之好簡單，入到去同醫生講你想claim保險，就係咁簡單！

little_yolky

原帖由 小曳人 於 16-08-15 發表
回覆 little_yolky 的帖子

我自己做medical嘅，朋友响醫療保險公司做claim，佢地惡到去眼科醫生驗眼，但個 ...

我就係唔識呢D嘢至嚇餐死，最驚醫院入咗，醫生賺咗錢，但我無得claim。

Charlotte_mom

原帖由 little_yolky 於 16-08-15 發表
我就係唔識呢D嘢至嚇餐死，最驚醫院入咗，醫生賺咗錢，但我無得claim。



  ...

聽話，個醫生都唔知玩野定咩，個客肺炎佢寫URTI（上呼吸道感染）。保險公司話即係感冒reject claim

ccjm

我仔7月也割了包皮。claim到。如因发炎而医生認為必要做，係claim到的

siden

老實，呢個年紀唔係成日發炎使乜做？

如果係成日發炎，大條道理claim la

咁如果唔係成日發炎，個醫生做乜叫你做？！

如果成年男人要成家立室就話唔係成日發炎都或者有其他原因要做啫

Olympian

...我仔冇發炎...但政府醫生一望就立即寫紙幫佢排。不過我話唔做啫...好痛，唔忍心。每日沖涼叫佢將層皮向後推。好似話能推到見到頭就可唔洗割。

Olympian

原帖由 IloveJJ 於 16-08-20 發表
我兩個仔都做，兒科醫生話「你係咪唔想抱孫呀？」，咁我就即刻做!

唔係咁嚴重嘛！包皮長會不育？！

little_yolky

Olympian 發表於 16-8-20 14:33
唔係咁嚴重嘛！包皮長會不育？！

無咁嚴重, 因為太長小朋友又懶或家長懶無教, 所以成日洗唔乾淨搞到汚糟發炎啫。好似你話齋, 如果係可以褪到頭部完全外露, 可以撤底清潔到, 係無問題的, 因為本身層皮係保護作用, 不過有D小朋友唔好彩長到太誇張, 頭部唔可以完全外露啫。不過, 好似外國人一般都會細細個時搞掂佢, 因為費事麻煩, 一陣唔小心洗唔乾淨病咗仲麻煩, 不過做手術就細細個快D做, 好似話都要痛幾日的, 上咗小學點搞。

小寶貝兒

little_yolky 發表於 16-8-31 17:48
無咁嚴重, 因為太長小朋友又懶或家長懶無教, 所以成日洗唔乾淨搞到汚糟發炎啫。好似你話齋, 如果係可以褪到 ...

係呀, 我妹個仔就係上年好似差不多1歲幾時做左, 咁痛幾日辛苦幾日, 但之後冇野囉~