啟思收生已有結果

heidilam

各位媽咪,


我囡囡昨天收到啟思收生結果, 佢被列為『不收錄正選生』, 簡單D講即係唔收我囡囡, 雖然啟思唔係我最心儀的學校, 但我唔明白佢地用乜準則去收生, 我囡囡interview果日第一眼見到老師就同老師講 :「我今日唔開心」，但之後跟老師對話都總算有問有答, 不過我見到D老師同其他家長好friend, 我直覺話比我知佢地應該一早就識，甚至有個做緊interview嘅老師會帶小朋友去廁所, 我會感覺到佢地收生準則係講關係，對我地d跟學校無聯繫的家長好唔公平。
講真我好緊張有無學校收我囡囡, 我已經約咗好幾間幼稚園做面試, 我相信好多媽咪都會同我一樣會好擔心, 我地做家長要接受同相信學校的選擇, 但對於一個2、3歲的小朋友來講, 這種被選擇的方式是否公平???

JOEE

hi,

你個女是否 in Kowoon Tong 個間? 我都是同一天收到信, 是收取我個仔入讀下午k1 (2008), 27/10 去interview, 老實講, 我個仔個日in 之前 , 等到有d 不耐煩, 剛開始interview 就cry 左一陣, 但是個校長同個老師都肯叫我們等15mins 再in , 比我個仔平靜一陣, 之後都是表現普通, 但是結果都是意料之外(收左, 只是下午), 我都唔識d 老師, 校長, 但都有機會入讀

不過真係不否認有人識老師, 校長而入到學, 不要太勞氣

add oil!

嘉倩-YUKI

請問係便間啟思呀?

原文章由 heidilam 於 07-11-9 13:24 硐表
各位媽咪,


我囡囡昨天收到啟思收生結果, 佢被列為『不收錄正選生』, 簡單D講即係唔收我囡囡, 雖然啟思唔係我最心儀的學校, 但我唔明白佢地用乜準則去收生, 我囡囡interview果日第一眼見到老師就同老師講 :「我今 ...

keroppikeroppi

原文章由 JOEE 於 07-11-9 14:41 硐表
hi,

你個女是否 in Kowoon Tong 個間? 我都是同一天收到信, 是收取我個仔入讀下午k1 (2008), 27/10 去interview, 老實講, 我個仔個日in 之前 , 等到有d 不耐煩, 剛開始interview 就cry 左一陣, 但是個校長同個老師 ...

JOEE,

啟思是否問你若上午班無位, 你會不會考慮讀下午班而你答會考慮呢 ? 因我答不考慮, 所以就說另一些啟思分校上午班還有學位, 叫我聯絡分校.

heidilam

原文章由 keroppikeroppi 於 07-11-9 14:54 硐表



JOEE,

啟思是否問你若上午班無位, 你會不會考慮讀下午班而你答會考慮呢 ? 因我答不考慮, 所以就說另一些啟思分校上午班還有學位, 叫我聯絡分校. ...

Hi Joee媽媽,

謝謝你的安慰, 我都係見九龍塘啟思的, 我的情況跟keroppikeroppi媽咪一樣, intervew完畢老師問我會唔會選下午班, 我話唔會, 因為我要返工, 我想多d時間陪囡囡, 可以朝早陪囡囡返學. 封收生信都有叫我call其他分校選上午班.

小虎哥

我個仔都係『不收錄正選生』，我只係選擇上午班，所以都係叫我聯絡分校。我都想知收生標準，亞仔當日表現雖然唔係特別好，但尚算 OK 答到所有問題 &有 D 怕醜。我都見到有老師同家長好好傾，好似閒話家常咁，都唔係問小朋友問題，佢哋傾咗一陣先到我個仔，我哋 in 完佢哋仲傾。不過無所為啦！反正 in 完之後我對呢間學校感覺一般，同埋又一村都收咗亞仔，唔使驚無書讀。

heidilam

原文章由 小虎哥 於 07-11-9 15:32 硐表
我個仔都係『不收錄正選生』，我只係選擇上午班，所以都係叫我聯絡分校。我都想知收生標準，亞仔當日表現雖然唔係特別好，但尚算 OK 答到所有問題 &有 D 怕醜。我都見到有老師同家長好好傾，好似閒話家常咁，都唔係問小朋友問題， ...

我都約咗"又一村"明天9:30做interview, 你就好啦, 總算有間收咗先, 有哂定心丸, 又一村interview 問咗你仔仔乜嘢問題???? 我好担心無學校收我女女, 到時唔知點算好.................:cry:

小虎哥

首先係地下課室登記，然後去公園玩一陣，跟住上一樓 in ，我同亞仔到課室門口老師就去嚟帶我哋坐低，之後就分別攞咗巴士、小巴、的士叫亞仔講係乜 → 叫佢推 D 車比老師、老師又推 D 車比佢"摺"住→ 叫佢比 D 車我 →問的士乜嘢色 → 老師攞個波問亞仔個波邊到同的士一樣色 ( 亞仔唔識答 )，最後老師比粒糖亞仔，我諗睇吓佢識唔識講多謝。
我個人意見當日衣着要整潔、不要太隆重，最要有禮貌，見到老師要 Say hello & 走要 say goodbye！
P.S. 如果小朋友唔識答唔好咁緊張，比 D 時間佢，老師會引導佢哋答的。
希望幫到你啦:

小虎哥

仲有一坐低老師會問小朋友乜嘢名，另外我見到除咗車、波、仲有一個洋娃娃。

heidilam

原文章由 小虎哥 於 07-11-9 16:48 硐表
首先係地下課室登記，然後去公園玩一陣，跟住上一樓 in ，我同亞仔到課室門口老師就去嚟帶我哋坐低，之後就分別攞咗巴士、小巴、的士叫亞仔講係乜 → 叫佢推 D 車比老師、老師又推 D 車比佢"摺"住→ 叫佢比 D 車我 →問的士 ...

唔好意思小虎哥, 我想問多你少少嘢, 當老師問你仔仔問題嘅時候, 你有無幫口引導你仔仔講嘢??? 同麻d早晨、拜拜等係你仔仔主動講定你叫佢講佢先講 ????

小虎哥

係 in 之前已見到好多老師，每個我都有叫佢   hello ( 平時搭 & 見到熟人叫佢 hello 都好樂意 ) 咁一入到課室我講老師 hello 佢咪照做 。喺答的士乜嘢色時佢無答過咗一陣我再問佢的士乜嘢色，佢就自己喺到玩車，再過一陣佢自己就講紅色。

蛋蛋媽410

10月27日我地in九龍塘~
係9月細女~!我地冇識人關係~
並安排在最後4:30見,5:00我地冇聽講座已走~
有d意外收左下午班正選,可編上午備取生,因當日見好多人同自己係細~

當時in只有嗲D,又係第一間in,我只有心急係出邊等...

[ 本文章最後由 蛋蛋媽410 於 07-11-9 17:38 編輯 ]

heidilam

Million Thanks!

mooncake3818

我都係收到信話唔收我個女, 我好激氣, 因為果日我個女既表現唔錯, 老師重讚佢成熟同聰明, 唔明點解都唔收, 係咪我話我比較prefer上午班所以唔收?  信入面寫"未能取錄為小組班正取生, 倘有學位空缺時, 又話另函通知, 講真, 有位我都唔會考慮啦, 因為如果係收就一早收左啦.  唉~~~

chrischris215

我囡囡都收到信可以入pm class. 但係我聽完個講座之後又覺得間學校應覺麻麻地. 所以我諗我都唔知交呢間既留位啦

winkyc

me too,講得好,我哋一樣係咁,講真聽好講座後,我覺得亞囡入唔到都唔緊要,個校監唔係好識講嘢嘅,講到斷斷續續,睇嚟佢好似好少講呢類型嘅講座喎!聽到我都冇乜心機,不過算啦,祝考到嘅小朋友係呢間學校可以好開心快樂,考唔到嘅小朋友~~加油努力呀,祝早日考到理想嘅學校啦!

原文章由 mooncake3818 於 07-11-9 19:44 硐表
我都係收到信話唔收我個女, 我好激氣, 因為果日我個女既表現唔錯, 老師重讚佢成熟同聰明, 唔明點解都唔收, 係咪我話我比較prefer上午班所以唔收?  信入面寫"未能取錄為小組班正取生, 倘有學位空缺時, 又話另函通知,  ...

天使必必

DEAR ALL
我原本打算比個囡讀呢間(07/08年度)，但好似你一様聽完講座後，我走去問校長d問題，佢既答案唔清識，好多因素之下，所以最後都無讀

原文章由 winkyc 於 07-11-10 03:15 硐表
me too,講得好,我哋一樣係咁,講真聽好講座後,我覺得亞囡入唔到都唔緊要,個校監唔係好識講嘢嘅,講到斷斷續續,睇嚟佢好似好少講呢類型嘅講座喎!聽到我都冇乜心機,不過算啦,祝考到嘅小朋友係呢間學校可以好開心快樂,考 ...

小虎哥

我當日無聽講座，因阿仔要返 playgroup ，真係好悶呀？大約講 D 乜？

chum

請問你地係唔係講緊牛津道啟思？有講座咩

winkyc

介紹學校名代表乜,尊重小朋友......,喺佢喥返學可以用學卷......唔知乜嘢優質教育......等等,好悶又講到斷下斷下,之後更冇心機聽 ,所以聽唔聽都冇所為!

原文章由 小虎哥 於 07-11-10 13:55 硐表
我當日無聽講座，因阿仔要返 playgroup ，真係好悶呀？大約講 D 乜？