發脾氣就訓地 點解決？

newsky

仔仔剛三歲 未識講嘢 有玩手行為
有很多固執行為 要行同一條路線 見到同電梯就沖埋去搭  唔肯入餐廳同店舖 去便利店會手多多攞嘢 總之唔服從佢就訓地 有時仲除鞋襪  請問媽媽們會點處理？ 萬分感謝

KCHK

請問小朋友做左評估未? 有無轉介精神科？如果有是有堂上的，因為好難一下子教你點解決, 因為首先要知道你小朋友邊方面出左問題, 然後先可能想辦法。請問佢為咩事訓地？ 是否你唔比佢上電梯？ 是否自動電梯？ 是否佢一直睇著佢點郁？ 搭完是否好興奮？ 另外， 佢唔鐘意入shop， 有無留意佢為咩唔鐘意? 好嘈? 好多人?

KCHK

其實我的辦法都幾crazy， 就係由得佢訓地, 如果鞋都除左我就話你唔要我幫你掉左佢, 試過都要同佢大戰超過半小時以上, 等佢心情好返先讚佢乖， 努力吧！

newsky

回覆 KCHK 的帖子

多謝你分享！我仔仔係中度自閉症  停左幾個月密集訓練 行為問題就多左！ 佢訓喺條街度  啲路人望住曬 我通常會抱起佢  因為影響到其他人！ 尋日同佢出街想買個外賣返去食 一入餐廳排隊排到一半就訓地 佢想離開餐廳  要有糖食先乖乖跟住我！ 我去左兩間餐廳 都係排隊排到一半就被逼離開！ 十分無奈 我就痴線 去邊都去唔到！去到supermarket 排隊賣單佢又會手多多攞收銀枱附近啲貨品！ 我叫佢停佢好似聽唔到甘！呢排特別多行為問題！我覺得自己好失敗！

KCHK

其實是咩原因停左密集？ 有無其他訓練比佢？ 因為現在佢地真的好需要訓練。 政府方面除左醫院應該每隔一段時間就有開幾日training (在健康院)的, 有無去呢？你有無跟開你地case 的社工幫下你? 因為除左小朋友要training 之外，家長有時都需要找過來人傾下

money82

其實好多A仔呢個年紀都是這樣，唔係你做父母做得失敗。＂等待＂對A仔來講好難，如果真系要買野，兩個人夾住出去。如果只是想他去玩下，一個人帶就咩都簡D快。有時我都系買個包，買盒外壽司算。講真一個帶一個特殊小朋友出街好大壓力，跑來跑去，跪地要抱，鏟地，不停尖叫，咩情況都有。你同距鬥耐力吾理距，距可以同睡成半鐘。最好抱距站起，用少力擁抱距，等距冷靜。再問返距，引導距講返咩事。如果小朋友系超級難搞，發晒癲，最好抱離現場。

newsky

回覆 money82 的帖子

十分認同！有時都想慢慢教佢 等佢自己起身 但影響到人無辦法要抱起佢！

idak

我個女細時都係咁，有次特登揾間近屋企的餐廳，入去前同佢講瞓地乜地方都唔去，立即返屋企。我哋排咗一陣隊，佢就四圍走，叫佢停就瞓地，當時即刻抱佢返屋企，喊到周街d人都望住，好在近屋企。之後每次入餐廳前同佢講聲，就算去其他地方，我都同佢講瞓地即刻返屋企，瞓地情況就減小咗。如去d唔近屋企的地方，佢一瞓地我就立即抱佢入後巷或後樓梯。希望幫到你！

newsky

回覆 idak 的帖子

多謝你！好好的建議！你囡囡而家幾歲？ 情緒行為係咪大個左會減少？

idak

我個女6歲了，其實佢情緒同行為係好咗，但我做咗好多嘢，乜都試，包括各樣訓練、中醫調理身體、針灸、戒口、髗底、自然療法及求神拜佛等。

Jorfei

有無試下預告? 我覺得有幫助。我女細d嘅時候，出街都好唔合作。跟著每次出街前講定晒俾佢知一陣會做咩，有預告佢會安心d, 合作d

agatechung

回覆 newsky 的帖子

我記得我個囝(而家2歲11個月) 之前都有訓街,吾肯排隊,入超市會有亂跑同亂囉野的習慣。當時佢喊住訓街我好開心好大聲同佢講88啦,我走啦~,之後轉身眼尾都冇比過佢(有透過玻璃望佢),之後走左去,但慢慢行。佢見我行左去好遠就起身喊追我，見我停低轉身望佢又訓過,之後我又走左去，轉個灣,我可以透過玻璃望佢,佢又見我吾到,佢肯起身黎找我時,我要佢收聲先抱,又講下其他野引開佢注意,總之一停左少少吾喊就即讚佢(收左聲)同抱佢錫佢。總之我對佢訓地的行為冇反應~~~

排隊方面我係比人教,一開始係2個人排隊玩玩具,到佢開始接受到就加至3個人。慢慢黎,我囝到而家都吾係好肯排隊,不過已有好多改善。我會起排隊時比任務佢幫我，如叫佢囉住些錢/要買的東西,一陣交比姐姐(收銀員),佢企定幾秒都讚佢企得好企得好定,好幫得手之類,佢聽吾明都會感覺你係讚緊佢。慢慢佢肯等的時間會變長。

我會比佢起超市特定的地方由佢亂囉,(牙刷牙膏地方),其他野比佢囉黎睇,就叫佢放好佢(放好就讚),佢吾放就吾比再囉，好老實講,我係講得出就一定做得到的人,亦吾怕起街上教仔,吾會怕左佢抱佢離開現場(有時都會影響到人，不過人地知你教緊,都吾會有咩野講),有時吾聽話就即回家罰企，當然我都有忍吾住大巴大巴的時候。我平時會用讚佢,話佢知邊些係正確。

預告係好重要, 亦會令佢合作些!(有次去搭電梯,點知個電梯越左,要轉去搭另一個電梯,佢就喊同吾肯走，我話佢知,我知你想搭電梯，搭開依個電梯,你想搭佢,不過電梯壞左呀!你睇下! 圍住左整緊呀,而家冇人可以用到個電梯呀!不如我地搭另一個電梯呀,(指一指方向)我地搭佢去火車站呀!我囝就答我"好啦",就肯跟我行。真係下下都要佢點頭先得......

你講的野我都有走過,係就係辛苦些,我好比心機去學點教,睇左好多書,請教左好多人,得出岩我家庭的教法,(我同我C6係一致教法) 亦有做RDI,親子治療,共振治療,氣功有試過(醫小腦加情緒~吾知有冇效)~各式各樣訓練,食營養食品(之前依度有POST話食什麼蘋X素同咩XX脂,吾記得個名,都有食過下~都OK~但食夠就要停) 。

我仔本身係高功能自閉,由歲半發現開始幫佢,我有個特性===>吾係老師/導師講咩我就信咩!~我會自己思考下,了解下先~吾會跟晒佢,吾會太過依靠老師教佢,家人的教導先重要,吾識咪學點教囉,我個囝而家停晒訓練啦~基本上冇咩自閉特徵~不過RDI同親子治療的心得有KEEP住用!~,共振治療有做,因為直接醫個腦,強化腦部能力~營養食品有食~由歲半開始返學到而家都冇大病~講野吾叻不過同我有對答!~~加油啦!!!一步一步黎啦!

newsky

回覆 agatechung 的帖子

好多謝你甘用心的分享  我會努力咖！

peonybibi

原帖由 newsky 於 16-02-01 發表
仔仔剛三歲 未識講嘢 有玩手行為
有很多固執行為 要行同一條路線 見到同電梯就沖埋去搭  唔肯入餐廳同店 ...

真心請教：請問呢啲訓地行為喺2歲時有無發生呢?

newsky

回覆 peonybibi 的帖子

有 不過無而家甘多！

peonybibi

原帖由 newsky 於 16-03-01 發表
回覆 peonybibi 的帖子

有 不過無而家甘多！

謝謝！認真觀察，發現阿仔越來越多問題！問過step，未覆！仲有咩私人機構做評估可快?

newsky

回覆 peonybibi 的帖子

協康應該有 你仔仔情況如何？係咪兩歲？ 點解覺得有問題？見你好擔心甘！

peonybibi

原帖由 newsky 於 16-03-01 發表
回覆 peonybibi 的帖子

協康應該有 你仔仔情況如何？係咪兩歲？ 點解覺得有問題？見你好擔心甘！ ...

多謝你關心!佢發過好多音，但好似最近連發音都少，媽媽也好少叫，我也不肯定他是否真的知道爸爸媽媽意思。佢係好痴四大長老同我兩公婆。教佢講嘢唔so我，圖卡唔鐘意，最鐘意拿住自己的小玩具自己玩，如杯杯。唔鐘意同我玩波波果啲，唔識俾嘢，想攞嘢至叫我攞(身體語言)

peonybibi

唔而家專登唔咁易俾嘢佢，佢喊，lur地，會拖我去佢需要嘅地方。叫佢佢成日唔應，佢一路識揮手，give me five,但唔鐘意做(見我哋咁會笑笑，但自己不做，偏偏考n班個鬼婆老師同佢five,佢肯，唔點解)。佢食嘢，用杯好好，擦牙亦好好

peonybibi

我發現自己做錯了一些東西：沒有好刻意教，成日佢做佢，我做我，佢唔學，我無自己一再重覆。二，佢睇太多電視，眼神溝通好弱，睇得開心忘我，反應唔正常。三，出街太少，刺激不足。暫時我覺得佢指令認知唔ok,所以擔心自閉。我講咗咁多有啲語無倫次，多謝大家聽我講！有咩意見或方法不防指教！