兩次非常慘痛的interview經驗

super1984

我個小朋友09年12月出世, 講野唔係好得, 簡單的字, 詞是講到的, 不過講完整句子就唔得, 例如坐車返屋企, 他只能說 " 屋企 " + " 車車 ". 但小朋友對於顏色和形狀, 就好有興趣. 那些什麼配對正方形, 圓形, 星星, 三角形, 完全難唔到佢, 而且玩得好快, 市面好多類似的玩具, 我個仔一路撥, 一路搵配對的圖形, 搵唔到, 咪打開上面個蓋, 掟番個圖形入去, 再自己拍手 " 好野 ". 囝囝一歲多少少, 已經玩緊八個圖形的配對, 而家已經玩緊配對15個圖形.

去年年底, in一間叫 " X思 " 的幼稚園PN, 十一點半入去, 搞到一點半先in, 我個仔要瞓覺, 已經唔係好想應酬個老師. 我太太同個仔一入到間課室, 老師背住我太太做一些登記, 我太太馬上眼明手快在另一張枱拿了個配對圖形的玩具俾囝囝玩, 囝囝在老師面前玩得好快, 點知老師的comment是 " 你個仔係咪特訓架 ", 跟住臨走時, 我太太叫囝囝kiss kiss老師, 個老師面上露出厭惡的表情, 雖然我囝囝都照kiss, 不過都知道無運行喇.

跟住, 到了今年年初, 又in另一間幼稚園PN, 這間幼稚園個名又係有個 " 思 " 字. 姑且叫佢做Y思. 我, 太太和囝囝入到去in, 老師發覺囝囝講唔到完整句子, 就訓斥我們平時係唔係好少同囝囝講野, 又話囝囝呢個年紀可以講到動詞+名詞, 甚至complete sentence. 我和太太都摸不著頭腦, 於是老師勉強咁俾幾件玩具俾囝囝玩, 問下幾個問題. 最後, 老師又講翻囝囝講唔到完整句子的問題, 她說了一句 " 你個仔就快三歲, 無理由講咁少野 ". 我們才發覺不對路, 同老師講 " 囝囝2009年12月出世, 剛好兩歲多少少, 你係唔係睇錯左2009年1月呀 ". 於是, 今次老師無面黑, 不過係面青. 尷尷尬尬的顧左右而言他. 當然, 我們沒有向Y思的校長投訴, 而結果就梗係reject左啦.

sunnygirl

雖然你個囝只有兩歲，不過只會講＂車車＂和＂屋企＂又真係好似少左d喎！有無返健康院跟進？

super1984

睇過那些行醫幾十年的兒科醫生, 佢話男仔可能遲少少, 而且, 有些範疇發展得快, 一些較慢, 亦是正常.

cclemon2009

現在有offer嗎？

Allymcbun

Yes boys are slower in talking. Any improvement now? If in doubt, it's always good to find a specialist to double check.

super1984

cclemon2009 發表於 12-3-12 17:56
現在有offer嗎？

我應該係11月尾收到一個offer, 並且是一間我認為是不錯的幼稚園的offer, 所以咪夠膽連SC的PN都唔申請囉. 否則, 我一定會請一個南亞裔的老粗幫我去SC通宵排隊啦.

fellow

其實你個post 係唔係想講下老師D不友善態度阿？

super1984

Allymcbun 發表於 12-3-12 18:26
Yes boys are slower in talking. Any improvement now? If in doubt, it's always good to find a special ...

首先, 愛因斯坦細個都唔識講野, 詳情請到維基鍵入 " Einstein syndrome ", 我個囝囝係男性, 父同母都係highly educated. 可能囝囝係天才黎架. 或者試下掉翻轉去諗, 如果愛因斯坦細個時因為講野慢 ( 講野發展得慢, 可能係其他方面發展得快, 例如邏輯思維, 空間幾何的認知 ) 俾人夾硬做去做言語治療, 唔俾空間佢, 你估愛因斯坦還會不會發現相對論?

shunleemother

有無咁勁呀,COMPLETE SENT####ES??

irene_the_pooh

小朋友既發展真係有D方面叻D，有D方面差D，而語言真係男仔較差既一環！
如果健康院檢查時話冇問題，我又覺得唔駛太擔心喎！當然市面上都會有一套標準講幾多歲應該識講幾多野，但呢D係「大約」，唔係「天書」，最重要係醫生評估冇問題就OK啦！

至於老師…而家真係有教無類既又有幾多呃！

chansiub

樓主都只係唔好彩。其實你個仔有d似我個。我個係0901大仔。考pn時歲半時又係玩shape sorting 玩到好似特訓。唔識講complete sentence 及收玩具時大喊。但老師仲好欣賞。

bearwhat

我都無特訓我仔玩配對喎..但E家已經玩26英文字配對...好快手了...其實只係佢鐘意玩...一起身就要玩...可以玩幾小時...輪住玩數字...同英文字...我STOP佢5到...無得玩會喊

super1984

bearwhat 發表於 12-3-12 22:11
我都無特訓我仔玩配對喎..但E家已經玩26英文字配對...好快手了...其實只係佢鐘意玩...一起身就要玩. ...

有時小朋友嘅野, 返學都是socialization, 你講一百次, 都唔及一班同學一起做, 互相模仿. 所以, 我個仔一夠兩歲, 就俾佢返PN, 最近幾日, 唔知係唔係睇到老師彈琴唱歌, 天天放學後就亂彈亂唱, 但係手勢就學到足, 例如一唱完首歌, 就雙手同時離開鋼琴, 跟老師的手勢一模一樣.

HaYi

不過樓主都係要小心D, 因我大個2歲亦是說不到中文長句子 (只會一些短句, 如"我要食野"之類.., 說不出"我要食大面包"之類..) , 因之前他幾乎是全英的, 健康院叫佢隔一段時間再番去check, 因為再check佢個時已番左雙語幼稚園, 就識多左廣東話OK pass 左, 不過而家成5歲幾, 總是廣東話句子稍弱, 所以有咩早知去早些開始practice 多些都好的, 因考小學時好多是廣東話.  

咪臣

其實我阿仔細過樓主個仔一個月, 佢都係唔識講嘢, 佢淨係識講兩句,

'My name is XXX' 及
'I am two years old'

仲要個音都唔係好準, 第一句係PG老師教佢, 佢大約21-22個月識講, 第二句係工人姐姐教佢, 上個月識講, 所以都唔係好叻講話~ 中文都係識叫佢自己個名及幾歲.....其他都係單字~

我估你個仔都係獨子, 因為我阿仔都係, 所以比較其他上面有姐姐或哥哥的兩歲大男仔, 我阿仔說話真係比人慢, 因為昨天去本地團, 團內有個男仔係一月頭出世, 已經可以用成句廣東話表達, 因為佢有4歲大的姐姐, 所以係家中獨子, 再加上係男仔, 說話進度會比其他有兄姊輸蝕, 不過不代表小朋友嘅智商有問題!

因為我阿仔都係已經返PN, 佢之前返PG時, 老師都已經話佢學嘢好快上手, 拼圖真情一流, 所以樓主仔仔都會一樣, 甚至更叻! 加油! 共勉之!

AsaphEunice

認同所謂名幼稚園的老師面口麻麻也，唔憂收生，但根本無人知收生準則，本人認爲睇背景，住址重要過睇小朋友能力，尤其父母係專師人仕

super1984

AsaphEunice 發表於 12-3-13 00:17
認同所謂名幼稚園的老師面口麻麻也，唔憂收生，但根本無人知收生準則，本人認爲睇背景，住址重要過睇小朋友 ...

不過, 部份專業人士, 其實都係空心老倌.

例如一些做下樓宇買賣的律師, 可能好霉架咋. 我都聽過有人租左間屋俾律屍, 結果唔交租, 並且利用法律知識令到業主唔敢追佢交租.

我都是有樓收租的, 但就一定唔租俾律屍囉.

hobby

其實我又唔覺得樓主仔仔講嘢慢, 我個囡囡0911, 好似23個月大都講唔到句子, 就算依家都唔係長句子, 或者好多時都係好簡單句子, 好似"我要你抱", "俾xx我/自己個名", 好似一口氣都唔多過10個字, 但可以講到好多歌仔, pn 老師又話佢講嘢叻, 問答有文有路; 只不過己經有咁多適齡小朋友, 學校好多選擇, 自不然會提高要求, 搞到家長又對子女再要求多啲, 真是一個惡性循環

winnietingting

原帖由 hobby 於 12-03-13 發表
其實我又唔覺得樓主仔仔講嘢慢, 我個囡囡0911, 好似23個月大都講唔到句子, 就算依家都唔係長句子, 或者好多 ...

講開「惡性循環」。我想講吓現在的kg越教越深，因為小一面試題目深。而小一學校話k3學生叻，所以面試題目要深。

搞到現在有些kg,k3課程仲深過小一。kg學生集體跳級。如此惡性循環下去，k3就快到p2課程了。

hobby

p2 的課程仲得人驚, 早幾日見過朋友女兒的 IS note, 全英文complete sentence係long sentences, 啲字, theory等我都覺得好難, 咩conductors, objects, transfer heat, thermometer ... 睇到我眼都大埋