朋友叩門成功分享

miriam

小朋友派位極差, 派左去寶校.

係放榜前兩星期打畀我問叩門要點做, 當時部份學校仍未放叩門資料上網, 所以只好用上年既資料做參考, 預備叩門文件.

放榜後真係出事, 即時同佢再睇返晒想要叩門既學校到底要點做, 同時叫佢寫叩門信前一定要睇晒學校網頁, 了解學校係點先好寫, 間間理念都唔同, 絕無可能一封信剩係改校名就通用.

5/6 佢畀晒所有資料我時, 通宵幫佢整叩門信同個人資料, 亦都再三叫佢一定要睇校網.

好喇~~~戲肉黎啦~~~

今日面試, 小朋友係即時取錄, 唔使等全部面試後再等通知.

我問返朋友時佢話校長好鍾意佢小朋友, 係面試前一家三口係好溫馨, 大家關係好密切, 全部係面帶笑容咁去等. 小朋友考核時都睇到好開朗活潑, 能力亦不弱.

最重要係見家長時既對答, 校長問有無野問時, 朋友真係有提出問題, 有關問題亦都係圍繞住學校發問, 校長好開心有家長真正係了解左學校理念先去叩門, 朋友係第一組家長面試兼第一個取錄, 同日拎埋通知信等之後註冊.

講咁多做咩??

就係想大家知道漁翁撒網式叩門時, 都一定要清楚學校理念, 睇校網係必須, 因為當中有好多細節係學校為學生度身訂造, 切合該校學生需要, 唔會間間學校都一樣.

朋友成功既關鍵, 就係佢親身去了解, 亦都花左幾晚時間去睇資料, 所以係家長面試時可以提出到唔同既問題, 有關問題唔係細心去睇校網根本唔會諗到去問.

最後, 小朋友非擁有特異功能, 參與活動證書一隻手數得晒.

mcl203

ccyin 發表於 16-6-16 14:10
係, 但我覺得答得自然, 大方, 好多學校都buy, 所以都係果句, 機會係留比有準備既人 ...

出"天書"答案....有愛心...關懷....專業....紀律....好評...弓弓....邊有得拗話你講錯野

ccyin

mcl203 發表於 16-6-16 09:58
"點解揀我地學校"

係, 但我覺得答得自然, 大方, 好多學校都buy, 所以都係果句, 機會係留比有準備既人

mcl203

ccyin 發表於 16-6-15 01:24
其實呢個post而家講都唔遲, 有d學校仲in緊，由其sec in, 係in校長/副校，一定一定要睇熟校網，了解校網內容 ...

"點解揀我地學校" <----呢條幾乎係幼...小....中.....面試....絕大機會問既問題....一定要做定D功夫....尢其是經小朋友把口出...更自然更易呃到分

maymay27

原帖由 miriam 於 16-06-14 發表
本帖最後由 miriam 於 16-6-14 14:43 編輯

樓主，支持你！問下有經驗朋友的意見都唔得，要靠"自己"⋯呢d一生人一遇的艱難，有朋友幫忙最窩心！

十一哥

我契仔也叩返第一志願

sissysze

原帖由 frogbobo 於 16-06-13 發表
抱歉！我覺得呢度有好多有心嘅家長，講嘅野係好正面好有用，但有時我會覺得忽略左時機嘅重要性。如果早兩個 ...

寶校總會有機會派到。點解唔之前2手準備，派到先甘騰... 我由揀kg.已預抽唔中頭獎，邊間kg可以幫到我叩門入我心儀小學...

puibb

原帖由 ccyin 於 16-06-15 發表
其實呢個post而家講都唔遲, 有d學校仲in緊，由其sec in, 係in校長/副校，一定一定要睇熟校網，了解校網內容 ...

我支持家長做足功課去叩門,機會是留比有準備既人,當年我都有做足功課小孩亦叩入左。但其實我覺得d津校in 家長真多餘,個九成經自行及抽獎入既學生家長有幾多清楚學校方向、辦學宗旨？

sissysze

原帖由 HK-MAN 於 16-06-13 發表
你朋友入到該學校,若到最終校長發現信裡信外係兩個人,都幾難為情.

你當學校傻架？interview時乜都睇到。一個準小一生未識由一條虫扮成一條龍呀

sissysze

原帖由 miriam 於 16-06-13 發表
內裡有咩問題我唔想解釋, 做朋友只會在心中, 吞得到幾多我吞晒.

同意朋友永遠在心中，不需日日相見

vivianho35

QQQme 發表於 16-6-15 00:44
如果你真係好心儀, 110照去馬... 叩門時加兩句感動人心的解說, 博一博... 我知有學校只in 111 及 110



  ...

110,係有誠意，但乙一果間得001,又要諗埋乙一抽唔中，扣門時會唔會比你in？我諗唔掂！頭快爆！

ccyin

原帖由 miriam 於 16-06-15 發表
點解噚日你唔出現

好似 P.1 初入讀時食午餐既問題都可以提出架, 問下會唔會有家長義工幫手, 家長義 ...

vencyk

原帖由 shawn 於 16-06-15 發表
愈來愈覺得叩門好似見工. 見工最後都會問你, 你仲有無問題問.

係衰過見工，多多少少工作一段長時間，自己見的工大部都是自己熟悉，小學自己都讀過，但點會知道現正多變教育？點答....

shawn

愈來愈覺得叩門好似見工. 見工最後都會問你, 你仲有無問題問.

miriam

ccyin 發表於 16-6-15 01:24
其實呢個post而家講都唔遲, 有d學校仲in緊，由其sec in, 係in校長/副校，一定一定要睇熟校網，了解校網內容 ...

點解噚日你唔出現

好似 P.1 初入讀時食午餐既問題都可以提出架, 問下會唔會有家長義工幫手, 家長義工會唔會話小朋友食唔到大件肉時會剪碎, 會既就提出自己意見 (自己諗下點講啦).

校網真係好多野睇, 但唔好好似我咁衰衰格格地睇下學校有無運用 "語言偽術" 囉.

miriam

fixedstar99 發表於 16-6-14 23:45
回覆 shawn 的帖子

吾好意思，問一個可能好低能既問題（小朋友讀緊K2，仲未填表）

我朋友都係跨區叩門, 必定係 000, 但佢好彩都叩門成功.

ccyin

其實呢個post而家講都唔遲, 有d學校仲in緊，由其sec in, 係in校長/副校，一定一定要睇熟校網，了解校網內容，學校方向，教學宗旨，係interview時借機會講出黎 (如校長問你對學校有咩期望、點解揀我地學校等等, 嗰時可以將d德、智、體、群、美再代入解釋一下)


面試表現淡定，一家人有共識


至於最後咩問題，我地曾經問過課外活動既問題，了解過後我地話會俾小朋友參加，希望可以同學習得到平衡，亦有機會可代表學校去表演/比賽。亦有問過幾時會收到面試結果，我地等到開學都會等的

yukisch

我都好想知最後問左咩問題?

QQQme

原帖由 fixedstar99 於 16-06-14 發表
回覆 shawn 的帖子

吾好意思，問一個可能好低能既問題（小朋友讀緊K2，仲未填表）

如果你真係好心儀, 110照去馬... 叩門時加兩句感動人心的解說, 博一博... 我知有學校只in 111 及 110

fixedstar99

回覆 shawn 的帖子

吾好意思，問一個可能好低能既問題（小朋友讀緊K2，仲未填表）
你提到好多學校要111先有面試機會，咁如果我住66區，但好想扣41區既小學，係點都做唔到111既啵，係咪？換句說話講，如果學校只係比有填111既學生機會，就意味著學校只收本區既叩門生，係咪咁既意思呢？