小六呈分試分享區

metrochung

脾氣同之前一樣即係漸漸復原，你自己都注意休息，祝願你仔早日出院

alhy.love

原帖由 kittylam 於 16-02-22 發表
今日細仔可以食到一碗醫院白飯，係入院幾日第一次食到，脾氣變返之前一樣衰（病得嚴重幾日好乖） 希望在明 ...

冇事安樂哂咯，小朋友唔舒服，做父母一定憂心不已，祝願大人同小朋友身體健康、快樂！

小時了了

little_yolky 發表於 15-12-17 11:26
努力呀, 真係好傷神架, 要先自己讀清考試範圍, 然後再細閱小朋友習作、練習、測驗一般衰D乜, 再參考老師平時有D乜古惑題型, 要比老師出的難小小, 深小小, 咁至得架。做完記緊要馬上教返點解錯, 咁先有用架。
做一份已經元氣大傷了, 你咁多科都做, 辛苦晒。

little_yolky, 妳嘅好介紹 ----- 自製Mock Exam卷. 阿女小五上學期我平生第一次做啲咁嘅野, 常識科10課自製Mock Exam卷俾女進補一下, 上星期五派成績表先至知阿女常識呢科考獲全級第2 (阿女平日每一科成績只係中游級40-50咋), 嘩! little_yolky 妳呢個秘笈真係唔講得笑, 真係好勁


P.S 上學期我好遲12月先至"的"起心肝自製Mock Exam卷, 只夠時間及精神做常識科, 中文只做到1課, 其他科無時間, 精神及心力咁做, 原來自製Mock Exam卷效果咁好, 下學期呈分試, 咁我要再早一兩個月做先至得. 我目標做埋中文及音樂


*** 各位呈分前輩, 您地呈三已考完又或正如火如茶進行中, 祝願大家仔仔女女身體健康最緊要, 然後考到心儀中學 ***

little_yolky

小時了了 發表於 16-2-29 11:11
little_yolky, 妳嘅好介紹 ----- 自製Mock Exam卷. 阿女小五上學期我平生第一次做啲咁嘅野, 常識科10課自 ...

我又發現咗一樣嘢，係未經科學核實。原來科數係好重要的！因為平均分相對偏高。

事源係咁既，大女今年學期初中文一下子跌咗20分，英文跌咗10分，數學升咗1X分。然後，經佢幾番努力、適應下，學期尾成績掀盅：整體成績中文跌10分、英文約跌3-4分、數學勁升1X分，其他科差唔多，總分同以前差唔多，結果全級名次勁升1X名，躍升史無前例既全級15名！


因此，我覺得一般同學仔既數學唔太差，佢以前係一直勁低於平均之下，但中文雖然跌足10分，但仍然係平均水平，同其他同學無拉得太遠，甚至因為深咗，好多人都一齊跌添。所以，數學科係同學們水準保持得比較平均既一科，你唔小心低咗就會影響好大。中文科因為大家平均分無咁高，所以平時高既同學雖然低咗，都只係接近平均水平，無咁傷。


當然，科科都高分就最好啦，我始終接受唔到佢科中文得7X分。

MASAYA

little_yolky 發表於 16-2-29 12:32
我又發現咗一樣嘢，係未經科學核實。原來科數係好重要的！因為平均分相對偏高。

事源係咁既，大女今年學期 ...

我女數學跌十幾分，中英各升幾分，但名次升十幾名，求大師指點

little_yolky

MASAYA 發表於 16-2-29 12:39
我女數學跌十幾分，中英各升幾分，但名次升十幾名，求大師指點

名次真係神奇的東西。

小時了了

little_yolky 發表於 16-2-29 12:58
名次真係神奇的東西。

little_yolky  音樂都要做？音樂考呈分試樂理 (好似佔80%) + 木童笛 (好似佔20%). 樂理那部份如果我有時間有精神有心力就做 Mock Exam, 因為阿女無學過琴或其他樂器, 佢睇五線譜都唔係好識, 如果呈分試唔操操樂理我驚會拉低成個 band (因阿女只係B1尾, B2頭咋)

little_yolky

小時了了 發表於 16-2-29 13:08
little_yolky  音樂都要做？音樂考呈分試樂理 (好似佔80%) + 木童笛 (好似佔20%). 樂理那部份如果我有時間 ...

你哋得兩part咁好既? 我哋音樂要唱歌仔、樂理卷、樂器、打拍子, 今年下學期仲要加埋木童笛, 考到頭暈。


BTW, 我有幫佢練唱歌仔。

Yanamami

考埋明天就大功告成啦~~

Yanamami

MASAYA 發表於 16-2-29 12:39
我女數學跌十幾分，中英各升幾分，但名次升十幾名，求大師指點

同学们既中英数都跌~

MASAYA

Yanamami 發表於 16-2-29 13:42
同学们既中英数都跌~

據我了解，同學們既中數大致不變，英文普遍大跌。以長途賽去睇，英文領先主車群，要畀唔少人追上係好容易既事，數學落後主車群，自己要追上卻係一件難事，所以雖然名次上升，但危機卻出現... 中文大約係主車群之中，暫時可以唔理...

小時了了

little_yolky 發表於 16-2-29 13:14
你哋得兩part咁好既? 我哋音樂要唱歌仔、樂理卷、樂器、打拍子, 今年下學期仲要加埋木童笛, 考到頭暈。:ho ...

Sorry! 睇返資料, 更正阿女學校五上音樂考試分數比例如下:

a) 30分樂理
b) 20分Project (呢 part 唔知呈分試仲有無?)
c) 50分木童笛+唱歌


P.S. 但係我記得上兩星期家長會好似講音樂呈分試80%係卷, 20%係表演演奏之類

babywoman

回覆 MASAYA 的帖子

可能數學大家都跌。
我識 一個小四生，數學100分，其它科都高，但英文70+，亦有級10幾

alhy.love

想問問你地呈分試會去操卷嗎？作用大嗎？我只俾補充練習唔知足唔足夠呢？

Himma0904

原帖由 alhy.love 於 16-02-29 發表
想問問你地呈分試會去操卷嗎？作用大嗎？我只俾補充練習唔知足唔足夠呢？



  ...

會，我覺得補充練習係會有用，不過操卷班就可以令學生多做該學校考試模式嘅試卷，所以幫助更大！

little_yolky

MASAYA 發表於 16-2-29 13:54
據我了解，同學們既中數大致不變，英文普遍大跌。以長途賽去睇，英文領先主車群，要畀唔少人追上係好容易既 ...

數學落後要追上主車群, 換咗個教練佢就得了

alhy.love

原帖由 Himma0904 於 16-02-29 發表
會，我覺得補充練習係會有用，不過操卷班就可以令學生多做該學校考試模式嘅試卷，所以幫助更大！



  ...

但5、6年級學校沒派卷，坊間補習社會有卷？

Yanamami

alhy.love 發表於 16-2-29 16:33
想問問你地呈分試會去操卷嗎？作用大嗎？我只俾補充練習唔知足唔足夠呢？



  ...

唔係本本練习每—part都啱，要揀黎做，所以本本只会做到60~80%｡ 無去操卷/補习，只係自己係屋企出下題俾佢，做下補充。

aeiou_drm

原帖由 alhy.love 於 16-02-29 發表
想問問你地呈分試會去操卷嗎？作用大嗎？我只俾補充練習唔知足唔足夠呢？



  ...

冇呀。我只係星期日，如果有時間的話, 就給一些相關的練習他做下。沒時間就做不到, 但都會溫一遍教過的書。

aeiou_drm

原帖由 alhy.love 於 16-02-29 發表
但5、6年級學校沒派卷，坊間補習社會有卷？

試下問下d 相熟師兄師姐家長, 看看可否借到測驗卷做參考, 因為考試卷多數學校收番。 你可以參考下學校個出卷模式。