買票據爭入名校 漲價至200萬

elbar

　　小一入學爭崩頭，名牌私立小學學位「千金難求」。傳統名校赤柱聖士提反書院附屬小學去年首推一百萬元、為期十二年無息「定期票據計劃」，家長購買後可提名子女優先入學，即可優先獲第三輪面試，增加入學機會。校方宣佈票據今年加至二百萬元，稱「二百萬是一個比較合適的水平」。教育界人士認為，做法妨礙了中低層學生入學。

　　聖士提反書院附屬小學本月初發出通告，宣佈新學年（二○一七至一八）小一收生程序推出的定期票據計劃，票據選購價為二百萬元，十二年期無息，不可更改，不可轉讓及無擔保，將於十一月或以前發售，票據到期日為二○二九年八月三十一日，家長屆時取回二百萬本金。

　　成功認購票據的家長，其子女符合小學入學要求，便可「提名」入學。雖然被提名學生仍需跟大隊經過三輪面試，不過就可增加出線的機會，因學校會為被提名的學生抽取隨機編號，如他們成功通過首兩輪面試，編號愈前的學生可優先得第三輪面試，增加入學機會。

新學年加價　聖士提反：比較合適

　　去年「定期票據計劃」定價一百萬元，新學年將加價至二百萬元。校方發出通告：「基金公司（聖士提反基金有限公司）認為二百萬元是一個比較合適的水平。」校方又指去年首次發出票據，把面額「定得低些」，以便了解家長的接受程度。校方指，基金公司是以教育為宗旨的慈善機構，從票據獲得的資金會提供貸款予小學及書院作教育發展。

　　教協副會長、立法會議員葉建源指，私立學校在推出票據有其自由，但費用增幅之大，莫論基層，甚至一般中層亦未必能負擔，妨礙了中低層學生入學，認為「大家非鬥能力，而是鬥財力」，未必符合社會期望。

　　聖士提反書院附屬小學創於一九三八年，名人霍震霆及港鐵主席錢果豐均曾入讀，該校每年平均一千七百人報讀，只取錄約一百名學生，平均十七人爭一個學位。

Lindytiger

原帖由 NeoMom 於 16-07-07 發表
百貨應百客, 冇得好批評, 將有共同喜好背景的人集埋一起不是更好嗎? 至於名唔名校, 就等於名牌野, 你覺得名 ...

可能近來呢度太平靜，攪到大家要攞返件舊聞嚟批評下

NeoMom

百貨應百客, 冇得好批評, 將有共同喜好背景的人集埋一起不是更好嗎? 至於名唔名校, 就等於名牌野, 你覺得名咪名囉, 冇乜好拗

dereklg

超級學店，迫你買無息債券，佢用左你 d 錢去賺息，一年收息都收幾千萬

Cherie1228

辦學定辦銀行？

retriever

florence.lau 發表於 16-5-30 22:20
舊年搜集各學校資料時，本來都頗喜歡這學校，雖然學費貴，但設施好，都無可厚非。它發100萬債卷也沒令我有 ...

去過簡介會, 校長擺明唔放台下家長在眼內...

講多句都費事...

擺明面向強國.

事實上亦唔少強國人有興趣.

lukeskywalker

原帖由 polarbearlee 於 16-05-29 發表
其實都幾好，把一群財大氣粗的學生和家長一起放在唯利是圖的學店。

又唔能夠咁講，我囡囡間幼稚園好多同學都入呢間，佢地全部都好nice, 家境雖好，但好低調，沒有架子。

BearBearMummy

原帖由 florence.lau 於 16-05-30 發表
舊年搜集各學校資料時，本來都頗喜歡這學校，雖然學費貴，但設施好，都無可厚非。它發100萬債卷也沒令我有 ...

同意呢間學校越來越大陸化，佢既解釋，亦都係大陸化。

vpo0615

florence.lau 發表於 16-5-30 22:20
舊年搜集各學校資料時，本來都頗喜歡這學校，雖然學費貴，但設施好，都無可厚非。它發100萬債卷也沒令我有 ...

同意, 好似好白咁話咗俾人聽, 有錢至好嚟遞表, 無錢唔使諗.

florence.lau

舊年搜集各學校資料時，本來都頗喜歡這學校，雖然學費貴，但設施好，都無可厚非。它發100萬債卷也沒令我有負面評價。

但今年債卷由一百萬，一跳，跳去二百萬，就真的令我對這所學校有保留，因這正踐踏了香港人一個很核心的價值觀：「只要有實力，凡事有可能」。正正相反地，此行為像大大聲地說：「只要你有錢，凡事有商量」。這不是香港最抗拒的大陸文化嗎？

Raccch

無詳細瞭解過聖士提反書院附屬小學，如果真係好心儀一百萬會考慮，但二百萬就唔會啦，真係太貴了。如果買了票據都不是必入，咁同大抽獎都差不多，不如租樓去名校區搏大抽獎？

dbchu

去半島食個飯同去茶餐廳都一樣食得飽，去半島食到咁貴又係咁值？而且又一定係國內人嗎？也是財大氣粗嗎？
你覺得值咪去食囉，覺得唔值仲有大把選擇，無唯去批評.....

Soundervolt

有錢人未必一定財大氣粗，當中亦有唔少十分謙遜，不過有錢喺生活上確實會比較多選擇係事實。我對私校所有收生、課程、收費、行政方針全無異議，畢竟私校（唔係直資）係自負營虧，反正如果做法錯誤會自食其果。
一間全港面積最大亦咁有規模嘅私校如果單靠收取學費去維持營運、日常維修及提升各項軟硬件確實困難，但為何一間出產過無數優質學生、社會棟樑，擁有過百年顯赫歷史嘅名校唔能夠好似其他名校咁運用基金籌款方式去作為學校長遠發展開支，反而用debenture呢個方法呢？

HKTHK

回覆 Lucifer3960 的帖子

http://www.ssc.edu.hk/ssfftn/2017/002_FTN_CHI_2017.pdf
Look at 13

HKTHK

回覆 Lucifer3960 的帖子

There is a new building also

Lucifer3960

回覆 HKTHK 的帖子

不敢不敢......你正點出問題, VSA, ISF 就話無校舍, 要好多$$建新校, 但呢間不是上世紀已建成了嗎? 好像戰前吧? 有錯請指正, 另外, 辦學精神....不是有教會MISSION嗎? 在花花世界中忘記了起初的決心了嗎?

ok3

Lucifer3960 發表於 16-5-30 10:31
我反而覺得POLARBEARLEE的批評一針見血.
這個社會何時變成這樣.?? 有錢200萬...可以走精面,買學 ...

一針見血?? 我覺得係“以偏慨全”! 學校係咪學店我唔評論。不過將入讀嘅家長同學生就咁扣上財大氣粗嘅帽子, 我就覺得有d難以接受。咁大頂帽小朋友帶唔起㗎! 稚子何辜?? 入讀收費(貴)學校嘅學生就財大氣粗?! 敢問讀免費官津學校嘅學生又是否一定謙虛有禮??

HKTHK

又辦學精神, 又財大氣粗, 不過講咗兩頁都未講到重點, 唔用capital note, 邊個俾錢起學校呢? 淨係睇到件事嘅一邊就係度嘈嘈嘈

Lindytiger

其實香港仲有好多優質既學校, 只要家長用心教導, 小朋友總有出頭天. 我都係住公屋出身, 但自問今日都略有成就, 凡事總有可能, 做家長既樂觀一點才對嘛!

Lindytiger

回覆 Lucifer3960 的帖子

我唔係為一間學校抱不平,亦都為VSA, ISF .......... 有D野我覺得應該要發聲.  我想帶出香港真係應該要廣納唔同類型既學校, 咁先可以留住人材係香港. 坦白說, 如果無呢類型既學校, 就可能令到好多人才離開, 呢個會係香港之褔嗎? 我因為工作關係, 對香港既經濟環境(當中包括人口分配, 學校類型等)做過好多深入研究, 我亦都好愛香港呢個地方, 不過就唔得閒時時係EK 出現