純分享: 其實只要仔仔你開開心心&健健康康就夠!

晞晞爸b

好耐無上來EK發言...各位父母你地好嗎?
近排選擇早D收工早D返屋企陪仔...少D上EK..多左時間陪仔仔...亦加深瞭解佢既脾氣及增加父子之間既感情

相信好多父母仍然為左K1奮戰緊..有人歡喜有人愁
有人為左SC好定係KV/KM好而煩...有人為左全部Waiting/Reject 無心儀學校Offer而擔憂
有人為左是否要做超大B而煩...
尤其遇著龍年效應...總之大家都係共同經歷緊考K1既辛苦
此遊戲規則我地都好無奈咁接受
感同身受之餘我只能同大家講: 加油!

以下是個人小小感想..純粹同大家分享下(非喜勿插):
今年是我第3年玩這遊戲
由於小兒是11月尾超細B..還記得佢剛滿一歲時(2011年尾)我已帶佢去IN PN
舊年就兩邊報~超細B IN K1 + 超大B IN PN
今年就超大B IN K1

一開始(2011年)我都好似大家咁..人報我報(九龍塘名幼)...好聽D就做"唔好輸在起跑線上"
講白D就係"唔執輸&人報我報既壓力"...所以第1年我仔四圍IN..當年IN左大約8間(唔太記得)
由於一早有PN offer (雖唔係名幼)..所以之後都係target果D比較好既名幼...

第2年(舊年)依然只係target 名幼 (果幾間).....

今年..主要選擇以龍校/半龍 為主..但已經唔去IN 太多...
點解?
好明顯見到我仔仔好辛苦及好抗拒去IN
因為佢好鐘意現在讀緊果間學校...好多同學仔及老師都好好..日日都好開心返學放學
佢唔想轉學校轉環境...所以今年去interview就專登唔合作唔答問題無出聲(無聲抗議)

其實大家都知小一戰場更慘烈
所以K1爭崩頭想入好D既名幼...出發點都係位小朋友好...希望鋪好條路以後容易行D
天下父母心..此乃人之常情..我完全同意

只不過我地要明白...名幼心儀學校既取錄標準永遠都係一個謎..
有offer固然開心...無亦唔好灰心...唔好因此去懷疑自己小朋友既能力
好多時係學校唔識貨...記住...係學校走寶(5-20分鐘面試如何真係可以斷定小朋友既能力??)
唔係我地小朋友既問題...隨緣吧

其實個個小朋友資質都唔同...有D早熟有D遲熟...人生幾十年..真係漫漫長路...
我會好珍惜同我仔仔相聚既時光...(遲下佢再大個D就唔黐我地父母了)
趁呢段時間做好身教...同佢建立親密既親子關係
只要佢開開心心健健康康就夠...

mamath

好高興你能放開懷抱!

deniseL

好好o既分享同提醒, 同你經歷相似, 只係玩少一年n班遊戲, 但都感同身受!

全軍覆沒又如何? 只係學校同阿仔冇緣吧(哈哈, 阿Q地諗).

替你囝囝開心, 有個好爸爸! 願大家繼續努力, 開開心心過生活~

晞晞爸b

mamath 發表於 13-12-18 11:24
好高興你能放開懷抱!

哈哈...謝謝...
真的愛他就要試著從他的角度去理解體諒他的感受
而非只單方面我們父母的期望及壓力...

這是我做父親仍在學習的一門功課...

Crystalspman

EK多啲呢啲正能量post就好！（另一個打不死誓要入名校嘅post大家可唔可以讓佢沉底？睇到厭了）

breadbb

大家加油！讀咩幼稚園都好 父母嘅愛同關懷係最緊要！

kizzez_irene

Agree

iamiris

same feeling,我冇覆佢好耐

sw_2013

回覆 iamiris 的帖子

我連 click 入去睇都唔 click, 太煩了

iamiris

佢仲日日出po!煩到不得了

晞晞爸b

deniseL 發表於 13-12-18 11:26
好好o既分享同提醒, 同你經歷相似, 只係玩少一年n班遊戲, 但都感同身受!

全軍覆沒又如何? 只係學校同阿仔 ...

同意...大家都要加油..

linwoochung

好高興看到你現在的開懷，很久沒看到你的post，有點想你呢！

DragonBB2011

Chirley

你講得好岩呀...唔單止小朋友辛苦, 大人都辛苦...
我囝共IN左7間左右, 2 OFFER (一有學卷一私校),1間REJECT,其他都係WAITING...
最後揀左間有學卷既, 原因都同你差不多...因囝喜歡同近屋企,
你講既取尾果段好岩, 要好好珍惜小朋友仲痴父母既時間...

6903658

好需要多滴咁樣的post，充滿正能量！

晞晞爸b

Crystalspman 發表於 13-12-18 11:34
EK多啲呢啲正能量post就好！（另一個打不死誓要入名校嘅post大家可唔可以讓佢沉底？睇 ...

其實大家做人父母個個都係為左子女好&希望俾做好既自己小朋友
呢點係understood既

點都好..每個人既要求唔同.
有人千方百計想送子女入名校(譬如前幾日新聞報導有某律師送3隻勞俾一個商人之後告果個商人聲稱俾人呃)
有人由名校轉出因為唔想仔女讀得太辛苦(譬如商台某知名主持人)
其實每個人都有自己既價值觀
爭在我地肯唔肯面對現實及去放低自己既執著及期望(or in some case..面子)

我唔想去評論其它人點樣教小朋友..因為我都無資格去話人
我但求自己可以去以身做則..除了儘量俾最好既自己仔仔之外..很多時亦需要去面對現實~
究竟小朋友既性格適唔適合谷?小朋友頂唔頂得順?小朋友鍾意D咩?
除左一味谷學術之外...品德及正確價值觀? 面對挫折如何去處理? 等等...

人生漫漫長...其實對我來講咩都假...
身體健康&良善&踏實做人 係我希望佢擁有既

人外有人天外有天
成日同人比只會越來越唔開心及越來越大壓力
好自然小朋友無形中都會感受到壓力...
我唔想有悲劇發生(呢個年代既小朋友抗壓興好低..好容易唸唔開做傻事)
總之全家人齊齊整整健康開心先至緊要

dwj

回覆 晞晞爸b 的帖子

十分認同

晞晞爸b

linwoochung 發表於 13-12-18 13:00
好高興看到你現在的開懷，很久沒看到你的post，有點想你呢！

謝謝你
你好嗎?
近排多左D時間(因為雙辣招..我做樓宇買賣..所以無晒生意..哈哈)
有得有失...雙辣招未出之前..係..生意多D..但晚晚12點都未收工..一返到屋企仔仔已訓..第2日朝早佢未起身又出門返工...
現在日日拍烏蠅(哈哈)..雖然收入少左9成...但換來既係早收工返屋企陪仔仔
你問我邊樣好...我會講返屋企陪仔仔..因為呢D時間(小朋友親子時間)係多多錢都買唔到既..而太短...好快佢就唔黐我地了...我呢幾日先發覺佢又大個仔好多...好唔捨得佢咁快長大....)

希望日後我同我仔既關係唔會太差
(前幾個月有單新聞亞仔殺左老豆及媽媽....唉)
我只想我仔做返正常人就OK...

晞晞爸b

Chirley 發表於 13-12-18 13:44
你講得好岩呀...唔單止小朋友辛苦, 大人都辛苦...
我囝共IN左7間左右, 2 OFFER (一有學卷一私校),1間REJECT ...

係呀...最緊要小朋友返得開心
我仔前排剛過三歲生日..現在開始有dd反叛(又未至於好壞..只係遇到唔鐘意就好堅決SAY NO)
我都開始驚遲D唔夠佢玩....(滴汗...)
真係有D希望佢永遠停留在現在這年紀...最乖最底錫...

kyleebc

常存感恩的