點解會小四被追上?

little_yolky

shadeslayer 發表於 14-6-6 23:48
我意思係，别人根本無足夠認識比這類意見你。意見一係好 general,  一係信口開河，沒甚麼參考價值。别人閱 ...

唉, 你真係唔明白, 老師都好行貨下的。家長日問佢, 阿囡學術上仲有咩可以改善既地方, 佢笑笑口咁話：無了, 佢已經好好了。咁在學術待人處事仲有咩可以注意改進既地方, 佢又笑笑口咁話：無了, 佢已經好好了。

好似錄音機咁, 如果真係咁好, 就可以再高分啲啦, 咁係咩即係話阿囡資質, 依家已經係最盡, 係咁上下, 無得再好既意思呢, 唉！

little_yolky

IloveJJ 發表於 14-6-9 10:54
其實老師既野，真係好難講。佢對咁大班小朋友，邊有時間，逐個去了解佢既強弱呢?我自己認為做媽媽既，先最 ...

係呀, 所以先想話家長日時問下, 起碼知自己果個响全級大概係點樣, 我日日對住佢, 由佢出世果日就已經覺得點解呢個世界上有咁靚咁聰明既小朋友呢? 我差啲以為佢係天才添, 所以先想問下老師客觀既意見啫。點知老師句句都話：好好, 無乜可以改善了, 唓, 咁寄張成績表俾我咪得囉, 駛鬼徙我半日假去見家長咩。

scyauchris

考中文如果唔比份練習佢做吓，叫佢温習，她不會多過10分鐘就話讀完！我小朋友温書的速度同效率都好快，每科不會多過十分鐘，唔知她升到高小會考到d乜成績出來。

shadeslayer

原帖由 little_yolky 於 14-06-09 發表
其實我又好唔明, 啲細路對住個iPad玩得好專心喎, 點解轉咗讀書就唔專心?

利申：我窮等人家無iPad, 所以無 ...

食開味精多的食物，轉食青菜豆腐一般人会覺得點？

睇開聲畫俱佳的娱樂大片，轉看文藝片一般人会覺得點？

shadeslayer

原帖由 little_yolky 於 14-06-09 發表
唉, 你真係唔明白, 老師都好行貨下的。家長日問佢, 阿囡學術上仲有咩可以改善既地方, 佢笑笑口咁話：無了,  ...

可能老師好老實呢？

Yanamami

little_yolky 發表於 14-6-9 10:06
唉, 你真係唔明白, 老師都好行貨下的。家長日問佢, 阿囡學術上仲有咩可以改善既地方, 佢笑笑口咁話：無了,  ...

老師對阿妹comment都喺“已經好OK”。不過我地會講下喺屋企又點呢？除學術外，又有乜要改（老師會俾意見),要知道人無完美，總有d野可以改善的，無論喺生活上呀，有乜壞習慣呀之類，老師都會俾意見。我有乘機打下“小報告”呢~~~講阿女點點點，老師就可以喺校內做d野去“整治”她。

little_yolky

Yanamami 發表於 14-6-9 14:30
老師對阿妹comment都喺“已經好OK”。不過我地會講下喺屋企又點呢？除學術外，又有乜要改（老師會俾意見), ...

咪係囉, 大拿拿請半日假, 都係希望有咩可以改善到, 點知乜都無.....但係阿囡無乜嘢小報告可以俾我打, 佢都係一個好平凡既細路, 無乜特別跩, 都係咁自己顧自己。所以, 家長日時我哋靜咗, 有鳥鴉飛過。

little_yolky

shadeslayer 發表於 14-6-9 14:01
可能老師好老實呢？

老師係新老師, 唔知係咪咁既原因, 所以唔講嘢。

Isaacmommy

原帖由 scyauchris 於 14-06-09 發表
考中文如果唔比份練習佢做吓，叫佢温習，她不會多過10分鐘就話讀完！我小朋友温書的速度同效率都好快，每科 ...

我的小朋友也是加此，我覺得佢係唔識温書囉，但又唔肯照你方法去温，真沒有辦法！

little_yolky

IloveJJ 發表於 14-6-9 16:48
話時話，我以前都試過有啲小朋友，真係好好，好無問題，無話可說的。你女女會唔會就係咁？



  ...

呢個世界只有考第一and操行攞A既小朋友係無問題, 佢兩樣都唔係, 所以一定有得改善的。後面又無家長排緊隊, 當然有一啲時間真係可以用「鴉雀無聲」嚟形容。

JJDBB

原帖由 little_yolky 於 14-06-09 發表
呢個世界只有考第一and操行攞A既小朋友係無問題, 佢兩樣都唔係, 所以一定有得改善的。後面又無家長排緊隊,  ...

都是有問題嘅，哈哈！家家有本難念的經！

moondream3003

我仔P1 - P3 我都係咁做， 仲衰到功課都唔檢查， 讓他自食其果， 仔仔 40 - 50名，除了中文體育和視藝， 其他全部A,  但九月升小四了， 已經預告他知會開始搏命。

scyauchris

回覆 IloveJJ 的帖子

她只是小一，所以成績無乜問題！佢肯拿本書來温習，我收貨的，好過望都唔望。中文我就真係要佢做吓練習，因為她温得太快，有時是唱住歌温課文，我都唔知佢識唔識。不過長遠噤温書真的無問題嗎？

scyauchris

其實小朋友從來無大人跟開温習，到小五小六佢地會否自己盡力及懂得去温習考試呢？

shadeslayer

原帖由 little_yolky 於 14-06-09 發表
呢個世界只有考第一and操行攞A既小朋友係無問題, 佢兩樣都唔係, 所以一定有得改善的。後面又無家長排緊隊,  ...

不同意冇一百分及操行A便是孩子有問題。全級也難有一位一百分及操行A的孩子，咁即係全级第一第二也有問題。

這是吹毛求疵的心態，孩子如何得到學習的樂趣？你工作上，作為母親上，又是否一百分及操行A？

在某校某次考試一百分及操行A便是無問題，便没有改善空間？太膚淺了。