控制近視加深的藥水

joyce1234

我非常不贊成用眼藥水控制近視.

近視,當然戴眼鏡最安全,但如果太細有近視或太細太深近視,令到父母覺得必須用一啲方法來減慢近視加深,而坊間只有兩個選擇(眼藥水/矯視鏡)的時候, 我會選矯視鏡.

原因好簡單:
矯視鏡,風險基本上父母可以控制到,例如:徹底清潔. 仲有,一有唔妥可以隨時停用.角膜受損那些問題,係因為唔夠清潔而令細菌入眼,仔細做好清潔那部份(即人為可以控制的部份)就可避免.

眼藥水,風險係父母控制唔到,因為長期放大瞳孔吸收更多紫外線, 對眼睛的影響,是即使你停滴之後,都仲會存在(這部份必然發生而且没有人可以控制). 特別係對小朋友發育中的雙眼.

當然,兩者唔用最好,但如果認真考慮風險和後果,我覺得矯視鏡比滴眼藥水穩陣一啲.

萬樂豬

我仔6歲150度近視，視光師就話只需要返學帶，其餘時間唔帶，但我家人就話長期帶先唔會加深近視。。

我好怕亞仔繼續深落去，我應該長期帶家返學先帶呢？

洋蔥頭媽咪

原帖由 sumyiuma 於 15-01-26 發表
請問有沒有人試過蔡司近視控制鏡片？

我仔有用蔡司鏡，漸進，成功控制近視，不過視光師都話唔係人人得，之前近視約三百度，唔知點解一年深左成百幾度，配戴之後頭半年冇深，之後深大約五十，呢兩年已經冇再深過，視光師都話隻鏡的確幫倒佢，而家都仲戴緊。

kalong

睇到scyauchris 話落雨企平台，我好身同感受，好感動。我仔今年7.5 years, 600度了，我自己1300度，遺傳比佢，從仔K2 開始已近視，每年增加。我有一段時間癲左咁，set 15  mins 睇書，望窗，每日落公園行一小時，零電視，零電子產品，週末去行山，又食杞子又藍苺素，仍然不停加。我當時收工立刻飛回家陪佢到公園行，全家人也比我神經質嚇怕，好大壓力，連仔也緊張起黎，最後我都聽人勸放鬆，怕影响仔的心理成長。

半年前 7years, 決定去養和試0.01 atropion,  用普通眼鏡，但半年仍加50度，之後而家試0.125 atropion, 要用漸進加全視線，黎緊12月覆診希望有幫助，始終7.5 years 600 度好擔心，如果12月又加深，我唔知仲加唔加濃度好

joyce1234

朋友話,想當年佢幼稚園畢業時已300餘度,細細個已是大近視妹,當時仲未有OK lens或眼藥水,只戴眼鏡,當然也是傳統學校,目前(大學畢業十幾年了)近視千餘度,生活除了要戴CON及洗CON之外,與常人没有分別. 依舊正常識男仔拍拖結婚.

她說細細個大近視,當然要留意及要加強保護雙眼,但父母也不必太擔心,她自己就是個好例子.

MMVV

我記得人地話近視是因為眼求拉長左，問其實眼藥水是幫整個眼球固定返，或只是控制晶體弧度？

yanyan68

回覆 joyce1234 的帖子

我都認同你的觀點，風險真的很重要！

mimi222shi

OK lens 好似仲危險, 我家姐戴緊, 間唔中會發炎.

kalong

葯水係用來放鬆睫狀肌的，等眼球唔好拉長得咁快。其實我仔天生眼球長，我都係希望有作用，如果以前得1% 真係未必會用，但見先在有低濃度才試下，希望有用

joyce1234

mimi222shi 發表於 15-9-10 19:05
OK lens 好似仲危險, 我家姐戴緊, 間唔中會發炎.

你個重點放錯了. 你家姐間中發炎,就應該停戴. OK lens 就係你遇到唔妥,可以即停, 或者以後唔再戴. 但係眼藥水滴入眼的後遺症, 你依家係唔會知, 在唔知的情況下結果就係一直滴. 結果...?

問題係點解你家姐如果覺得唔妥,點解仲繼續戴? 覺得唔妥又繼續戴,個問題係你家姐度喎.

mimi222shi

之前睇過理大,又睇過私家眼科醫生, 佢地對於用OK Lens/ 眼藥水, 基本係持相反意見.我的眼科醫生係反對用OK Lens, 因為佢一年收唔少症係用完後對眼出左事.
但視光師只會叫人用OK Lens
其實, 用呢2種方法都有風險, 戴眼鏡係最安全,但不能控制度數.

jojoplanet

咩方法都係要自己家長去行量啦, 每樣野都有風險.
- 由得佢加深會令角膜越來越增加眼疾風險, 我同事過千度就要定時去醫院CHECK
- 有人做完LASIK之後有問題
- 有人帶左OK LENS 十年由小學到而家大學都無問題
- 我自己初初帶CONTACT LENS一星期就發炎但之後20年都無事

但藥水我自己就一定唔會試..

Pauline_CC

回覆 mimi222shi 的帖子

其實控制度數只是次要. 最怕是深度近視(>600度), 眼球過長已引起眼疾的風險. 這些病可以好嚴重. 所以自己一定要抨估OKlens (或眼葯水) 嘅風險 vs. 什麼都不做而可能以後有眼疾嘅風險. 每個家長答案都可以不同.

joyce1234

眼藥水，我有兩個問題：
放鬆眼肌令吸入紫外線增加，長期嚟講，對雙眼有乜潛在影響？
長期用藥令眼肌放鬆，停用後眼肌會不會已失去本來的收緊放鬆能力？

Mingbb2000

看到有些JM說大個後深近視不緊要, 我就想說自身經驗. 從小開始我都是大近視, 我一路都不太重視, 都以為大不了都是戴眼鏡, 直至二十多歲大學畢業, 已經過千度都覺得沒問題, 只是有點不方便. 後來三十五歲後, 開始有黃班病變, 要做手術, 視力開始衰退, 醫生說都是因為深近視提早出現這些退化病變, 所以現在都很後悔, 以前沒有好好保護眼睛去減慢近視. 所以我現在都很緊張阿仔的近視情況, 不要重蹈自己的覆轍.  

Mingbb2000

阿仔的視光師說, 其實最好的減慢近視方法真是改變生活習慣, 每天最少有一小時的戶外活動望遠的東西, 看書要二十二十(即二十分鐘閱讀, 二十秒甚至兩分鐘休息望遠景), 不過我都知知易難行, 到現在我們都做不到他這個要求.

史丹福

我以前對近視的認識都很片面，直到身邊有四個人，都因為深近視而相繼視網膜脫落，其中一人已盲了，才恍然大悟，知道深近視的可怕。

kalong

我自己朋友係政府眼科醫生，一直以來醫生都係叫我仔不要用ok lens 及atropion 1%,  只叫我仔多户外，同看書休息，直到私家醫院有atropion0.01, 他們才叫我出去私家用低濃度，佢地係政府醫生，無利益衝突，所以我都信佢地D意見。 至於用atropion 後放左曈孔，係雖要配全視線及到户外戴帽，防紫外光的。總之，小朋友深近視，令人擔心

mimi222shi

我個醫生話0.01安全,唔知真假