細B IN N 班不愉快經歷

mamahahaha

星期六 同 細B ([size=14.4444446563721px]2013年尾) 去INTERVIEW, 諗住搵下D屋村學校希望要求無咁高等我BB有書讀下...點知原來要搵個學位真係好難...

我地去到先知得一個家長陪同, 咁當然就係我啦, 我BB 依家未識行，所以唯有手抱入去 (眼見同一批的小朋友已經識行，仲係好穩個種....我估未必係細B)
入到去除鞋去PLAYMAT圍圈坐，咁我地全最側邊，隔黎有個小朋友坐低無耐打左我BB一下...我BB就大喊...惡夢就開始了....

首先老師要我地跟佢做好似早操的動作例如企係度拗腰踏步等等，我BB當然唔識做 (呢個時候佢仲喊緊), 做完2個老師就好似ROLE PLAY 咁introduce d puppet出黎, 個d識行小朋友已經沖晒出去圍住個puppet, 而我bb當然係呆坐...好啦, 老師同埋puppet 都逐個小朋友say hello 比小朋友摸下...但老師竟然無理過我地 (因為我地坐最側邊....)
個陣時我已經有hard feeling 打算走, 不過心諗好啦黎到咪睇下in d 咩當上下堂啦....

入到課室要坐幼稚園的bb登，我bb未坐過(在屋企都係坐high chair 有安全帶個d), 所以佢又喊...同埋想走, 我唯有在後面扶住佢，老師拎左d杯出黎，但d杯係大人用的膠杯非學習杯，我bb唔識用...倒到佢同我都濕晒，之後玩玩具....最後老師拎d crayon 出黎叫大家畫畫....(下...我bb未學揸筆)...所以bb當然咩都做唔到...

我好無奈, 同埋不斷同bb講我地比d體育精神完成佢...最後我連鞋都著唔到就走左...我d 眼淚已經好想湧出黎...好難受

其實我唔介意無 interview 機會, 咁咪遲一年入學law, 點解要比個機會我地但黎到又咁玩我地呢？你比d我地細b無咩可能做到的項目比我地...我好懷疑呢d老師係咪真係識得因材施教...
黎緊仲有2個interview, 但我已經好驚, 驚到時咩都做唔到....

其實歲幾的bb係咪已經識得做早操動作, 自己飲水, 畫畫等等架？

11月真係好難捱，純呻，不喜勿插

vpo0615

除咗年紀大細, 我諗小朋友當時心情/狀態都好有關係. 就算响屋企成日講嘢, 一去到陌生地方就唔肯出聲......

L+H

monlingling 發表於 14-1-2 10:00
其實去in都講運氣，我個一月大B，怕醜去in唔敢講野，正因為是大B老師expect佢要講早晨、謝謝，bye bye，結 ...

同意，我地係中b，笑多d,say hi 已經有分，老師要求低好多。

csc1150

回覆 mamahahaha 的帖子

我對8月孖B見左好多間都係未有offer, in到好灰呀, 有時真係想問點解搵個幼稚園學位都咁難

monlingling

其實去in都講運氣，我個一月大B，怕醜去in唔敢講野，正因為是大B老師expect佢要講早晨、謝謝，bye bye，結果幾乎全軍覆沒，d老師語氣上好似覺得佢啞既咁，只有一間pm offer，事後回顧，收pm果間係爸爸陪佢入去，有一半時間喊住叫媽咪，可能因為咁老師知佢唔係啞，起碼表達到想搵媽咪所以收左！
問過教幼稚園的朋友，佢話唔講野（原句：語言表達唔得）係唔會收，果刻我覺得灰爆。有朋友細B見人會主動揮手hi，走時笑咪咪bye bye，有幾個offer。我自問無能，開發唔到阿囡呢d性格。

mrschan127

如果人人可以選擇時間生仔，那就不會有人想生都生唔到啦！不負責任。
我個係中b男，都係得1個offer,本來打算冇就唔讀，慢慢長路，讀小年唔會屎。

Irenecys

Sorry, 果post有少少長，先講講我的情況，大仔12年1月出世,細仔13年12月出世。
大仔見pn時在某程度上是有優勢，就算in得唔太好都有offer,但係in 時都真係一把汗，因為大過d,活動能力高d,又自主d,但又未明白晒要守規矩，所以就無咁肯聽話，見到想玩的玩具就有心機同老師玩，否則就周圍望或行，看看課室內有甚麼玩具好玩，唔專心答老師。有野唔識做或唔識講又會俾老師話“吓，佢咁大個都唔識呀！你在家沒有train佢這個嗎？” 。就算老師唔講，但眼見其他細過佢的小朋友(當然女仔居多)都做到(例如未夠一歲半就講到自己個名和好多野)，都搞到自己擔心個仔是否發展慢咗，懷疑自己是否做唔夠…但問番兒科醫生佢地又會話俾你聽這個歲數未發展到這個程度是正常，果時都幾1516…

所以你話做大b/超大b是否一定好些?我認為未必然，老師點都對大些的小朋友有多些要求，對細d的bb則會用低一點的標準。當然我同意就遊戲規則而言，細b是無咁著數，因為有些學校會講明唔收細b,又好多學校收完大些的bb還有位才考慮細b。

始終pn唔一定要讀，如果只為讓小朋友學習群體生活,playgroup也可以，而且返playgroup應該無咁容易病。所以，我今年沒有特別為細仔報pn，只報了哥哥果間，因為見間學校收了不少細b，而整體來說新生適應安排好。而間學校講明細b要出年5月後才會安排面試，我也覺得ok,起碼佢到時大過d，表現都會好些，總好過現在去in還不懂得俾反應老師。

不過，下年就真係要想清楚是否讓他做細b(報k1)還是超大b(報n)。我想應該兩者都會報，看看他到時發展情況是適合哪一個。雖然一次過in咁多好辛苦，其實正面點來說，細b有多個選擇都好，我都唔想只著眼做超大b,遲一年in k1的話怕會給自己好大壓力，如果到時in得唔理想的話，可能個人仲down,仲驚，又後悔點解浪費了一年。始終in k1時有些中/細b漸漸追到大b，大b的優勢漸減。

樓主也不用太在意in時小朋友完唔完成到d tasks，去多幾次後就會發現小朋友雖小，但也會自己揀學校，高興果日就表現好些，唔鍾意果日就會玩野扭計明明識都唔睬老師。學校揀你，你和小朋友也在揀學校，講到幾好幾有名的學校，安排差/小朋友唔鍾意的話，俾個位你，你也要考慮它是否適合你小朋友。

反而我會在意小朋友面試時表現出來的自己，在過程中你會留意到一些你意想不到的情況，你以為佢唔識的東西，有時在面試時又會不知不覺間做到；你以為佢好sociable或怕羞，但原來可以在面試時剛好相反…總之，在過程中你對小朋友會加深認識，enjoy。

紫蘿蘭

我女in 時遇上一位嚴肅既老師，笑容欠奉。阿女連望都唔敢望，之前in 兩間表現都唔係咁，當時我都好愕然。我見老師望住我女，黑晒面。後來又去另一間in, 今次係啲老師扮晒小朋友聲，吊高八度講野，我女又係唔同佢地玩，不過唔係怕，只係我估係唔知啲老師點解咁講野。但老師好有耐性佢，最後乜都肯回應老師。
由此我即睇到兩間學校既分別。

puiyee61

我8/11 in 果間口啤好的joyful, 也很不愉快, 我囡係2013年10月B, interview 得呢間有, 好想佢出年有N班讀, 但佢又係group in 第一個喊, individual in 時, 一見個鬼佬就狂喊, 係咁攬住我唔肯坐, 個鬼佬黑晒面............我唯有唔in 走人, 因為阿囡interview 之前仲打左1歲針.........我唔明點解香港既小朋友咁慘, 要有N班讀......我都唔想迫阿囡讀N, 但又唔想阿囡出年冇得讀, 要後一年才有得讀, 但冇法啦, 由出世開始, 香港呢個遊戲規則就係咁, 不過我知有D名幼稚園D爸爸媽媽可以走後門, 真係好唔公平.......好似我有個朋友, 佢小朋友又係10月B, 但上年有得唔晒點in 就入到 KLT canxxx...........

mamahahaha

Shangrila 發表於 14-11-25 01:27
雖然我嗰個唔係細b，但明白你唔開心嘅感覺，我都試過幫bb報幼稚園playgroup，我好想bb日後讀呢間幼稚園，佢 ...

我地都係制度下的受害人，生得BB預左要參加呢個不知所謂的遊戲，大家都努力吧....

Shangrila

雖然我嗰個唔係細b，但明白你唔開心嘅感覺，我都試過幫bb報幼稚園playgroup，我好想bb日後讀呢間幼稚園，佢playgroup收咗就入緊，不過佢話要bb夠一歲先可報，我bb夠歲數就已即刻報，但我bb5月尾出世，呢頭遞咗申請表，佢連面試都無，學校已經話收滿人，我當時都覺得唔開心。就係覺得點解咁唔公平，點解早啲出世就著數啲？

不過有時候有啲制度嘅嘢就係咁，我哋惟有盡力而為，盡咗力，問心無愧。

其實去面試單止係學校見個小朋友，你都一樣評估緊間學校係咪適合你嘅小朋友，我都報咗啲好多人話好嘅學校，但有一間其實我報名當日已經發覺唔掂，就算bb無學校收，都唔會去面試，有一間見完之後發覺佢啲老師唔多掂。另外又有兩間報名時覺得唔錯，但bb病咗去唔到面試。有時候好多嘢都好難講，有啲嘢係整定，所以你自己都要放鬆啲。

其實你今次見呢間學校都幾古怪，邊有學校會俾真杯仲要裝埋水嚟試個小朋友?真係得閒過頭無嘢做咩！老實講，可能一月啲大b真係做得到啩，但我嗰個都仲未得！咁嘅學校，佢收你，你都要諗下讀唔讀。

我成日都覺得，一味以深嘅題目去考核學生，只代表佢哋對幼兒嘅發展唔理解。再講，佢今日可以因為你bb細就無視你哋嘅存在，即使入到對你bb都無好處！

開心啲！The best is yet to come!

tulipmama

相信講者係無心既。

你要帶大細B真係唔容易，加油

tulipmama

恭喜您！

chilungmail

回覆 mamahahaha 的帖子

恭喜! 加油!!

mamahahaha

我想UPDATE 下, 我上星期六又去左INTERVIEW 喇, 果然BB係會選中意的學校, 佢一入到房已經望住個老師笑晒，玩玩具又笑, 由頭笑到落尾，雖然老師叫佢指眼耳口鼻佢唔SHOW 老師，但我覺得BB已經超額完成，至少佢無喊，好enjoy! 最surprise 的是，佢前一個星期都唔識坐唔係high chair 的chair，但今次佢可以由頭坐到尾，好感恩!!!

講返d 老師，d老師好好，我bb唔識指眼耳口鼻，我話我根本無教，就算教左佢知道，佢一定唔會識指出黎 (因為佢根本唔識手指指)....但個老師無話佢，反而話︰「你bb咁細唔識好正常架」 我聽完覺得好舒服....我好enjoy 今次interview!!

呢d就係高下立見，好希望有機會入到(下年)....哈哈哈  

jtw_ki

我女女都係11月b, 諗住出年做超大b

Carrie226

我個仔上年都係甘，反而收咗😁😁

seaker

我b九月b..已經卡住左，哈，我女仲要早產(28周，原本十二月出世）。。發展仲未跟到九月b..只跟到十二月b..仲未識行，只識扶嘢行。。因早產，好細粒。。。十一月頭去in時，個老師第一句話“嘩，你個女咁細粒既“。。（個心已經唔好受，心諗，我女出世2磅都無，住左三個月醫院，而家有18磅已經好叻，係矮。。唔知點解咁細粒就唔好咁直接講），入去無乜比我女玩玩具，，好快in完，我諗都無機。。但我睇到有啲老師的確需要多少少專業培訓，至少唔好咁講嘢hurt 人。。haha..我都阿q..有得讀咪讀，無咪下年報k
樓主，唔好擔心，個個有唔同經歷，我覺得最緊要小朋友健康快樂成長！幼稚園只係人生一小段