給以後要考報分試的同學及家長的一個重要忠告

toyocat

等完成今年統一派位申請,我才post這標題,希望以後的同學家長有所警愓,我的一個朋友帶住憤怒及失望的心情去填寫統一派位申請表.

話說我朋友個仔在2007年由小五升小六時的暑假,在八月頭因一次意外弄傷腳,嚴重至要做手術及要坐輪椅.休息至十月中才上學,在開學以來至上學,只能靠做功課來吸取知識,當然就一定吸收有限.我朋友初時都有猶疑過比唔比個仔考,但當時班主任及一些老師都叫我朋友唔好比個仔考,會幫佢個仔報告比教育署知,在這情況下,我朋友便決定唔考,因佢覺得個仔在第一次報分試時都　ｏｋ,保持band 2,唔想今次無信心而拉低第一次報分試的成績.事情就咁過去 ....... (續)

toyocat

原文章由 toyocat 於 08-5-12 15:07 發表
等完成今年統一派位申請,我才post這標題,希望以後的同學家長有所警愓,我的一個朋友帶住憤怒及失望的心情去填寫統一派位申請表.

話說我朋友個仔在2007年由小五升小六時的暑假,在八月頭因一次意外弄傷腳,嚴重至要做 ...

到完成今次第三次報分試,佢個仔在這次報分試成績係band2,我朋友都好放心,已諗住點填統一申請表,怎知當時學校同朋友講佢個仔係band3,我朋友好奇怪,原來雖然朋友個仔兩次報分試都係band2,但統計排名時竟然要除以三次報分試,我朋友好嬲,平時本來同班主任有傾有講都嬲到差不多反面,她向我們說早知係咁,就叫個仔去考,就算考得唔好都叫做死係自己個仔手上,心甘命抵.
我朋友為了這件事,唔開心了多日,無奈接受事實.

我既忠告係:
除非你個仔或女係神智不清,否則點都要死去考報分試.

khmama

原文章由 toyocat 於 08-5-12 15:07 發表
等完成今年統一派位申請,我才post這標題,希望以後的同學家長有所警愓,我的一個朋友帶住憤怒及失望的心情去填寫統一派位申請表.

話說我朋友個仔在2007年由小五升小六時的暑假,在八月頭因一次意外弄傷腳,嚴重至要做 ...

真係鄧o的小朋友慘, 我個朋友o既小朋友考試時發燒, 都要去考試, 因為真係唔知道唔考o既後果.

judywan

我都有類似情況。小朋友第三次呈分試前兩三日發燒，溫唔到書，冇哂精神。我恐怕影嚮呈分，和老師相量，可否唔考，會否只計兩次分數。老師冇正面回覆，只係話咁重要既試，一定要考。我唯有勉強要小朋友考。
如果照toyocat網友說法，真係好險。。。。。

kiwaiwong

如班主任已把事件告知教育局，有關部門為什麼不接受 ？ 總要知道原因吧。

瑄婷

真的嗎?我聽講係除二.我囡囡都有兩個同學因病欠考一次,不過都係排band1及band2.

[ 本文章最後由 瑄婷 於 08-5-12 21:27 編輯 ]

khmama

原文章由 kiwaiwong 於 08-5-12 17:58 發表
如班主任已把事件告知教育局，有關部門為什麼不接受 ？ 總要知道原因吧。  

會唔會係學校做漏咗, 唔記得通知人地?

KathyKwong

教處定了是3次報分, 不可能因某些事可以特別計算. 總之有什麼問題, 應向教處查詢.

toyocat

朋友與班主任已爭辯了兩小時,都係無結果,之後她有沒有去查證,我就唔知.但老師承諾,如果佢個仔派得唔好,學校會寫封推廌信比佢,是她曾經在自選時揀的一間學校.
始終嗰句,可以去考試就去,唔好博!

virgokaren

原文章由 toyocat 於 08-5-12 22:42 發表
朋友與班主任已爭辯了兩小時,都係無結果,之後她有沒有去查證,我就唔知.但老師承諾,如果佢個仔派得唔好,學校會寫封推廌信比佢,是她曾經在自選時揀的一間學校.
始終嗰句,可以去考試就去,唔好博! ...

Band 3 點派都吾會好好啦！

vespa

呢D班主任害死人, 真係無仇報...
:;pppp:

原文章由 toyocat 於 08-5-12 22:42 發表
朋友與班主任已爭辯了兩小時,都係無結果,之後她有沒有去查證,我就唔知.但老師承諾,如果佢個仔派得唔好,學校會寫封推廌信比佢,是她曾經在自選時揀的一間學校.
始終嗰句,可以去考試就去,唔好博! ...

jessc

肯定而家的情形，因為早兩年就有幫手。
但以我所知因病而住院是可以計少一次，當然要提證明俾學校和EMB(當年)。

不過照聽一面供詞，班主任需付一定程度的責任，有沒有找過學校的學務主任(即負責升學那個)傾傾。和當時有無用書面申請缺考？

maywei

可否叫你朋友寫信教統局告知來龍去脈, 希望事情會有彎轉!

xokitty

我都有類似的情形, 因為第二次程分事剛巧我細仔出水豆, 我已經即是將細仔隔離唔比佢見亞哥, 但我都怕我大仔野到, 因為仲有幾日考試, 所以我都打左去教署問, 因為如果真的出水豆學校根本不會比你回校, 咁我個仔點考呢, 教署的人話, 仲之你考幾多次就程幾多次, 所以其實你的朋友有無打去教署問呢, 因為有時老師都是唔清唔楚架~

史迪佬

真係好唔透明
d 學校有冇做錯野
d 家長真係好難追究

chanmama

呈分是透過電腦上載 , 如果小朋友無考, 佢嗰分一定係空, edb一定唔會計埋嗰次分, 最有可能性是個小朋友係邊緣個隻, 學校根據以往該校派位的數據, 估佢係band2, 但可惜到最後經調整後, 小朋友就落咗band3, 通常學校都係衰禁樣

beaclem

agree, 我囡個班主任教書真係好好, 但講到admin, 派位, 揀學校呢家野......就真係........

好彩亞囡夠八, 識得隔離班同學仔, 至收得多D料咋, 如果唔係, 連自己係BAND幾都唔知 , 都唔知點揀學校

原文章由 vespa 於 08-5-13 01:43 發表
呢D班主任害死人, 真係無仇報...
:;pppp:

khmama

原文章由 toyocat 於 08-5-12 15:28 發表

到完成今次第三次報分試,佢個仔在這次報分試成績係band2,我朋友都好放心,已諗住點填統一申請表,怎知當時學校同朋友講佢個仔係band3,我朋友好奇怪,原來雖然朋友個仔兩次報分試都係band2,但統計排名時竟然要除以三次 ...

教育局通常會話比學校聽band 1, band 2 同 band 3大概的%. 所謂統計排名, 可能係學校自己計分既時候將三次考試總分除三, 以致你個朋友既仔名次跌到尾, 學校再根據banding%話佢係band 3. 但實際上佢係教育局個排名可能只計兩次分, 即係band 2. 如果係咁佢就死得唔抵. 不如叫你朋友問清楚佢點定佢個banding.

Ericmo

事關重大，請你朋友務必向教育局及學校(負責升中的主任/校長)查問清楚，不要不明不白的被降band。

yokopapa

呢D咁重要的事，一定有文件往來，不可能口講口賠。去問學校查文件La，快！