王錦輝小學簡介會分享

BillyBY

去了王錦輝小學簡介會及開日，得到以下幾個重點：
-不用等12年，就會看到成績
-小學成績在同學之間是沒有排名次的
-升學情況則是很多到外國升讀頂尖大學
可是，小學評分只有A、A-、B、B-這些印象分，叫家長如何評估全校整體成績。而中學公開考試成績，就沒有數據提供，外國頂尖大學是哪些大學？有沒有人知道？

整個簡介會，聽到很多次中產、中產、中產的字眼。簡介會時間雖然有限，我們最想知道的是收生情況、面試及填表注意，例如沙田及非沙田居民分別，profolio的要求，升中情況等，但學校卻選擇了重點講解清貧計劃，強調只有校長及副校同秘書才會知道小朋友的清貧「身世」。

sze0203

對於你的疑問，其實學校的網址寫得好清楚，profolio 照上年申請時會列明，上年只收一張兩頁紙，今年唔知情況有無變。至於收生情況及填表注意事項不太明白你的意思^_^暫時聽咁多簡介會未聽過有學校會講填表重點。

Jane1983

上年因為幼稚園安排，有去聽，但完全無印像提過：1）頂尖大學；2）中產；3）清貧家庭等。最記得係admissions officer夫子自道，講佢仔入名小一家點樣開心，到後來先知係惡夢開始。

其實想報就跟網站資料報，講到尾咁多人考，都係睇interview表現。

hobby

回覆 BillyBY 的帖子

星期六我先生有聽簡介會, 他都記得有提及學費減免, 反而他就沒跟我說到升學資料,

至於交表, 到時上網睇返要填那些資料, 聽他說最多交3張CERT; 面試包括睇小朋友creativities, logical thinking etc ... 可選英, 普, 廣為面試語言;

當也有機會參觀課室, 聽學生介紹; 當然未必看到學生其他學校生活真實情況;

或者大家對簡介會要求不一樣, 我們是希望更了解學校, 想知道是否啱小朋友; 我好單純咁諗, 啱讀自然讀得好, 唔啱讀, 未到DSE都已經要轉校, 就算讀上去, 有9成升大學都唔會有我份, 這只是我個人少少意見, 不喜勿插

yokeeland

當天我亦有去聽簡介會，是當天最後一場。記憶所及，校長及其他教職員未有提及同學升上頂尖大學，以及中產等字眼。但我記得校長有說過，在他們學校就讀十二年後，有信心學生都能升上大學，亦有提及如果有些家庭需要扶助，可以申請某個計劃或助學金，但資料只限校長、副校及個別職員處理。

之後在不足一小時的學校參觀，看到在該校就讀的小朋友都很主動，能操流利普通話及英語。面對我的提問，亦自信回應。但當天跟一名在G6就讀的學生傾談，問他會否原校升上中學，他用英文回答說父親希望他更專注學業，所以新學年會轉校。但他不忘告訴我他過去在學校六年獲益良多，亦給予他很多機會接觸不同事物。

直資學校就是有更大彈性，在小孩子的學習、見識等方面作出他們認為最好的平衡，而每個家長的期望也不同，才造就不同類型的直資學校。所以沒有好與不好，只有是否適合自己孩子，亦符合家長期望的學校。

MrBeast

簡介得到的資料大多頗表面，不過有冇chemistry都是一consideration factor

AgapePa

BillyBY 發表於 14-5-25 15:11
去了王錦輝小學簡介會及開日，得到以下幾個重點：
-不用等12年，就會看到成績
-小學成績在同學之間是沒有排 ...

沙田區學生名額上限為15%, 沙田居民唔知算唔算優勢

supericy

原帖由 cherryird 於 14-05-26 發表
反而我最想知有咩校車線, 因為入到的話, 一讀12年, 冇校車就好麻煩, 但簡介會又無講 ...

綱頁有今年既校車線/時間，可睇睇吖

py84ko

原帖由 AgapePa 於 14-05-26 發表
沙田區學生名額上限為15%, 沙田居民唔知算唔算優勢

15% ……即只有22個學位for 沙田區學生。

hkpapa852

WKF 2004年先創校, 都仲未有人考過高考, 點會知入唔入到咩大學呢..... 好似CKY上年(第一屆高中畢業生)成績亦不如大家期望般好.

bbolaf

看到前面的分亨，今年按排好像跟往年簡介會不一樣，因往年在Hall完了簡介會，很多家長都有你們以上的問題，但會按排家長在簡介會完了可以選擇(1)去另一演講廳统一解答家長以上的所有發問問題，或(2)如没問題便去参觀課室。那便不會延誤下一場簡介會，這樣按排都幾好。

melonfans

yokeeland 發表於 14-5-26 10:45
當天我亦有去聽簡介會，是當天最後一場。記憶所及，校長及其他教職員未有提及同學升上頂尖大學，以及中產等 ...

我去到computer room 同 science room, 都係高小學生介紹.  Computer room個男仔同我講吾係好識點用英文講, 話講番中文. 去science room個女仔掛住自己玩, 佢直頭話我吾識用英文講, 我用中文講.  最後我地去睇其他示範, 佢又搶咗其他同學做個示範物品.

我地有同小朋友去,被安排入課室,  間房直頭光到睇吾到slide.

不過好多小朋友都好熱情介紹, 好乖有禮貌.  數學房最好玩, 小朋友用英語介紹好好流暢.

Trilextea

我是用家,學校眞係唔講名次,只求一個愉快學習還境,功課又唔多,但好多project,家長預咗要幫手,例如做powerpoint,大家要有思想準備,你同隔離屋個小朋友比較,直資學校好大唔同!

maymay321

愉快學習也要重成績，如果太多project要父母幫忙，學校又太多課外活動，又不講求名次，家長會否沒有安全感？沒有排名很難轉校。
很多人說要有自己小一學生升到中學畢業才知實際情況，但一讀12年，如果我小朋友有幸入讀，但6年後，這間中學的整體公開試成績仍未見理想，到時怎麼算？走又走不了。

喜樂果子

典實區內對wkf中學的學術及校風都好一般

BEBIBE

yokeeland 發表於 14-5-26 10:45
當天我亦有去聽簡介會，是當天最後一場。記憶所及，校長及其他教職員未有提及同學升上頂尖大學，以及中產等 ...

我都係聽最後一場, 都聽唔到校長有話入咩頂尖大學. 都係聽到校長話有信心令學生可以升上大學咁...其實佢講助學金果D我覺得佢係想表達佢間學校有教無類, 即使學費負擔唔到, 學校都會幫佢. 唔係將人"分等". 如果分既話, 就唔洗SET果8%出來比資助人士啦
而且佢話佢地高小去OVERSEAS既交流活動大多數係去窮地方幫助人, 但同時要教會學生尊重, 同埋平等. 唔係我幫你=我高過你. 所以我幾BUY呢間學校德育方面好好.

BEBIBE

AgapePa 發表於 14-5-26 11:14
沙田區學生名額上限為15%, 沙田居民唔知算唔算優勢

我反而覺得唔係優勢, 因為沙田人只有150 / 15% = 22.5個位....

BEBIBE

cherryird 發表於 14-5-26 12:01
反而我最想知有咩校車線, 因為入到的話, 一讀12年, 冇校車就好麻煩, 但簡介會又無講 ...

佢個WEBSITE有校車路線..超多..多到眼都花.

Tigerpooh

我聽第二場就聽到樓主所講的野, 真係提過幾次中產, 話你地絶大部份人一定有能力帶小朋友出國旅行, 亦提過外國頂尖大學

但今次簡介會講的野著重左在平時上堂學d 咩, 有幾愉快教學咁,  但就真係缺乏左升中、或入大學之事宜,  如佢無呈分試, 係咪真係100%升到原校中學升讀?  唔達標點算?  同埋無提及入浸大有優勢,  (我個friend 個女係這校頭幾界畢業生, 現讀這中學, 她說以前的簡介會講話讀這所學校, 入浸大有優先的) 咁而家唔提, 咁仲有無優勢呢?