有囡囡既入黎傾下 thx~

sandy123

我囡囡今年中一 , 而家天氣開始熱(由其是前幾日), 但佢係返學仍然堅持著住件冷衫 , 佢小學果時都唔會咁。一上到中學 , 件粒到下身既冷衫就不離身 , 又話要著p褲打底。我明白條裙白色 , e 家又係青春期 , 但係底底+ 打底褲+ 連身底裙+校裙+冷衫 , 唔中暑都熱到一身汗 la。近日同佢傾過 , 話既然件冷衫都粒到下身 , 不而無打底 la , 又問佢學校 d 男仔係咪唔乖 , 佢又話唔係 , 叫佢無著 , 佢又唔肯 , 話個個女仔都係咁 , 唔駛理佢。唉 ~~ 真係唔知六,七月點算 ~~你地囡囡係咪都係咁 , 係咪都照著 p褲 同 冷衫返學?
比 d 意見 la
~ thx !

jackieman

原文章由 sandy123 於 08-5-10 19:00 發表
我囡囡今年中一 , 而家天氣開始熱(由其是前幾日), 但佢係返學仍然堅持著住件冷衫 , 佢小學果時都唔會咁。一上到中學 , 件粒到下身既冷衫就不離身 , 又話要著p褲打底。我明白條裙白色 , e 家又係青春期 , 但係底底+  ...

有著打底褲,但無著冷衫,因老師不淮開冷氣,故全班也很少人穿.

virgokaren

我外甥女學校都無咩人著冷衫，老師話著冷衫吾可以開冷氣。

dllau

呢啲嘢真係要學校做, 我囡囡學校20度以下唔准著冷衫

打底就一定要, 始終在學校的環境, 唔覺意走光就尷尬

worldpeace

阿女都係同你個女一樣, 著背心冷衫加短褲加底裙, 有時會著PE外套代替件冷衫.

janeleung

原文章由 sandy123 於 08-5-10 19:00 發表
我囡囡今年中一 , 而家天氣開始熱(由其是前幾日), 但佢係返學仍然堅持著住件冷衫 , 佢小學果時都唔會咁。一上到中學 , 件粒到下身既冷衫就不離身 , 又話要著p褲打底。我明白條裙白色 , e 家又係青春期 , 但係底底+  ...

我個囡(f2)咪又係咁.
夏天校裙+冷背心, 佢話咁著靚d喎. 好彩熱都會識除衫.
但到冬天就慘la, 因為學校舊年開始唔比著長袖冷衫(將件校褸改裝可以拆開果隻, 一件薄, 一件厚) 但10零度以下佢都係著件薄ga, 厚ga就一定5會著, 佢話老套.

我而家都5會理佢, 佢著乜就由佢, 因為真係5理得咁多, 佢地會覺得連著衫都管, 會覺得我地好煩. 有時10度以下我會擺定件厚ga校褸出黎梳化, 希望佢會擺去著, 但當然件褸原封不動la.

fullmama

我囡囡個校長講
著冷衫係因為社會需要呀..

luima

以前見到 d 中學女仔 30 幾度都著住件冷衫，真係唔明佢地點忍。到而家自己個女上到中一，原來係一樣！佢話朝早搭巴士會凍，返學又有冷氣，但放學又唔見佢除左件冷衫，於是每日返到屋企就成身濕哂！

當然佢地唔止抵得熱，仲好抵得冷。前幾個月咁凍的日子，一樣係著件冷衫，唔肯著校褸，話件校褸樣衰 (慘！幾百蚊件校褸就只著過一次，真係唔知父母搵錢辛苦！) 後來買件棉襖，就只係朝早著住出門口，放學就永遠o係書包度，相信其實一返到學校就已經除左放入書包 -- 佢話唔凍喎，真係冇符。真係一件冷衫走天涯！

初時都以為係自己個女o既問題，但見到佢 d 同學個個都係咁，出街見好多其他學生又係咁，連上 forum 見好多阿媽話自己個女都係咁，所以都隻眼開隻眼閉，廢事勞氣。唯有冬天要佢著件羊毛底，而家夏天就買件藍色線衫俾佢 "扮" 冷衫，等佢唔使出熱痱。

janeleung

原文章由 luima 於 08-5-13 10:35 發表
以前見到 d 中學女仔 30 幾度都著住件冷衫，真係唔明佢地點忍。到而家自己個女上到中一，原來係一樣！佢話朝早搭巴士會凍，返學又有冷氣，但放學又唔見佢除左件冷衫，於是每日返到屋企就成身濕哂！

當然佢地唔止抵得熱，仲好抵得冷 ...

我個囡小六時都講過, 媽咪d人係咪傻ga, 咁熱都著件長袖冷衫, 言猶在耳, 自己咪又係咁.

pinkiesalbe

我個女話：
穿打底褲係防走光，
（因為在學校同同學玩得忘形時可能會走光）
（穿慣了不穿會沒有安全感）
穿冷衫就係因為靚d
（我個女有時不穿，同學會話：做咩今日咁核突，唔穿冷衫…）
呀女話：我完全唔覺得靚d，但佢費事d同學咁講，所以佢就穿la,,

rclamlam

sandy,

你個女開始大啦, 你都要學下適應, 上到中學, 大部份既中學生, 男男女女都一樣, 鐘意著住件冷衫, 呢個情況好普遍, 你都管唔到架, 等佢地自己決定啦, 行出街大部份既中學生都一樣.

原文章由 sandy123 於 08-5-10 19:00 發表
我囡囡今年中一 , 而家天氣開始熱(由其是前幾日), 但佢係返學仍然堅持著住件冷衫 , 佢小學果時都唔會咁。一上到中學 , 件粒到下身既冷衫就不離身 , 又話要著p褲打底。我明白條裙白色 , e 家又係青春期 , 但係底底+  ...

Ms.ChanChan

原文章由 rclamlam 於 08-5-14 09:37 發表
sandy,

你個女開始大啦, 你都要學下適應, 上到中學, 大部份既中學生, 男男女女都一樣, 鐘意著住件冷衫, 呢個情況好普遍, 你都管唔到架, 等佢地自己決定啦, 行出街大部份既中學生都一樣.

...

短袖背心都叫做可以勉強接受，約長期著住件長袖大冷衫，咪"介"手，身形有咩轉變都睇唔到？好驚驚驚...

ruby2004

原文章由 Ms.ChanChan 於 08-5-14 11:15 發表


短袖背心都叫做可以勉強接受，約長期著住件長袖大冷衫，咪"介"手，身形有咩轉變都睇唔到？好驚驚驚...

係屋企唔著大冷衫見唔見到

Pmum

我囡囡都有著冷背心返學,不是為了遮掩甚麼,係因為課室啲冷氣實在太凍.
有時佢哋趕住放學走,在街度可以不方便”除”衫,所以便一路著住返屋企.我有問為何不放在學校,佢話坐火車時都好凍.
所以佢哋著冷衫係有實際需要的!!

原文章由 ruby2004 於 08-5-14 11:19 發表





係屋企唔著大冷衫見唔見到

Ms.ChanChan

原文章由 ruby2004 於 08-5-14 11:19 發表





係屋企唔著大冷衫見唔見到

我就係驚連係屋企都不願除下大冷衫/長袖衫。

Sindy

以前我都成日話個女好著住衫冷衫,但講講下都無氣啦....由得佢話事啦,其實呢d都唔係大問題,佢鐘意就著,熱係佢既事,佢頂得順我唔理佢啦......佢地真係睇大圍的.............而家唔執著呢d野,佢反而有時都唔會著....開始理性d,我話係咪呢....有時佢出街著t-shirt ,又係白色.....咪又係無野係面.......唔理佢有個好處,就係唔駛為左一件唔係大問題既事,搞到親子關係差左

Goody

其實個個都係咁著，如果佢唔著就會顯得好odd架啦，為左合羣都冇辦法! 我有時都話下佢，但都唔會堅持叫佢唔著，佢講打波都會除下因實在太熱了！

SALLY媽媽

我的女女今年中五啦, 我都好像未見過佢唔著住件冷衫.

原文章由 sandy123 於 08-5-10 19:00 發表
我囡囡今年中一 , 而家天氣開始熱(由其是前幾日), 但佢係返學仍然堅持著住件冷衫 , 佢小學果時都唔會咁。一上到中學 , 件粒到下身既冷衫就不離身 , 又話要著p褲打底。我明白條裙白色 , e 家又係青春期 , 但係底底+  ...

muimui靚媽媽

你囡囡開始大個,有自己的想法同喜好.
你無需過份粗心~
你囡囡可能覺得校裙唔靚或好透...同埋同學都會著咪一齊著....